Kandivag

Dori shakli

Vaginal tabletkalar

Farmakokinetikasi

Ornidazol mahalliy qo'llanganida qinning to'qimalarida preparatning bu komponentini kontsentratsiyasi peroral va vena ichiga qo'llanganida erishiladigan kontsentratsiyasidan ahamiyatli darajada yuqori bo'ladi, tizimli ta'siri aniqlanmagan; neomitsin normal bo'lmagan oqsillarni ishlab chiqarilishi hisobiga bakterial hujayralarning tuzilmalariga kiradi. Bu oqsillar bakteriyalarni yashab qolishi uchun kerak bo'lgan oqsillarning ishlab chiqarilishini bloklaydi.
Mahalliy qo'llanganida preparatning yuqori faolligi kuzatilgan; mikonazol mahalliy qo'llanganida Sandida turiga mansub achitqisimon zamburug'lar uchun tanlov toksiklikka ega; mahalliy qo'llanadigan prednizolon yallig'lanish simptomlarining yaqqolligini, shu jumladan giperemiyani kamaytiradi, tizimli ta'siri aniqlanmagan. 

Maxsus shartlar

Osteoporozda, AG yoki yurak yetishmovchiligida, anamnezida jiddiy emotsional buzilishlar mavjud bo'lganida, qandli diabet, tuberkulyoz, glaukomada, kortikosteroidlarni qo'llash oqibatida rivojlangan miopatiyada, jigar yetishmovchiligida, tutqanoqda, me'da va o'n ikki barmoqli ichak yarasida, gipotireozda, yaqinda o'tkazilgan miokard infarktida tizimli kortikosteroidlarni qo'llashda patsientning holatini kuzatish va doimo nazorat qilish kerak. 

Garchi Kandivag mahalliy qo'llansa-da, ayniqsa qin yallig'langanida tizimli so'rilishi bo'lishi mumkin. Preparat 8-kunlik davolash kursi davomida qo'llanganida nojo'ya samaralar bo'lmasligi mumkin. 
Og'ir darajadagi soxta paralitik miasteniyasi, nospetsifik kolit, divertikulit va yangi ichak anastomozlari bo'lgan patsientlarga preparatni ehtiyotkorlik bilan qo'llash kerak. tizimli kortikosteroidlar qo'llanganida tibbiy nazorat o'tkazish kerak. 

Transport vositalari va boshqa mexanizmlarni boshqarishda reaktsiya tezligiga ta'sir qilish hususiyati 
Ta'sir qilmaydi. 

Preparatni bolalar ololmaydigan joyda saqlash kerak va yaroqlilik muddati tugaganidan so'ng ishlatilmasin. 

Homiladorlik va laktatsiya davrida qullanishi

Homiladorlik vaqtida Kandivag preparatini qo'llagan ayollardan tug'ilgan yangi tug'ilgan chaqaloqlarda preparatning hech qanday ta'siri va asoratlari aniqlanmagan, shuning uchun homiladorlarga preparatni qo'llash masalasi hal qilinganida havf / foyda nisbatini baholash kerak.
Kortikosteroidlar katta bo'lmagan miqdorlarda ko'krak sutiga ajralib chiqadi, shuning uchun buyrak usti bezlarining faoliyatini kuzatish kerak.

Bolalar uchun qo'llanilishi

Qo'llanilmaydi 

Dozirovkasi

1 tabletkadan tunga qin ichiga chuqur kiritiladi, yuborilgandan keyin kamida 15 minut davomida yotgan holatda bo'lish kerak. Davolashni o'rtacha davomiyligi – 8 kun. Hayz ko'rish vaqtida davolash to'xtatilmaydi. Hatto kasallikning barcha simptomlari yo'qolganidan keyin ham tabletkalarni qo'llashni davom ettirish kerak. Agar 8 kunlik davolash kursidan keyin ham simptomlar o'tib ketmasa, u holda davolashni takrorlash kerak. 

Profilaktika maqsadida preparat 8 kun davomida qo'llanadi. 

Yuborish tartibi 

1. vaginal tabletkani applikatorga joylashtiring. 

2. tabletkali applikator qaynagan iliq suvga (30-40°С) bir necha sekundga tushiriladi.

3. tabletkali applikator qinning ichiga imkon boricha chuqur (orqa bilan yotgan holda kiritish maqsadga muvofiq) ehtiyotkorlik bilan kiritiladi. 

4. tabletka qinga kiritilib, u applikatordan ajratiladi, shundan so'ng applikator sovunli iliq suvda yuviladi, silkitiladi va quritiladi. 

Nojo'ya samaralari

Kandivag toksik bo'lmagan preparat hisoblanadi, sensibilizatsiyani chaqirmaydi. Preparat barcha patsientlar tomonidan yaxshi o'zlashtiriladi. Kam hollarda spazmlar va bosh og'rig'i, ta'sirlanish, qichishish, achishish, juda kam hollarda – eshakemi, terida toshmalar kuzatiladi. Yuqori sezuvchanlikda yoki ta'sirlanish kuzatilganida preparatni qo'llashni to'xtatish kerak. 

Dori vositalarining o'zaro ta'siri

Boshqa dori vositalari bilan klinik jihatdan ahamiyatli o'zaro ta'siri aniqlanmagan. Mahalliy yallig'lanish reaktsiyasi yaqqol bo'lganida prednizolonnning tizimli so'rilishini e'tiborga olish kerak. 

Tarkibi va ishlab chiqarilish shakli

Tarkibi 

Har bir vaginal tabletka quyidagilarni saqlaydi: 

Faol moddalar: 

Ornidazol 500 mg; 

Mikonazol nitrati 100 mg; 

Neomitsin sul'fati 100 mg; 

Prednizolon 3 mg. 

Yordamchi moddalar: o'ta jelatinlangan kraxmal, povidon K-30 laktoza, sut kislotasi, tal'k, magniy stearati, natriy kraxmal glikolyati, izopropil spirti.

Сhiqarilish shakli: 8 vaginal tabletkalar applikator va qo'llash bo'yicha yo'riqnomasi bilan birga karton qutiga joylangan.

Farmakodinamikasi

Ornidazolning ta'sir mexanizmi unga sezgir bo'lgan mikrorganizmlar DNK sining tuzilishini buzilishi bilan bog'liq. Preparat mikrob hujayrasiga oson kiradi va DNK bilan bog'lanib, replikatsiya jarayonini buzadi. Ornidazol Trichomonas vaginalis, Entamoeba histolytica, Giardia lamblia (Giardia intestinalis) larga, shuningdek Bacteroides va Clostridium spp., Fusobacterium spp. kabi anaerob bakteriyalar va anaerob kokklarga nisbatan faoldir. 

Neomitsin – aminoglikozidlar guruhiga mansub bo'lgan antibiotikdir. Aminoglikozidlar grammanfiy bakteriyalarga nisbatan yuqori faollikka egadir, shuningdek grammusbat bakteriyalarga nisbatan samaralidir. Neomitsin bakterial hujayralarning tuzilmasiga kiradi va bakteriyalarning yashab qolishi uchun kerak bo'lgan oqsillarning sintezini bloklaydi. 

Mikonazol zamburug'larga qarshi vosita bo'lib, vul'vovaginal kandidozni (moniliasis)mahalliy davolash uchun mo'ljallangan, u Sandida vulvovaginalis ga nisbatan samaralidir. 

Prednizolon – sintetik GKS bo'lib, yallig'lanish simptomlarining yaqqolligini kamaytirish uchun qo'llanadi. Prednizolon yallig'lanish mediatorlarining sekretsiyasi va ajralib chiqishini tormozlaydi. Prednizolon yallig'lanish kasalliklarida proliferativ jarayonlarni tormozlaydi va chandiqlarni hosil bo'lish ehtimolini kamaytiradi. 

Maxsus saqlash sharoitlari

25^оС dan yuqori bo'lmagan haroratda saqlansin. 

Yaroqlilik muddati 

3 yil 

Ta'rifi

Oq rangli, ikki yoqlama qavariq, bir uchi dumaloq tabletkalar. 

Dozani oshirib yuborilishi

Preparat mahalliy ta'sir qilishi sababli, dozasini oshirib yuborilish belgilari aniqlanmagan.