RODINIR kapsulalar 300mg N20

Дори шакли: капсулалар.

Таркиби:

Ҳар бир капсула қуйидагиларни сақлайди:

фаол модда: цефдинир – 300 мг.

ёрдамчи моддалар: кальций кармеллоза, магний стеарати, полиоксил 40 стеарати, коллоид кремний диоксиди; капсула: титан диоксиди, темир II-III оксиди, тозаланган сув, желатин.

Таъсир механизми

Бошқа цефалоспоринлар каби, цефдинир ҳужайра девори синтезини ингибиция бўлиши натижасида бактерицид таъсир кўрсатади. Цефдинир барча β-лактамаза ферментлари мавжудлигида эмас, балки айримлари мавжудлигида барқарордир. Бунинг натижасида пенициллинлар ва айрим цефалоспоринларга резистент кўпгина микроорганизмлар цефдинирга сезгир ҳисобланадилар.

Резистентликни ривожланиш механизми

Цефдинирга резистентлик асосан айрим β-лактамазалар томонидан гидролизга учраши, пенициллинни боғлаб олувчи оқсиллар (ПБО) ни ўзгариши ва бактерияларнинг ҳужайра девори ўтказувчанлигини пасайиши орқали ривожланади. Цефдинир Enterobacter spp., Pseudomonas spp., Enterococcus spp. ларнинг кўпчилик штаммлари, пенициллинга резистент стрептококклар ва метициллинга резистент стафилококкларга қарши фаол эмас.
H. influenzae нинг β-лактама манфий ампициллинга резистент (BLNAR) штаммлари одатда цефдинирга сезгир эмас.

Микробларга қарши фаоллиги

Цефдинирни, ҳам in vitro, ҳам in vivo шароитларида қуйидаги микроорганизмларнинг кўпчилик штаммларига қарши фаоллиги намойиш этилган:

-       граммусбат бактериялар: Staphylococcus aureus (фақат метициллинга сезгир штаммлари), Streptococcus pneumoniae (фақат пенициллинга сезгир штаммлари), Streptococcus pyogenes;

-       грамманфий бактериялар: Haemophilus influenza, Haemophilus parainfluenzae, Moraxella catarrhalis.

In vitro шароитида олинган қуйидаги маълумотлар мавжуд, аммо уларнинг клиник аҳамияти номаълум.

In vitro шароитида цефдинирнинг минимал ингибиция қилувчи концентрацияси (МИК) қуйидаги микроорганизмларнинг штаммларига (≥ 90%) нисбатан 1 мкг/мл ёки ундан кам қийматни ташкил этади; бироқ клиник тадқиқотларда ушбу микроорганизмлар томонидан чақирилган инфекцияни даволашда цефдинирнинг ҳавфсизлиги ва самарадорлиги аниқланмаган:

-       граммусбат бактериялар: Staphylococcus epidermidis (фақат метициллинга сезгир штаммлари), Streptococcus agalactiae, Viridans гуруҳи Streptococcus;

-       грамманфий бактериялар: Citrobacter koseri, Escherichia coli, Klebsiella pneumoniae, Proteus mirabilis.

Антибактериал даволашни танлашда микроорганизмларни антибиотикларга сезгирлигини аниқлаш керак. Бундай текширув ўтказиш имкони бўлмаганида – патоген микроорганизмларни маҳаллий циркуляция ҳусусиятлари ва антибактериал воситаларга резистентликни ривожланиш моделини инобатга олиш керак.

Сўрилиши

Ичга қабул қилинганида биокираолишлиги

Цефдинирнинг қон плазмасидаги максимал концентрацияси капсулалар шаклидаги дозаси қабул қилинганидан сўнг 2-4 соат ўтгач кузатилади. Цефдинирнинг плазмадаги концентрацияси дозаси оширилиши билан ошиб боради, аммо бундай ошиши 300 мг
(7 мг/кг) дан 600 мг (14 мг/кг) гача бўлган дозалар диапазонида камроқ пропорционал ҳисобланади. Суспензия соғлом кўнгиллилар томонидан қабул қилинганида цефдинирнинг биокираолишлиги капсулаларга нисбатан 20% ни ташкил этади. Цефдинирнинг биокираолишлиги 300 мг дозали капсулалар қабул қилинганидан сўнг 21% ни ва 600 мг дозали капсулалар қабул қилинганидан сўнг 16% ни ташкил этади.

Овқатни таъсири

Цефдинир капсулалар шаклида ёғнинг миқдори юқори бўлган овқат билан бирга қабул қилинганида унинг максимал концентрацияси (С_max) ва “концентрацияси-вақт” эгри чизиғи остидаги майдони (AUC) қийматлари мувофиқ равишда 16% ва 10% га пасаяди. Бундай пасайиш клиник жиҳатдан аҳамиятли ҳисобланмайди. Шундай экан, цефдинирни овқатланишдан қатъий назар қабул қилиш мумкин.

Цефдинир капсулалар шаклида катталар томонидан қабул қилинганидан сўнг унинг фармакокинетик кўрсаткичларини ўртача (± СО) қийматлари

Кўп марталик дозаларини қабул қилиш

Цефдинир буйрак функцияси нормал бўлган пациентлар томонидан суткада бир ёки икки марта қабул қилинганидан сўнг плазмада тўпланмайди.

Тақсимланиши

Цефдинирнинг ўртача тақсимланиш ҳажми (Vd_area) катталарда 0,35 л/кг (± 0,29) ни ташкил этади; болаларда (6 ойликдан 12 ёшгача бўлган) цефдинирнинг Vd_area қиймати 0,67 л/кг ни ташкил этади. Цефдинир катталарда ва болаларда плазма оқсиллари билан 60-70% га боғланади; боғланиши концентрациясига боғлиқ эмас.

Цефдинир теридаги пўрсилдоқ суюқлигига, муртак тўқимасига, ўпкаларга, буруннинг ёндош бўшлиқлари, ўрта қулоққа яхши ўтади.

Цефдинирни орқа мия суюқлигига ўтиши юзасидан маълумотлар йўқ.

Метаболизми ва чиқарилиши

Цефдинир аҳамиятсиз даражада метаболизмга учрайди. Цефдинир асосан буйраклар экскрецияси орқали, плазмадан (t_1/2) 1,7 (± 0,6) соатлик ўртача ярим чиқарилиш даври билан чиқарилади. Буйрак функцияси нормал бўлган соғлом кўнгиллиларда буйрак клиренси қиймати 2,0 (± 1,0) мл/мин/кг ни ташкил этади, перорал қабул қилинганида тахминий клиренси эса 300 мг ва 600 мг дозалар қабул қилинганидан сўнг мувофиқ равишда
11,6 (± 6,0) и 15,5 (± 5,4) мл/мин/кг га тенг. 300 мг ва 600 мг дозалар қабул қилинганидан сўнг сийдик билан ўзгармаган шаклда чиқариладиган дозанинг ўртача фоизлардаги қиймати мувофиқ равишда 18,4% (± 6,4) ва 11,6% (± 4,6) ни ташкил этади. Цефдинирнинг клиренси буйрак функциясини бузилиши бўлган пациентларда пасаяди.

Буйраклар орқали экскрецияси асосий чиқарилиш йўли эканлиги туфайли, буйрак функциясини яққол ифодаланган бузилиши бўлган пациентларда ёки гемодиализга муҳтож пациентларда препаратнинг дозасига тузатиш киритиш керак.

Махсус гуруҳлар

Буйрак етишмовчилиги бўлган пациентлар

Цефдинирнинг фармакокинетикаси буйрак функциясини турли даражада бузилишлари бўлган 21 нафар катта ёшдаги пациентларда ўрганилган. Цефдинирнинг чиқарилиш тезлиги, перорал қабул қилинганида тахминий клиренси (CL/F) ва буйрак клиренсини пасайиши креатинин клиренсини (CL_cr) пасайишига тахминан пропорционал бўлган. Натижада цефдинирнинг плазмадаги концентрацияси буйрак функциясини бузилиши бўлган пациентларда буйрак функциясини бузилиши бўлмаган пациентлардагига нисбатан юқори бўлган ва узоқроқ вақт давомида сақланган. CL_cr қийматлари минутига 30 дан 60 мл гача бўлган пациентларда С_max ва t_1/2 қийматлари тахминан 2 баробар, AUC қиймати эса тахминан 3 баробар ошган. CL_cr <30 мл/мин бўлган пациентларда С_max қиймати тахминан
2 баробар, t_1/2 қиймати эса тахминан 5 баробар, AUC қиймати эса – тахминан 3 баробар ошган. Буйрак функциясини яққол ифодаланган бузилиши (креатинин клиренси
<30 мл/мин) бўлган пациентларда дозалаш тартибига тузатиш киритиш тавсия этилади.

Гемодиализ

Диализ (4 соат давомийликдаги) ёрдамида организмдан 63% цефдинир чиқарилган ва тахминий чиқарилиш ҳажми (t_1/2) 16 (±3,5) соатдан 3,2 (±1,2) соатгача камайган. Ушбу пациентлар гуруҳида дозалаш тартибига тузатиш киритиш тавсия этилади.

Жигар касаллиги

Цефдинир асосан буйраклар орқали чиқарилганлиги ва аҳамиятсиз даражада метаболизмга учраганлиги туфайли, жигар функциясини бузилиши бўлган пациентларда тадқиқотлар ўтказилмаган. Ушбу пациентлар гуруҳида дозага тузатиш киритиш талаб этилади деб тахмин қилинмайди.

Кекса ёшдаги пациентлар

300 мг дозаси бир марта қабул қилинганидан сўнг цефдинирнинг фармакокинетикасига ёшни таъсири 19 дан 91 ёшгача бўлган 32 нафар пациентда баҳоланган. Цефдинирнинг тизимли таъсири катта ёшдаги пациентларда (N = 16) аҳамиятли даражада, С_max қиймати – 44% га, AUC қиймати эса – 86% га ошган. Бундай ошиш цефдинирнинг клиренсини пасайиши натижасида ривожланган. Тахминий тақсимланиш ҳажми шунингдек пасайган, аммо тахминий ярим чиқарилиш даврида аҳамиятли ўзгаришлар (кексалар: 2,2 ± 0,6 соат, ёшлар: 1,8 ± 0,4 соат) кузатилмаган. Цефдинирнинг клиренси, ёшга нисбатан, буйрак функциясини ўзгаришларига кўпроқ боғлиқ бўлганлиги туфайли, агар кекса ёшдаги пациентларда буйрак функциясини яққол бузилиши (креатинин клиренси <30 мл/мин; юқорида Буйрак етишмовчилиги бўлган пациентларга қаранг) бўлмаса, дозалаш тартибига тузатиш киритиш талаб этилмайди.

Жинс ва ирқ

Клиник фармакокинетикасини мета таҳлил қилиш натижаларида (N = 217) жинс ва ирқни цефдинирнинг фармакокинетикасига аҳамиятли таъсири аниқланмаган.

Капсулалар. 10 капсуладан блистерда. 1 ёки 2 блистер тиббиётда қўлланилишига доир йўриқномаси билан бирга картон қутига жойланган.

Клиник тадқиқотлар

Цефдинирнинг ҳавфсизлиги 5093 нафар катталар ва ўсмирлар иштирокида ўтказилган, препарат 600 мг суткалик дозада буюрилган клиник тадқиқотларда ўрганилган.

Кўпчилик ножўя кўринишлар енгил даражада бўлган ва препарат бекор қилинганидан кейин мустақил равишда ўтиб кетган. Цефдинир препаратини қўллаш билан боғлиқ бўлган ўлим ҳолатлари ёки давомли ишга яроқсизлик ҳолатлари аниқланмаган. 5093 нафар пациентларнинг 147 нафарида (3%) нохуш реакциялар ривожланганлиги туфайли, даволаш билан бўлиши мумкин, эҳтимол ёки ишончли боғлиқ сифатида баҳоланган. Препаратни бекор қилиш кўпчилик ҳолатларда меъда-ичак йўллари томонидан, одатда диарея ки кўнгил айниши билан намоён бўлувчи бузилишлар билан боғлиқ бўлган. 0,4% пациентлар цефдинирни қўллаш билан боғлиқ бўлган тошма туфайли даволашни тўхтатишган.

Қуйидаги нохуш реакциялар аниқланган:

Жуда тез-тез: диарея.

Тез-тез: вагинал кандидоз (аёлларда), кўнгил айниши, бош оғриғи, қоринда оғриқ, вагинит (аёлларда).

Тез-тез эмас: тошма, диспепсия, метеоризм, қусиш, ахлатни бузилиши, анорексия, қабзият, бош айланиши, оғизни қуриши, астения, уйқусизлик, лейкорея (аёлларда), кандидоз, қичишиш, уйқучанлик.

Лаборатор кўрсаткичларни, цефдинирни қабул қилиш билан ўзаро боғлиқлигидан қатьий назар, қуйидаги клиник аҳамиятли ўзгаришлари клиник тадқиқотларни ўтказиш вақтида кузатилган.

Тез-тез: сийдикда лейкоцитларни ошиши, сийдикда оқсил аниқланиши, гамма-глутамил-трансферазанинг даражасини ошиши*, лимфоцитларни пасайиши, лимфоцитларни ошиши, микрогематурия.

Тез-тез эмас: глюкозанинг даражасини ошиши*, сийдикда глюкозанинг даражасини ошиши, лейкоцитларни ошиши, лейкоцитларни пасайиши, аланинаминотрансфераза
(АЛТ) нинг даражасини ошиши, эозинофилларнинг даражасини ошиши, сийдикнинг солиштирма зичлигини ошиши, сийдикнинг солиштирма зичлигини пасайиши*, бикарбонатнинг даражасини пасайиши*, фосфорнинг даражасини ошиши*, фосфорнинг даражасини пасайиши*, аспартатаминотрансфераза (АСТ) нинг даражасини ошиши, ишқорий фосфатазанинг даражасини ошиши, қонда мочевина азотининг даражасини ошиши (BUN), гемоглобиннинг даражасини пасайиши, полиморф ядроли нейтрофиллар (ПМН) нинг даражасини ошиши, ПМН нинг даражасини пасайиши, билирубиннинг даражасини ошиши, лактатдегидрогеназанинг даражасини ошиши*, тромбоцитларнинг даражасини ошиши, калийнинг даржасини ошиши*, сийдикнинг рН даражасини ошиши*.

*N <3841 ушбу кўрсаткичлар учун.

Рўйхатдан ўтказилгандан кейинги қўллаш тажрибаси

Лаборатор таҳлил натижаларини, цефдинирни қўллаш билан боғлиқлигидан қатъий назар, қуйидаги нохуш кўринишлар ва ўзгаришлар хақида хабарлар тушган, рйхатдан ўтказилгандан кейин кенг қамровли қўллаш вақтида: шок, кам ҳолларда ўлим билан якунланган анафилаксия, юз ва хиқилдоқни шиши, бўғилиш ҳисси, зардоб касаллиги типидаги реакциялар, конъюнктивит, стоматит, Стивенс-Джонсон синдроми, токсик эпидермал некролиз, эксфолиатив дерматит, кўп шаклли эритема, тугунли эритема, ўткир гепатит, холестаз, яшин тезлиги билан кечувчи гепатит, жигар етишмовчилиги, сариқлик, амилазанинг даражасини ошиши, ўткир энтероколит, қонли диарея, геморрагик колит, мелена, сохта мембраноз колит, панцитопения, гранулоцитопения, лейкопения, тромбоцитопения, идиопатик тромбоцитопеник пурпура, гемолитик анемия, ўткир респиратор етишмовчилик, астма ҳуружи, медикаментоз пневмония, эозинофил пневмония, идиопатик интерстициал пневмония, иситма, ўткир буйрак етишмовчилиги, нефропатия, қон кетишини ривожланишига мойиллик, қон ивиши фаолиятини бузилиши, қон томирлар ичида қонни диссеминацияланган ивиши синдроми, меъда-ичак йўлларининг юқори бўлимларидан қон кетиши, пептик яра, ичак тутилиши, хушни йўқолиши, аллергик васкулит, цефдинир ва диклофенакни ўзаро таъсир қилиш эҳтимоли, юрак етишмовчилиги, кўкрак қафасида оғриқ, миокард инфаркти, гипертензия, ихтиёрсиз ҳаракатлар, рабдомиолиз.

Цефалоспоринлар синфи учун нохуш кўринишлар

Лаборатор кўрсаткичларни умуман цефалоспоринлар синфи антибиотикларига нисбатан қуйидаги нохуш кўринишлари ва ўзгаришлари хақида хабарлар тушган: аллергик реакциялар, анафилаксия, Стивенс-Джонсон синдроми, кўп шаклли эритема, токсик эпидермал некролик, буйрак дисфункцияси, токсик нефропатия, жигар дисфункцияси, жумладан холестаз, апластик анемия, гемолитик анемия, қон кетиши, қонда глюкозани аниқлаш синамасини сохта мусбат натижаси, нейтропения, панцитопения, агранулоцитоз. Сохта мембраноз колитнинг симптомлари антибиотиклар билан даволаниш вақтида ёки даволашдан кейин ривожланиши мумкин.

Айрим цефалоспоринларни қўллаш, хусусан, буйрак функциясини бузилиши бўлган, препаратнинг дозаси қайта ҳисобланмаган пациентларда тиришишларни ривожланиши билан кечган. Даволаш фонида тиришишлар ривожланганида антибиотикни бекор қилиш керак. Клиник зарурат бўлганида тиришишга қарши даволаш буюрилиши мумкин.

Шубҳа қилинган нохуш реакциялар хақида хабарлар

Дори воситаси рўйхатдан ўтказилгандан кейин шубҳа қилинган нохуш реакциялар ҳақида хабарлар муҳим ҳисобланадилар. Пациентда дори воситасига нисбатан жиддий нохуш реакция аниқланганида ёки ушбу бўлимда таърифланмаган янги нохуш реакция пайдо бўлганида Миллий фармакоогоҳлик тизимига мувофиқ равишда хабар беришингизни сўраймиз.

Огоҳлантиришлар

Цефдинир билан даволанишни бошлашдан олдин анамнезида цефдинирга, бошқа цефалоспоринларга, пенициллинларга ёки бошқа препаратларга юқори сезувчанлик реакциялари борлигини истисно қилиш керак. Агар цефдинир пенициллинга сезгирлиги бўлган пациентларга қўллангса, эҳтиёткорликка риоя қилиш керак, чунки анамнезида пенициллинга аллергияси бўлган 10% пациентларда ривожланувчи β-лактам антибиотиклар ўртасидаги кесишган ўта юқори сезувчанлик исботланган. Цефдинирга аллергик реакция ривожланганида препаратни қабул қилишни зудлик билан бекор қилиш керак. Жиддий ўткир ўта юқори сезувчанлик реакцияларини ривожланиши эпинефрин билан даволашни ва бошқа шошилинч чоралар қўллашни, жумладан кислород билан таъминлаш, вена ичига суюқликлар юбориш, вена ичига антигистамин воситалар, кортикостероидлар, вазопрессор аминларни юбориш ва клиник жиҳатдан зарурат бўлганида нафас йўлларининг ўтказувчанлигини таъминлашни талаб этиши мумкин.

Clostridium difficile билан ассоциацияланган диарея (CDAD) деярли барча антибактериал моддалар, жумладан цефдинир қўлланганида кузатилган. CDAD оғирлик даражаси енгил диареядан ўлим билан якунланиши мумкин бўлган колитгача тебраниши мумкин. Антибактериал препаратлар билан даволаш йўғон ичакнинг нормал флорасини ўзгартириб, C. difficile ҳаддан ташқари ўсишига олиб келади.

C. difficile CDAD ни ривожланишига олиб келувчи А ва В токсинларни ишлаб чиқаради.
C. difficile нинг гипертоксин ишлаб чиқарувчи штаммлари касалланиш ва ўлим кўрчаткичини оширади, чунки ушбу инфекциялар антимикроб даволашга чидамли бўлиши мумкин ва колэктомияни талаб этиши мумкин. Антимикроб воситалар қўлланганидан сўнг диарея ривожланиши мумкин бўлган барча пациентларда CDAD бўлиши эҳтимолини кўриб чиқиш керак. Тиббий анамнез синчиклаб йиғиш керак, чунки антибактериал воситалар қўлланганидан сўнг икки ойдан ортиқ муддат ўтганидан кейин ҳам CDAD ривожланганлиги хақида хабарлар тушган.

CDAD га шубҳа қилинганида ёки у тасдиқланганида жорий антибактериал даволашни тўхтатиш талаб этилади. Клиник ҳолатдан келиб чиқиб, пациентга суюқликни ўрнини тўлдириш, электролитлар ва аминокислоталар эритмаларини юбориш, C. difficile ни антибактериал даволаш, жарроҳлик йўли билан даволаш кўрсатилган бўлиши мумкин.

Эҳтиёткорлик чоралари

Умумий

Тасдиқланган ёки асосли шубҳа қилинган бактериал инфекция бўлмаганида цефдинирни буюриш ёки препаратни профилактик буюриш пациент учун фойдаси шубҳали бўлади ва антибиотикларга резистент бактерияларни ривожланиш ҳавфини оширади.

Цефдинирни, кенг таъсир доирали бошқа микробларга қарши воситалар (антибиотиклар) каби, анамнезида колит бўлган пациентларга эҳтиёткорлик билан буюриш керак.

Ўткинчи ёки барқарор буйрак етишмовчилиги (креатинин клиренси <30 мл/мин) бўлган пациентларда цефдинирнинг умумий суткалик дозаси камайтирилиши керак, чунки тавсия этилган дозаларда қабул қилиш плазмада цефдинирнинг концентрацияларини юқори даражада ёки узоқ муддат сақланиб туришига олиб келиши мумкин.

Ҳомиладорликда ва лактация даврида қўлланиши

Тератоген самаралари

Ҳайвонларда ўтказилган тадқиқотларда урғочиларнинг репродуктив кўрсаткичларига ёки болаларни яшовчанлиги, ривожланиши, хулқ-атвори ёки репродуктив функциясига таъсири кузатилмаган. Шундай бўлса-да, ҳомиладор аёлларда етарли даражадаги ва яхши назоратли клиник тадқиқотлар ўтказилмаган. Ҳайвонларнинг репродуктив функциясига таъсирини ўрганиш одам организми учун таъсир қилишини ҳар доим ҳам башорат қилиш имконини бермаслиги туфайли, ҳомиладорлик вақтида препаратни фақат клиник қўллаш зарурати асосланган ҳолатдагина қўллаш лозим.

Тўлғоқ тутиш ва туғруқ вақтида цефдинирни қўллаш ўрганилмаган.

Лактация даври

Цефдинир 600 мг дозаларда бир марта қабул қилинганидан сўнг она сутида аниқланмаган.

Автотранспортни ҳайдаш ва механизмларни бошқариш қобилиятига таъсири

Даволаниш вақтида автотранспортни ҳайдашда ва диққатни юқори даражада жамлаш ва психомотор реакциялар тезлигини талаб этувчи бошқа потенциал ҳавфли фаолият турларини бажаришда эҳтиёткорликка риоя қилиш керак.

Родинир микроорганизмларнинг сезгир штаммлари томонидан чақирилган енгил ва ўртача оғирлик даражадаги инфекцияни даволаш учун кўрсатилган.

Препаратга резистент бактерияларни ривожланишини пасайтириш учун ва цефдинир ҳамда бошқа антибактериал воситаларнинг самарадорлиги учун цефдинирни, улар сезгир микроорганизмлар томонидан чақирилган деб қилинган тахмин тасдиқланган ёки асосланган, инфекцияларни бартараф қилиш ва даволаш мақсадида қўллаш керак. Қўзғатувчи ва унинг сезгирлиги хақида маълумотлар бўлганида антибактериал даволашни танлашда ёки ўзгартирганда уни инобатга олиш керак. Бундай маълумотлар бўлмаганида антибактериал даволашни танлашда патоген микроорганизмларни маҳаллий циркуляция ҳусусиятлари ва антибактериал воситаларга резистентликни ривожланиш моделини инобатга олиш керак.

Катталар ва ўсмирлар (13 ёш ва ундан катта)

-       Haemophilus influenzae (жумладан β-лактамаза ишлаб чиқарувчи штаммлари), Haemophilus parainfluenzae (жумладан β-лактамаза ишлаб чиқарувчи штаммлари), Streptococcus pneumoniae (фақат пенициллинга сезгир штаммлари) ва Moraxella catarrhalis (жумладан β-лактамаза ишлаб чиқарувчи штаммлари) томонидан чақирилган касалхонадан ташқари пневмония);

-       Haemophilus influenzae (жумладан β-лактамаза ишлаб чиқарувчи штаммлари), Haemophilus parainfluenzae (жумладан β-лактамаза ишлаб чиқарувчи штаммлари), Streptococcus pneumoniae (фақат пенициллинга сезгир штаммлари) ва Moraxella catarrhalis (жумладан β-лактамаза ишлаб чиқарувчи штаммлари) томонидан чақирилган сурункали бронхитни зўрайиши;

-       Haemophilus influenzae (жумладан β-лактамаза ишлаб чиқарувчи штаммлари), Streptococcus pneumoniae (фақат пенициллинга сезгир штаммлари) и Moraxella catarrhalis (жумладан β-лактамаза ишлаб чиқарувчи штаммлари) томонидан чақирилган ўткир гайморит;

-       Streptococcus pyogenes томонидан чақирилган фарингит/тонзиллит.

Изоҳ: цефдинир оғиз ҳалқумдан S. pyogenes эрадикациясида самарали. Бироқ S. pyogenes томонидан чақирилган фарингит/тонзиллитдан кейин ўткир ревматик иситмани олдини олиш учун цефдинирни қўллаш ўрганилмаган. Фақат мушак ичига юбориладиган пенициллин ревматик иситмани олдини олишда самарадорликни намойиш этган.

Анамнезида цефдинирга, цефалоспоринлар синфининг бошқа антибиотикларига ёки дори воситасининг таркибидаги ёрдамчи моддаларга юқори сезувчанликда препаратни қўллаш мумкин эмас.

Антацидлар (алюминий ёки магний сақловчи антацидлар)

300 мг цефдинирни таркибида алюминий ва магний сақловчи 30 мл антацид билан бир вақтда қўллаш, сўрилиш тезлиги (С_max) ва даражаси (AUC) ни тахминан 40% га пасайтиради. С_max эришилгунигача кетган вақт ҳам 1 соатга узаяди. Цефдинирни қўллаш вақтида антацидларни қўллаш зарурати бўлганида цефдинирни антацидни қабул қилишдан камида 2 соат олдин ёки қабул қилгандан сўнг 2 соат ўтгач қабул қилиш керак.

Пробенецид

Бошқа β-лактам антибиотиклар билан бўлгани каби, пробенецид цефдинирни буйрак орқали чиқарилишини ингибиция қилиб, AUC қийматини тахминан 2 баробар ошишига, цефдинирнинг плазмадаги максимал даражаларини 54% га ошишига ва тахминий ярим чиқарилиш даврини 50% га узайишига олиб келади.

Темир препаратлари ва темир билан бойитилган озуқа маҳсулотлари

Цефдинир ва 60 мг элементар темир (FeSO₄ шаклида) сақловчи дори воситаларни ёки 10 мг элементар темир сақловчи витаминларни бир вақтда қўллаш препаратнинг сўрилиш даражасини мувофиқ равишда 80% ва 31% га пасайтиради. Цефдинир препарати билан даволаниш вақтида темир препаратларини қўллаш зарурати бўлганида уни темир препаратларини қабул қилишдан камида 2 соат олдин ёки қабул қилгандан сўнг 2 соат ўтгач қабул қилиш керак.

Элементар темир билан бойитилган озуқа маҳсулотлар (энг аввало, темир билан бойитилган донли нонушталар) ни цефдинирни сўрилишига таъсири ўрганилмаган.

Цефдинир қабул қилган пациентларнинг ахлати рангини қизариш ҳолатлари хақида хабар берилган. Кўпчилик ҳолатларда пациентлар шунингдек темир сақловчи препаратларни қабул қилганлар. Қизил ранг меъда-ичак йўлларида цефдинир ёки уни парчаланиш маҳсулотларини ва темирни сўрилмаган комплексини ҳосил бўлиши натижасида ривожланади.

Таҳлил натижаларига таъсири

Сийдикда кетонларни аниқлашга сохта мусбат реакция таҳлиллар нитропруссид ёрдамида ўтказилганида кузатилиши мумкин, аммо нитроферрицианид ёрдамида ўтказилган таҳлилларда кузатилмайди. Цефдинирни қабул қилиш сийдикда глюкозани аниқлаш Clinitest^®, Бенедикт эритмаси ёки Фелинг эритмаси ёрдамида ўтказилганида сохта мусбат реакцияларга олиб келиши мумкин. Глюкозани аниқлаш учун глюкозооксидазани ферментатив реакцияларига (Clinistix^® ёки Tes-Tape^® кабиларга) асосланган таҳлилларни ўтказиш тавсия этилади. Маълумки, цефалоспоринлар баъзида бевосита Кумбс синамасининг мусбат натижасини индукция қилади.

Катталар ва ўсмирлардаги инфекцияларни даволаш давомийлиги ва препаратнинг тавсия этилган дозаси қуйида таърифланган; барча инфекцияларда умумий суткалик дозаси

600 мг ни ташкил этади. Препаратни суткада 1 марта 10 кун давомида қўллаш, суткада
2 марта қўллаш каби самаралидир. Пневмонияда ёки тери инфекцияларида препаратни суткада 1 марта қўллаш ўрганилмаган; шу сабабли бундай инфекцияларда цефдинир капсулаларини суткада 2 марта қабул қилиш керак. Цефдинир капсулаларини овқатланиш вақтидан қатъий назар қабул қилиш мумкин.

Катталар ва ўсмирлар (13 ёш ва ундан катта)

Буйрак етишмовчилиги бўлган пациентлар

Креатинин клиренси <30 мл/мин бўлган катта ёшдаги пациентлар учун цефдинирнинг дозаси 300 мг дан суткада 1 марта қабул қилишни ташкил этиши керак.

Гемодиализдаги пациентлар

Цефдинир гемодиализда организмдан чиқарилади. Доимий гемодиализда бўлган пациентлар учун тавсия этилган бошланғич дозалаш тартиби 300 мг ёки 7 мг/кг дан кунора қабул қилишни ташкил этади. Ҳар бир гемодиализ сеанси тугаганидан сўнг 300 мг
(ёки 7 мг/кг) дозани қабул қилиш керак. Навбатдаги дозалари (300 мг ёки 7 мг/кг) кунора қабул қилинади.

Болалар

13 ёшдан кичик болаларда цефдинир аниқ дозалаш имконини берувчи дори шаклларида (масалан, суспензия шаклида) қўлланади.

Кекса ёшдаги пациентлар

Одамда цефдинирнинг дозасини ошириб юборилиш юзасидан маълумотлар йўқ. Кемирувчиларда ўткир токсиклигини ўрганиш юзасидан ўтказилган тадқиқотларда препаратнинг 5600 мг/кг бўлган бир марталик перорал дозаси нохуш самараларни келтириб чиқармаган. Бошқа β-лактам антибиотикларнинг дозаси ошириб юборилганидан сўнг токсикликнинг бегилари ва симптомлари кўнгил айниши, қусиш, эпигастрал соҳада дискомфорт, диарея ва тиришишлардан иборат бўлган. Цефдинир организмдан гемолиз муолажасида чиқарилади. Зарурат бўлганида гемодиализ препаратнинг дозаси ошириб юборилиши натижасида жиддий токсик реакциялар кузатилганида, хусусан, буйрак функциясини бузилишларида ишлатилиши мумкин.