×
×

Mahsulotning ko'rinishi saytdagi rasmdan farq qilishi mumkin.

SINDRANOL tabletkalari 2mg N28

Kategoriya:
- Asab tizimi
Ishlab chiqarilish joyi:
- Gretsiya
Faol modda:
Ропинирол
Qadoqda soni:
- 28
Ishlab chiqaruvchi:
- Egis Pharmaceuticals Private Limited Company, Венгрия произведено: Pharmathen International S.A.
ATX kodi:
- N04BC04
Noaniqliq haqida habar berish
Toshkentning 32 ta dorixonasida topildi

ico 95 000 s`om dan

Dorixonalardan izlash

O'xshash dorilar

VELAKSIN kapsulalar 37,5mg N28 Egis Pharmaceuticals Private Limited Company Vengriya
77 300 s`om dan
LIRA eritma 30ml 100mg/ml Фармак, ПАО Ukraina
68 000 s`om dan
KOMBILIPEN inyeksiya uchun eritma 2ml N10 ОАО «Фармстандарт-УфаВИТА» Rossiya
AMITRIPTILIN tabletkalari 25mg N50 УЗХИМФАРМ, АО (упаков.) Rusan Pharma Ltd.,Индия (произ.) O'zbekiston
10 000 s`om dan
Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
SINDRANOL tabletkalari 2mg N28 qo'lanishi bo'yicha ko'rsatmalar

QO‘LLASH BO‘YICHA YO‘RIQNOMA

(pasientlar uchun ma‘lumot)

Sindranol

ta‘siri uzaytirilgan, qobiq bilan qoplangan tabletkalar

2 mg, 3 mg, 4 mg, 8 mg

Ropinirol

 

Preparatni qabul qilishni boshlashdan oldin, ushbu yo‘riqnomani diqqat bilan o‘qib chiqing.

  • Ushbu ilova-varaqani saqlang. Ehtimol, Sizga uni yana bir marta o‘qib chiqish talab qilinishi mumkin.
  • Agar Sizda qo‘shimcha savollar paydo bo‘lsa, shifokorga yoki farmasevtga murojaat qiling.
  • Bu dori vositasi Sizga buyurilgan. Uni boshqalarga bermang. Bu ularga zarar yetkazishi mumkin, xatto agarda ularda kasallikning o‘sha simptomlari bo‘lsa ham.
  • Og‘ir nojo‘ya samaralari aniqlanganida yoki ushbu yo‘riqnomada eslatib o‘tilmagan nojo‘ya samaralari paydo bo‘lganida, iltimos, shifokoringizga yoki farmasevtga murojaat qiling.

 

Yo‘riqnomaning mazmuni:

  1. Sindranol o‘zi nima va u nima uchun qo‘llanadi
  2. Sindranolni qabul qilishni boshlashdan oldin
  3. Sindranolni qanday qabul qilish kerak
  4. Mumkin bo‘lgan nojo‘ya ta‘siri
  5. Sindranolni qanday saqlash kerak
  6. Qo‘shimcha ma‘lumotlar

  1. SINDRANOL O‘ZI NIMA VA U NIMA UCHUN QO‘LLANADI

Sindranol Parkinson kasalligini davolash uchun qo‘llanadi. Sindranol preparatining ta‘sir qiluvchi moddasi rapinirol bo‘lib, u dopamin agonistlari preparatlari guruhiga kiradi. Dopamin agonistlarining bosh miyaga ta‘siri, tabiiy dopaminlarning unga ko‘rsatgan ta‘siri bilan o‘xshashdir.

Parkinson kasalligida miyaning ba‘zi qismlarida dopaminning darajasi pasayadi. Ropinirol tabiiy dopaminga o‘xshash ta‘sir ko‘rsatadi, va shunday qilib, Parkinson kasalligining simptomlarini kamaytirishga yordam beradi.

  1. SINDRANOL QABUL QILISHNI BOSHLASHDAN OLDIN

Quyidagi hollarda Sindranolni qabul qilmang

  • ropinirol yoki Sindranolning tarkibiga kiruvchi boshqa komponentlarga allergiya (o‘ta yuqori sezuvchanlik) bo‘lganida (6 bo‘limga qarang);
  • homiladorlik yoki homiladorlikka gumon qilinganida;
  • emizish vaqtida.

Sanab o‘tilgan qo‘llash mumkin bo‘lmagan holatlardan hatto birontasi paydo bo‘lganida albatta bu haqida shifokoringizga xabar bering.

Sindranol qabul qilishdagi  alohida ehtiyotkorlik choralari

Agar Sizda quyidagilar bo‘lsa, Sindranol qabul qilishni boshlashdan oldin, shifokoringizni xabardor qilish kerak:

  • buyraklar faoliyatini jiddiy buzilishlari;
  • jigar kasalliklari;
  • yurakning jiddiy kasalliklari;
  • ruhiy buzilishlar;
  • kasallik tarixida anomal hoxishlar yoki hatti-harakatlar (masalan, turli o‘yinlarga qaramlik yoki yuqori jinsiy moyillik) borligida;
  • qandlarning ba‘zi turlarini (masalan, laktozani) o‘zlashtiraolmaslik.

Agarda Siz, yuqorida sanab o‘tilgan kasalliklardan birontasi Sizga taalluqli deb hisoblasangiz, bu haqida albatta shifokoringizga xabar bering. Ehtimol, shifokoringiz Sindranolni bekor qilish to‘g‘risida qaror qabul qiladi, yoki preparatni qabul qilish vaqtida doimiy tibbiy kuzatuvda bo‘lishni buyuradi.

Boshqa dori preparatlarini  qabul qilish

Siz qabul qilayotgan yoki yaqinda qabul qilgan preparatlar, shu jumladan reseptsiz beriladigan dori vositalar haqida, iltimos shifokoringizga yoki farmasevtga xabar bering:

  • antidepressant fluvoksamin;
  • GO‘BD (gormonlarning o‘rnini bosuvchi davolash);
  • antibakterial sintetik vosita – siprofloksasin;
  • boshqa ruhiy muammolarni davolash uchun qo‘llanadigan preparatlar, masalan, sulpirid;
  • ovqat hazm bo‘lishini buzilishlarida buyuriladigan metoklopramid;
  • me‘da yarasida buyuriladigan simetidin;
  • astma, bronxit yoki a‘zo yoki o‘pka to‘qimasini havodan kengayiishi (emfizema) da buyuriladigan teofillin;
  • Parkinson kasalligini davolash uchun boshqa har qanday preparat.

Homiladorlik va emizish davrida qo‘llashdagi ogohlantirishlar

Har qanday preparatni qabul qilishni boshlashdan oldin albatta shifokor bilan maslahatlashing.

Homiladorlik va emizish vaqtida Sindranol qabul qilish mumkin emas.

Agarda Siz:

  • homilador bo‘lsangiz yoki homiladorlikni gumon qilayotgan bo‘lsangiz, shuningdek agarda farzand ko‘rishni rejalashtirayotgan bo‘lsangiz;
  • emizayotgan yoki emizishni rejalashtirayotgan bo‘lsangiz darhol shifokoringizga xabar bering.

Bunday holda shifokoringiz Sizga Sindranol qabul qilishni to‘xtatishni tavsiya qiladi. Sindranol qabul qilish vaqtida ayollar samarali kontraseptiv vositalardan foydalanishlari kerak.

Transport vositalari va boshqa mexanizmlarni boshqarish qobiliyati

Sindranol qabul qilish vaqtida avtomobilni boshqarishdan saqlanish tavsiya qilinadi, chunki preparat uyquchanlikni chaqiradi. Preparat qabul qilgandan so‘ng kuchli uyqu keladi, va odam to‘satdan uxlab qolishi mumkin.

Asboblardan foydalanish va mexanizmlarni boshqarishdan saqlaning. Uyquchanlik yoki uyqu jiddiy shikastlanishlar xavfini yuzaga keltirishi yoki xayotingiz (yoki boshqa odamlarning hayoti) uchun xavf tug‘dirishi mumkin bo‘lgan vaziyatlarga yo‘l qo‘ymang. Sindranolning ta‘siri ostida bo‘lgan vaqtingizda shunga o‘xshash faoliyatlarni bajarmang.

Sindranolni ovqat yoki ichimliklar bilan mutanosibligi

Tabletkalar bir stakan suv bilan, butunligicha yutiladi, ovqat vaqtida qabul qilish afzal. Sindranolni ovqat bilan qabul qilish ko‘ngil aynishi va qusish ehtimolini pasaytiradi.

Sindranol qabul qilish vaqtida alkogol iste‘mol qilishdan voz keching.

Agarda Sindranol qabul qilish vaqtida Siz chekishni boshlagan yoki tashlagan bo‘lsangiz, bu haqida shifokoringizga xabar bering. Preparatning dozasini to‘g‘rilash talab qilinishi mumkin.

Sindranolning tarkibiga kiruvchi ba‘zi ingredientlari haqida muhim ma‘lumotlar

Sindranol laktoza saqlaydi. Agarda shifokor Sizda qandlarning ba‘zi turlarini o‘zlashtiraolmaslik borligi haqida Sizni ogohlantirgan bo‘lsa, preparatni qabul qilishdan oldin shifokoringiz bilan maslahatlashing.

Sindranol 3 mg va 4 mg tabletkalarining qobig‘i allergik reaksiyalarni chaqirishi mumkin bo‘lgan sariq quyosh botishi bo‘yovchisini saqlaydi.

  1. SINDRANOLNI QANDAY QABUL QILISH KERAK

Sindranolni doimo shifokoringizning ko‘rsatmasiga muvofiq qabul qiling. Agarda Sizda preparatni qabul qilish bo‘yicha ishonchsizlik paydo bo‘lsa, shifokoringiz yoki farmasevt bilan maslahatlashing.

Sindranol Sizga alohida holda yoki Parkinson kasalligining simptomlarini davolash uchun L–dopa (levodopa) deb nomlangan boshqa preparat bilan birga buyurilishi mumkin. Agarda Siz, allaqachon bir qancha vaqt davomida L–dopa preparatini qabul qilayotgan va Sindranol qabul qilishni boshlayotgan bo‘lsangiz, u holda uni birinchi marta qabul qilinganda, Sizda nazorat qilib bo‘lmaydigan xarakatlar (diskineziyalar) rivojlanishi mumkin. Agarda bu kuzatilsa, shifokoringizga xabar bering, u Siz qabul qilayotgan preparatlarning dozalarini to‘g‘rilashi mumkin.

Agarda Sindranol qabul qilishni boshlashdan oldin, Siz yoki Sizning oila a‘zolaringiz Sizda odatda kuzatilmaydigan hatti-harakatlarni (masalan, qimor o‘yinlariga haddan tashqari qiziqish, jinsiy moyillik va/yoki hatti-harakatlarni oshishi) sezishsa, shifokoringizga xabar bering. Sizga preparatning dozasini to‘g‘rilash yoki bekor qilish talab qilinishi mumkin.

Sizga Sindranolning qanday dozasi kerak?

Sizga Sindranolning qanday dozasi eng to‘g‘ri keladiganini aniqlash uchun, ma‘lum vaqt talab qilinadi. Preparatning qaysi dozasi Sizga yaxshiroq to‘g‘ri kelishini aniqlanmagunicha shifokor har hafta dozani oshirib beradi. Ba‘zi pasientlar Sindranolni 8 mg dan kuniga 3 marta (ya‘ni sutkada 24 mg) qabul qiladilar.

Shifokoringiz tavsiya qilgan Sindranolning dozasini mustaqil ravishda oshirmang. Sindranolning davolovchi samarasi bir necha haftadan so‘ng namoyon bo‘lishi mumkin.

Agarda Siz Sindranolni keragidan ortiq qabul qilgan bo‘lsangiz

Bu haqida shifokor yoki farmasevtga darhol xabar bering. Agarda imkoni bo‘lsa, ularga Sindranolning o‘ramini ko‘rsating.

Dozani oshirib yuborish simptomlariga ruhiy buzilishlar va yurak-tomir tizimi tomonidan noxush ko‘rinishlar kirishi mumkin

Agarda Siz Sindranol qabul qilishni unutgan bo‘lsangiz

Siz unutgan dozani kompensasiya qilish uchun ikkilangan dozani qabul qilmang. Bu dozani o‘tkazib yuboring va navbatdagi dozani odatdagidek qabul qiling.

Agarda Siz Sindranolni  bir necha kun ketma-ket qabul qilmagan bo‘lsangiz, shifokorga maslahat uchun murojaat qiling. U Sizga Sindranol qabul qilishni qachon boshlash yaxshiligini tushuntirib beradi.

Agarda Siz Sindranol qabul qilishni to‘xtatishni hohlasangiz

Shifokor bilan maslahatlashmasdan Sindranol qabul qilishni to‘xtatmang.

Shifokoringiz Sindranolni qancha vaqtga buyurgan bo‘lsa, shuncha vaqt qabul qiling. Shifokoringiz ruxsat bermagunicha Sindranol qabul qilishni to‘xtatmang.

Preparatni qabul qilish birdan to‘xtatilganida Parkinson kasalligining simptomlari ahamiyatli darajada zo‘rayishi mumkin.

Agarda Sizda Sindranol qabul qilishni to‘xtatishning zarurati bo‘lsa, shifokoringiz uning dozasini asta-sekin pasaytirishni tavsiya qiladi.

Agarda Sizda ushbu mahsulotni qo‘llash bo‘yicha qo‘shimcha savollar paydo bo‘lsa, shifokorga yoki farmasevtga murojaat qiling.

  1. MUMKIN BO‘LGAN NOJO‘YA SAMARALARI

Barcha dori vositalari kabi, Sindranol ham garchi ular faqat ba‘zi pasientlarda paydo bo‘lsada, nojo‘ya samaralar chaqirishi mumkin.

Agarda Sizni nojo‘ya samaralari haqidagi masala bezovta qilsa, uni shifokoringiz bilan muhokama qiling.

Juda keng tarqalgan nojo‘ya samaralari (10 tadan 1 pasientda):

  • uyquchanlik;
  • ko‘ngil aynishi.

Keng tarqalgan nojo‘ya samaralari (100 tadan 1-10 pasientlarda):

  • hushdan ketish, hushdan ketish holati, bosh aylanishi, ayniqsa turganda kuzatiladi (arterial bosimni to‘satdan pasayishi bilan bog‘liq);
  • gallyusinasiyalar (haqiqatga to‘g‘ri kelmaydigan tuyg‘ular);
  • ko‘ngil aynishi (qusish);
  • bosh aylanishi (barcha jismlar Sizning atrofingizda aylanayotgani xissi);
  • jig‘ildon qaynashi;
  • me‘dada og‘riqlar;
  • oyoqlarni shishi.

Keng tarqalmagan nojo‘ya samaralari (1000 tadan 1-10 pasientlarda):

  • jinsiy moyillikni oshishi;
  • butun kun davomida uyquchanlik;
  • oldindan uyquchanlik hissi bo‘lmasdan, to‘satdan uxlab qolish (to‘satdan uxlab qolish epizodlari);
  • aqliy buzilishlar: alahsirash holati (ongni chalkashishi), alahsirash (mujmal g‘oyalar) yoki paranoyya (asoslanmagan gumonsirash).

Juda kam kuzatiladigan nojo‘ya samaralari (10 000 tadan 1 pasientlardan kamroqda):

  • jigar faoliyatining qon tahlilida aniqlanadigan o‘zgarishi;
  • allergik reaksiyalar: terida qichishish (eshakemi) bilan kechuvchi qizg‘ish shishlar, yuz, lablar, og‘iz, til yoki hiqildoqni shishi, ular yutish yoki nafasni qiyinlashishi, toshma yoki kuchli qichishishga sabab bo‘lishi mumkin.

Agarda Siz yoki oilangiz a‘zolari Sizda qimor o‘yinlariga anomal qiziqish yoki yuqori jinsiy moyillikni sezsangiz, albatta shifokoringizga xabar bering.

Agarda Siz Sindranolni L-dopa (Parkinson kasalligini davolash uchun) preparati bilan parallel qabul qilayotgan bo‘lsangiz

Sindranol va L-dopa preparatlarini bir vaqtda qabul qilayotgan pasientlarda, vaqt o‘tishi bilan boshqa nojo‘ya samaralar ham rivojlanishi mumkin:

  • nazorat qilib bo‘lmaydigan harakatlar (diskineziyalar) juda keng tarqalgan nojo‘ya samarasi hisoblanadi. Agarda bu holat kuzatilsa, shifokoringizga xabar bering, u Siz qabul qilayotgan preparatlarning dozasini to‘g‘rilashi mumkin;
  • sarosimalik hissi keng tarqalgan nojo‘ya samara hisoblanadi.

Agarda nojo‘ya samaralardan biri Sizda og‘ir shaklda namoyon bo‘lsa, yoki o‘zingizda ushbu ilova-varaqada sanab o‘tilmagan nojo‘ya samaralarni qayd qilsangiz, iltimos bu haqida shifokoringiz yoki farmasevtga xabar bering.

  1. SINDRANOLNI QANDAY SAQLASH KERAK

O‘ramida ko‘rsatilgan yaroqlilik muddati o‘tgach Sindranolni qo‘llash mumkin emas. Preparat o‘ramida ko‘rsatilgan oyning oxirgi sanasigacha (oxirgi kuni ham kiradi) yaroqli hisoblanadi.

Dori preparatlarini maishiy chiqindilar yoki oqava  suvga tashlash mumkin emas. Dori preparatini utilizasiya  qilish masalasini farmasevt bilan hal qilish kerak. Utilizasiya qilish qoidalariga  rioya qilish atrof-muhitni himoya qilishga yordam beradi.

  1. QO‘SHIMCHA MA‘LUMOT

Sindranol preparati nima saqlaydi

Sindranolning tarkibidagi ta‘sir qiluvchi modda ropiniroldir.

Ta‘siri uzaytirilgan xar bir tabletka 2 mg; 3 mg; 4 mg yoki 8 mg ropinirolga ekvivalent ropinirol gidroxloridini saqlaydi.

Boshqa ingredientlari:

  • tabletkaning yadrosi: ammoniy metakrilati sopolimeri (V turi), gidroksipropilmetilsellyuloza, natriy laurilsulfati, kopovidon, magniy stearati.
  • plyonka qobig‘i:
2 mg Laktoza monogidrati, gidroksipropilmetilsellyuloza, titan dioksidi (Ye171), triasetin, temir III oksidi (Ye172)
3 mg Laktoza monogidrati, titan dioksidi (Ye171), gidroksipropilmetilsellyuloza, polietilenglikol 4000, polietilenglikol 400, karmin (Ye120), indigokarmin alyumin laki (Ye132), sariq quyosh botishi alyumin laki (Ye110)
4 mg Titan dioksidi, gidroksipropilmetilsellyuloza, polietilenglikol 400, indigokarmin alyumin laki (Ye132), sariq quyosh botishi alyumin laki (Ye110)
8 mg Titan dioksidi, gidroksipropilmetilsellyuloza, polietilenglikol 400, temir III oksidi (Ye172), temir II,III oksidi (Ye172), temir II oksidi (Ye172)

Sindranolning tashqi ko‘rinishi va o‘ramining ichidagisi

Sindranol qobiq bilan qoplangan, ta‘siri uzaytirilgan tabletkalar, 2 mg: pushti rangli, dumaloq, ikki tomoni qabariq, qobiq bilan qoplangan tabletkalar.

Sindranol qobiq bilan qoplangan, ta‘siri uzaytirilgan tabletkalar, 3 mg: to‘q qizil rangli, dumaloq, ikki tomoni qabariq, qobiq bilan qoplangan tabletkalar.

Sindranol qobiq bilan qoplangan, ta‘siri uzaytirilgan tabletkalar, 4 mg: och jigarrang rangli, uzunchoq, ikki tomoni qabariq, qobiq bilan qoplangan tabletkalar.

Sindranol qobiq bilan qoplangan, ta‘siri uzaytirilgan tabletkalar, 8 mg: qizg‘ish jigarrang rangli, uzunchoq, ikki tomoni qabariq, qobiq bilan qoplangan tabletkalar.

Sindranol dori preparati savdo aylanmaciga 14 tadan tabletka saqlovchi PVX/PTFXE –alyumin folga, oq, tiniq bo‘lmagan blister o‘ramlarda keladi. 2, 4 yoki 6 blister  qo‘llash bo‘yicha yo‘riqnomasi bilan birga karton qutiga joylangan.

 

SAQLASH SHAROITI

25ºC dan yuqori bo‘lmagan xaroratda saqlansin

Bolalar olaolmaydigan joyda saqlansin.

 

DORIXONALARDAN BERISH TARTIBI

Shifokor resepti bilan beriladi.

Ulashish:

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Mulohazalar

SINDRANOL tabletkalari 2mg N28 dori vositasi O'zbekiston dori vositalari reestrida ro'yxatdan o'tganmi?
Ha, preparat O'zbekiston dori vositalari reestrida ro'yxatdan o'tgan.
SINDRANOL tabletkalari 2mg N28 dori vositasi ishlab chiqaruvchisi kim va u qaysi davlatda ishlab chiqarilgan?
SINDRANOL tabletkalari 2mg N28 dori vositasi Egis Pharmaceuticals Private Limited Company, Венгрия произведено: Pharmathen International S.A. tomonidan Gretsiya mamlakatida ishlab chiqarilgan.
SINDRANOL tabletkalari 2mg N28 dori vositasi resept bo’yicha sotiladimi?
SINDRANOL tabletkalari 2mg N28 dori vositasi resept bo'yicha sotiladigan dori

Analoglar
SINDRANOL tabletkalari 4mg N28
  • Ishlab chiqarilish joyi: Gretsiya
  • Faol modda: Ропинирол ko'proq ko'rsatish
  • Ishlab chiqaruvchi: Egis Pharmaceuticals Private Limited Company, Венгрия произведено: Pharmathen International S.A.
Narh: 185 000 so'mdan Batafsil
SINDRANOL tabletkalari 3mg N28
  • Ishlab chiqarilish joyi: Gretsiya
  • Faol modda: Ропинирол ko'proq ko'rsatish
  • Ishlab chiqaruvchi: Egis Pharmaceuticals Private Limited Company, Венгрия произведено: Pharmathen International S.A.
Ishlab chiqaruvchining dorilari
SINDRANOL tabletkalari 4mg N28
  • Ishlab chiqarilish joyi: Gretsiya
  • Faol modda: Ропинирол ko'proq ko'rsatish
  • Ishlab chiqaruvchi: Egis Pharmaceuticals Private Limited Company, Венгрия произведено: Pharmathen International S.A.
Narh: 185 000 so'mdan Batafsil
SINDRANOL tabletkalari 3mg N28
  • Ishlab chiqarilish joyi: Gretsiya
  • Faol modda: Ропинирол ko'proq ko'rsatish
  • Ishlab chiqaruvchi: Egis Pharmaceuticals Private Limited Company, Венгрия произведено: Pharmathen International S.A.
  • A
  • B
  • D
  • E
  • F
  • G
  • H
  • I
  • J
  • K
  • L
  • M
  • N
  • O
  • P
  • Q
  • R
  • S
  • T
  • U
  • V
  • X
  • Y
  • Z
  • Ch
  • Sh
  • 0-9