RIGEVIDON 21+7 tabletkalari N28

Levonorgestrel

Ichga qabul qilingandan so'ng levonorgestrel tez so'riladi (4 soatdan kam vaqt ichida). Levonorgestrel jigar orqali "birinchi o'tish" samarasiga uchramaydi. Levonorgestrel etinilestradiol bilan birga qo'llanilganda doza va plazmadagi Cmax o'rtasida bog'liqlik mavjud. Levonorgestrelning T1/2 8-30 soatni (o'rtacha 16 soat) tashkil qiladi. Levonorgestrelning katta qismi qonda albumin va JGBG (jinsiy gormonlarni bog'lovchi globulin) bilan bog'lanadi.

Etinilestradiol

Etinilestradiol ichakdan tez va deyarli to'liq so'riladi. Etinilestradiol jigar orqali "birinchi o'tish" samarasiga uchraydi. Tmax 1-1,5 soatni, T1/2 - taxminan 26 soatni tashkil qiladi.

Ichga qabul qilinganda etinilestradiol qon plazmasidan 12 soat ichida chiqariladi, T1/2 5,8 soatni tashkil qiladi.

Etinilestradiol jigar va ichakda metabolizmga uchraydi. Etinilestradiol metabolitlari - sulfat yoki glyukuronid kon'yugatsiyasining suvda eruvchan mahsulotlari, safro bilan ichakka tushadi, u yerda ichak bakteriyalari yordamida dezintegratsiyaga uchraydi.

Ovqat hazm qilish tizimi tomonidan: bo‘lishi mumkin - ko‘ngil aynishi, qusish; kam hollarda - sariqlik, diareya.

Endokrin tizim tomonidan: bo‘lishi mumkin - sut bezlari tarangligi, hayzlar orasida qonli ajralmalar; kam hollarda - qonda glyukoza miqdorining oshishi, glyukozaga tolerantlikning pasayishi.

Jinsiy tizim tomonidan: bo‘lishi mumkin - libido o‘zgarishi; kam hollarda - qin sekretsiyasining o‘zgarishi, qin kandidozi.

MNS tomonidan: bo‘lishi mumkin - bosh og‘rig‘i, kayfiyat o‘zgarishi.

Yurak-qon tomir tizimi tomonidan: kam hollarda - arterial gipertenziya, trombozlar va venoz tromboemboliyalar.

Moddalar almashinuvi tomonidan: bo‘lishi mumkin - tana vaznining o‘zgarishi; kam hollarda - qon plazmasida TG miqdorining oshishi.

Dermatologik reaksiyalar: kam hollarda - teri toshmalari; uzoq muddat qabul qilinganda juda kam hollarda - xloazma.

Boshqalar: kam hollarda - yuqori toliqish; alohida hollarda - kontakt linzalarni taqishda noqulaylik. Qizg‘ish-qo‘ng‘ir tabletkalar tarkibiga kiruvchi temir fumarati MITY shilliq qavatining ta’sirlanishini, ko‘ngil aynishi, qusish, diareya, qabziyatlarni chaqirishi va axlatni qora rangga bo‘yashi mumkin.

Preparat odatda yaxshi o‘zlashtiriladi.

Preparatni qo‘llashni boshlashdan oldin homiladorlik mavjudligini istisno qilish va umumiy tibbiy tekshiruv (AB ni o‘lchash, qonda glyukoza, jigar funksiyasi ko‘rsatkichlarini aniqlash) va ginekologik tekshiruv (sut bezlarini tekshirish, qin surtmasining sitologik tahlili) o‘tkazish zarur.

Preparatni qabul qilish vaqtida bunday umumiy tibbiy va ginekologik tekshiruvni muntazam ravishda, har 6 oyda o‘tkazish kerak.

Rigevidon 21+7 ni yoshligida tromboembolik kasalliklari bo‘lgan yoki oilaviy anamnezida qon ivishi yuqori bo‘lgan ayollarga tayinlash tavsiya etilmaydi.

Qandli diabet, yurak-qon tomir tizimi kasalliklari, arterial gipertenziya, buyrak funksiyasi buzilishi, venalarning varikoz kengayishi, flebit, otoskleroz, tarqoq skleroz, epilepsiya, kichik xoreya, oraliq porfiriya, yashirin tetaniya, bronxial astmasi bo‘lgan bemorlarga preparatni tayinlash zarurati tug‘ilganda ehtiyotkorlik talab etiladi.

Peroral kontrasepsiya vositalarini o‘tkazilgan virusli gepatitdan keyin kamida 6 oy o‘tgach va jigar funksiyasi normallashishi sharti bilan qo‘llashga ruxsat etiladi.

Qorinning yuqori qismlarida o‘tkir og‘riq, gepatomegaliya yoki intraabdominal qon ketish belgilari paydo bo‘lganda jigar o‘smasi mavjudligiga shubha paydo bo‘lishi mumkin. Zarurat tug‘ilganda preparatni qabul qilishni to‘xtatish kerak. Preparatni qabul qilish vaqtida jigar funksiyasi buzilganda tekshiruv o‘tkazish zarur.

Hayzlararo qon ketishlar paydo bo‘lganda Rigevidon 21+7 qabul qilishni davom ettirish kerak, chunki ko‘pchilik hollarda bu qon ketishlar o‘z-o‘zidan to‘xtaydi. Agar hayzlararo qon ketishlar yo‘qolmasa yoki takrorlansa, reproduktiv tizimning organik patologiyasini istisno qilish uchun tibbiy tekshiruv talab etiladi.

Qusish yoki diareya holatida preparatni qabul qilishni davom ettirish kerak, bunda qo‘shimcha ravishda boshqa, gormonal bo‘lmagan kontrasepsiya usulini qo‘llash tavsiya etiladi.

Peroral kontraseptivlarni qabul qiluvchi 35 yoshdan katta ayollarga chekishdan voz kechish maqsadga muvofiq, chunki gormonal kontraseptiv vositalarni qabul qilish fonida chekish tomir kasalliklari yuzaga kelish xavfini oshiradi. Qon tomir shikastlanishlari xavfi yosh ortishi va chekilgan sigaretalar miqdoriga mutanosib ravishda ortadi.

Rejalashtirilgan homiladorlikdan kamida 3 oy oldin preparatni qabul qilishni to‘xtatish zarur.

Quyidagi hollarda preparatni qabul qilishni darhol to‘xtatish kerak:

-birinchi marta paydo bo‘lgan yoki kuchaygan migrensimon yoki g‘ayrioddiy kuchli bosh og‘rig‘ida;

-ko‘rish o‘tkirligi o‘tkir yomonlashganda;

-tromboz yoki infarktga shubha qilinganda;

-AB keskin oshganda;

-sariqlik yoki sariqliksiz gepatit paydo bo‘lganda, generalizatsiyalangan qichishish yuzaga kelganda;

-epileptik xurujlar tezlashganda;

-homiladorlik mavjud bo‘lganda;

-rejalashtirilgan operatsiyadan 6 hafta oldin;

-uzoq muddatli immobilizatsiyada.

Avtotransportni haydash va mexanizmlarni boshqarish qobiliyatiga ta'siri

Preparatning boshqarish qobiliyatiga ta'sirini o‘rganish bo‘yicha tadqiqotlar

— og‘ir jigar kasalliklari (shu jumladan tug‘ma giperbilirubinemiyalar - Jilber, Dubin-Jonson va Rotor sindromlari);

— xoletsistit;

— surunkali kolit;

— og‘ir yurak-qon tomir va serebrovaskulyar kasalliklar mavjudligi yoki anamnezda ko‘rsatilishi;

— tromboemboliyalar va ularga moyillik;

— xavfli o‘smalar (birinchi navbatda sut bezi yoki endometriy saratoni);

— jigar o‘smalari;

— oilaviy giperlipidemiya shakllari;

— arterial gipertenziyaning og‘ir shakllari;

— endokrin kasalliklar (shu jumladan qandli diabetning og‘ir shakllari);

— o‘roqsimon hujayrali anemiya;

— surunkali gemolitik anemiya;

— etiologiyasi noma’lum qin qon ketishi;

— migren;

— otoskleroz;

— anamnezda homiladorlarning idiopatik sariqligi;

— homiladorlarning og‘ir teri qichishishi;

— homiladorlar gerpesi;

— homiladorlik;

— laktatsiya davri (emizish);

— preparat komponentlariga yuqori sezuvchanlik.

Barbituratlar, ba'zi tutqanoqqa qarshi preparatlar (karbamazepin, fenitoin), sulfanilamidlar, pirazolon hosilalari preparat tarkibiga kiruvchi steroid gormonlar metabolizmini kuchaytirishga qodir.

Kontraseptiv samaradorlikning pasayishi ba'zi mikroblarga qarshi vositalar (shu jumladan ampitsillin, rifampitsin, xloramfenikol, neomitsin, polimiksin B, sulfanilamidlar, tetratsiklinlar) bilan bir vaqtda buyurilganda ham kuzatilishi mumkin, bu ichak mikroflorasining o'zgarishi bilan bog'liq.

Antikoagulyantlar, kumarin yoki indandion hosilalari bilan bir vaqtda qo'llanilganda protrombin indeksini qo'shimcha aniqlash va antikoagulyant dozasini o'zgartirish talab qilinishi mumkin.

Tritsiklik antidepressantlar, maprotilin, beta-adrenoblokatorlar qo'llanilganda ularning biologik kira olishligi va toksikligi oshishi mumkin.

Peroral gipoglikemik preparatlar va insulin qo'llanilganda ularning dozasini o'zgartirish zarurati paydo bo'lishi mumkin.