BRONXIPRET TP tabletkalari N20
Balg‘am ko‘chiruvchi preparatlar. Balg‘am ko‘chiruvchi preparatlarning majmuasi
BRONXIPRET TP tabletkalari N20 qo'llanmasi
1 tabletka quyidagilarni saqlaydi:
faol moddalar: 60 mg navro‘zgul ildizining quruq ekstrakti, 160 mg tog‘jambil o‘tining quruq ekstrakti;yordamchi moddalar: laktoza monogidrati, glyukoza, suvsiz kolloid kremniy dioksidi, mikrokristall sellyuloza, magniy stearati, gipromelloza, yalpiz aromatizatori, propilenglikol, natriy saxarini, talk, riboflavin (Ye101), xlorofill kukuni (Ye141), titan dioksidi (Ye171), krospovidon, povidon K25, poliakrilat dispersiyasi, dimetikon.
1 tabletka quyidagilarni saqlaydi:
faol moddalar: 60 mg navro‘zgul ildizining quruq ekstrakti, 160 mg tog‘jambil o‘tining quruq ekstrakti;
yordamchi moddalar: laktoza monogidrati, glyukoza, suvsiz kolloid kremniy dioksidi, mikrokristall sellyuloza, magniy stearati, gipromelloza, yalpiz aromatizatori, propilenglikol, natriy saxarini, talk, riboflavin (Ye101), xlorofill kukuni (Ye141), titan dioksidi (Ye171), krospovidon, povidon K25, poliakrilat dispersiyasi, dimetikon.
Chiqarilish shakli:
Plyonka qobiq bilan qoplangan tabletkalar.
Standart o‘ram: 20 tabletkadan blisterda.
1 blister tibbiyotda qo‘llanilishiga doir yo‘riqnomasi bilan karton o‘ramda.
O‘simliklardan olinadigan majmuaviy preparat. Balg‘am ko‘chiruvchi, yallig‘lanishga qarshi, sekretolitik, bronxolitik ta’sir ko‘rsatadi. Balg‘amning qovushqoqligini pasayishiga va uni chiqarilishini tezlashishiga yordam beradi.
Taqdim qilinmagan.
Balg‘am ko‘chiruvchi preparatlar. Balg‘am ko‘chiruvchi preparatlarning majmuasi
Plyonka qobiq bilan qoplangan tabletkalar
Barcha dori vositalari kabi Bronxipret® TP tabletkalari ham nojo‘ya samaralarga ega bo‘lishi mumkin, ular har doim ham paydo bo‘lmaydi.
Juda tez–tez: davolangan 10 patsiyentdan 1 nafaridan ko‘pida
Tez–tez: davolangan 100 patsiyentdan 1 nafaridan 10 nafarigachasida
Ba’zida: davolangan 1000 patsiyentdan 1 nafaridan 10 nafarigachasida
Kam hollarda: davolangan 10000 patsiyentdan 1 nafaridan 10 nafarigachasida
Juda kam hollarda: davolangan 10000 patsiyentdan 1 nafaridan kamida
Noma’lum: mavjud ma’lumotlardan tez–tezligini aniqlash mumkin emas
E’tibor berish kerak bo‘lgan ahamiyatli nojo‘ya samaralar va agar Sizda quyidagi reaksiyalar yuz bersa ko‘rish lozim bo‘lgan choralar:
Nojo‘ya samaralar paydo bo‘lganida preparatni qabul qilishni to‘xtatish va shifokorga murojaat qilish lozim. U nojo‘ya samaraning og‘irlik darajasi va keyingi zarur choralar yuzasidan qaror qabul qilishi mumkin.
Ba’zida me’da–ichak yo‘llari tomonidan spazmlar, ko‘ngil aynishi, qusish va diareya kabi shikoyatlar paydo bo‘lishi mumkin.
Juda kam hollarda o‘ta yuqori sezuvchanlik reaksiyalari (allergik reaksiyalar), masalan hansirash, teri toshmasi, eshakemi, yuzni, og‘izni va/yoki og‘iz-halqumni shishi paydo bo‘lishi mumkin. Agar ko‘rsatilgan nojo‘ya samaralaridan birontasi haddan ziyod kuchli bo‘lsa yoki Siz ushbu tibbiyotda qo‘llanilishiga doir yo‘riqnomada ko‘rsatilmagan nojo‘ya samaralarini kuzatsangiz, shifokoringizga yoki farmatsevtga murojaat qiling.
Bronxipret® TP tabletkalarini 12 yoshdan kichik bolalar tomonidan qabul qilish mumkin emas, chunki 12 yoshdan kichik bolalar tomonidan preparatni qabul qilish yuzasidan yetarli tadqiqotlar mavjud emas.
Yetarli tadqiqotlarning yo‘qligi tufayli, preparatni homiladorlik va emizish davrida qabul qilish mumkin emas.
Agar shikoyatlar preparat bir hafta qabul qilinganidan keyin yo‘qolmasa yoki nafas olishni qiyinlashishi, isitma, yiringli yoki qon aralash balg‘am paydo bo‘lganida, darhol shifokorga murojaat qilish kerak.
Gastrit yoki me’da yarasi bo‘lgan patsiyentlar preparatni qabul qilishdan oldin shifokor bilan maslahatlashing.
Preparatning tarkibida glyukoza va laktoza mavjud. Agar sizda ayrim qandlarni o‘zlashtiraolmasligi bo‘lsa preparatni faqat shifokor bilan maslahatlashgandan keyingina qabul qilishni boshlash kerak.
Qandli diabeti bo‘lgan bemorlar 1 tabletka o‘rtacha 0,3 g o‘zlashtiriladigan uglevodlar saqlashini hisobga olishlari kerak. Bronxipret® TP qobiq bilan qoplangan tabletkalari glyuten saqlamaydi.
Avtotransportni haydash va mashinalarga xizmat ko‘rsatish qobiliyati:
hech qanday alohida ehtiyotkorlik choralari talab qilinmaydi.
Nafas yo‘llari va bronxlarning yo‘tal va balg‘amni hosil bo‘lishi bilan kechuvchi o‘tkir shamollash kasalliklari (traxeit, traxeobronxit, bronxit) ni davolashda balg‘am ko‘chiruvchi vosita sifatida qo‘llanadi.
Pechak ildizi, tog‘jambil o‘tiga, Lamiaceae oilasiga mansub boshqa o‘simliklarga yoki Bronxipret® TP tabletkalarining har qanday komponentlariga yuqori sezuvchanlik (allergiya) da qo‘llash mumkin emas.
Bronxipret® TP tabletkalarini boshqa dori vositalari bilan o‘zaro ta’sirining hollari hozirgi vaqtgacha noma’lum. Bronxipret® TP bilan bir vaqtda qabul qilinayotgan boshqa dori vositalari bilan o‘zaro ta’siri yuzasidan tadqiqotlar o‘tkazilmagan.
Bronxipret® TP tabletkalarini yo‘talga qarshi preparatlar bilan, shuningdek balg‘amni xosil bo‘lishini kamaytiradigan dori vositalar bilan qabul qilish mumkin emas, chunki bu suyulgan balg‘amni yo‘talib chiqarilishini qiyinlashtiradi. Antibakterial dori vositalar bilan majmuada qo‘llash mumkin.
Yashil rangli, dumaloq shaklli, ikki tomonlama qavariq yarim xira yuzali tabletkalar.
|
Yoshi |
Bir martalik doza |
Sutkalik doza
|
|
Kattalar va 12 yoshdan oshgan o‘smirlar |
1 tabletka |
3 tabletka |
Bronxipret® TP tabletkalarini 1 tabletkadan kuniga 3 marta, chaynamasdan, ovqatdan oldin yetarli miqdordagi suyuqlik (bir stakan suv bilan afzal) bilan qabul qilinadi.
Qo‘llash davomiyligi kasallikni kechishiga bog‘liq. Agar preparatni 1 hafta qabul qilgandan keyin shikoyatlar bartaraf etilmasa, shifokor bilan maslahatlashing.
Doza oshirib yuborilganida qorinda og‘riqlar, qusish va diareya bo‘lishi mumkin.
Bunday hollarda bu haqida shifokoringizga xabar bering, u zarur choralar to‘g‘risida qaror qabul qilishi mumkin.Xususiyatlar BRONXIPRET TP tabletkalari N20
BRONXIPRET TP tabletkalari N20 boshqa chiqarish shakllari
BRONXIPRET TP tabletkalari N20 savollari
BRONXIPRET TP tabletkalari N20 fikr-mulohazalari
Ishlab chiqaruvchining dorilar
