SEFEPIM 1,0 poroshok
SEFEPIM 1,0 poroshok qo'llanmasi
Farmakokinetikasi
Plazma oqsillari bilan bog'lanishi 19% dan kamni tashkil qiladi va qon zardobidagi sefepim kontsentratsiyasiga bog'liq emas.
Sefepimning terapevtik kontsentratsiyalari siydik, safro, peritoneal suyuqlik, qavariq ekssudati, bronxlar shilliq sekreti, balg'am, prostata bezi, appendiks va o't pufagi to'qimalarida, meningitda orqa miya suyuqligida aniqlanadi.
Sog'lom odamlarda sefepim 2 g dozada 8 soatlik interval bilan 9 kun davomida v/i yuborilganda organizmda kumulyatsiya kuzatilmagan.
Organizmdan o'rtacha T1/2 o'rtacha taxminan 2 soatni, o'rtacha umumiy klirens - 120 ml/daqiqani tashkil qiladi. Sefepim buyraklar orqali, asosan kalavalar filtratsiyasi yo'li bilan chiqariladi (o'rtacha buyrak klirensi - 110 ml/daqiqani tashkil qiladi). Siydikda kiritilgan sefepimning taxminan 85% i o'zgarmagan holda aniqlanadi.
Buyrak funktsiyasi normal bo'lgan 65 yosh va undan katta bo'lgan bemorlarda buyrak klirensi kattaligi yosh bemorlarga qaraganda kamroq.
Buyrak funktsiyasi buzilgan bemorlarda T1/2 ortadi. Buyrak funktsiyasining og'ir buzilishlari bo'lgan, gemodializ o'tkazish talab etiladigan bemorlarda T1/2 o'rtacha 13 soatni, peritoneal dializ o'tkazilganda - 19 soatni tashkil qiladi.
Jigar funktsiyasi buzilgan, mukovistsidozli bemorlarda sefepim farmakokinetikasi o'zgarmagan.
Bemorlarning yoshi va jinsi har birining tana vazniga tuzatish kiritilishini hisobga olganda organizmdan umumiy klirens va Vd ga sezilarli ta'sir ko'rsatmagan. Sefepim 50 mg/kg dozada har 12 soatda yuborilganda kumulyatsiya qayd etilmagan, ushbu dozada har 8 soatda yuborilganda esa muvozanatli holatda Cmax, AUC va T1/2 taxminan 15% ga ortgan.
Nojo'ya samaralari
Ovqat hazm qilish tizimi tomonidan: diareya, ko'ngil aynishi, qusish, kolitlar (shu jumladan soxtamembranoz kolit) bo'lishi mumkin; kamdan-kam hollarda - qorinda og'riq, qabziyat, ta'm bilishning o'zgarishi.
Allergik reaksiyalar: bo'lishi mumkin - toshma, qichishish, eshakemi; kamdan-kam hollarda - anafilaktik reaksiyalar.
MNT va periferik asab tizimi tomonidan: bo'lishi mumkin - bosh og'rig'i; kamdan-kam hollarda - bosh aylanishi, paresteziyalar; ayrim hollarda - tirishishlar.
Dermatologik reaksiyalar: kamdan-kam hollarda - terining qizarishi. Bolalarda eng ko'p uchraydigani - toshma.
Qon yaratish tizimi tomonidan: anemiya bo'lishi mumkin.
Laborator tekshiruvlar ko'rsatkichlari tomonidan: ALT, AST, Ishqoriy fosfataza faolligining oshishi, umumiy bilirubinning oshishi, eozinofiliya, protrombin vaqtining uzayishi bo'lishi mumkin; kamdan-kam hollarda - qondagi mochevina azoti va/yoki zardob kreatininining vaqtinchalik oshishi, tranzitor trombotsitopeniya, tranzitor leykopeniya va neytropeniya; tez-tez - gemolizsiz Kumbs testining musbat natijasi.
Boshqalar: tana haroratining oshishi, vaginit, eritema bo'lishi mumkin; kamdan-kam hollarda - genital qichishish, nospetsifik kandidoz.
Mahalliy reaksiyalar: v/i quyilganda flebitlar bo'lishi mumkin, kamdan-kam hollarda - yallig'lanish); m/i yuborilganda yallig'lanish yoki og'riq bo'lishi mumkin
Maxsus saqlash sharoitlari
Aralash aerob/anaerob mikroflora hisobiga (sh.j. qo‘zg‘atuvchilardan biri Bacteroides fragilis bo‘lgan hollarda) infeksiya yuzaga kelishining yuqori xavf guruhida bo‘lgan bemorlarda qo‘llanilganda, qo‘zg‘atuvchi identifikatsiya qilinguncha sefepim bilan bir vaqtda anaeroblarga nisbatan faol preparatni tayinlash tavsiya etiladi.
Allergik reaksiyalar, ayniqsa dori preparatlariga rivojlanish xavfi bo‘lgan bemorlarda ehtiyotkorlik bilan qo‘llaniladi.
Allergik reaksiyalar rivojlanganda sefepimni bekor qilish kerak.
Jiddiy yuqori sezuvchanlik reaksiyalarida epinefrin (adrenalin) va boshqa tutib turuvchi davolash shakllarini qo‘llash talab etilishi mumkin.
Davolash fonida diareya paydo bo‘lganda soxtamembranoz kolit rivojlanishi mumkinligini hisobga olish kerak. Bunday hollarda sefepimni darhol bekor qilish va zarurat tug‘ilganda tegishli davolashni tayinlash kerak.
Superinfeksiya rivojlanganda sefepimni darhol bekor qilish va tegishli davolashni tayinlash kerak.
Sefalosporinlar guruhiga kiruvchi boshqa antibiotiklar qo‘llanilganda eshakemi, Stivens-Djonson sindromi, ko‘p sonli eritema, toksik epidermal nekroliz, kolit, buyrak funksiyasi buzilishi, toksik nefropatiya, aplastik anemiya, gemolitik anemiya, qonash, tirishishlar, jigar funksiyasi buzilishi, shu jumladan xolestaz, siydik glyukozasiga tahlillarning soxta musbat natijalari kuzatilgan.
Sefepimni 2 oylikkacha bo‘lgan bolalarda qo‘llash xavfsizligi va samaradorligi aniqlanmagan.
Sefepim aminoglikozidlar va "halkali" diuretiklar bilan birga o‘ta ehtiyotkorlik bilan qo‘llaniladi.
Qo'llanilishi mumkin bo'lmagan holatlar
Sefepimga yoki L-argininga, shuningdek sefalosporin antibiotiklariga, penitsillinlarga yoki boshqa beta-laktam antibiotiklarga yuqori sezuvchanlik.
Dori vositalarining o'zaro ta'siri
Sefepim eritmasi metronidazol, vankomitsin, gentamitsin, tobramitsin sulfat va netilmitsin sulfat eritmalari bilan bir vaqtda yuborilganda farmatsevtik o'zaro ta'sir bo'lishi mumkin.
Dozirovkasi
V/i yuborish yo'li og'ir yoki hayotga xavf soluvchi infeksiyalari bo'lgan bemorlar uchun, ayniqsa shok xavfi bo'lganda afzalroqdir.
M/i yoki v/i yuborilganda kattalar va tana vazni 40 kg dan ortiq bo'lgan bolalarga buyrak funksiyasi normal bo'lganda bir martalik doza 0,5-1 g ni tashkil qiladi, yuborishlar orasidagi oraliq - 12 soat. Og'ir infeksiyalarda v/i 2 g dozada har 12 soatda yuboriladi.
Qorin bo'shlig'i jarrohlik operatsiyalari o'tkazilganda infeksiyalarni oldini olish maqsadida metronidazol bilan kombinatsiyada sxema bo'yicha qo'llaniladi
2 oylikdan katta bolalar uchun maksimal doza kattalar uchun tavsiya etilgan dozadan oshmasligi kerak. Tana vazni 40 kg gacha bo'lgan bolalar uchun o'rtacha doza asoratlangan yoki asoratsiz siydik chiqarish yo'llari infeksiyalari (shu jumladan piyelonefrit), asoratsiz teri va yumshoq to'qimalar infeksiyalari, pnevmoniya, neytropenik isitmani empirik davolashda 50 mg/kg dan har 12 soatda tashkil qiladi.
Neytropenik isitma va bakterial meningiti bo'lgan bemorlarga - 50 mg/kg dan har 8 soatda.
O'rtacha terapiya davomiyligi 7-10 kunni tashkil qiladi. Og'ir infeksiyalarda uzoqroq davolash talab qilinishi mumkin.
Buyrak funksiyasi buzilishlarida (KK 30 ml/daq dan kam) dozalash rejimini to'g'rilash zarur. Sefepimning boshlang'ich dozasi buyrak funksiyasi normal bo'lgan bemorlar uchun kabi bo'lishi kerak. Ushlab turuvchi dozalar KK qiymatlari yoki zardob kreatinini konsentratsiyasiga qarab belgilanadi
Gemodializda 3 soat ichida organizmdan sefepim umumiy miqdorining taxminan 68% i chiqariladi. Har bir seans tugagandan so'ng boshlang'ich dozaga teng takroriy dozani yuborish kerak. Uzluksiz ambulator peritoneal dializda bo'lgan bemorlarda sefepimni o'rtacha tavsiya etilgan dozalarda, ya'ni 500 mg, 1 g yoki 2 g infeksiya og'irligiga qarab, bir martalik dozani yuborishlar orasidagi 48 soatlik oraliq bilan qo'llash mumkin.
Buyrak funksiyasi buzilgan bolalarga kattalarga kabi dozalash rejimini shunday o'zgartirishlar tavsiya etiladi, chunki sefepim farmakokinetikasi kattalar va bolalarda o'xshash xarakterga ega.
SEFEPIM 1,0 poroshok o'xshash dorilari
Sefepim boshqa chiqarish shakllari
SEFEPIM 1,0 poroshok analoglari
