Traks eritma 500mg/5ml

Har 1 ml in'ektsiya uchun eritma quyidagilarni saqlaydi:

faol modda: traneksam kislotasi – 100 mg;

Traneksam kislotasi gematoentsefalik va yo'ldosh to'siqlari orqali oson o'tadi, boshlang'ich taqsimlanish xajmi (V_d) – 9-12 l ni tashkil etadi. Sinovial qobiqlarda va bug'im ichki suyuqliklarida zardobdagi kontsentrasiyaga yaqin kontsentrasiyalarda to'planadi. Traneksam kislotasining kontsentrasiyasi ko'pchilik boshqa tuqimalarda qondagiga nisbatan kam bo'ladi. Orqa miya suyuqligida traneksam kislotasining kontsentrasiyasi plazmadagi kontsentrasiyaning taxminan 10% ni tashkil qiladi. Traneksam kislotasi urug'xujayrasida aniqlanadi, u erda qonning fibrinolitik faolligini susaytiradi, ammo spermatozoidlarning harakatchanligiga ta'sir qilmaydi. Plazminogen bilan bog'lanishi – plazmadagi terapevtik kontsentrasiyasining 2-3% ni tashkil etadi. Plazma albumini bilan bog'lanmaydi. Antifibrinolitik kontsentrasiyasi turli to'qimalarda 17 soatgacha, plazmada – 7-8 soatgacha davom etadi.

Asosiy chiqarilish yo'li – buyrak kalavalari filtrasiya orqali yuz beradi. 95% dan ko'proq qismi siydik bilan chiqariladi.

Taxminan 30% vena ichiga (v/i) sutkada 10 mg/kg dozada in'ektsiya qilingandan keyin birinchi soat davomida, 45% – 3 soatdan keyin va 90% – 24 soatdan keyin chiqariladi. Asosiy qismi siydik bilan uzgarmagan holda chiqariladi; ahamiyatsiz qismi biotransformasiyaga uchraydi: N-atsetillangan derivati va dezaminlangan dekarboksil kislotasi siydikda ahamiyatsiz miqdorda aniqlanadi.

Traksantifibrinolitik ta'sir ko'rsatadi, shuningdek antiallergik va yallig'lanishga qarshi samaralarga ega.

Ta'sir mexanizmi: plazminogen aktivatorini raqobatli ingibitsiya qiladi, yanada yuqorirok kontsentrasiyalarda plazminni bog'laydi. Trombin vaqtini uzaytiradi. Yallig'lanish va allergik reaktsiyalarda ishtirok etadigan kininlar va boshqa peptidlarni hosil bo'lishini tormozlaydi.

Ovqat hazm qilish tizimi tomonidan: anoreksiya, kungil aynishi, qusish, JiG'ildonni qaynashi, diareya.

MNT tomonidan: bosh aylanishi, holsizlik, uykuchanlik, rang ajratishni buzilishi, ko'rishni noaniqligi;

Qon ivishi tizimi tomonidan: kam hollarda – tromboz, tromboemboliya;

Yurak-qon tomir tizimi tomonidan: taxikardiya, ko'krak qafasida oG'rik, arterial gipotenziya (v/i tez yuborilganida kuzatiladi);

Allergik reaktsiyalar: teri toshmasi, qichishish, eshakemi bo'lishi mumkin.

Fibrinolizni tarqalgan kuchayishi fonida qon ketishlari yoki qon ketishlarini rivojlanish xavfi (operasiya vaqtidagi va operasiyadan keyingi davrdagi qon ketishlar, tug'ruqdan keyingi kon ketishlar, yo'ldoshni qo'lda ajratib olish, xorionni ko'chishi, homiladorlikdagi qon ketishi, me'da osti bezi va prostata bezini xavfli o'smalari, gemofiliya, fibrinolitik davolashning gemorragik asoratlari, trombositopenik purpura, leykozlar, jigar kasalliklari, ilgari streptokinaza bilan davolash);

• Fibrinolizni maxalliy kuchayishi fonida qon ketishlari yoki qon ketishlarini rivojlanish xavfi (bachadondan, burundan, me'da-ichak yo'llaridan qon ketishi, gematuriya, prostatektomiyadan keyingi qon ketishlar, bachadon bo'ynini karsinomasi yuzasidan o'tkazilgan konizasiya, gemorragik diatez bilan xastalangan bemorlarda tishni ekstraktsiya qilish);

• Qovuqda o'tkaziladigan operativ aralashuvlar;

• Tizimli yallig'lanish reaktsiyalarida, shu jumladan sepsis, peritonit, pankreonekroz, o'rtacha va og'ir darajadagi gestoz, turli etiologiyali shokda qo'llanadi.

• 
  
  

Subaraxnoidal qon quyilishlar

Preparatning komponentlariga yukori sezuvchanlikda qo'llash mumkin emas.

Preparatni trombozlarda (shu jumladan bosh miya tomirlarini trombozi, miokard infarkti, chuqur venalar tromboflebiti, tromboembolik sindromda) yoki ularni rivojlanish xavfi bo'lganida, trombogemorragik asoratlarda (geparin va bilvosita antikogulyantlar bilan majmuaviy davolashda), rang ajratishni buzilishi, siydik chiqarish yo'llarining yuqori bo'limlaridagi gematuriya (qon quyqasi bilan obstruktsiya bo'lishi mumkin), buyrak etishmovchiligida (kumulyasiyani rivojlanish xavfi oshishi tufayli) ehtiyotkorlik bilan buyurish kerak.

Gemostatik preparatlar va gemokoagulaza bilan birga qo'llanganida tromb hosil bo'lishini faollashishi mumkin.

V/i ga yuborish uchun eritma qon preparatlari, tarkibida penisillin saqlagan eritmalar, urokinaza, gipertenziv vositalar (norepinefrin, dezoksiepinefrin gidroxloridi, metarmin bitartrat), tetrasiklinlar, dipiridamol, diazepam bilan farmasevtik jihatdan farmasevtik jihatdan nomutanosibdir.

Tarqalgan fibrinolizda preparatni v/i tomchilab tana vazniga 15 mg/kg bir martalik dozada har 6-8 soatda yuboriladi, yuborish tezligi minutiga 1 ml.

Mahalliy fibrinolizda preparatni v/i 250-500 mg bir martalik dozada yuboriladi yoki ichga 1-1,5 g dozada sutkada 2-3 marta qabul qilinadi.

Prostatektomiyada yoki qovuqdagi operasiyalarda operasiya vaqtida v/i ga 1 g, so'ngra 1 g dan har 8 soatda 3 kun davomida yuboriladi, shundan keyin makrogematuriya yo'qolgunicha ichga qabul qilishga o'tiladi.

Qon ketishini rivojlanish xavfi yuqori bo'lganida, tizimli yallig'lanish reaktsiyalarda v/i ga 10-11 mg/kg dozada aralashuvdan 20-30 minut oldin yuboriladi.

Koagulopatiyalari bo'lgan bemorlarga tishni sug'urishdan oldin v/i ga tana vazniga
10 mg/kg dozada yuboriladi, tish sug'urib olingandan keyin ichga 25 mg/kg dozada sutkada 3-4 marta 6-8 kun davomida buyuriladi.

Buyrak faoliyatini buzilishlari bo'lgan pasientlarga dozalash tartibiga tuzatish kiritish kerak.

Davolashni boshlashdan oldin va davolanish jarayonida ko'rish o'tkirligini, rang ajratishni, ko'z tubi holatini aniqlash uchun oftalmolog ko'rigini o'tkazish lozim.

Xomiladorlikda qo'llash mumkin bo'lmagan holatlarni hisobga olgan holda ko'rsatmalar bo'yicha qo'llanadi, traneksam kislotasi yo'ldosh to'sig'i orqali o'tadi va ko'krak suti bilan (ona plazmasidagi kontsentrasiyaning taxminan 1% ga erishgan holda) ajralib chiqadi.

Preparat bolalar ololmaydigan joyda saqlansin va yaroqlilik muddati tugaganidan so'ng ishlatilmasin.