Mahsulotning ko'rinishi saytdagi rasmdan farq qilishi mumkin.

SEDONIK kapsulalar N30

Kategoriya:

- Uyqu dorisi va sedativlar

Ishlab chiqarilish joyi:

- O'zbekiston

Faol modda:

Боярышника плоды, Донника трава, Кориандра плоды, Мелиссы лекарственной трава, трава пустырника, Хмеля соплодия

ko'proq ko'rsatish

Qadoqda soni:

- 30

Ishlab chiqaruvchi:

- Nika Pharm

Vakil:

- Nika Pharm

ATX kodi:

- N05CM

Barcha Sedonik dorilari

Noaniqliq haqida habar berish

Toshkentning 58 ta dorixonasida topildi

ico 50 400 s`om dan

Dorixonalardan izlash

ico 60 500 s`om dan + yetkazish

Buyurtma berish

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

Kapsulalar. O'nta kapsuladan kontur-uyali o'ramda. 1, 2, 3, 4, 5 ta kontur-uyali o'ramlar tibbiyotda qo'llanilishiga doir yo'riqnoma bilan birgalikda kartondan tayyorlangan qutiga solingan.

Farmakologik ta'sir

O'simliklardan olinadigan majmuaviy preparat. Preparat tarkibiga kiruvchi komponentlarning hisobiga sedativ ta'sir ko'rsatadi.
Do'lana mevalarining ta'sir etuvchi moddalari (flavonoidlar, organik kislotalar va boshq.) Markaziy nerv tizimining qo'zg'aluvchanligini kamaytiradi, yurak va bosh miyadagi qon aylanishini yaxshilaydi, yurak ritmini me'yorlashtiradi, bosh aylanishini bartaraf etadi.
Arslonquyruq o'tining biologik faol moddalari (alkaloidlar, glikozidlar va boshq.) ifodalangan tinchlantiruvchi ta'siridan tashqari, gipotenziv ta'sir ko'rsatadi, yurak urishi sonini kamaytiradi.
Qulmoq to'pmevalarida efir moyi, smolalar, flavonoidlar va boshqa moddalar mavjud, ular tinchlantiruvchi ta'sirni ta'minlaydi.
Suli mevalari tarkibidagi avenin indolli alkaloidi, V guruhi vitaminlari va boshqa moddalar nerv tizimiga ijobiy ta'sir etadi va ifodalangan tinchlantiruvchi samarani namoyish qiladi.
Dorivor limono't depressiyaga qarshi, tinchlantiruvchi, tetiklashtiruvchi ta'sir ko'rsatadi.
Kashnich mevalari yuqori nerv qo'zg'alishida tinchlantiruvchi ta'sir ko'rsatadi.
Qashqarbeda o'ti tinchlantiruvchi ta'sir ko'rsatadi.
Dorivor o'simliklarning biologik faol moddalari asosan tinchlantiruvchi ta'sir ko'rsatib, qo'rquv hissi, ruhiy zo'riqishni bartaraf etadi va nerv tizimining funktsional faolligiga ijobiy ta'sir qiladi.
Preparatning tinchlantiruvchi ta'siri uni birinchi marta qo'llagandayoq namoyon bo'ladi. Dorining maksimal davolovchi samarasi kapsula qabulidan keyin 1-1,5 soat o'tgach boshlanadi va 2-4 soat davom etadi.

Dori shakli

qattiq kapsulalar

Tarkibi

bir kapsula quyidagilarni saqlaydi:

do'lana mevalari – 0,03 g; kashnich mevalari – 0,015 g; dorivor limono't – 0,045 g; qashqarbeda o'ti – 0,015 g; suli mevalari – 0,075 g; arslonquyruq o'ti – 0,06 g; qulmoq to'p mevalari – 0,06 g.

Nojo'ya samaralari

Har qanday dori preparati kabi, Sedonik® ham, har bir iste'molchida kuzatilmasada, nojo'ya ta'sirlar chaqirishi mumkin.
Ba'zi hollarda kuyidagi nojuya ta'sirlar kuzatilishi mumkin:
-allergik reaktsiyalar: preparatning tarkibiy qismlariga yuqori sezuvchanlikda eshakemi rivojlanishi mumkin, terida mayda nuqtasimon yoki dog'li qizil toshmalar, qichishish paydo bo'lishi mumkin;
-yurak qon-tomir tizimi tomonidan: juda kam hollarda arterial bosimning sezilarli pasayishi, bradikardiya kuzatilishi mumkin;
-Markaziy nerv tizimi tomonidan: bosh aylanishi, uyquchanlik (preparatning yuqori miqdorlari qabul qilinganda), toliqish, bosh og'rig'i, arslonquyruq o'tining ifodalangan tinchlantiruvchi ta'siri sababli aqliy va jismoniy ishlash qobiliyatining pasayishi aniqlanishi mumkin;
-me'da-ichak yo'li tomonidan: ko'ngil aynishi, qusish, epigastral sohada og'riq, jig'ildon qaynashi paydo bo'lishi mumkin.
Agar sizda ushbu yo'riqnoma-kiritmada ta'riflanmagan har qanday boshqa nojo'ya ta'sirlar qayd etilsa, iltimos, o'zingizning shifokoringiz, farmasevtingizga yoki ishlab chiqaruvchiga xabar bering.

Maxsus shartlar

Preparatni qo'llash jarayonida nojo'ya ta'sirlarni oldini olish uchun "qo'llash usuli va dozalari"bo'limida keltirilgan tavsiyalarga qat'iy rioya qilish kerak.
Homiladorlik va laktasiya davrida qo'llanishi
Agar siz Sedonik®ni qabul qilayotgan vaqtda homilador ekanligingizni bilib qolsangiz, bu haqda zudlik bilan o'z shifokoringizga xabar bering, faqat u davolashni davom ettirishni hal qiladi.
Preparatni homiladorlik va laktasiya davrida qo'llash taqiqlanadi.
Pediatriyada qo'llash.
12 yoshgacha bo'lgan bolalarda qo'llanilmaydi.
Avtomobilni va murakkab mexanizmlarni boshqarish qobiliyatiga ta'siri
Sedonik®sedativ ta'sirga egaligi uchun, davolanish vaqtida avtomobilni boshqarishdan va diqqatni yuqori jamlash hamda tezkor aqliy va harakat reaktsiyalarini talab qiladigan boshqa ishlarni bajarmay turishi lozim.

Qo'llanilishi

Sedativ vosita sifatida turli etiologiyali nevrozlar; ta'sirchanlik, xavotirlik, qo'rquv, yuqori toliqish, parishonxotirlik bilan birga kechuvchi nevrasteniyaning engil shakllari; nerv qo'zg'alishi, uyquning buzilishlari yoki uyqusizlik (engil shakllari); neyrosirkulyar distoniyaning gipertonik va kardial turlari, astenik sindromning giperstenik shaklida qo'llaniladi.

Qo'llanilishi mumkin bo'lmagan holatlar

Sedonik®ni quyidagi hollarda qo'llamang:preparatning har qanday tarkibiy qismlariga yuqori sezuvchanlik, ifodalangan arterial gipotenziya va bradikardiya, 12 yoshgacha bo'lgan bolalar, homiladorlik va laktasiya davri, qonning ivish xususiyati pastligi va ichki qon ketishi, Markaziy nerv tizimining ezilishi bilan kechuvchi depressiya va boshqa kasalliklar, aritmiyaga qarshi dorilarning uchinchi sinfi vakillari va alkaloidlarning tuzlari bilan birgalikda qo'llash mumkin emas.

Dori vositalarining o'zaro ta'siri

Agar siz boshqa dori vositalarini ichayotgan bo'lsangiz yoki biroz oldin ichgan bo'lsangiz, ular reseptsiz beriladigan bo'lsa ham, iltimos, o'zingizning shifokoringiz yoki farmasevtingizga bu haqida xabar bering.
Preparat Markaziy nerv tizimiga ezuvchi ta'sir qiluvchi va uxlatuvchi dori vositalarining samarasini kuchaytiradi.
Preparatning tarkibiy qismlari V g
uruhi vitaminlarini saqlaydi va ular levodopaning ta'sirini susaytirishi mumkin.
Dorini yurak glikozidlari bilan birgalikda qabul qilinishi yurak glikozidlari ta'sirini kuchaytiradi.
Aritmiyaga qarshi dorilarning uchinchi sinfi vakillari bilan birga qo'llamaslik kerak.
Preparat bevosita va bilvosita qon ivishiga qarshilik qiluvchi dorilar ta'sirini biroz kuchaytirishi mumkin.
Dorini alkaloidlarning tuzlari bilan birgalikda qo'llamaslik kerak, chunki buning natijasida negativ majmualar hosil bo'lishi mumkin.
Preparat og'riqqa qarshi, gipertenziyaga qarshi dorilarning farmakologik samaralarini, hamda alkogol ta'sirini kuchaytirishi mumkin

Maxsus saqlash sharoitlari

Quruq, yorug'likdan himoyalangan joyda, 15ºC dan 25ºC gacha bo'lgan haroratda saqlansin. Bolalar ololmaydigan joyda saqlansin. Yaroqlilik muddati 2 yil.

Ta'rifi

green rank No. 0 ning jelatin kapsulalari
kapsula suyuqlik bilan to'ldirilgan quti, sariq-sariqdan yashil ranggacha.

Dozirovkasi

Har doim Sedonik® ni Sizning davolovchi shifokoringiz tavsiyalariga aniq qat'iy amal qilgan holda qo'llang. Agar siz nimadandir ikkilansangiz, o'zingizning shifokoringiz yoki farmasevtingizdan so'rang.
Og'iz orqali kattalar va 12 yoshdan oshgan bolalarga 1-2 ta kapsuladan kuniga 3 marta, ovqatdan keyin 30 daqiqa o'tgach, 100 ml dan kam bo'lmagan suyuqlik bilan qabul qilish buyuriladi. Davolash kursi – 4 hafta. Zarurat bo'lganida uni 10-15 kundan keyin takrorlash mumkin. Yil davomida davolash kursini 2-3 marta takrorlash tavsiya qilinadi.

Dozani oshirib yuborilishi

Sizga buyurilgan dozadan yuqoriroq doza qabul qilinganida darhol shifokorga murojaat qiling!
Belgilari: dorining tavsiya etilgan miqdorlaridan ortiqrog'i qabul qilinganda uyquchanlik, bosh aylanishi, bosh og'rishi, toliqish, qorinda og'riq, qo'llar titrashi, qorachiqlar kengayishi, ko'krak qafasida siqilish hissi, bradikardiya aniqlanishi mumkin. Ba'zi hollarda arterial bosimning pasayishi, dispeptik belgilar (ko'ngil aynishi, qusish, jig'ildon qaynashi) paydo bo'lishi mumkin.
Davosi: simptomatik (me'dani yuvish, faollashtirilgan ko'mirni qabul qilish).

Homiladorlik va laktatsiya davrida qullanishi

Agar siz Sedonik®ni qabul qilayotgan vaqtda homilador ekanligingizni bilib qolsangiz, bu haqda zudlik bilan o'z shifokoringizga xabar bering, faqat u davolashni davom ettirishni hal qiladi.
Preparatni homiladorlik va laktasiya davrida qo'llash taqiqlanadi

Umumiy ma'lumot

SEDONIK kapsulalar N30 qo'lanishi bo'yicha ko'rsatmalar

QO‘llash BO‘YICHA yO‘riQnoma

SEDONIK^®

SEDONIC^®

Preparatning savdo nomi: Sedonik^®

Ta‘sir etuvchi moddalar: do‘lana mevalari, kashnich mevalari, dorivor limono‘t, qulmoq oldmevasi, so‘li mevasi, arslonquyruq o‘ti, qashqarbeda o‘ti

Dori shakli: kapsulalar.

Tarkibi:

Xar bir kapsula quyidagilarni saqlaydi:

do‘lana mevalari – 0,03 g; kashnich mevalari – 0,015 g; dorivor limono‘t – 0,045 g; qashqarbeda o‘ti – 0,015 g; so‘li mevasi – 0,075 g; arslonquyruq o‘ti – 0,06 g; qulmoq oldmevasi – 0,06 g.

Ta‘rifi: yashil rangli jelatin kapsulalari.

Kapsulani ichidagi: och-qo‘ngir bilan sariq-jigarrang tusli o‘simlikdan kelib chiqgan kukun.

Farmakoterapevtik guruhi: sedativ vosita.

ATX kodi: N05CM

Farmakologik xususiyatlari

Majmuaviy preparat. Preparatning ta‘siri uning tarkibiga kiruvchi komponentlarini hususiyatlari bilan bog‘liq. Dorivor o‘simliklarning biologik faol moddalarining ekstraktlari asosan sedativ ta‘sir ko‘rsatadi va qo‘rquv hissi, ruhiy zo‘riqishni bartaraf qilib nerv tizimining funksional faolligiga yaxshi ta‘sir qiladi.

Preparatning sedativ samarasi uni birinchi marta qo‘llashdayoq yuz beradi. Maksimal terapevtik samara 1-1,5 soatdan keyin boshlanadi va 2-4 soat davom etadi.

Qo‘llanilishi

turli etiologiyali nevrozlar: ta‘sirchanlik, xavotirlik, qo‘rquv, yuqori toliqish, parishonxotirlik bilan birga kechuvchi nevrasteniyaning yengil shakllari;
nerv qo‘zg‘alishi;
uyqusizlik;
gipertonik va kardial turili neyrosirkulyar distoniya;
astenik sindromda (giperstenik shakli) qo‘llanadi.

Qo‘llash usuli va dozalari

Og‘iz orqali kattalar va 12 yoshdan oshgan bolalarga 1-2 kapsuladan kuniga 3 marta, ovqatdan 30 minutdan keyin, kamida 100 ml suyuqlik bilan birga buyuriladi. Davolash kursi – 4 hafta. Zarurati bo‘lganida uni 10-15 kundan keyin takrorlash mumkin. Yil davomida davolash kursini 2-3 marta takrorlash tavsiya qilinadi.

Nojo‘ya ta‘sirlari

Preparat komponentlariga yuqori sezuvchanlikda, allergik reaksiyalar bo‘lishi mumkin. Ayrim hollarda uyquchanlik, arterial bosimni pasayishi, dispeptik holatlar (ko‘ngil aynishi, qusish, jig‘ildon qaynashi) paydo bo‘lishi mumkin.

Qo‘llash mumkin bo‘lmagan holatlar

Preparat komponentlariga yuqori sezuvchanlikda, 12 yoshgacha bo‘lgan bolalarda, homiladorlik va laktasiya davrida, hamda qonning ivishi pasaygan, ichki qon ketishi bo‘lgan pasientlarda qo‘llash mumkin emas.

Dorilarning o‘zaro ta‘siri

Preparat markaziy nerv tizimini susaytiruvchi dori vositalarining ta‘sirini kuchaytiradi. Preparat komponentlari V guruhi vitaminlarini saqlaydi va ular levodopaning ta‘sirini susaytirishi mumkin.

Maxsus ko‘rsatmalar

Preparat haydovchilar va diqqatni yuqori jamlash va tezkor harakat reaksiyalarini talab qiladigan mexanizmlar bilan ishlaydigan pasientlarga buyurilmaydi.

Preparat bolalar ololmaydigan joyda saqlansin va yaroqlilik muddati o‘tganidan so‘ng ishlatilmasin.

Dozani oshirib yuborilishi

Simptomlari: arterial bosimni pasayishi, bosh aylanishi, jig‘ildonni qaynashi, ko‘ngil aynishi bo‘lishi mumkin.

Davolash: simptomatik (me‘dani yuvish, faollashtirilgan ko‘mirni qabul qilish).

Chiqarilish shakli

Kapsulalar. 10 kapsuladan PVX/alyumin folgali kontur uyali o‘ramda.

1, 2 yoki 3 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Quruq, yorug‘likdan ximoyalangan joyda, 30ºC dan yuqori bo‘lmagan xaroratda saqlansin.

Dorixonalardan berish tartibi

Reseptsiz.

Yaroqlilik muddati