SEFAZOLIN poroshok 1,0g
SEFAZOLIN poroshok 1,0g haqida qo'llanma
Farmakokinetikasi
Sefazolin MITYdan yomon so'riladi va shuning uchun m/i yoki v/i qo'llaniladi. 500 mg dozada m/i yuborilgandan so'ng plazmada Cmax 1-2 soatdan keyin erishiladi va 30 mkg/ml ni tashkil qiladi.
Plazma oqsillari bilan bog'lanishi taxminan 85% ni tashkil qiladi.
Sefazolin suyak to'qimasiga, astsitik suyuqlikka, plevral va sinovial suyuqliklarga o'tadi, lekin MNS da aniqlanmaydi.
Plazmadan sefazolinning T1/2 taxminan 1,8 soatni tashkil qiladi.
Sefazolin siydik bilan o'zgarmagan holda, asosan kalavalar filtratsiyasi yo'li bilan va oz darajada - kanalchalar sekretsiyasi yo'li bilan chiqariladi. M/i yuborilgandan so'ng, kamida, dozaning 80% i 24 soatdan keyin chiqariladi. 500 mg va 1 g dozalarda m/i yuborilgandan so'ng siydikda Cmax mos ravishda 1 mg/ml va 4 mg/ml ni tashkil qiladi.
Safroda sefazolinning yuqori kontsentratsiyasi to'g'risida ma'lumotlar mavjud, garchi u bu yo'l bilan oz miqdorda chiqariladi.
Plazmadan T1/2 buyrak funktsiyasi buzilishi bo'lgan bemorlarda ortadi.
Nojo'ya samaralari
Ovqat hazm qilish tizimi tomonidan: ko'ngil aynishi, qusish, diareya bo'lishi mumkin; kamdan-kam hollarda - jigar transaminazalari faolligining o'tkinchi oshishi.
Allergik reaksiyalar: eshakemi, teri qichishishi, eozinofiliya, isitma bo'lishi mumkin; yakka hollarda - Kvinke shishi, artralgiyalar, anafilaktik shok.
Kimyoterapevtik ta'sir bilan bog'liq effektlar: kandidoz, soxtamembranoz kolit.
Qon yaratish tizimi tomonidan: kamdan-kam hollarda - qaytuvchan leykopeniya, neytropeniya, trombotsitopeniya.
Siydik chiqarish tizimi tomonidan: kamdan-kam hollarda - buyrak faoliyatining buzilishi.
Mahalliy reaksiyalar: m/i in'ektsiya qilingan joyda og'riq bo'lishi mumkin.
Maxsus ko‘rsatmalari
Buyrak funksiyasi buzilishlarida ehtiyotkorlik bilan qo‘llaniladi.
Penitsillinlarga yuqori sezuvchanligi bo‘lgan bemorlarda sefalosporin antibiotiklariga allergik reaksiyalar bo‘lishi mumkin.
Davolash davrida siydikda qandga soxta musbat reaksiya bo‘lishi mumkin.
Sefazolin gemodializda chiqariladi.
Qo'llanilishi mumkin bo'lmagan holatlar
1 oygacha bo‘lgan bolalar, sefalosporinlarga yuqori sezuvchanlik.
Homiladorlik va emizish davrida qo‘llash
Yo‘ldosh to‘sig‘i orqali o‘tadi.
Ko‘krak sutida sefazolinning past konsentratsiyalari aniqlanadi.
Homiladorlik va laktatsiya davrida qo‘llash faqat ona uchun kutilayotgan foyda homila yoki bola uchun potensial xavfdan ustun bo‘lgan hollardagina oqlanadi.
Dori vositalarining o'zaro ta'siri
"Halkali" diuretiklar bilan bir vaqtda qo'llanilganda sefazolinning kanalchalar sekretsiyasi blokadasi sodir bo'ladi (bunday kombinatsiya tavsiya etilmaydi).
Sefazolin etanol bilan bir vaqtda qo'llanilganda disulfiramsimon reaktsiyalarni keltirib chiqarishi mumkin.
Probenetsid sefazolin ekskretsiyasini buzadi
Dozirovkasi
M/i yoki v/i (oqim bilan yoki tomchilab) yuboriladi. Kattalar uchun o'rtacha sutkalik doza 1 g ni tashkil qiladi, yuborish chastotasi - 2-4 marta/sut.
Operatsiyadan keyingi infeksiyani oldini olish uchun operatsiyadan 30 daqiqa oldin 1 g, operatsiya vaqtida 0,5-1 g va operatsiyadan keyin bir sutka davomida har 6-8 soatda 0,5-1 g dan yuboriladi.
Maksimal doza: 6 g/sut.
Bolalar uchun o'rtacha sutkalik doza 20-40 mg/kg ni tashkil qiladi; infeksiyalar og'ir kechganda doza 100 mg/kg/sut gacha oshirilishi mumkin. Davolash davomiyligi 7-10 kunni tashkil qiladi.
Hajm/og'irlik
SEFAZOLIN poroshok 1,0g o'xshash dorilari
Sefazolin boshqa chiqarish shakllari
SEFAZOLIN poroshok 1,0g analoglari
