SEFAZOLINA NATRIEVAYA SOL poroshok 1,0g

Preparat birinchi avlod asosiy sefalosporin antibiotiklaridan biri hisoblanadi. Keng mikroblarga qarshi ta'sir doirasiga ega, bakteritsid ta'sir ko'rsatadi. Ta'sir mexanizmi mikroorganizmlar hujayra devori biosintezini ingibirlash bilan bog'liq. Grammusbat va grammanfiy bakteriyalarga, shu jumladan penitsillinaza hosil qiluvchi va hosil qilmaydigan stafilokokklar, gemolitik streptokokklar, pnevmokokklar, salmonellalar, shigellalar, proteyning ba'zi turlari, Klebsiella guruhi mikroblari, difteriya tayoqchasi, kuydirgi, gonokokklar, meningokokklarga faol ta'sir qiladi; shuningdek spiroxetalar va leptospiralarga nisbatan faol. Preparat metitsillinga chidamli stafilokokklar, ko'k yiring tayoqchasi, proteyning indolmusbat shtammlari, sil mikobakteriyalari, anaerob mikroorganizmlarga nisbatan samarasiz; rikketsiyalar, viruslar, zamburug'lar va sodda jonivorlarga ta'sir qilmaydi.