SMEKTA 3,0 suspenziya dlya priema vnutr N8 dori vositasi ishlab chiqaruvchisi kim va u qaysi davlatda ishlab chiqarilgan?

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Qadoqda soni

Nojo'ya samaralari

Bolalar va kattalarda o'tkazilgan klinik tadqiqotlar davomida quyidagi noxush samaralar qayd etilgan. Odatda, ushbu noxush samaralar kuchsiz darajada, o'tkinchi bo'lgan va asosan ovqat hazm qilish tizimi faoliyatiga taalluqli bo'lgan.

Noxush reaksiyalarning namoyon bo'lish tezligi quyidagicha tasniflanadi: juda tez-tez > 1/10, tez-tez > 1/100 dan < 1/10 gacha, kamdan-kam > 1/10000 dan < 1/1000 gacha, juda kamdan-kam < 1/10000.
Oshqozon-ichak trakti faoliyatining buzilishlari:

Tez-tez: qabziyat. Qabziyat ko'rinishi odatda dozani kamaytirish yordamida hal qilinadi, ammo kamdan-kam hollarda ushbu samaraning namoyon bo'lishi davolashni to'xtatishga olib kelishi mumkin.

Tez-tez emas: meteorizm, qusish.

Ro'yxatdan o'tkazilgandan keyingi davrda o'ta yuqori sezuvchanlik reaksiyasi holatlari (tezligi noma'lum), shu jumladan eshakemi, toshma, qichishish va Kvinke shishi haqida bir nechta xabarlar olingan.

Shuningdek, qabziyat chuqurlashishi holatlari qayd etilgan.

Maxsus saqlash sharoitlari

Smekta® anamnezida og‘ir surunkali qabziyati bo‘lgan bemorlarda alohida ehtiyot choralariga rioya qilgan holda ishlatilishi kerak.

Bolalarda preparatni qo‘llash organizm suvsizlanishini oldini olish uchun regidratatsion terapiya bilan birgalikda amalga oshirilishi kerak.

Kattalarda regidratatsiya choralari o‘tkazilmaydi, faqat agar ular zarur deb topilmagan bo‘lsa.

Peroral regidratatsiya uchun eritma miqdori yoki in'eksion regidratatsion eritmalar dozasi diareya intensivligi, bemor yoshi va uning holati xususiyatlariga muvofiq hisoblanishi va moslashtirilishi kerak.

Bemor quyidagi ehtiyoj haqida ogohlantirilishi kerak:

• Diareya bilan bog‘liq suyuqlik yo‘qotishlarini ko‘p miqdorda sho‘r yoki shirin suyuqliklarni iste'mol qilish orqali to‘ldirish (katta yoshdagi bemor uchun o‘rtacha sutkalik suyuqlik ehtiyoji 2 l ni tashkil qiladi);

• Diareya saqlanib qolgan davrda ovqatlanish ratsionini qo‘llab-quvvatlash:

- ba'zi mahsulotlarni, ayniqsa xom sabzavotlar va mevalar, yashil sabzavotlar, achchiq taomlar, shuningdek muzlatilgan mahsulotlar yoki ichimliklarni istisno qilgan holda;

- grilda pishirilgan go‘sht va guruchni afzal ko‘rgan holda.

Ushbu dori preparati oz miqdorda etanol (alkogol) saqlaydi, kunlik dozada 100 mg dan kam.

Qo'llanilishi mumkin bo'lmagan holatlar

Diosmektitga yoki yordamchi moddalarning birortasiga yuqori sezuvchanlik, ichak tutilishi.

EHTIYOTKORLIK BILAN

Anamnezda og‘ir surunkali qabziyatlar.

HOMILADORLIK VA KO‘KRAK BILAN EMIZISH DAVRIDA QO‘LLANISHI

Smektani homilador va emizikli ayollarda qo‘llashga ruxsat etilgan. Dozalar va qabul qilish tartibini to‘g‘irlash talab etilmaydi.

Dori vositalarining o'zaro ta'siri

Smekta® preparatining adsorbsiyalovchi xususiyatlari boshqa moddalarning so'rilish vaqti va/yoki darajasiga ta'sir qilishi mumkin, shuning uchun Smektani boshqa dori vositalari bilan bir vaqtda qabul qilish tavsiya etilmaydi.

Dozirovkasi

Dozalash• O'tkir diareyada qo'llash.

Bolalar, shu jumladan chaqaloqlar:

- 1 yoshgacha: 3 kun davomida kunda 2 paketcha, keyin - sutkasiga 1 paketcha;

- 1 yosh va undan katta: 3 kun davomida kunda 4 paketcha, keyin - sutkasiga 2 paketcha.

Kattalar:

O'rtacha - sutkasiga 3 paketcha.

Sutkalik doza davolash boshida ikki baravar oshirilishi mumkin.

• Boshqa ko'rsatmalarda qo'llash.

Bolalar, shu jumladan chaqaloqlar:

- 1 yoshgacha: sutkasiga 1 paketcha;

- 1-2 yosh: sutkasiga 1-2 paketcha;

- 2 yosh va undan katta: sutkasiga 2-3 paketcha.

Kattalar:

O'rtacha - sutkasiga 3 paketcha.

Suspenziya paketini ochishdan oldin uni barmoqlar orasida ezib, suyuq holatga keltirish kerak. Paketcha ichidagisi suyultirilmagan holda yutilishi yoki qabul qilishdan oldin oz miqdordagi suv bilan aralashtirilishi mumkin.

Afzal qabul qilish vaqti:

• Ezofagitda ovqatdan keyin qabul qilish;

• Boshqa ko'rsatmalar uchun ovqatlanishlar orasida.

Chaqaloqlar va bolalar uchun paket ichidagisi bolalar shishasiga oz miqdordagi suv (50 ml) bilan yoki yarim suyuq ovqat, masalan, bulyon, kompot, pyure, bolalar ovqati va h.k. bilan aralashtirilishi mumkin.

Kattalarda: paketcha ichidagisi yarim stakan suvda suyultirilishi mumkin.Dozani oshirib yuborishDozani oshirib yuborish yaqqol qabziyat yoki bezoar chaqirishi mumkin.