ORLIP kapsulalar 120mg N30

Semizlikka qarshi preparat - gastro-intestinal lipazalar ingibitori. Ta'sir mexanizmi oshqozon va ingichka ichak bo'shlig'ida oshqozon va pankreatik lipazalarning faol qismi bilan kovalent bog' hosil qilish bilan bog'liq. Natijada lipazalar inaktivatsiyasi sodir bo'ladi, ozuqaviy yog'larning parchalanishi buziladi va ularning OIT dan so'rilishi kamayadi. Muntazam qo'llanilganda ushbu ta'sir semizlik bilan og'rigan bemorlarda tana vaznining kamayishiga olib keladi.

Ichga qabul qilingandan so'ng orlistat OIT dan deyarli so'rilmaydi.

Qabul qilingan orlistat dozasining 97% axlat bilan, shundan 83% - o'zgarmagan holda chiqariladi. Orlistatning organizmdan to'liq chiqarilish davri (axlat va siydik bilan) 3-5 sutkani tashkil qiladi.

Preparatning nojo‘ya hodisalari asosan me’da-ichak yo‘llari tomonidan aniqlangan va o‘tkinchi xarakterga ega.

Ovqat hazm qilish tizimi tomonidan: defekatsiyaning tezlashishi, suyuq axlat va unda yog‘ miqdorining oshishi, qorinda va to‘g‘ri ichakda og‘riq yoki diskomfort, meteorizm, defekatsiyaga imperativ qistovlar (qoida tariqasida, bu hodisalar o‘tkinchi xarakterga ega va davolashning dastlabki 3 oyida paydo bo‘ladi).

Allergik reaksiyalar: teri toshmasi, qichishish, angionevrotik shish, anafilaktik reaksiyalar.

Orlistat bilan terapiya fonida bemor muvozanatlashgan, yog‘lar ko‘rinishidagi kaloriyalar 30% dan oshmaydigan o‘rtacha gipokaloriyali dieta olishi kerak. Oziq-ovqat ratsionida yog‘lar miqdori yuqori bo‘lganda OIT tomonidan nojo‘ya reaksiyalar yuzaga kelishi ehtimoli oshadi. Sutkada iste'mol qilinadigan yog‘lar miqdori barcha ovqat qabullariga yetarlicha teng taqsimlanishi tavsiya etiladi.

Davolash jarayonida tana vazni kamayishi bilan birga, semizlikka tez-tez hamroh bo‘luvchi patologik jarayonlar, shu jumladan arterial gipertenziya, qandli diabet (va peroral diabetga qarshi preparatlar dozasini kamaytirishni talab qilishi mumkin), lipid almashinuvi buzilishlari kechishining yaxshilanishi mumkin.

Orlistatni qo‘llashda OITdan yog‘da eruvchi vitaminlar va beta-karotin so‘rilishining kamayishi mumkin.

Jigar va/yoki buyrak funksiyasi buzilgan bemorlarda orlistatni qo‘llashning xavfsizligi va samaradorligi aniqlanmagan.

Bolalarda preparatni qo‘llash xavfsizligi aniqlanmagan.

Orlistatni homiladorlikda tayinlamaslik kerak, chunki uning qo‘llash xavfsizligini tasdiqlovchi ishonchli klinik ma'lumotlar yo‘q.

Orlistat ko‘krak sutiga o‘tishi aniqlanmagan, shu sababli laktatsiya (emizish) davrida preparatni qo‘llash tavsiya etilmaydi.

Orlistatning dozasini oshirib yuborish holatlari ta'riflanmagan.

surunkali malabsorbtsiya sindromi;
-xolestaz;
-orlistatga yuqori sezuvchanlik.

Asosiy ovqatlanish bilan birga kuniga 3 marta bitta kapsuladan (120 mg) tayinlanadi.

Preparat ovqatlanish vaqtida yoki ovqatdan keyin 1 soatdan kechiktirmasdan qabul qilinadi. Agar ovqatlanish o'tkazib yuborilsa yoki ovqat yog' saqlamasa, preparatni qabul qilishni o'tkazib yuborish mumkin.

Dozani tavsiya etilganidan oshirish terapevtik samaraning oshishiga olib kelmaydi.