SANA gel 15 g 20 mg/g

SANAGEL

SANAGEL

DORI VOSITASI ISTE‘MOLCHILAR UCHUN

ILOVA-VARAQA

Tarkibi:

1 g Sanagel quyidagilarni saqlaydi:

Faol moddalar: 30 mg Methyluracilum (metilurasil), 20 mg Lidocainum (lidokain gidroxloridi).

Yordamchi moddalar: lesitin, silbiol, α-tokoferol, trolamin, karbomer, metilparagidroksibenzoat, propilparagidroksibenzoat, etil spirti, tozalangan suv.

Farmakoterapevtik guruxi: to‘qimalar trofikasini va regenerasiyasini rag‘batlantiruvchi vosita.

ATX kodi: D03AX.

Farmakologik xususiyatlari

Farmakodinamikasi

Gelning komponentlari to‘qimalar regenerasiyasi va epitelizasiyasini rag‘batlantiradi, shuningdek yumshatuvchi va yallig‘lanishga qarshi xususiyatlarga ham ega.

Metilurasil – to‘qimalar regenerasiyasiga va epiteliyni tiklanishiga yordam beradi, shilliq qavati to‘qimalarida nuklein kislotasining almashinuvi jarayoniga ijobiy ta‘sirga ega, yallig‘lanishga qarshi ta‘sirlarga ega, immunitetning tiklanishini rag‘batlantiradi. Metilurasil klinika amaliyotida ham tizimli, ham mahalliy qo‘llanadi, shu jumladan shilliq qavatlarda ham.

Lidokain gidroxloridi – shilliq qavatiga kirganida og‘riq reseptorlarida va nerv oxirlari sohasida to‘planadi. Lidokain shilliq qavatini mahalliy anasteziyasini chaqirib, impulslarning o‘tkazilishini ta‘minlovchi ionlar oqimini ingibisiya qilib, neyronlarning membranalarini barqarorlashtiradi.

Farmakokinetikasi

Metilurasil – sirtga qo‘llanganida amalda tizimli qon oqimiga tushmaydi.

Lidokain gidroxloridi – og‘iz bo‘shlig‘i shilliq qavati orqali qon aylanishiga lidokainning ozgina miqdori tushadi, faol moddaning plazmadagi maksimal darajasiga taxminan 20-45 minut o‘tgach erishiladi. Organizmda lidokain gastrointestinal yo‘liga tushadi va jigarda to‘liq metabolizmga uchraydi.

Qo‘llanilishi

Og‘iz bo‘shlig‘i shilliq qavatining yallig‘lanish kasalliklari (og‘iz bo‘shlig‘ining yallig‘lanishi, nur terapiyasidan keyingi kuyishlar, aftoz stomatit, tishlarni olish);

Ginekologik kasalliklar (yarani davolash, quriqlik va qichishish, vaginit, operasiyadan keyingi jaroxatlar);

Urologik va proktologik kasalliklar (operasiyadan keyingi jaroxatlar, anal teshigi va to‘g‘ri ichakning kichik jaroxatlari, anal teshik yoriqlari).

Qo‘llash usuli va dozalari

Shikastlangan joylarga kuniga 3-4 marta qo‘yiladi. Qo‘llashning davomiyligi shifokorning ko‘rsatmasi bo‘yicha.

Qo‘llash mumkin bo‘lmagan holatlar

• faol modda va/yoki har qanday boshqa komponentga yuqori sezuvchanlik;
• leykozning o‘tkir va surunkali leykemik shakli, limfogranulomatoz, suyak ko‘migining xavfli kasalliklari, jigarning og‘ir kasalliklari, amid turidagi mahalliy anesteziya vositalari yoki gelning boshqa komponentlariga yuqori sezuvchanlik;
• 3 yoshgacha bo‘lgan bolalarda qo‘llash mumkin emas.

Nojo‘ya ko‘rinishlari

Kamdan-kam hollarda mahalliy ta‘sirlovchi reaksiyalar, allergik reaksiyalar bo‘lishi mumkin.

Boshqa dori vositalari bilan o‘zaro ta‘siri

Gel strofantinning ta‘sirini potensiyalaydi, antibiotiklar va sulfanilamid preparatlarining ta‘sirini kuchaytiradi.

Ehtiyotkorlik choralari

Gelni ko‘zga tushishiga yo‘l qo‘ymaslik kerak, chunki preparat ko‘zning shilliq qavatiga yengil ta‘sirlovchi ta‘sirga ega. Gel ko‘zga tushganida katta miqdordagi iliq suv bilan yuvib tashlash kerak.

Faqat maxalliy qo‘llash uchun.

Homiladorlik va laktasiya davri

Preparatni homiladorlik va laktasiya davrida qo‘llashga cheklanishlar yo‘q.

Avtotransportni haydash va mexanizmlarni boshqarish qobiliyatiga ta‘siri

Gel transport vositalarini xaydash va mexanizmlarga xizmat ko‘rsatish qobiliyatiga ta‘sir qilmaydi.

Preparat bolalar olaolmaydigan va ko‘rmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Gelning dozasini oshirib yuborilishi hollari kuzatilmagan.

Chiqarilish shakli

15 g dan alyumin tubalarda, tubalar karton qutiga joylangan.

Saqlash sharoiti

Gelni namlikdan va yorug‘likdan saqlash kerak. 25°S dan yuqori bo‘lmagan haroratda saqlansin.

Yaroqlilik muddati

3 yil

Dorixonalardan berish tartibi

Reseptsiz.