Mahsulotning ko'rinishi saytdagi rasmdan farq qilishi mumkin.

RINOKSIL FORMULA+ sprey 10ml 0,05%

Name: RINOKSIL FORMULA+ sprey 10ml 0,05%
Brand: Nika Pharm
SKU: 57128
Price: 1100 UZS
Availability: InStock
Rating: 5 (1 reviews)

Kategoriya:

- Nazal vositalar

Ishlab chiqarilish joyi:

- O'zbekiston

Faol modda:

Оксиметазолина гидрохлорид

ko'proq ko'rsatish

Ishlab chiqaruvchi:

- Nika Pharm

Vakil:

- Nika Pharm

ATX kodi:

- R01AA05

Barcha Rinoksil dorilari

Noaniqliq haqida habar berish

Toshkentning 286 ta dorixonasida topildi

ico 1 100 s`om dan

Dorixonalardan izlash

ico 32 500 s`om dan + yetkazish

Buyurtma berish

ico 28 000 s`om dan

Bron qilish

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

0,05% li nazal sprey, 10 ml, 15, ml dan, dozalab purkaydigan moslamali flakonlarda. Flakon tibbiyotda qo'llanilishiga doir yo'riqnomasi bilan birga karton kutiga joylashtiriladi.

Farmakologik ta'sir

Mahalliy qo'llash uchun α-adrenostimulyator vosita, qon-tomirlarni toraytiruvchi va antikongestiv ta'sir ko'rsatadi. Oksimetazolin α1-adrenoreseptorlarni rag'batlantiradi, burun shilliq qavati, burun atrofi bo'shliqlari va Evstaxiy nayi qon-tomirlarining torayishini chaqirib, allergik va/yoki yuqumli-yallig'lanishli rinit (tumov) da ularning shishini pasayishiga va burun bilan nafas olishning engillashishiga olib keladi. Levomentol, evkalipt moyi va kamfora saqlagan preparatni intranazal kiritish shilliq qavat sathidagi uch shoxli nervning sovuqni sezuvchi reseptorlari bilan ta'sirlashishi natijasida burun shilliq qavatining vaqtinchalik sovish hissini chaqiradi.

Tarkibi

100 ml eritma quyidagilarni saqlaydi:
faol modda: oksimetazolin gidroxloridi – 0,05 g;
yordamchi moddalar: levomentol, ratsemik kamfora, evkalipt moyi, natriy digidrofosfat digidrati, dinatriy edetati (trilon B), benzalkoniy xloridi (50% li eritma ko'rinishida), propilenglikol, 0,1 M xlorid kislotasi eritmasi yoki 0,1 M gidroksid natriy eritmasi, tozalangan suv.

Farmakokinetikasi

Mahalliy qo'llanilganida oksimetazolin ahamiyatsiz darajada tizimli so'rilishga uchraydi, shuning uchun uni qon plazmasidagi kontsentrasiyasi kam. Ta'siri bir necha daqiqadan so'ng namoyon bo'ladi. Ta'sirining davomiyligi - 10-12 soat.

Nojo'ya samaralari

Har qanday dori preparati kabi, Rinoksil® formula+ ham, har bir iste'molchida kuzatilmasa-da, nojo'ya ta'sirlar chaqirishi mumkin.
Quyida me'yoriy-huquqiy faoliyat bo'yicha tibbiy lug'at tasnifi bilan muvofiq holda tizim-a'zoli sinflar (MedDRA) bo'yicha bo'lingan nojo'ya samaralar keltirilgan. Nojo'ya samaralarning uchrash sonini ko'rsatish uchun JSST tasnifdan foydalanilgan: juda ko'p (≥10%), ko'p (≥1% va <10%), ko'p emas (≥0,1% va <1%), kam hollarda (≥0,01% va <0,1%), juda kam hollarda (<0.01%), tez-tezligi noma'lum (mavjud ma'lumotlar asosida nojo'ya samaraning uchrash sonini aniqlashning iloji yo'q).
Rinoksil® formula+ odatda yaxshi o'zlashtiriladi. Preparatni tez-tez va/yoki uzoq muddat qo'llash mumkin:
- umumiy buzilishlar va qo'llanish joyidagi buzilishlar: ehtimoli mavjud – ekzantema; ko'p – burun bo'shlig'i shilliq qavatining achishishi yoki qurishi, aksirish, Rinoksil® formula+, preparatini qo'llashdagi samara o'tib bo'lgandan so'ng kuchli burun bitishi hissi (reaktiv giperemiya), ko'rishning buzilishi (ko'zga tushganda). Qon - tomirlarni toraytiruvchi preparatlarni uzoq muddat va to'xtovsiz qo'llash taxifilaksiya, burun bo'shlig'i shilliq qavatining atrofiyasi va burun bo'shlig'i shilliq qavatining qaytar shishi (dori vositalari chaqirgan rinit) ga olib kelishi mumkin.
- yurak-qon tomir tizimi tomonidan: ko'p emas – AQB ning ortishi, taxikardiya; ehtimoli mavjud: yurak urishining sezilishi.
- nerv tizimi tomonidan: kam hollarda - bosh og'rig'i, uyqusizlik; ehtimoli mavjud: bosh aylanishi, xavotirlik hissi, ta'sirchanlik, uyquning buzilishi (bolalarda).
- ovqat hazm qilish tizimi tomonidan: ehtimoli mavjud - ko'ngil aynishi kuzatilishi mumkin.
Agar sizda ushbu yo'riqnomada keltirilmagan har qanday boshqa nojo'ya reaktsiyalar qayd etilsa, iltimos, o'zingizning shifokoringiz, farmasevtga yoki ishlab chiqaruvchiga xabar bering.

Maxsus shartlar

Uzoq vaqt qo'llashdan va dozani oshirib yuborilishidan saqlanish lozim.Yurak qon-tomir tizimining kasalliklari, gipertireoz, arterial gipertoniyasi mavjud pasientlarga dori ehtiyotkorlik bilan buyuriladi. Odatda Rinoksil® formula+ ni tavsiya qilingan dozalarda qo'llaganda rinit belgilarini bartaraf etish uchun 3 kun etarli. Agarda bu davrda belgilar yo'qolmasa, davolovchi shifokor bilan maslahatlashish kerak.Uzoq muddatli qo'llanilganda (bir haftadan ortiqroq) burun bitishi belgilari qaytalanishi ehtimoli bor.Davolanishning maksimal davomiyligi – 5-7 kun. Preparatni faqat bir necha kundan so'ng qayta qo'llash mumkin.Preparatni ko'zlarga tushishiga yo'l qo'ymaslik kerak. Bir flakonni bir nechta shaxslarda ishlatish infektsiyaning tarqalishiga olib kelishi mumkin. Flakondan faqat bitta shaxs (infektsiyani yuqish xavfi tufayli) foydalanishi kerak.

Qo'llanilishi

Burun shilliq qavatini, burun-xalqum va gaymor bo'shliqlaridagi shishni kamaytirish uchun:
- shamollash kasalliklarida (o'tkir rinit);
- burun bo'shliqlarining yallig'lanishida (o'tkir sinusit);
- evstaxiytda;
- allergik rinitda; (shu jumladan, pichan isitmasida);
- o'rta otitda (yordamchi davolash vositasi sifatida, chunki Evstaxiy nayining teshigi atrofidagi shilliq qavatining shishini kamaytiradi).
Shuningdek, burun bo'shlig'ining qurishni engillashtirishi uchun yoki jarrohlik muolajalarida ham qo'llaniladi.

Qo'llanilishi mumkin bo'lmagan holatlar

Preparatga, shu jumladan boshqa intranazal qo'llash uchun shishga qarshi vositalariga o'ta yuqori sezuvchanlik, atrofik rinit, gipertireoz, sekresiya ajratmalarisiz burun yo'llaridagi shilliq qobiqning yallig'lanishi, homiladorlik, laktasiya, monoaminooksidaza ingibitorlarini bir vaqtning o'zida qo'llash (ular bekor qilingandan keyingi 14 kunlik davr davomida), 6 yoshgacha bo'lgan bolalarda qo'llanmaydi.
Ehtiyotkorlik bilan: preparatni ko'z ichki bosimining oshishi, surunkali buyrak etishmovchiligi, aritmiya, prostata bezining giperplaziyasi klinik belgilari bilan (siydik tutilishi), yopiq burchakli glaukoma, yaqqol ateroskleroz, koronar arteriyalar kasalliklari, feoxromositoma, surunkali yurak etishmovchiligi, qandli diabet, arterial gipertenziyada ehtiyotkorlik bilan qo'llash kerak.

Dori vositalarining o'zaro ta'siri

Davolovchi shifokoringizga yoki farmasevtga xar qanday boshqa preparatlarni qabul qilayotgan bo'lsangiz yoki yaqinda qabul qilgan bo'lsangiz, xatto u reseptsiz beriladigan bo'lsa ham, bu haqida xabar bering.
Preparat boshqa qon tomirlarni toraytiruvchi vositalari bilan buyurilganda (yuborish usulidan qat'iy nazar) nojo'ya samaralarining o'zaro kuchayishi kuzatilishi mumkin. Oksimetazolin mahalliy og'riqsizlantiruvchi vositalarining so'rilishini sekinlashtiradi va ularning samarasini uzaytiradi.
Mao ingibitorlari (ular bekor qilingandan keyingi 14 kunlik davr davomida) va trisiklik antidepressantlar bilan bir vaqtda buyurilganda – AQB ning oshishi qayd etilishi mumkin.

Maxsus saqlash sharoitlari

Quruq, yorug'likdan himoyalangan joyda, 25ºS dan yuqori bo'lmagan haroratda saqlansin.Bolalar ololmaydigan joyda saqlansin.Muzlatilmasin.

Dozirovkasi

Har doim Rinoksil® formula+ ni Sizning davolovchi shifokoringiz tavsiyalariga aniq amal qilgan holda qo'llang. Agar siz nimadandir ikkilansangiz, o'zingizning shifokoringiz yoki farmasevtdan so'rang.
Nazal sprey.
Kattalar va 12 yoshdan oshgan bolalar uchun – har bir burun yo'liga 2 martadan sutkada 2 mahal purkaladi.
6 yoshdan 12 yoshgacha bolalar uchun - har bir burun yo'liga 1 martadan kuniga 2 mahal purkaladi. Preparatni kuniga 2 martadan ortiq qo'llash mumkin emas.
Oxirgi applikasiyani bevosita uxlashdan oldin amalga oshirish tavsiya etiladi.
Preparatni bevosita qo'llashdan avval flakonni tana haroratigacha isitib olish uchun qo'l kaftida ushlab turish kerak. Preparatni qo'llashdan oldin burunni yaxshilab tozalash zarur.
Nazal spreyni birinchi qo'llashdan oldin purkagich kallagini bir necha marta bosish orqali uning "kalibrovkasini" amalga oshirish kerak. To'g'ri purkash uchun purkagichni vertikal tarzda shunday ushlash kerakki, purkagich nayi yuqoriga qaratilgan bo'lishi lozim. So'ngra shaffof himoya qalpog'ini olib, purkagich nayini burun yo'liga joylashtirib, tez va keskin ravishda purkagichni bir marta bosish va bosilgan purkagichni qo'yib yubormagan holda burun yo'lidan chiqarib olish kerak. Purkash vaqtida burun orqali biroz havo yutish kerak, bu eritmaning optimal tarzda kiritilishiga yordam beradi. Purkalinganda boshni orqaga tashlash tavsiya etilmaydi.
Davolanish davomiyligi: preparatni 3-5 kundan ortiq qo'llash tavsiya kilinmaydi. Agar 3 kun davomida kasallik belgilari kuchaysa yoki yaxshilanish ko'zatilmasa, shifokor bilan maslahatlashish zarur.
Davolanishning maksimal ruhsat etilgan davomiyligi – 5-7 kun. Preparatni qayta qo'llash faqat bir necha kundan so'ng mumkin.

Dozani oshirib yuborilishi

Sizga buyurilgan dozadan yuqoriroq doza qabul qilinganida darhol shifokorga murojaat qiling!
Dozani ahamiyatli oshirib yuborilishida yoki tasodifan ichga qabul qilingandan keyin mioz, ko'ngil aynishi, qusish, tsianoz, gipertermiya, taxikardiya, aritmiya, tomirlar etishmovchiligi, arterial gipertenziya, nafas buzilishlari, o'pka shishi, yurakni to'xtab qolishi kabi belgilar aniqlanishi mumkin. Bundan tashqari, uyquchanlik, tana haroratining pasayishi, bradikardiya, arterial gipotenziya, nafasni to'xtashi va komani rivojlanishi bilan birga kechuvchi ruhiy buzilishlar, shuningdek, Markaziy asab tizimi funktsiyasining buzilishlari rivojlanishi mumkin.
Davolash: qabul qilishni to'xtatish, belgilarga simptomatik terapiya o'tkazish kerak.

Umumiy ma'lumot

RINOKSIL FORMULA+ sprey 10ml 0,05% qo'lanishi bo'yicha ko'rsatmalar

Qo‘llash bo‘yicha yo‘riqnoma

RInoksil

Rinoxil

Preparatning savdo nomi: Rinoksil

Ta‘sir etuvchi modda (XPN): Ksilometazolin gidroxloridi

Dori shakli: Burun uchun sprey.

Tarkibi:

100 ml eritma quyidagilarni saqlaydi:

Faol modda: Ksilometazolin gidroxloridi – 0,10 g.

Yordamchi moddalar: evkalipt moyi, benzalkoniy xlorid eritmasi, natriy gidrofosfat dodekagidrati, natriya digidrofosfat digidrati, sorbitol (70% suv eritmasi), natriy xlorid, etil spirti, tozalangan suv.

Ta‘rifi: Rangsiz yoki och sariq rangli suyuqlik.

Farmakoterapevtik guruhi: LOR-a‘zolari kasalliklarini davolash uchun vositalar.

ATX kodi: R01AA07

Farmakologik xususiyatlari

Ksilometazolin alfa-adrenomimetik ta‘sir ko‘rsatadi, periferiq tomirlarni toraytiradi. Tomirlarni toraytiruvchi samarasi oqibatida burun shilliq qavatini shishi va giperemiyasini kamaytiradi. Ajralib chiqadigan sekret miqdorini kamaytiradi, burun yo‘llarini o‘tkazuvchanligini tiklaydi, burundan nafas olishni yengillashtiradi. Tumovni va burun bitishini samarali bartaraf qiladi. Ta‘siri bir necha minutdan qeyin boshlanadi va bir necha soat davom etadi.

Evkalipt moyi bakterisid, viruslarga qarshi va fungisid ta‘sirga ega.

Farmakokinetikasi

Mahalliy qo‘llanganda ksilometazolin deyarli so‘rilmaydi, shuning uchun uning qon plazmasidagi konsentrasiyasi juda kam (zamonaviy analitik usullar bilan aniqlanmaydi).

Qo‘llanilishi

O‘tkir allergik rinit, pollinoz, sinusit, o‘rta otit (burun-halqum shilliq qavatining shishini kamaytirish uchun); pasientni burun yo‘llaridagi tashxisiy muolajalarga tayyorlash.

Qo‘llash usuli va dozalari

Kattalarga va 6 yoshdan oshgan bolalarga har bir burun yo‘liga bir marta sepiladi, zarurati bo‘lganida muolajani qaytarish mumkin.

Ksilometazolinni sutkada 4 martadan ko‘p qo‘llash mumkin emas.

Sepishda boshni orqaga tashlash tavsiya qilinmaydi.

Davolashning maqsimal davomiyligi – 2 hafta.

Sepishni to‘g‘ri bajarish uchun sepgichni vertikal, uchlik yuqoriga yo‘naltirilgan holda ushlash kerak. So‘ngra tiniq himoyalovchi qopqoqchani yechish, uchlikni burun yo‘liga kiritish, tez keskin bir marta sepgichni bosish va sepgichni bo‘shatmasdan burundan chiqarib olish kerak. Sepish vaqtida burundan biroz havo olish lozim, bu ksilometazolinni optimal yuborishiga yordam beradi.

Nojo‘ya ta‘sirlari

Preparatni tez-tez yoqi uzoq qo‘llanganida: shilliq qavatni achishishi, ta‘sirlanishi, burunda sanchilish yoqi quruqlik, aqsirish, gipersekresiya kuzatilishi mumkin.

Kam – burun shilliq qavatini shishi, yurak urishi, yurak ritmini buzilishi, arterial bosimni oshishi, bosh aylanishi, bosh og‘rig‘i, ko‘ngil aynishi, kusish, uyqusizlik, ko‘rishni buzilishi, taxikardiya, aritmiya.

Juda kam – teri toshmasi (ksilometazolinni qabul qilinishi bilan bog‘liq, hansirash, angionevrotik shish bilan namoyon bo‘luvchi tizimli allergik reaksiyalar). Uzoq muddat yuqori dozalarda qo‘llanganida depressiya holati, burun shilliq qavatini atrofiyasi.

Qo‘llash mumkin bo‘lmagan holatlar

Miya qobiqlaridagi jarroxlik aralashuvlari (anamnezdagi), surunkali tumov, arterial gipertenziya, taxikardiya, yaqqol ateroskleroz, atrofik rinit, yopiq burchakli glaukoma, homiladorlik, laktasiya, 6 yoshgacha bo‘lgan bolalar, ksilometazolinga yoki preparatning boshqa komponentlariga yuqori sezuvchanlik.

Ehtiyotqorlik bilan: qandli diabetda, YUIQ (stenokardiya), gipertireoz, prostata bezining giperplaziyasi, MAO ingibitorlari, trisiqlik antidepressantlar bilan davolash vaqtida va ularni qo‘llash tugagandan keyin 14 kunlik davrda.

Dorilarning o‘zaro ta‘siri

Trisiklik antidepressantlar, MAO ingibitorlari, maprotilin va adrenomimetiklarning nojo‘ya samaralarini kuchaytiradi. Adrenoblokatorlar va kalsiy antagonistlari ksilometazolinning ta‘sirini susaytiradi.

Maxsus ko‘rsatmalar

Ksilometazolinni arterial gipertoniyasi, yurak-qon tomir kasalliklari, gipertireozi bo‘lgan bemorlarga, hamda adrenergiq dori vositalariga yuqori sezuvchanligi bo‘lgan pasientlarga buyurishda (uyquchanliq, bosh aylanishi bilan namoyon bo‘luvchi), ehtiyotqorlikka rioya qilish lozim.

Preparatni 6 yoshgacha bo‘lgan bolalarda faqat qat‘iy ko‘rsatmalar bo‘yicha, shifokorning doimiy nazorati ostida qo‘llash mumqin.

Preparatni uzoq qo‘llash uning ta‘sirini susayishiga burun shilliq qavatining atrofiyasini va dorilardan bo‘lgan rinitli reaktiv gipermiyani rivojlanishiga olib qeladi.

Emizish vaqtida emizishni to‘xtatish tavsiya qilinadi.

Preparat uzoq vaqt tavsiya etilgan dozadan yuqori dozalarda qo‘llanganida, transport vositalarini yoki qurilmalarni boshqarish qobiliyatiga ta‘sir ko‘rsatadi.

Preparatni bolalar ololmaydigan joyda saqlash va uni yaroqlilik muddati o‘tgach ishlatish mumkin emas.

Dozani oshirib yuborilishi

Simptomlari: nojo‘ya samaralari kuchayishi mumkin. Preparat tasodifan yutib yuborilganda (ko‘pincha bolalarda) aritmiya, taxikardiya, arterial bosimni oshishi, ongni chalkashishi kuzatilishi mumkin.

Davolash: simptomatik, shifokorning kuzatuvi ostida.

Chiqarilish shaqli

0,1% nazal sprey 10 ml dan to‘q shisha flaqonda. Sepgich-uchlikka tiniq qopqoqcha o‘rnatiladi.

Saqlash sharoiti

Quruq, yorug‘likdan himoyalangan joyda, 25ºS dan yuqori bo‘lmagan haroratda saqlansin.

Yaroqlilik muddati

3 yil.

Dorixonallardan berish tartibi

Reseptsiz.

Ishlab chiqaruvchi:

TK «Flumed-Farm» MCHJ, Moldova Respublikasi.

Qadoqlovchi: