TRANEKSANT inyeksiya uchun eritma 5ml 100mg/ml N5

QO‘LLASH BO‘YICHA YO‘RIQNOMA

TraneksANT

TranexANT

Preparatning savdo nomi: TraneksANT

Ta‘sir etuvchi modda (XPN): traneksamat kislotasi

Dori shakli: in‘eksiya uchun eritma.

Tarkibi

Har bir ml in‘eksiya uchun eritma quyidagilarni saqlaydi:

faol modda: traneksamat kislotasi – 100mg;

yordamchi moddalar: in‘eksiya uchun suv.

Ta‘rifi: tiniq, rangsiz eritma.

Farmakoterapevtik guruhi: gemostatik vosita.

ATX kodi: V02AA02.

Farmakologik xususiyatlari

Gemostatik preparat. Fibrinolizning ingibitori. Plazminogenni faollashuvi va uni plazminga aylanishini o‘ziga xos ravishda ingibisiya qiladi. Fibrinolizni oshishi (trombositlar patologiyasi, menorragiyalar) bilan bog‘liq bo‘lgan qon ketishlarida maxalliy va tizimli gemostatik ta‘sirga ega. Kininlar va allergik hamda yallig‘lanish reaksiyalarida ishtirok etuvchi boshqa faol peptidlar hosil bo‘lishini bostirilishi hisobiga, allergiyaga va yallig‘lanishga qarshi ta‘sirga ega. Eksperimental tadqiqotlarda, traneksamat kislotasining shaxsiy og‘riq qoldiruvchi faolligi, shuningdek opioid analgetiklarning og‘riq qoldiruvchi faolligiga nisbatan kuchaytiruvchi samarasi aniqlangan.

Farmakokinetikasi

Traneksamat kislotasi gematoensefalik va yo‘ldosh to‘siqlari orqali oson o‘tadi, boshlang‘ich taqsimlanish hajmi (Vp) – 9-12 l ni tashkil etadi. Sinovial qobiqlarda va bo‘g‘im ichki suyuqligida zardobdagiga yaqin konsentrasiyalarda to‘planadi. Ko‘pchilik boshqa to‘qimalarda traneksamat kislotasining konsentrasiyasi qondagiga nisbatan past bo‘ladi. Orqa miya suyuqligida traneksamat kislotasining konsentrasiyasi plazmadagi konsentrasiyasining taxminan 10% ni tashkil etadi. Traneksamat kislotasi qonning fibrinolitik faolligini bostiradi, urug‘ suyuqligida aniqlanadi, ammo spermatozoidlarning harakatchanligiga ta‘sir qilmaydi. Plazminogen bilan bog‘lanishi plazmadagi terapevtik konsentrasiyasining 2-3% ni tashkil etadi. Plazma albumini bilan bog‘lanmaydi. Antifibrinolitik konsentrasiyasi turli to‘qimalarda 17 soatgacha, plazmada – 7-8 soatgacha saqlanadi.

Asosiy chiqarilish yo‘li – kalavalar filtrasiyasidir. Vena ichiga (v/i) sutkada 10 mg/kg dozada yuborilganidan so‘ng taxminan 30% birinchi soat davomida, 45% – 3 soatdan keyin va 90% 24 soatdan keyin chiqariladi. Asosiy qismi (95% dan ko‘p qismi) siydik bilan o‘zgarmagan holda chiqariladi; axamiyatsiz darajadagi qismi biotransformasiyaga uchraydi: N-asetilizasiya qilingan derivati va dezaminizasiya qilingan dekarboksil kislotasi siydikda juda kam miqdorda aniqlanadi.

Qo‘llanilishi

• Fibrinolizni tarqoq kuchayishi fonidagi qon ketishlari yoki qon ketishini rivojlanish xavfi (operasiya vaqtidagi va operasiyadan keyingi davrdagi qon ketishlar, tug‘ruqdan keyingi qon ketishlar, yo‘ldoshni qo‘lda ajratib olish, xorionni ko‘chishidagi qon ketishlar, homiladorlikdagi qon ketishi, me‘da osti bezi va prostata bezining xavfli o‘smalari, gemofiliya, fibrinolitik davolashni gemorragik asoratlari, trombositopenik purpura, leykozlar, jigar kasalliklari, ilgari streptokinaza bilan davolanish) bo‘lganida.
• Fibrinolizni mahalliy kuchayishi fonida qon ketishlari yoki qon ketishini rivojlanish xavfi (bachadondan, burundan, me‘da-ichakdan qon ketishlar, gematuriya, prostata bezini ektomiyasidan keyingi qon ketishlar, bachadon bo‘ynini karsinomasi bo‘yicha o‘tkazilgan konyulizasiya, gemorragik diatezli bemorlarda tishni sug‘urish) bo‘lganida.
• Qovuqda o‘tkazilgan jarrohlik aralashuvlarda.
• Tizimli yallig‘lanish reaksiyalarida, shu jumladan sepsis, peritonit, pankreonekroz, og‘ir va o‘rtacha darajadagi gestozlar, turli etiologiyali shokda qo‘llanadi.

Qo‘llash usuli va dozalari

Tarqoq fibrinolizda preparat 1 kg tana vazniga 15 mg bir martalik dozada har 6-8 soatda v/i tomchilab yuboriladi, yuborish tezligi minutiga 1 ml ni tashkil etadi.

Mahalliy fibrinolizda preparat 250-500 mg bir martalik dozada vena ichiga yuboriladi yoki ichga 1-1,5 g dozada sutkada 2-3 marta qabul qilinadi.

Prostata bezini ektomiyasida yoki qovuqda o‘tkazilgan operasiyalarda v/i ga operasiya vaqtida 1 g, so‘ngra 1 g dan har 8 soatda 3 kun davomida yuboriladi, shundan so‘ng makrogematuriya yo‘qolgunicha ichga qabul qilishga o‘tiladi.

Qon ketishini xavfi yuqori bo‘lganida, tizimli yallig‘lanish reaksiyalarida v/i
10-11 mg/kg dozada aralashuvdan 20-30 minut oldin yuboriladi.

Koagulopatiyali bemorlarga tishni sug‘urishdan oldin v/i 1 kg tana vazniga 10 mg dozada yuboriladi, tish sug‘urilgandan keyin ichga 25 mg/kg dozada sutkada 3-4 marta 6-8 kun davomida buyuriladi.

Buyrak faoliyatini buzilishi bo‘lgan pasientlarda dozalash tartibiga tuzatish kiritish kerak.

Nojo‘ya ta‘sirlari

Ovqat hazm qilish tizimi tomonidan: anoreksiya, ko‘ngil aynishi, qusish, jig‘ildon qaynashi, diareya;

Markaziy nerv tizimi tomonidan: bosh aylanishi, holsizlik, uykuchanlik, rang ajratish qobiliyatini buzilishi, ko‘rishni noaniqligi;

Qon ivishi tizimi tomonidan: kam hollarda – tromboz, tromboemboliya;

Yurak qon-tomir tizimi tomonidan: taxikardiya, ko‘krak qafasida og‘rik, arterial gipotenziya (v/i tez yuborilganda);

Allergik reaksiyalar: teri toshmasi, qichishishi, eshakemi.

Qo‘llash mumkin bo‘lmagan holatlar

• subaraxionoidal qon quyilishlar;
• preparatning komponentlariga yukori sezuvchanlikda qo‘llash mumkin emas.

Preparatni trombozlarda (shu jumladan bosh miya qon tomirlarini trombozida miokard infarktida, chuqur venalarni tromboflebitida, tromboembolik sindromda) yoki ularni rivojlanish xavfida, trombogemorragik asoratlarda (geparin va bilvosita antikogulyantlar bilan majmuaviy davolashda), rang ajratish qobiliyatini buzilishida, siydik chiqarish yo‘llarini yuqori bo‘limlaridagi gematuriyada (qon qoldig‘i bilan obstruksiya (tiqilib qolishi) bo‘lishi mumkin), buyrak yetishmovchiligida (to‘planishi rivojlanish xavfi oshishi tufayli) ehtiyotkorlik bilan buyurish kerak.

Dorilarning o‘zaro ta‘siri

Gemostatik preparatlar va gemokoagulaza bilan birga qo‘llanganida tromb hosil bo‘lishi faollashishi mumkin.

V/i yuborish uchun eritma qon preparatlari, penisillin, urokinaza saqlagan eritmalar, gipertenziv vositalar (norepinefrin, dezoksiepinefrin gidroxloridi, metarmin bitartrati), tetrasiklinlar, dipiridamol, diazepam bilan farmasevtik jihatdan nomutanosibdir.

Maxsus ko‘rsatmalar

Davolashni boshlashdan oldin va davolanish jarayonida ko‘rish o‘tkirligini, rang ajratish qobiliyatini, ko‘z tubining holatini aniqlash uchun okulist ko‘rigidan o‘tkazish kerak.

Xomiladorlikda qo‘llash mumkin bo‘lmagan hollarni albatta hisobga olgan holda ko‘rsatma bo‘yicha qo‘llanadi, traneksamat kislotasi yo‘ldosh to‘sig‘i orqali o‘tadi va ko‘krak suti bilan (ona plazmasidagi konsentrasiyaning taxminan 1% ga erishgan holda) ajralib chiqadi. Preparatni qo‘llash vaqtida emizishni to‘xtatish kerak.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Simptomlari: ko‘ngil aynishi, qusish va ortostatik gipotenziya.

Davolash: simptomatik davolash o‘tkaziladi.

Chiqarilish shakli

In‘eksiya uchun eritma 5 ml dan neytral shishali ampulalarda. 5 ampula qo‘llash bo‘yicha yo‘riqnomasi bilan birga karton qutida.

Saqlash sharoiti

Yorug‘likdan himoyalangan joyda, 25°S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha