RIGEVIDON tabletkalari N21

Ichga qabul qilingandan so'ng levonorgestrel tez so'riladi (4 soatdan kam vaqt ichida). Levonorgestrel jigar orqali "birinchi o'tish" samarasiga uchramaydi. Levonorgestrel etinilestradiol bilan birga qo'llanilganda doza va plazmadagi maksimal kontsentratsiya o'rtasida bog'liqlik mavjud. Levonorgestrelning Tmax (maksimal kontsentratsiyaga erishish vaqti) 2 soatni, T1/2 - 8-30 soatni (o'rtacha 16 soat) tashkil qiladi. Levonorgestrelning katta qismi qonda albumin va JGBG (jinsiy gormonlarni bog'lovchi globulin) bilan bog'lanadi.

Etinilestradiol ichakdan tez va deyarli to'liq so'riladi. Etinilestradiol jigar orqali «birinchi o'tish» samarasiga uchraydi, Tmax 1,5 soatni, T1/2 - taxminan 26 soatni tashkil qiladi.

Ichga qabul qilinganda etinilestradiol qon plazmasidan 12 soat ichida chiqariladi, T1/2 5,8 soatni tashkil qiladi.

Etinilestradiol jigar va ichakda metabolizmga uchraydi. Etinilestradiol metabolitlari - suvda eruvchan sulfat yoki glyukuronid kon'yugatlari, safro bilan ichakka tushadi, u yerda ichak bakteriyalari yordamida dezintegratsiyaga uchraydi.

Ikkala komponent (levonorgestrel va etinilestradiol) ko'krak suti bilan ajralib chiqadi. Faol moddalar jigarda metabolizmga uchraydi, T1/2 2-7 soatni tashkil qiladi.

Levonorgestrel buyraklar orqali (60%) va ichak orqali (40%); etinilestradiol - buyraklar orqali (40%) va ichak orqali (60%) chiqariladi.

Preparat odatda yaxshi o‘zlashtiriladi.

Mumkin bo‘lgan tranzitor xarakterdagi, o‘z-o‘zidan o‘tib ketuvchi nojo‘ya effektlar: ko‘ngil aynishi, qusish, bosh og‘rig‘i, sut bezlarining dag‘allashishi, tana vazni va libidoning o‘zgarishi, kayfiyat o‘zgarishi, atsiklik qonli ajralmalar; alohida hollarda - qovoqlar shishi, kon’yunktivit, ko‘rishning buzilishi, kontakt linzalarni taqishda noqulaylik (bu hodisalar vaqtinchalik xarakterga ega va bekor qilingandan so‘ng hech qanday davolash tayinlanmasdan yo‘qoladi).

Uzoq muddat qabul qilinganda juda kam hollarda xloazma, eshitishning pasayishi, generalizatsiyalangan qichishish, sariqlik, boldir mushaklari tirishishi, epileptik xurujlar tez-tezligining ortishi yuzaga kelishi mumkin.

Kam hollarda gipertriglitseridemiya, giperglikemiya, glyukozaga tolerantlikning pasayishi, AB oshishi, trombozlar va venoz tromboemboliyalar, sariqlik, teri toshmalari, qin sekretsiyasi xarakterining o‘zgarishi, kandidoz, toliqish, diareya qayd etiladi.

Gormonal kontrasepsiyani qo‘llashni boshlashdan oldin va keyinchalik har 6 oyda bachadon bo‘yni surtmasining sitologik tahlili, sut bezlari holatini baholash, qonda glyukoza, xolesterin va jigar funksiyasining boshqa ko‘rsatkichlarini aniqlash, AB nazorati, siydik tahlilini o‘z ichiga olgan umumiy tibbiy va ginekologik tekshiruv tavsiya etiladi.

Rigevidonni yoshligida tromboembolik kasalliklari bo‘lgan va oilaviy anamnezida qon ivishi yuqori bo‘lgan ayollarga tayinlash tavsiya etilmaydi.

Peroral kontrasepsiyani o‘tkazilgan virusli gepatitdan keyin kamida 6 oy o‘tgach va jigar funksiyalari normallashishi sharti bilan qo‘llashga ruxsat etiladi.

Qorinning yuqori qismlarida o‘tkir og‘riqlar, gepatomegaliya va intraabdominal qon ketish belgilari paydo bo‘lganda jigar o‘smasi mavjudligiga shubha paydo bo‘lishi mumkin. Zarurat tug‘ilganda preparatni qabul qilishni to‘xtatish kerak.

Rigevidonni qabul qilish vaqtida jigar funksiyasi buzilganda terapevt maslahati zarur.

Atsiklik (hayzlararo) qon ketishlar paydo bo‘lganda Rigevidon qabul qilishni davom ettirish kerak, chunki ko‘pchilik hollarda bu qon ketishlar o‘z-o‘zidan to‘xtaydi. Agar atsiklik (hayzlararo) qon ketishlar yo‘qolmasa yoki takrorlansa, reproduktiv tizimning organik patologiyasini istisno qilish uchun tibbiy tekshiruv o‘tkazish kerak.

Qusish yoki diareya holatida boshqa, gormonal bo‘lmagan kontrasepsiya usulini qo‘llagan holda preparatni qabul qilishni davom ettirish kerak.

Gormonal kontraseptivlarni qabul qiluvchi chekuvchi ayollarda jiddiy oqibatlarga (miokard infarkti, insult) ega yurak-qon tomir kasalliklari rivojlanish xavfi yuqori bo‘ladi. Xavf yosh ortishi va chekilgan sigaretalar miqdoriga qarab (ayniqsa 35 yoshdan katta ayollarda) ortadi.

Quyidagi hollarda preparatni qabul qilishni to‘xtatish kerak:

— birinchi marta migrensimon bosh og‘rig‘i paydo bo‘lganda yoki kuchayganda;

— g‘ayrioddiy kuchli bosh og‘rig‘i paydo bo‘lganda;

— flebit yoki flebotrombozning erta belgilari (oyoqlarda g‘ayrioddiy og‘riqlar yoki venalar bo‘rtishi) paydo bo‘lganda;

— sariqlik yoki sariqliksiz gepatit yuzaga kelganda;

— serebrovaskulyar buzilishlarda;

— nafas olishda yoki yo‘talda noma'lum etiologiyali sanchuvchi og‘riqlar, ko‘krak qafasida og‘riq va siqilish hissi paydo bo‘lganda;

— ko‘rish o‘tkirligi o‘tkir yomonlashganda;

— tromboz yoki infarktga shubha qilinganda;

— AB keskin oshganda;

— generalizatsiyalangan qichishish yuzaga kelganda;

— epileptik xurujlar tezlashganda;

— rejalashtirilgan homiladorlikdan 3 oy oldin;

— rejalashtirilgan jarrohlik aralashuvidan taxminan 6 hafta oldin;

— uzoq muddatli immobilizatsiyada;

— homiladorlik yuzaga kelganda.

Avtotransportni haydash va mexanizmlarni boshqarish qobiliyatiga ta'siri

Preparatni qabul qilish transport vositalarini haydash va shikastlanish xavfi yuqori bo‘lgan ishlar bilan bog‘liq boshqa mexanizmlarni boshqarish qobiliyatiga ta'sir qilmaydi.

— og‘ir jigar kasalliklari;

— tug‘ma giperbilirubinemiyalar (Jilber sindromi, Dubin-Jonson sindromi, Rotor sindromi);

— xoletsistit;

— og‘ir yurak-qon tomir va serebrovaskulyar kasalliklar mavjudligi yoki anamnezda ko‘rsatilishi;

— tromboemboliyalar va ularga moyillik;

— xavfli o‘smalar (birinchi navbatda sut bezi yoki endometriy saratoni);

— jigar o‘smalari;

— oilaviy giperlipidemiya shakllari;

— arterial gipertenziyaning og‘ir shakllari;

— endokrin kasalliklar (shu jumladan qandli diabetning og‘ir shakllari);

— o‘roqsimon hujayrali anemiya;

— surunkali gemolitik anemiya;

— etiologiyasi noma’lum qin qon ketishi;

— pufaksimon siljish;

— migren;

— otoskleroz;

— anamnezda homiladorlarning idiopatik sariqligi;

— homiladorlarning og‘ir teri qichishishi;

— homiladorlar gerpesi;

— 40 yoshdan katta yosh;

— homiladorlik;

— laktatsiya davri (emizish);

— preparat komponentlariga yuqori sezuvchanlik.

Barbituratlar, ba'zi tutqanoqqa qarshi preparatlar (karbamazepin, fenitoin), sulfanilamidlar, pirazolon hosilalari preparat tarkibiga kiruvchi steroid gormonlar metabolizmini kuchaytirishga qodir.

Kontraseptiv samaradorlikning pasayishi ba'zi mikroblarga qarshi vositalar (shu jumladan ampitsillin, rifampitsin, xloramfenikol, neomitsin, polimiksin B, sulfanilamidlar, tetratsiklinlar) bilan bir vaqtda buyurilganda ham kuzatilishi mumkin, bu ichak mikroflorasining o'zgarishi bilan bog'liq.

Antikoagulyantlar, kumarin yoki indandion hosilalari bilan bir vaqtda qo'llanilganda protrombin indeksini qo'shimcha aniqlash va antikoagulyant dozasini o'zgartirish talab qilinishi mumkin.

Tritsiklik antidepressantlar, maprotilin, beta-adrenoblokatorlar qo'llanilganda ularning biologik kira olishligi va toksikligi oshishi mumkin.

Peroral gipoglikemik preparatlar va insulin qo'llanilganda ularning dozasini o'zgartirish zarurati paydo bo'lishi mumkin.

HTML