SEPTANAZAL sprey 10 ml 0,1 mg+5 mg

Odamda ksilometazolin gidroxloridini qo'llash bo'yicha farmakokinetik tadqiqotlar ma'lumotlari mavjud emas. Ba'zi hollarda, intranazal yuborilganda, so'rilgan ksilometazolin gidroxloridi miqdori markaziy asab tizimi va yurak-qon tomir tizimiga tizimli ta'sir ko'rsatishi mumkin.

Dekspantenol teri tomonidan so'riladi va organizmda, xuddi terida bo'lgani kabi, fermentativ oksidlanib pantoten kislotasiga aylanadi. Vitamin qon plazmasida bog'lovchi oqsillar shaklida tashiladi. Pantoten kislotasi organizmda hamma joyda hosil bo'ladigan koferment A ning asosiy komponenti sifatida ishtirok etadi.

Teri va shilliq qavatlarda metabolizm bo'yicha batafsilroq tadqiqotlar mavjud emas. Peroral qabul qilingan dekspantenol dozasining 60-70% i siydik bilan, 30-40% i axlat bilan chiqariladi.

Tez-tez emas ( 1/1,000, gacha
Kam hollarda ( 1/10,000, gacha
Juda kam hollarda (
Noma’lum (mavjud ma’lumotlar bo‘yicha baholab bo‘lmaydi): burun shilliq qavatining achishishi yoki qurishi, aksirish.

Ushbu dori vositasini faqat xavf va afzalliklarni sinchkovlik bilan baholagandan so‘ng quyidagi hollarda ehtiyotkorlik bilan qo‘llash mumkin: bemorlar monoaminoksidaza (MAO) ingibitorlari va arterial bosimni potensial oshiruvchi boshqa preparatlar bilan davolanishayotganda, ko‘z ichi bosimining oshishi, ayniqsa yopiq burchakli glaukoma, jiddiy yurak-qon tomir kasalliklari (masalan, yurak ishemik kasalligi, arterial gipertenziya), feoxromotsitoma, moddalar almashinuvi buzilishlari (masalan, gipertireoz, qandli diabet), porfiriya, prostata bezi giperplaziyasi.

Qo‘llashdan oldin burun yo‘llarini tozalash kerak. Surunkali rinitda preparatni faqat shifokor nazorati ostida qo‘llash mumkin, chunki burun shilliq qavati atrofiyasi yuzaga kelishi xavfi mavjud.

Simpatomimetik dimlanishga qarshi vositalarni uzoq muddat qo‘llash va dozasini oshirib yuborish burun bo‘shlig‘i shilliq qavatining reaktiv giperemiyasiga olib kelishi mumkin. Bu nojo‘ya ta'sir nafas yo‘llarining obstruksiyasiga olib kelishi mumkin, bu esa o‘z navbatida bemorni preparatni takroran yoki hatto doimiy qo‘llashga majbur qiladi. Bu surunkali shish (medikamentoz rinit) yoki hatto burun shilliq qavati atrofiyasiga sabab bo‘lishi mumkin.

O‘tkir bo‘lmagan hollarda simpatomimetik preparatni bitta burun teshigiga yuborishni to‘xtatish, asorat kamayganda esa, hech bo‘lmaganda qisman burun orqali nafas olishni saqlab qolish uchun davolashni boshqa burun teshigiga yuborish bilan davom ettirish mumkin.

Dori vositasini ko‘zga tushishidan saqlanish kerak. Noto‘g‘ri qo‘llanilganda yoki spreyning ortiqcha miqdori qo‘llanilganda, ksilometazolinning so‘rilishi tizimli nojo‘ya ta'sirlarni, ayniqsa bolalarda (yurak-qon tomir va nevrologik nojo‘ya ta'sirlar) chaqirishi mumkin.

Preparatni grippni mahalliy yoki tizimli davolash uchun dori vositalari bilan va tarkibida simpatomimetiklar saqlovchi shamollash va yo‘talga qarshi preparatlar (masalan psevdoefedrin, efedrin, fenilefrin, oksimetazolin, ksilometazolin, tramazolin, nafazolin, tuaminogeptan) bilan bir vaqtda qo‘llash mumkin emas, chunki ehtimoliy yurak-qon tomir va nevrologik nojo‘ya ta'sirlar rivojlanishi xavfi oshishining oldini olish kerak.

Infeksiyalanishni oldini olish uchun har bir o‘ramdan faqat bitta shaxs foydalanishi kerak.

Dozani oshirib yuborish:

Imidazol hosilalari bilan intoksikatsiya klinik manzarasi xilma-xil bo‘lishi mumkin, chunki stimulyatsiya fazalari markaziy asab tizimi va yurak-qon tomir tizimining susayishi davrlari bilan almashinishi mumkin

Belgilari: tirishishlar va koma, bradikardiya, apnoe, arterial gipertenziya, shuningdek arterial gipotenziya, bezovtalik, qo‘zg‘algan holat, gallyutsinatsiyalar, tana haroratining pasayishi, charchoq, uyquchanlik, mioz, midriaz, terlash, isitma, oqarish, sianoz, ko‘ngil aynishi, taxikardiya, bradikardiya, yurak aritmiyasi, yurak to‘xtashi, arterial gipertenziya, shoksimon gipotenziya, o‘pka shishi, nafas olishning buzilishi va apnoe.

Davolash: og‘ir dozani oshirib yuborish hollarida jadal statsionar davolash ko‘rsatilgan. Faollashtirilgan ko‘mir (adsorbent), natriy sulfat (surgi) tayinlash yoki oshqozonni yuvishni (katta miqdorlar holatida) darhol o‘tkazish kerak, chunki ksilometazolin tez so‘riladi. Arterial bosimni pasaytirish uchun neselektiv alfa-adrenoreseptorlar antagonistini tayinlash mumkin. Vazopressor agentlar mumkin emas. Zarurat tug‘ilganda – tana haroratini pasaytirish, tirishishga qarshi terapiya va kislorod ingalyatsiyasi.

Faol moddalarga yoki preparatning boshqa komponentlariga yuqori sezuvchanlik, quruq rinit (rhinitis sicca), anamnezda transsfenoidal gipofizektomiya yoki qattiq miya qobig‘iga ta’sir qiluvchi boshqa jarrohlik amaliyotlari.

Kattalar uchun Septanazal 6 yoshgacha bo‘lgan bolalarga mumkin emas.

Bolalar uchun Septanazal 2 yoshgacha bo‘lgan bolalarga mumkin emas.



Homiladorlik:

Kattalar uchun Septanazal/Bolalar uchun Septanazalni homiladorlik vaqtida qo‘llash mumkin emas, chunki ksilometazolin gidroxloridini homilador ayollar tomonidan qo‘llanishiga oid yetarli ma’lumotlar yo‘q.

Kattalar uchun Septanazal/Bolalar uchun Septanazalni laktatsiya davrida qo‘llash mumkin emas, chunki ksilometazolin gidroxloridi ko‘krak sutiga ajralishi noma’lum.

Kattalar uchun Septanazal / Bolalar uchun Septanazal tranilsipromin tipidagi monoaminoksidaza ingibitorlari yoki tritsiklik antidepressantlar va qon bosimini oshiruvchi preparatlar bilan bir vaqtda qo'llanilganda, ushbu faol moddalarning yurak-qon tomir tizimiga ta'siri oqibatida arterial qon bosimining oshishiga olib kelishi mumkin

Preparatni grippni mahalliy yoki tizimli davolash uchun dori vositalari va simpatomimetiklar (masalan psevdoefedrin, efedrin, fenilefrin, oksimetazolin, ksilometazolin, tramazolin, nafazolin, tuaminogeptan) saqlovchi shamollash va yo'talga qarshi preparatlar bilan bir vaqtda qo'llash yurak-qon tomir tizimi va markaziy asab tizimiga qo'shimcha ta'sirlarni keltirib chiqarishi mumkin

Dekspantenolning boshqa dori vositalari bilan o'zaro ta'siri haqida ma'lumotlar yo'q.