PREDNIZOLON tabletkalari 5mg N100

Ichga qabul qilinganda MITYdan yaxshi so'riladi. Plazmada C_max 90 daqiqadan so'ng qayd etiladi. Plazmada prednizolonning katta qismi transkortin (kortizolbog'lovchi globulin) bilan bog'lanadi. Asosan jigarda metabolizmga uchraydi.

T _{taxminan 200 daqiqani tashkil qiladi. Buyraklar orqali o'zgarmagan holda - 20% chiqariladi.}

GKS. Leykotsitlar va to'qima makrofaglari funktsiyalarini bostiradi. Leykotsitlarning yallig'lanish sohasiga migratsiyasini cheklaydi. Makrofaglarning fagotsitoz qobiliyatini, shuningdek interleykin-1 hosil bo'lishini buzadi. Lizosomal membranalar barqarorlashishiga yordam beradi, shu bilan yallig'lanish sohasida proteolitik fermentlar kontsentratsiyasini pasaytiradi. Gistamin ajralib chiqishi bilan bog'liq kapillarlar o'tkazuvchanligini kamaytiradi. Fibroblastlar faolligini va kollagen hosil bo'lishini bostiradi.

Fosfolipaza A₂ faolligini ingibirlaydi, bu prostaglandinlar va leykotrienlar sintezi bostirilishiga olib keladi. TsOG (asosan TsOG-2) ajralib chiqishini bostiradi, bu ham prostaglandinlar ishlab chiqarilishi kamayishiga yordam beradi.

Tomir o'zanidan limfoid to'qimaga ko'chishi oqibatida aylanib yuruvchi limfotsitlar (T- va B-hujayralar), monotsitlar, eozinofillar va bazofillar sonini kamaytiradi; antitanalar hosil bo'lishini bostiradi.

Prednizolon gipofiz tomonidan AKTG va β-lipotropin ajralib chiqishini bostiradi, ammo aylanib yuruvchi β-endorfin darajasini pasaytirmaydi. TTG va FSG sekretsiyasini susaytiradi.

Bevosita tomirlarga qo'yilganda vazokonstriktor samara ko'rsatadi.

Prednizolon uglevodlar, oqsillar va yog'lar metabolizmiga yaqqol dozaga bog'liq ta'sirga ega. Glyukoneogenezni rag'batlantiradi, jigar va buyraklar tomonidan aminokislotalar tutilishiga yordam beradi va glyukoneogenez fermentlari faolligini oshiradi. Jigarda prednizolon glikogensintetaza faolligini va oqsil almashinuvi mahsulotlaridan glyukoza sintezini rag'batlantirib, glikogen to'planishini kuchaytiradi. Qonda glyukoza miqdorining oshishi insulin ajralishini faollashtiradi.

Prednizolon yog' hujayralari tomonidan glyukoza tutilishini bostiradi, bu lipoliz faollashishiga olib keladi. Biroq insulin sekretsiyasi oshishi oqibatida lipogenez stimulyatsiyasi sodir bo'ladi, bu yog' to'planishiga yordam beradi.

Limfoid va biriktiruvchi to'qima, mushaklar, yog' to'qimasi, teri, suyak to'qimasida katabolik ta'sir ko'rsatadi. Gidrokortizonga qaraganda kamroq darajada suv-elektrolit almashinuvi jarayonlariga ta'sir qiladi: kaliy va kaltsiy ionlarining chiqarilishiga, organizmda natriy va suv ionlarining tutilishiga yordam beradi. Osteoporoz va Itsenko-Kushing sindromi uzoq muddatli GKS terapiyasini cheklovchi asosiy omillar hisoblanadi. Katabolik ta'sir natijasida bolalarda o'sishning to'xtashi mumkin.

Yuqori dozalarda prednizolon miya to'qimalari qo'zg'aluvchanligini oshirishi mumkin va tirishishga tayyorgarlik chegarasini pasaytirishga yordam beradi. Oshqozonda xlorid kislota va pepsinning ortiqcha ishlab chiqarilishini rag'batlantiradi, bu peptik yara rivojlanishiga olib keladi.

Tizimli qo'llanilganda prednizolonning terapevtik faolligi yallig'lanishga qarshi, allergiyaga qarshi, immunodepressiv va antiproliferativ ta'sir bilan belgilanadi.

Sirtqi va mahalliy qo'llanilganda prednizolonning terapevtik faolligi yallig'lanishga qarshi, allergiyaga qarshi va antiekssudativ (vazokonstriktor samara tufayli) ta'sir bilan belgilanadi.

Gidrokortizon bilan solishtirganda prednizolonning yallig'lanishga qarshi faolligi 4 baravar ko'p, mineralokortikoid faolligi 0,6 baravar kam.

Endokrin tizim tomonidan: hayz siklining buzilishi, buyrak usti bezlari funksiyasining susayishi, Itsenko-Kushing sindromi, gipofizar-buyrak usti bezi tizimi funksiyasining bostirilishi, uglevodlarga tolerantlikning pasayishi, steroidli diabet yoki latent qandli diabetning manifestatsiyasi, bolalarda o‘sishning sekinlashishi, bolalarda jinsiy rivojlanishning kechikishi.

Ovqat hazm qilish tizimi tomonidan: ko‘ngil aynishi, qusish, me’da va o‘n ikki barmoqli ichakning steroidli yarasi, pankreatit, ezofagit, MITYdan qon ketishlar va perforatsiya, ishtaha oshishi yoki pasayishi, meteorizm, hiqichoq. Kam hollarda - jigar transaminazalari va IF faolligining oshishi.

Moddalar almashinuvi tomonidan: oqsillar katabolizmi tufayli manfiy azot balansi, organizmdan kaltsiy chiqishining kuchayishi, gipokaltsemiya, tana vaznining oshishi, ko‘p terlash.

Yurak-qon tomir tizimi tomonidan: kaliy yo‘qotilishi, gipokaliemik alkaloz, aritmiya, bradikardiya (yurak to‘xtashigacha); steroidli miopatiya, yurak yetishmovchiligi (rivojlanishi yoki simptomlarining kuchayishi), EKGda gipokaliemiyaga xos o‘zgarishlar, AB oshishi, giperkoagulyatsiya, trombozlar. O‘tkir miokard infarkti bo‘lgan bemorlarda - nekroz o‘chog‘ining tarqalishi, chandiq to‘qimasi shakllanishining sekinlashishi, bu yurak mushagi yorilishiga olib kelishi mumkin.

Suyak-mushak tizimi tomonidan: bolalarda o‘sish va suyaklanish jarayonlarining sekinlashishi (o‘sish epifizar zonalarining muddatidan oldin yopilishi), osteoporoz (juda kam hollarda - patologik suyak sinishlari, yelka va son suyagi boshining aseptik nekrozi), mushak paylarining uzilishi, mushak holsizligi, steroidli miopatiya, mushak massasining kamayishi (atrofiya).

Asab tizimi tomonidan: bosh og‘rig‘i, kalla ichi bosimining oshishi, deliriy, dezorientatsiya, eyforiya, gallyutsinatsiyalar, maniakal-depressiv psixoz, depressiya, asabiylik yoki bezovtalik, uyqusizlik, bosh aylanishi, vertigo, miyacha soxta o‘smasi, talvasa xurujlari.

Ko‘rish a’zosi tomonidan: orqa subkapsulyar katarakta, ko‘z ichi bosimining oshishi (ko‘rish nervi shikastlanishi ehtimoli bilan), shox pardaning trofik o‘zgarishlari, ekzoftalm, ikkilamchi infeksiya (bakterial, zamburug‘li, virusli) rivojlanishiga moyillik.

Teri va teri osti yog‘ kletchatkasi tomonidan: petexiyalar, ekximozlar, terining yupqalashishi va mo‘rtligi, giper- yoki gipopigmentatsiya, husnbuzarlar, striyalar, piodermiya va kandidozlar rivojlanishiga moyillik.

Immunodepressiv ta’sir bilan bog‘liq reaksiyalar: regeneratsiya jarayonlarining sekinlashishi, infeksiyalarga chidamlilikning pasayishi.

Parenteral yuborilganda: yakka hollarda anafilaktik va allergik reaksiyalar, giper- yoki gipopigmentatsiya, teri va teri osti kletchatkasi atrofiyasi, intrasinovial qo‘llanilgandan so‘ng zo‘rayish, Sharko tipidagi artropatiya, steril abssesslar, boshdagi o‘choqlarga yuborilganda - ko‘rlik.

Parazitar va yuqumli virusli, zamburug‘li yoki bakterial tabiatli kasalliklarda (hozirgi vaqtda yoki yaqinda o‘tkazilgan, shu jumladan bemor bilan yaqinda muloqotda bo‘lganda) - oddiy gerpes, o‘rab oluvchi gerpes (viremik bosqich), suvchechak, qizamiq, amebiaz, strongiloidoz (aniqlangan yoki shubha qilingan), tizimli mikoz; faol va latent sil kasalligida ehtiyotkorlik bilan qo‘llash kerak. Og‘ir yuqumli kasalliklarda qo‘llash faqat spesifik terapiya fonida mumkin.

Emlashdan 8 hafta oldin va 2 hafta keyin, BSJ emlashdan keyingi limfadenitda, immunitet tanqisligi holatlarida (sh.j. OITS yoki OIV-infeksiyalanganlik) ehtiyotkorlik bilan qo‘llash kerak.

OIT kasalliklarida: oshqozon va o‘n ikki barmoqli ichak yara kasalligi, ezofagit, gastrit, o‘tkir yoki latent peptik yara, yaqinda yaratilgan ichak anastomozi, perforatsiya yoki abssesslanish xavfi bo‘lgan nospesifik yarali kolit, divertikulitda ehtiyotkorlik bilan qo‘llash kerak.

Yurak-qon tomir tizimi kasalliklarida, sh.j. yaqinda o‘tkazilgan miokard infarktidan keyin (o‘tkir va o‘tkir osti miokard infarkti bo‘lgan bemorlarda nekroz o‘chog‘ining tarqalishi, chandiq to‘qimasi shakllanishining sekinlashishiga va buning oqibatida yurak mushagining yorilishi mumkin), dekompensatsiyalangan surunkali yurak yetishmovchiligi, arterial gipertenziya, giperlipidemiyada), endokrin kasalliklarda - qandli diabet (sh.j. uglevodlarga tolerantlikning buzilishi), tireotoksikoz, gipotireoz, Isenko-Kushing kasalligida, og‘ir surunkali buyrak va/yoki jigar yetishmovchiligi, nefrourolitiazda, gipoalbuminemiya va uning yuzaga kelishiga moyillik tug‘diruvchi holatlarda, tizimli osteoporoz, miasteniya, o‘tkir psixoz, semizlik (III-IV daraja), poliomielitda (bulbar ensefalit shaklidan tashqari), ochiq va yopiq burchakli glaukomada ehtiyotkorlik bilan qo‘llash kerak.

Bo‘g‘im ichiga yuborish zarurati tug‘ilganda umumiy og‘ir holati bo‘lgan bemorlarda, oldingi 2 ta yuborishning samarasizligi (yoki qisqa muddatliligi) da (qo‘llanilgan GKSning individual xususiyatlarini hisobga olgan holda) ehtiyotkorlik bilan qo‘llash kerak.

Davolash vaqtida (ayniqsa uzoq muddatli) okulist kuzatuvi, AB va suv-elektrolit muvozanatini, shuningdek periferik qon manzarasi, qonda glyukozani nazorat qilish zarur; nojo‘ya ta'sirlarni kamaytirish maqsadida anabolik steroidlar, antibiotiklar tayinlash, shuningdek organizmga kaliy tushishini oshirish mumkin (dieta, kaliy preparatlari). Prednizolon bilan davolash kursidan keyin AKTG yuborish zaruratini aniqlashtirish tavsiya etiladi (teri sinamasi o‘tkazilgandan so‘ng!).

Addison kasalligida barbituratlar bilan bir vaqtda qo‘llashdan saqlanish kerak.

Davolash to‘xtatilgandan so‘ng bekor qilish sindromi, buyrak usti bezi yetishmovchiligi, shuningdek prednizolon tayinlanishiga sabab bo‘lgan kasallikning zo‘rayishi yuzaga kelishi mumkin.

Interkurrent infeksiyalar, septik holatlar va sil kasalligida bir vaqtning o‘zida antibiotikoterapiya o‘tkazish zarur.

O‘sish davridagi bolalarda GKSni faqat mutlaq ko‘rsatmalar bo‘yicha va shifokorning sinchkov nazorati ostida qo‘llash kerak.

Sirtga 14 kundan ortiq qo‘llash mumkin emas. Oddiy yoki pushti husnbuzarlarda qo‘llanilganda kasallikning zo‘rayishi mumkin.

Hayotiy ko‘rsatmalar bo‘yicha qisqa muddatli qo‘llash uchun - prednizolonga yuqori sezuvchanlik.

Bo‘g‘im ichiga yuborish va bevosita shikastlanish o‘chog‘iga yuborish uchun: oldingi artroplastika, patologik qonash (endogen yoki antikoagulyantlarni qo‘llash chaqirgan), bo‘g‘im ichki suyagi sinishi, bo‘g‘imdagi infeksion (septik) yallig‘lanish jarayoni va periartikulyar infeksiyalar (shu jumladan anamnezda), shuningdek umumiy yuqumli kasallik, yaqqol bo‘g‘imoldi osteoporozi, bo‘g‘imda yallig‘lanish belgilarining yo‘qligi ("quruq" bo‘g‘im, masalan sinovitsiz osteoartrozda), yaqqol suyak destruksiyasi va bo‘g‘im deformatsiyasi (bo‘g‘im yorig‘ining keskin torayishi, ankiloz), artrit oqibati sifatida bo‘g‘im beqarorligi, bo‘g‘imni shakllantiruvchi suyaklar epifizlarining aseptik nekrozi.

Sirtqi qo‘llash uchun: terining bakterial, virusli, zamburug‘li kasalliklari, teri tuberkulyozi, zaxmning teri ko‘rinishlari, teri o‘smalari, vaksinatsiyadan keyingi davr, teri qoplamalari butunligining buzilishi (yaralar, jarohatlar), bolalar yoshi (2 yoshgacha, anus sohasidagi qichishishda - 12 yoshgacha), rosacea, oddiy husnbuzarlar, perioral dermatit.

Oftalmologiyada qo‘llash uchun: ko‘zning bakterial, virusli, zamburug‘li kasalliklari, ko‘zning tuberkulyozli shikastlanishi, traxoma, ko‘z epiteliysi butunligining buzilishi.

Salitsilatlar bilan bir vaqtda qo'llanilganda qon ketishlar paydo bo'lishi ehtimoli oshishi mumkin.

Diuretiklar bilan bir vaqtda qo'llanilganda elektrolitlar almashinuvi buzilishlarining chuqurlashishi mumkin.

Gipoglikemik preparatlar bilan bir vaqtda qo'llanilganda qonda glyukoza darajasining pasayish tezligi kamayadi.

Yurak glikozidlari bilan bir vaqtda qo'llanilganda glikozid intoksikatsiyasi rivojlanishi xavfi kuchayadi.

Rifampitsin bilan bir vaqtda qo'llanilganda rifampitsinning terapevtik ta'siri susayishi mumkin.

Gipotenziv vositalar bir vaqtda qo'llanilganda ularning samaradorligi pasayishi mumkin.

Kumarin hosilalari bir vaqtda qo'llanilganda antikoagulyant samaraning susayishi mumkin.

Rifampitsin, fenitoin, barbituratlar bir vaqtda qo'llanilganda prednizolon ta'siri susayishi mumkin.

Gormonal kontraseptivlar bir vaqtda qo'llanilganda - prednizolon ta'siri kuchayishi.

Atsetilsalitsil kislotasi bilan bir vaqtda qo'llanilganda qonda salitsilatlar miqdorining kamayishi mumkin.

Prazikvantel bilan bir vaqtda qo'llanilganda uning qondagi konsentratsiyasining kamayishi mumkin.

Hirsutizm va husnbuzarlar paydo bo'lishiga boshqa GKS, androgenlar, estrogenlar, peroral kontraseptivlar va steroid anaboliklarni bir vaqtda qo'llash yordam beradi. GKS fonida antipsixotik vositalar, karbutamid va azatioprin qo'llanilganda katarakta rivojlanishi xavfi ortadi.

M-xolinoblokatorlar (shu jumladan antigistamin preparatlar, tritsiklik antidepressantlar), nitratlar bilan bir vaqtda buyurish ko'z ichi bosimining oshishi rivojlanishiga yordam beradi.

Muayyan preparatni qo'llash usuli va dozalash rejimi uning chiqarilish shakli va boshqa omillarga bog'liq. Optimal dozalash rejimini shifokor belgilaydi. Muayyan preparatning qo'llaniladigan dori shaklining qo'llashga ko'rsatmalar va dozalash rejimiga qat'iy muvofiqligiga rioya qilish kerak.