SINNARIZIN 0,025 tabletkalari N50 dori vositasi ishlab chiqaruvchisi kim va u qaysi davlatda ishlab chiqarilgan?

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Qadoqda soni

Farmakokinetikasi

Qon plazmasida Cmax ichga qabul qilingandan 1-3 soat o'tgach erishiladi. Plazma oqsillari bilan bog'lanishi taxminan 91%. Jigarda dealkillanish orqali to'liq metabolizmga uchraydi. T1/2 - 4 soat. Metabolitlar ko'rinishida chiqariladi: 1/3 - buyraklar orqali, 2/3 - ichak orqali.

Nojo'ya samaralari

Asab tizimi tomonidan: uyquchanlik, charchoqning kuchayishi, bosh og'rig'i, ekstrapiramidal buzilishlar (qo'l-oyoq tremori va mushak tonusining oshishi, gipokineziya), depressiya.

Ovqat hazm qilish tizimi tomonidan: og'iz qurishi, epigastral sohada og'riq, dispepsiya, xolestatik sariqlik.

Teri qoplamalari tomonidan: ko'p terlash, qizil yassi temiratki (juda kam hollarda).

Allergik reaksiyalar: teri toshmasi.

Boshqalar: AB pasayishi, tana vaznining oshishi, qizil yuguriksimon sindrom rivojlanishi

Maxsus saqlash sharoitlari

Davolash boshida etanol qabul qilishdan saqlanish kerak.

Antigistamin ta'siri mavjudligi sababli, tsinnarizin sportchilarning doping-nazoratidagi tekshiruv natijasiga ta'sir qilishi (soxta musbat natija), shuningdek teri diagnostik sinamalarini o'tkazishda musbat reaksiyalarni yo'qqa chiqarishi mumkin (tekshiruvdan 4 kun oldin davolashni bekor qilish kerak).

Uzoq muddat qo'llanilganda jigar, buyrak funksiyasini, periferik qon manzarasini nazorat tekshiruvidan o'tkazish tavsiya etiladi.

Tsinnarizin qabul qilayotgan ayollarga emizish tavsiya etilmaydi. Parkinson kasalligi bo'lgan bemorlarga faqat tayinlashdan kutilayotgan foyda holat yomonlashishining ehtimoliy xavfidan ustun bo'lgan hollardagina tayinlash kerak.

Avtotransportni haydash va mexanizmlarni boshqarish qobiliyatiga ta'siri.

Davolash davrida avtotransportni haydashda va diqqatni yuqori jamlash va psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanishda ehtiyot bo'lish zarur.

Qo'llanilishi mumkin bo'lmagan holatlar

— homiladorlik,

— laktatsiya davri,

— 12 yoshgacha bo‘lgan bolalar;

— preparatga yuqori sezuvchanlik.

Ehtiyotkorlik bilan: Parkinson kasalligi.

Dori vositalarining o'zaro ta'siri

Farmatsevtik: Kimyoviy nomutanosiblik ma'lum emas.

Farmakodinamik: Alkogol, sedativ va antidepressant vositalar ta'sirini kuchaytiradi. Nootrop, antigipertenziv va tomirlarni kengaytiruvchi vositalar bilan bir vaqtda qo'llanilganda ularning samarasini kuchaytiradi, arterial gipotenziyada tayinlanadigan preparatlar bilan bir vaqtda qo'llanilganda esa - ularning samarasini kamaytiradi.

Farmakokinetik: ma'lumotlar yo'q.

Dozirovkasi

DozalashIchga, ovqatdan keyin. Miya qon aylanishi buzilishlarida - 25-50 mg dan kuniga 3 marta; periferik qon aylanishi buzilishlarida - 50-75 mg dan kuniga 3 marta; labirint buzilishlarida - 25 mg dan kuniga 3 marta; dengiz va havo kasalliklarida, kutilayotgan safardan oldin kattalarga - 25 mg, zarurat bo‘lganda dozani qabul qilish 6 soatdan keyin takrorlanadi. Bolalarga kattalar dozasining yarmi tayinlanadi. Maksimal sutkalik doza 225 mg dan oshmasligi kerak.

Preparatga yuqori sezuvchanlik bo‘lganda davolashni 1/2 dozadan boshlab, uni asta-sekin oshirib boriladi. Davolash kursi bir necha haftadan bir necha oygacha.