SKINOREN gel 5g 15%

So'rilishi

Teriga surtilgandan so'ng azelain kislotasi tizimli qon oqimiga amalda so'rilmaydi (5 g gel yoki krem bir marta surtilganda 3,6% dan ko'p emas).

Chiqarilishi

So'rilgan azelain kislotasining bir qismi buyraklar orqali o'zgarmagan holda, bir qismi esa beta-oksidlanish natijasida azelain kislotasidan hosil bo'lgan dikarbon kislotalari (C7, C5) ko'rinishida chiqariladi.

Husnbuzarlarni davolash uchun preparat. Azelain kislotasi yog' bezlari follikulalarida buzilgan keratinizatsiya jarayonlarini normallashtiradi, teri lipidlarida erkin yog' kislotalari miqdorini kamaytiradi va uning yog'liligini pasaytiradi. Propionibacterium acnes va Staphylococcus epidermidis ga nisbatan mikroblarga qarshi faollik namoyon qiladi. Yallig'lanishga qarshi samara shuningdek neytrofillar metabolizmini kamaytirish va kislorodning erkin radikal shakllari ishlab chiqarilishini pasaytirish bilan bog'liq. Azelain kislotasi g'ayritabiiy melanotsitlarning o'sishi va hayotchanligiga dozaga va vaqtga bog'liq bostiruvchi ta'sir ko'rsatadi.

Davolash boshlanishida oz sonli bemorlarda mahalliy ta'sirlanish paydo bo'lishi mumkin, bu giperemiya, po'st tashlash, eritema, achishish, qichishish ko'rinishida namoyon bo'ladi. Ko'p hollarda bu alomatlar kuchli ifodalanmagan va davolash jarayonida bir necha kun ichida mustaqil ravishda o'tib ketadi.

Juda kam hollarda teri allergik reaksiyalari (toshma) bo'lishi mumkin.

Teri ta'sirlanishi holatlarida gel yoki kremni bir martalik surtish miqdorini kamaytirish yoki preparatni qo'llash tez-tezligini sutkada 1 martagacha qisqartirish kerak; zarurat tug'ilganda preparatni qisqa muddatli bekor qilish (bir necha kunga) mumkin.

Preparatni ko'zga va jarohat yuzalariga tushishidan saqlanish kerak; tasodifiy kontaktda - darhol suv bilan yuvish kerak.

Skinoren bilan davolash vaqtida terini UB-nurlanishidan qo'shimcha himoya qilish talab etilmaydi.

Melazmaning epidermal va aralash epidermal-dermal tiplari Skinoren^® kremi bilan terapiyaga yaxshi beriladi. Dermal melazmada Skinoren^® kremi samarasiz. Qiyosiy tashxis uchun Vud lampasidan foydalanish tavsiya etiladi.

— preparat komponentlariga yuqori sezuvchanlik.

Hozirgi vaqtgacha Skinoren® preparatining boshqa dori preparatlari bilan o'zaro ta'siri aniqlanmagan.

Dozalash rejimi va terapiya davomiyligi individual ravishda belgilanadi. Preparat kattalar va 12 yoshdan katta bolalarga tayinlanadi.

Preparatni qo'llashdan oldin terini suv yoki yumshoq tozalovchi kosmetik vosita bilan tozalash, keyin quritish kerak.

Krem yoki gel terining zararlangan sohalariga bir tekis yupqa qatlam bilan kuniga 2 marta (ertalab va kechqurun) surtiladi va yengil ishqalanadi. Preparatni yetarli miqdorda ishlatish kerak, lekin haddan tashqari ko'p emas (taxminan 2,5 sm butun yuz yuzasi uchun yetarli). Preparat butun davolash kursi davomida muntazam qo'llanilishi kerak, uning davomiyligi kasallikning klinik manzarasi va simptomlarning yaqqollik darajasiga bog'liq. Husnbuzar (acne vulgaris) da yaxshilanish odatda 4 haftadan keyin kuzatiladi. Eng yaxshi natijalarga erishish uchun preparatni qo'llashni bir necha oy davomida davom ettirish kerak. Husnbuzar kasalligini davolash paytida terini ultrabinafsha nurlanishidan qo'shimcha himoya qilish talab etilmaydi.

Melazmada preparat krem ko'rinishida qo'llaniladi. Terapiyaning minimal davomiyligi 3 oyni tashkil qiladi, eng yaxshi natijalarga erishish uchun Skinoren^® kremidan muntazam foydalanish kerak. Melazma terapiyasining butun davri mobaynida quyosh ta'sirida kelib chiqadigan kasallikning zo'rayishi va/yoki oqartirilgan sohalarning qayta pigmentatsiyasini oldini olish uchun albatta quyoshdan himoya qiluvchi kremlarni (UVB va UVA) qo'llash kerak.