QO‘LLASH BO‘YICHA YO‘RIQNOMA
RINOFLUIMUSIL®
RINOFLUIMUCIL®
Preparatning savdo nomi: Rinofluimusil®
Ta‘sir etuvchi moddalar (XPN): asetilsistein, tuaminogeptan sulfati
Dori shakli: nazal sprey
Tarkibi:
100 ml eritma quyidagilarni saqlaydi:
faol moddalar: asetilsistein – 1,0 g, tuaminogeptan sulfati – 0,5 g;
yordamchi moddalar: 0,01 g benzalkoniy xloridi, 0,75 g gipromelloza, 0,02 g dinatriy edetati, 0,3 g natriy digidrofosfati, 0,3 g natriy gidrofosfat dodekagidrati, 0,1 g ditiotretiol, 2,0 g 70% li sorbitol, 0,0188 g yalpiz aromatizatori, 0,31 g 96% li etanol, 0,36 g natriy gidroksidi, tozalangan suv 100 ml gacha.
Ta‘rifi: deyarli rangsiz, tiniq o‘ziga xos yalpiz hidli, biroz oltingugurt hidli suyuqlik.
Farmakoterapevtik guruhi: antikongestiv vosita.
ATX kodi: R01AV08.
Farmakologik xususiyatlari
Farmakodinamikasi
Rinofluimusil® mukolitik, shishga qarshi ta‘sir ko‘rsatadi.
Preparatning tarkibiga kiruvchi asetilsistein shilliqning glikoproteidlarning disulfid bog‘larini uzish yo‘li bilan shilliq va yiringli-shilliq ajralmalarga suyultiruvchi ta‘sir ko‘rsatadi. Asetilsistein shuningdek yallig‘lanishga qarshi (leykositlarning xemotaksisini tormozlaydi) va antioksidant ta‘sir ko‘rsatadi.
Tuaminogeptan sulfati, simpatomimetik amin bo‘lib, mahalliy qo‘llanganda qon tomirlarini toraytiruvchi ta‘sir ko‘rsatadi, shilliq qavatning shishi va giperemiyasini bartaraf qiladi.
Farmakokinetikasi
Tavsiya qilingan dozalarda mahalliy qo‘llanganida preparat so‘rilmaydi.
Qo‘llanilishi
Quyuq yiringli-shilliq sekretli o‘tkir va nimo‘tkir rinit, surunkali rinit, vazomotor rinit, sinusitda qo‘llanadi.
Qo‘llash usuli va dozalari
Preparat maxsus purkagich yordamida sprey ko‘rinishida burun bo‘shlig‘iga yuboriladi.
Kattalarga: spreyning 2 dozasi (klapanga 2 marta bosib) har bir burun yo‘liga kuniga 3-4 marta yuboriladi.
Bolalarga: spreyning 1 dozasi (klapanga 1 marta bosib) har bir burun yo‘liga kuniga 3-4 marta yuboriladi.
Davolash davomiyligi 7 kundan oshmasligi kerak.
Shifokor bilan maslahatlashmasdan tavsiya qilingan dozalarni va davolash kursini oshirish mumkin emas.
Spreyni qo‘llash bo‘yicha yo‘riqnoma
- Eritmali flakonning qalpoqchasini yeching.
- Purkagichning himoya qalpoqchasini yeching.
- Purkagichni flakonga biriktiring.
- Purkagichning qopqoqchasini yeching.
- Takroriy bosish bilan purkagichni faol holga keltiring.
Nojo‘ya ta‘sirlari
Kam hollarda: allergik reaksiyalar, qo‘zg‘alish, yurakni urib ketishi, taxikardiya, tremor, arterial gipertenziya, siyishni tutilishi, burun, og‘iz va xalqumning shilliq qavatlarini qurishi, yog‘ bezlarini yallig‘lanishi yuz berishi mumkin.
Qon tomirlarini toraytiruvchi moddalarni saqlovchi dori vositalarni uzoq vaqt qabul qilish burun va burunning yondosh bo‘shliqlarining normal faoliyatini o‘zgartirishi mumkin, shuningdek preparatga ko‘nikish chaqirishi mumkin.
Qo‘llash mumkin bo‘lmagan holatlar
Rinofluimusil® ni preparatning komponentlaridan biriga yuqori sezuvchanlikda, yopiq burchakli glaukomada, tireotoksikozda qo‘llash mumkin emas. Preparatni trisiklik antidepressantlar va monoaminooksidaza (MAO) ingibitorlari bilan davolanish vaqtida va davolash tugaganidan keyin 2 hafta davomida qo‘llash mumkin emas.
Ehtiyotkorlik bilan: preparatni bolalarga (3 yoshgacha bo‘lgan), bronxial astmasi, arterial gipertenziyasi, stenokardiya III-IV funksional sinfi, tez-tez eestrasistoliyasi bo‘lgan bemorlarga ehtiyotkorlik bilan qo‘llash kerak (davolash shifokorning kuzatuvi ostida o‘tkazilishi kerak).
Dorilarning o‘zaro ta‘siri
Rinofluimusil MAO ingibitorlari va trisiklik antidepressantlar bilan nomutanosib, chunki oxirgilar simpatomimetik vositalarning ta‘sirini potensiyalaydi, va bu tuamingeptan bilan bog‘liq bo‘lgan tizimli nojo‘ya samaralarni rivojlanishiga olib kelishi mumkin. Rinofluimusilni antigipertenziv vositalar bilan bir vaqtda qo‘llanganda antigipertenziv samara susayishi mumkin.
Maxsus ko‘rsatmalar
Faqat nazal qo‘llash uchun.
Rinofluimusil® transport vositalari va boshqa mexanizmlarni boshqarish imkoniyatiga ta‘sir ko‘rsatmaydi.
Preparatni homiladorlikda va laktasiya davrida faqat ona taxmin qilinayotgan foyda, homila yoki go‘dak uchun potensial xavfdan ustun bo‘lgandagina qo‘llash mumkin.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Simptomlari: tuaminogeptan bilan bog‘liq tizimli nojo‘ya samaralar (taxikardiya, tremor, xavotirlik, arterial bosimni oshishi, ko‘nikish) rivojlanishi mumkin.
Davolash: simptomatik davolash o‘tkaziladi.
Chiqarilish shakli
Nazal sprey.
10 ml dan to‘q-sariq rangli shisha flakonda. 1 flakondan purkagich va qo‘llash bo‘yicha yo‘riqnomasi bilan birga karton qutida.
Saqlash sharoiti
15 dan 25ºS gacha bo‘lgan haroratda saqlansin.
Yaroqlilik muddati
2,5 yil.
Flakon ochilganidan keyin ichidagisi 20 kun davomida ishlatilishi kerak.
Dorixonalardan berish tartibi
Reseptsiz.
