GABANERV

QO‘LLASH BO‘YICHA YO‘RIQNOMA

GABANERV

GABANERVE

Preparatning savdo nomi: Gabanerv

Ta‘sir etuvchi moddalar (XPN): gabapentin, metilkobalamin

Dori shakli: plyonka qobiq bilan qoplangan tabletkala

Tarkibi:

Plyonka qobiq bilan qoplangan har bir tabletka quyidagilarni saqlaydi:

faol moddalar: gabapentin – 300 mg, metilkobalamin – 500 mkg;

yordamchi moddalar: makkajo‘xori kraxmali, povidon, magniy stearati, tozalangan talk, suvsiz kolloid kremniy, natriy kroskarmelloza, MSSR (rN 102), pushti Instacoat IC-S-5731.

Ta‘rifi: pushti rangli, uzunchoq shaklli, ikki tomonlama qavariq, bir tomonida bo‘lish uchun chizig‘i, va boshqa tomoni silliq bo‘lgan plyonka qobiq bilan qoplangan tabletkalar.

Farmakoterapevtik guruhi: tirishishga qarshi vosita.

ATX kodi: N03A

Farmakologik hususiyatlari

Farmakodinamikasi

Gabapentin GAMK struktur analogi hisoblanadi, u bilan birga og‘riq uzatilishida va modulyasiyasida ishtirok etadi, bunda GAMKA- va GAMKV-reseptorlari bilan bog‘lanmaydi, shunday nomlangan ferment yordamida mediatorning degradasiyasiga ta‘sir qiladi. Neokorteksda yuqori spesifik oqsil nishonlari bilan o‘zaro ta‘sir qilib, Gabapentin yaqqol ifodalangan antikonvulsant faollik namoyon qiladi, markaziy va periferik darajada neyropatik og‘riqni bartaraf qiladi.

Preparatning tirishishga qarshi va og‘riq qoldiruvchi ta‘siri glutamat sintezini ingibisiya qilishi orqali neyronal hujayralarni glutamatga bog‘liq o‘limini bartaraf qilishga qaratilgan. Preparat MNT da GAMK sintezini oshishiga yordam beradi, bunda qo‘zg‘atuvchi neyromediatorlarni ajralib chiqishini bostiradi.

Neyropatik og‘riqni gabapentin tomonidan bartaraf qilish mexanizmi kalsiy kanallarining α2-σ-subbirliklari bilan bog‘lanishiga asoslangan. Ushbu o‘zaro ta‘sir natijasida kalsiy hujayra ichiga kirishini pasayishi va aksonlarning membranalarida PD ni kamayishi hisoblanadi.

Gabapentin neyronlarning sitoplazmasida GAMK konsentrasiyasini oshiradi, plazmadagi serotoninning miqdorini oshiradi.

Metilkobalamin – V₁₂ vitaminining koferment shaklidir. Transmetillanish jarayonlarida, oqsillar va nuklein kislotalar sintezida, uglevodlar va lipidlar almashinuvida ishtirok etadi. Monooksigenaza tizimini rag‘batlantiradi, SH-guruhiga himoya ta‘sir ko‘rsatadi va jigarda glutationtransferazani faollashtiradi. Periferik nerv tizimining kasalliklarida og‘riq sindromini kamaytiradi, harakat faoliyatini tiklanishiga va vegetativ buzilishlarni kamayishiga yordam beradi. Gepatoprotektor ta‘sir ko‘rsatib, toksik gepatit, jigar sirrozi, pankreatitda jigar faoliyatiga ijobiy ta‘sir qiladi. Ad‘yuvant artritda bo‘g‘imlarni shikastlanishini kamaytiradi, gemopoetik ta‘sir ko‘rsatadi.

Farmakokinetikasi

Gabapentin – gabapentinning biokiraolishligi dozasiga proporsional emas. S_max ga 2-3 soatdan keyin erishadi. Ovqat gabapentinning farmakokinetikasiga ta‘sir ko‘rsatmaydi, uning farmakokinetikasi takroran qabul qilinganida ham o‘zgarmaydi. Yarim chiqarilish davri 6-7 soatni tashkil etadi. U qondagi oqsillar bilan bog‘lanmaydi va buyraklar orqali chiqariladi. Gabapentinni chiqarilishi katta yoshdagi odamlarda va buyrak faoliyatini buzilishi bo‘lganida pasayadi, shuning uchun ushbu toifadagi pasientlar uchun preparatning dozasiga tuzatish kiritish kerak.

Metilkobalamin – preparat katta yoshdagi sog‘lom erkak ko‘ngillilarga 120 mkg va
1500 mkg bir martalik dozalarda oq qoringa bir marta peroral qabul qilinganida qon plazmasida umumiy V₁₂ vitamini cho‘qqi konsentrasiyasiga har ikkala dozasi uchun 3 soatdan keyin erishiladi va ushbu ko‘rsatkich dozaga bog‘liq hisoblanadi. Qabul qilingandan so‘ng 24 soatdan keyin siydik bilan chiqariladigan V₁₂ vitaminining umumiy miqdorini 40-90% birinchi 8 soat davomida chiqarilgan.

Qo‘llanilishi

Kattalar va 12 yoshdan boshlab bolalarda tutqanoqda kuzatiladigan fokal tirishishlarni monoterapiya o‘tkazishda; kattalarda tutqanoqda kuzatiladigan fokal tirishishlarni qo‘shimcha davolash; neyropatik og‘riq (postgerpetik, diabetik, trigeminal, OITV ga bog‘liq bo‘lgan, alkogolli nevralgiya, orqa miya kanalini stenozidagi nevralgiya) da qo‘llanadi.

Qo‘llash usuli va dozalari

Ichga, ovqatlanishdan qat‘iy nazar kuniga 1-3 tabletkadan qabul qilinadi. Davolash birinchi kunida 1 tabletka bilan boshlanadi, so‘ngra kuniga bitta tabletkaga oshiriladi. Neyropatik og‘riqlarda davolashni kuniga uchta tabletka bilan boshlash mumkin.

Nojo‘ya ta‘sirlari

MNT tomonidan: uyquchanlik, toliqish, bosh aylanishi, o‘ta qo‘zg‘aluvchanlik, ataksiya, qo‘l-oyoqlar tremori va nistagm. Kam hollarda kranialgiya, astenik sindrom, fikrlashni buzilishlari va paresteziyalar bo‘lishi mumkin.

Yurak-qon tomir tizimi tomonidan: taxikardiya va SAB (sistolik arterial bosim) ni pasayishi.

Respirator tizimi tomonidan: kam hollarda faringit va rinit kuzatiladi.

Siydik chiqarish tizimi tomonidan: siydikni tutib turolmaslik bo‘lishi mumkin.

Ko‘rish va eshitish a‘zolari tomonidan: kam hollarda diplopiya, ambliopiya va quloqlarda tovushni sub‘ektiv his etish kuzatilishi mumkin.

Qon manzarasida preparatni qabul qilish leykopeniyani paydo bo‘lishini qo‘zg‘atishi mumkin.

Preparatni qabul qilganda allergik reaksiyalar qichishish va qizarishdan to Stivens-Djonson sindromigacha bilan kechuvchi ekzantemalar ko‘rinishida namoyon bo‘lishi mumkin.

Qo‘llash mumkin bo‘lmagan holatlar

Preparatning komponentlariga yuqori sezuvchanlikda. 12 yoshgacha bo‘lgan bolalarda parsial tirishishlarda qo‘llash mumkin emas. Neyropatik og‘riqni davolash uchun 18 yoshgacha bo‘lgan bolalar va o‘smirlarga buyurish mumkin emas.

Dorilarning o‘zaro ta‘siri

Gabapentin va morfinni bir vaqtda qo‘llash og‘riq bo‘sag‘asini oshishiga olib keladi. Gabapentinni antasidlar va burishtiruvchi vositalar bilan qabul qilish fonida uning biokiraolishligini pasayishi kuzatiladi. Gabapentinni sitmetidin bilan bir vaqtda qo‘llash gabapentinning buyrak ekskresiyasini susayishiga olib keladi.

Maxsus ko‘rsatmalar

Homilador ayollarda preparatni qo‘llash yuzasidan ma‘lumotlar yo‘q, shuning uchun homiladorlik davrida uni ona uchun davolashdan kutiladigan foyda homila uchun kuzatilishi mumkin bo‘lgan havfdan ustun bo‘lgan holatdagina qo‘llash mumkin.

Gabapentin ko‘krak suti bilan ajralib chiqadi, uni emizikli bolaga ta‘siri noma‘lum, shuning uchun davolanish vaqtida emizishdan saqlanish kerak.

Preparatni asta-sekin bekor qilish kerak.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Simptomlari: bosh aylanishi, ko‘zlarning oldida jismlarni ikkilanishi, nutqni buzilishi, uyquchanlik, letargiya, diareya.

Davolash: me‘dani yuvish, faollashtirilgan ko‘mir qabul qilish, simptomatik davolash o‘tkaziladi. Og‘ir darajadagi buyrak yetishmovchiligi bo‘lgan bemorlarga gemodializ o‘tkazilishi mumkin.

Chiqarilish shakli

Plyonka qobiq bilan qoplangan 10 tabletka blisterda. 1 blister qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

30ºS dan yuqori bo‘lmagan haroratda yorug‘lik va namlikdan himoyalangan joyda saqlansin.

Yaroqlilik muddati

2 yil.

Dorixonalardan berish tartibi

Resept bo‘yicha.