SEFOTAKSIM 1,0 poroshok N50

0,5, 1 va 2 g bir marta v/i yuborilgandan so'ng maksimal kontsentratsiya (Сmах) 5 daqiqadan so'ng erishiladi va mos ravishda 39 mkg/ml, 100 mkg/ml va 214 mkg/ml ni tashkil qiladi. 0,5 va 1 g m/i yuborilgandan so'ng Сmах 0,5 soatdan keyin erishiladi va mos ravishda 11 va 21 mkg/ml ni tashkil qiladi. Plazma oqsillari bilan bog'lanishi - 25-40%.

Organizmning ko'pchilik to'qimalari (miokard, suyaklar, o't pufagi, teri, yumshoq to'qimalar) va suyuqliklarida (sinovial, perikardial, plevral, balg'am, safro, siydik, orqa miya suyuqligi) terapevtik kontsentratsiyalar hosil qiladi. Taqsimlanish hajmi - 0,25-0,39 l/kg.

V/i va m/i yuborilganda yarim chiqarilish davri (Т1/2) -1 soat.

Buyraklar orqali - 60% - 70% o'zgarmagan holda, qolgan miqdori - metabolitlar ko'rinishida chiqariladi (dezatsetillangan hosilasi bakteritsid faollikka ega, boshqa 2 ta metabolit esa ega emas).

Surunkali buyrak yetishmovchiligida (SBY) va keksa yoshdagi shaxslarda Т1/2 2 baravar ortadi. Yangi tug'ilgan chaqaloqlarda Т1/2 - 0,75-1,5 soat, chala tug'ilgan yangi tug'ilgan chaqaloqlarda 4,6 soatgacha ortadi. 14 kun davomida har 6 soatda 1 g dozada takroriy v/i yuborilganda kumulyatsiya kuzatilmaydi. Ko'krak sutiga o'tadi.

Allergik reaksiyalar: eshakemi, titroq yoki isitma, toshma, qichishish, yuz shishi, hiqildoq shishi, bronxospazm, eozinofiliya, xavfli ekssudativ eritema (Stivens-Jonson sindromi), toksik epidermal nekroliz (Layell sindromi), bullez toshmalar, angionevrotik shish, anafilaktik shok.

Ovqat hazm qilish tizimi tomonidan ko'ngil aynishi, qusish, diareya yoki qabziyat, meteorizm, qorinda og'riq, jigar faoliyatining buzilishi («jigar» transaminazalari, ishqoriy fosfataza faolligining oshishi, gepatit, sariqlik, axlatda qon, giperkreatininemiya, giperbilirubinemiya), stomatit, glossit, soxtamembranoz kolit.

Qon yaratish organlari tomonidan: leykopeniya, neytropeniya, granulotsitopeniya, trombotsitopeniya, gemolitik anemiya, gipokoagulyatsiya, agranulotsitoz.

Siydik chiqarish tizimi tomonidan: buyrak faoliyatining buzilishi (azotemiya, qonda mochevina miqdorining oshishi, oliguriya, anuriya, interstitsial nefrit), giperkreatininemiya.

Asab tizimi tomonidan bosh og'rig'i, bosh aylanishi, hushdan ketish, tirishishlar, charchoqning kuchayishi, ensefalopatiya (yuqori dozalarda tayinlanganda), harakat buzilishlari, holsizlik.

Yurak-qon tomir tizimi tomonidan arterial qon bosimining pasayishi, markaziy venaga tez bolyus yuborilgandan so'ng potentsial hayotga xavf soluvchi aritmiyalar.

Laborator ko'rsatkichlar: soxta musbat Kumbs sinamasi.

Mahalliy reaksiyalar: yuborish joyida yallig'lanish reaksiyasi, shu jumladan flebit va tromboflebit, vena bo'ylab og'riq, m/i yuborish joyida og'riq va infiltrat, terining qizarishi.

Boshqalar: superinfeksiya (xususan, kandidoz vaginit), sefotaksimga sezgir bo'lmagan organizmlarning haddan tashqari o'sishi.

Borreliozni davolashda: Yarish-Gerksgeymer reaksiyasi (davolashning birinchi kunlarida), teri toshmasi, qichishish, isitma, leykopeniya, «jigar» transaminazalari faolligining oshishi, nafas olishning qiyinlashishi va bo'g'imlar sohasida diskomfort.

Davolashning birinchi haftalarida og‘ir uzoq muddatli diareya bilan namoyon bo‘luvchi soxtamembranoz kolit yuzaga kelishi mumkin. Bunda preparatni qabul qilishni to‘xtatadilar va vankomitsin yoki metronidazolni o‘z ichiga olgan adekvat terapiyani tayinlaydilar.

Preparatni tayinlashdan oldin allergologik anamnezni yig‘ish zarur, ayniqsa beta-laktam antibiotiklariga nisbatan. Penitsillinlar va sefalosporinlar o‘rtasida kesishma allergiya ma'lum. Anamnezida penitsillinga allergik reaksiyalar ko‘rsatilgan shaxslarda preparat o‘ta ehtiyotkorlik bilan qo‘llaniladi (o‘lim holatigacha bo‘lgan og‘ir anafilaktik reaksiyalar rivojlanishi mumkinligini hisobga olish kerak).

Preparat bilan davolash davomiyligi 10 kundan oshganda periferik qon manzarasini nazorat qilish zarur.

Siydikda glyukozani noenzimatik usul bilan (masalan, Benedikt usuli bilan) aniqlashda soxta musbat natijalar bo‘lishi mumkin.

Transportni boshqaruvchi va diqqatni yuqori jamlash hamda tezkor harakat reaksiyasini talab qiluvchi faoliyat turlari bilan shug‘ullanuvchi shaxslarga ehtiyotkorlik bilan tayinlash kerak.

O‘ta yuqori sezuvchanlik (shu jumladan penitsillinlarga, boshqa sefalosporinlarga, karbapenemlarga).

2,5 yoshgacha bo‘lgan bolalarga preparatni mushak ichiga yuborish mumkin emas.

Ehtiyotkorlik bilan

Yangi tug‘ilganlik davri, laktatsiya davri (sut bilan arzimas konsentratsiyalarda ajraladi); surunkali buyrak yetishmovchiligi, nomaxsus yarali kolit (shu jumladan anamnezda).

Homiladorlik va emizish davrida qo‘llash

Homiladorlik va laktatsiya davrlarida preparatni qo‘llash faqat ona uchun kutilayotgan foyda homila uchun potensial xavfdan ustun bo‘lgan holdagina mumkin.

Sefotaksim ko‘krak suti bilan ajraladi, shuning uchun laktatsiya davrida preparatni tayinlash zarurati tug‘ilganda emizishni to‘xtatish kerak.

Sefotaksim ichak florasini bostirib, K vitamini sinteziga to'sqinlik qiladi. Shuning uchun trombotsitlar agregatsiyasini pasaytiruvchi preparatlar (NYQV, salitsilatlar, sulfinpirazon) bilan bir vaqtda qo'llanilganda qon ketish rivojlanish xavfi ortadi. Xuddi shu sababga ko'ra antikoagulyantlar bilan bir vaqtda qo'llanilganda antikoagulyant ta'sirning kuchayishi qayd etiladi.

Aminoglikozidlar, polimiksin B va "halkali" diuretiklar bilan bir vaqtda qo'llanilganda buyrak shikastlanishi xavfi ortadi.

Kanalchalar sekretsiyasini kamaytiruvchi preparatlar bilan bir vaqtda qo'llanilganda qon plazmasida sefotaksim kontsentratsiyasi oshadi.

Probenetsid oxirgisining kanalchalar sekretsiyasini pasaytirish hisobiga sefotaksim chiqarilishini sekinlashtiradi