Sefazolin

M/i, v/i (oqim bilan va tomchilab).

Kattalar uchun o'rtacha sutkalik doza — 0,25–1 g; yuborish takroriyligi — sutkasiga 3–4 marta. Maksimal sutkalik doza — 6 g (kamdan-kam hollarda — 12 g). O'rtacha davolash davomiyligi 7–10 kunni tashkil qiladi.

Operatsiyadan keyingi infeksiyani oldini olish uchun — v/i, operatsiyadan 0,5–1 soat oldin 1 g, operatsiya vaqtida 0,5–1 g va operatsiyadan keyingi dastlabki sutka davomida har 8 soatda 0,5–1 g dan.

Buyrak funksiyasi buzilgan bemorlarga kreatinin klirensi qiymatlariga muvofiq dozalash rejimini o'zgartirish talab etiladi: kreatinin Cl ≥55 ml/daq va plazmada kreatin konsentratsiyasi ≤1,5 mg% bo'lganda to'liq dozani yuborish mumkin; kreatinin Cl 54–35 ml/daq yoki plazmada kreatin konsentratsiyasi 1,6–3 mg% bo'lganda to'liq dozani yuborish mumkin, ammo inyeksiyalar orasidagi oraliqlarni 8 soatgacha uzaytirish kerak; kreatinin Cl 34–11 ml/daq yoki plazmada kreatin konsentratsiyasi 3,1–4,5 mg% bo'lganda — 12 soat oraliq bilan dozaning 1/2 qismi; kreatinin Cl ≤10 ml/daq yoki plazmada kreatin konsentratsiyasi ≥4,6 mg% va undan ortiq bo'lganda — odatdagi dozaning 1/2 qismi har 18–24 soatda. Barcha tavsiya etilgan dozalar boshlang'ich zarb dozasi — 0,5 g dan keyin yuboriladi.

1 oylik va undan katta bolalarga — 25–50 mg/kg/sut; infeksiya og'ir kechganda doza 100 mg/kg/sut gacha oshirilishi mumkin. Yuborish takroriyligi — sutkasiga 3–4 marta. Buyrak funksiyasi buzilgan bolalarda dozalash rejimini to'g'rilash kreatinin Cl qiymatlariga qarab o'tkaziladi: kreatinin Cl 40–70 ml/daq bo'lganda — har 12 soatda o'rtacha sutkalik dozaning 60% i; kreatinin Cl 20–40 ml/daq bo'lganda — 12 soat oraliq bilan o'rtacha sutkalik dozaning 25% i; kreatinin Cl 5–20 ml/daq bo'lganda — har 24 soatda o'rtacha sutkalik dozaning 10% i. Barcha tavsiya etilgan dozalar boshlang'ich zarb dozadan keyin yuboriladi.

Inyeksiya va infuziya uchun eritmalarni tayyorlash. 0,5 g preparat 2 ml inyeksiya uchun suvda, 1 g — 4 ml inyeksiya uchun suvda eritiladi. V/i bolusli yuborish uchun olingan eritma 5 ml inyeksiya uchun suvda suyultiriladi, so'ngra sekin, 3–5 daqiqa davomida yuboriladi. V/i tomchilab yuborish uchun preparat 50–100 ml 5% yoki 10% li dekstroza eritmasi, 0,9% li natriy xlorid eritmasi, Ringer eritmasi, 5% li natriy bikarbonat eritmasida suyultiriladi.

Eritish vaqtida to'liq eriguncha flakonlarni kuchli silkitish kerak.

Retsept bo'yicha.