Aenoxa analoglari

Boshqa antikoagulyantlar qo'llanganida bo'lgani kabi, ayniqsa qon ketishini rivojlanishiga yordam beruvchi organik shikastlanishlar, invaziv muolajalar yoki gemostazni buzuvchi preparatlarni ishlatilishi kabi yo'ldosh xavf omillari borligida, qon ketishlari paydo bo'lishi mumkin ("maxsus ko'rsatmalar" va "boshqa dori vositalari bilan o'zaro ta'siri" ga qarang). Qon ketishi rivojlanganida preparatni yuborishni bekor qilish, qon ketishining sababini aniqlash va tegishli davolashni boshlash kerak.

Og'ir qon ketishlari, shu jumladan qorin orti va kalla suyagi ichki qon quyilishlarini (0,01-0,1% tez-tezlik bilan) rivojlanishi to'g'risida xabar berilgan.

Bu hollardan ayrimlari o'lim bilan yakunlangan.

Enoksa spinal/epidural anesteziya va kiruvchi kateterlarni operasiyadan keyin ishlatish fonida qo'llanganida, turli yaqqollik darajasidagi nevrologik buzilishlar, shu jumladan uzoq muddat saqlanuvchi yoki qaytmas falajga olib keluvchi neyroaksial gematomalarni (0,01-0,1% hollarda) hosil bo'lish hollari ta'riflangan.

Trombositopeniya 

Davolash boshlanganidan keyin birinchi kunlar davomida ahamiyatsiz namoyon bo'luvchi, o'tkinchi, simptomsiz trombositopeniya rivojlanishi mumkin. Kam hollarda (0,01% dan kam) tromboz bilan birga kechuvchi autoimmun trombositopeniya rivojlanishi mumkin. Kam hollarda (0,01% dan kam) tromboz bilan birga kechuvchi autoimmun trombositopeniyani rivojlanishi to'g'risida xabar berilgan. Kam hollarda tromboz a'zoning infarkti yoki qo'l-oyoqlarning ishemiyasi bilan asoratlangan ("maxsus ko'rsatmalar" bo'limiga qarang).

Mahalliy reaktsiyalar

Enoksa teri ostiga yuborilganidan keyin in'ektsiya joyida og'riq, 0,01% dan kam hollarda – gematoma kuzatilishi mumkin. Ayrim hollarda preparat yuborilgan joyda preparatni saqlovchi yallig'langan qattiq tugun-infiltratlar hosil bo'lishi mumkin, ular bir necha kundan keyin yo'qoladi va preparatni bekor qilish uchun asos hisoblanmaydi, 0,001% hollarda in'ektsiya joyida, oldin purpura yoki eritematoz og'riqli papulalarni paydo bo'lishi bilan teri nekrozi rivojlanishi mumkin. Bunday hollarda Enoksa bilan davolashni to'xtatish kerak.

Boshqalar 

Teri (bullyoz toshmalar) va tizimli allergik reaktsiyalar, shu jumladan anafilaktik va anafilaktoid reaktsiyalar (0,01-0,1% tez-tezlik bilan) kam kuzatilgan. Allergik vaskulit hollari (0,01% dan kam) aniqlangan. Ayrim bemorlarga davolashni to'xtatish talab qilinishi mumkin.

Jigar fermentlarining faolligini simptomsiz va qaytuvchan oshishi ta'riflangan.

Geparin va postmolekulyar geparinlar qo'llanganida giperkaliemiya hollari to'g'risida xabar berilgan.

Quyimolekulyar geparin qo'llanganida bo'lgani kabi, davomli davolashda osteoporozni rivojlanish xavfini inkor qilish mumkin emas.