SINUPRET EKSTRAKT tabletkalari N40

Рецептисиз.

Дори шакли: қобиқ билан қопланган таблеткалар

Таркиби:

1 қобиқ билан қопланган таблетка қуйидагиларни сақлайди:

фаол моддалар: 160,00 мг гажак ўт илдизи (Gentianae radix) қуруқ экстракти (3-6:1), наврўзгул гуллари (Primulae flos), шовул ўти (Rumicis herba), маржон гули (Sambuci flos) ва тизимгул ўти (Verbenae herba) (1:3:3:3:3). Экстрагент этанол 51% (в/в);

ёрдамчи моддалар: пуркаш йўли билан қуритилган акация, кальций карбонати (E 170), целлюлоза, микрокристалл целлюлоза, магний стеарати, сувсиз коллоид кремний, мальтодекстрин, карнауб муми, гидрофоб кремний диоксиди, хлорофилл кукуни 25% (Е141), декстрин, глюкоза сиропи, гипромеллоза, индигокармин алюмин лаки (Е 132), рибофлавин (Е 101), стеарин кислотаси, сахароза, тальк, титан диоксиди (Е 171).

Ўсимликлардан олинадиган мажмуавий препаратдир.

Фармакологик хусусиятлари препаратнинг таркибига кирувчи биологик фаол моддаларга боғлиқдир. Синупрет^® Экстракт секретолитик, секретомотор ва яллиғланишга қарши таъсир кўрсатади. Буруннинг ёндош бўшлиқларидан ва юқори нафас йўлларидан экссудатни чиқарилишига ёрдам беради. Бундан ташқари, Синупрет^® Экстракт вирусларга қарши ва антибактериал таъсир кўрсатиб, инфекцияга қарши курашишда ёрдам беради.

Фармакокинетика ва биокираолишлиги бўйича тадқиқотлар ўтказилмаган.

Қобиқ билан қопланган 10 таблеткадан блистерда.
2 ёки 4 блистер тиббиётда қўлланилишига доир йўриқномаси билан бирга картон қутида.

Препаратни қабул қилганда қуйидаги ножўя реакциялар кузатилиши мумкин:
Тез-тез: меъда-ичак йўллари томонидан бузилишлар, масалан кўнгил айниши, метеоризм, диарея, оғизни қуриши, қоринда оғриқ.
Кам ҳолларда: маҳаллий аллергик реакциялар, масалан тошма, терини қизариши, тери ёки кўзни қичишиши, тизимли аллергик реакциялар, масалан ангионевротик шиш, ҳансираш, юзни шиши, шунингдек бош айланиши.
Юқорида санаб ўтилган симптомлар ёки бошқа нохуш реакциялар пайдо бўлганида препаратни қабул қилишни тўхтатиш ва шифокор билан маслаҳатлашиш керак.

Агар пациентда бурундан қон кетиши, иситма, кучли оғриқ, бурундан йирингли ажралма, кўришни бузилиши, юзнинг ўрта қисми ёки кўз асимметрияси ёки юзни увишиши кузатилса, шифокор билан маслаҳатлашиш керак, чунки бу симптомлар одатда шифокор кўриги ва дарҳол даволанишни талаб этувчи риносинуситларнинг барча шакллари учун жиддий огоҳлантириш сифатида кўрилади.
Агар симптомлар 7-14 кундан кўпроқ сақланса, вақти-вақти билан ёмонлашса ёки такрорланса, пациент шифокорга мурожаат этиши керак.
Гастрит ёки меъда сезгирлиги бўлган пациентларда ушбу дори воситаси қабул қилинганда алоҳида эҳтиёткорлик талаб этилади. Синупрет® Экстрактни овқатдан кейин, бир стакан сув билан қабул қилган афзал.
Синупрет® Экстракт глюкоза ва сахароза сақлайди.
Қандларни ўзлаштираолмаслиги бўлган пациентларда ушбу препаратни қабул қилишдан олдин шифокор билан маслаҳатлашиш керак.
Қандли диабети бўлган беморлар учун маълумот: қандли диабети бўлган беморларда қўллаш мумкин. Қобиқ билан қопланган бир таблетка 0,3 грамм ўзлаштириладиган углеводлар (0,02 “нон бирлиги”) сақлайди.
Болалар
Етарли маълумотларни йўқлиги туфайли, Синупрет® Экстрактни 12 ёшгача бўлган болаларда қўллаш тавсия этилмайди.

Тумов, бурун битиши, бош оғриғи, юзда босим ёки оғриқ ҳисси каби симптомлар билан кечувчи буруннинг ёндош бўшлиқларининг ўткир асоратланмаган яллиғланишлари (ўткир асоратланмаган риносинуситлар) да қўлланади.

Препаратнинг бирон-бир компонентига ўта юқори сезувчанлик.
Меъда ва ўн икки бармоқли ичак яра касаллигида қўллаш мумкин эмас.

Бошқа дори воситалари билан ўзаро таъсири ҳақидаги маълумот ҳозирги вақтгача номаълум.
Бошқа дори препаратлари билан ўзаро таъсири юзасидан тадқиқотлар ўтказилмаган, шунинг учун Синупрет® Экстракт билан бир вақтда қўлланилганда бошқа препаратларнинг таъсирини кучайиши ёки сусайишини инкор этиб бўлмайди.

думалоқ шаклли, икки томонлама қавариқ, силлиқ юзали, яшил рангли таблеткалар.

Қобиқ билан қопланган таблеткалар чайнамасдан, етарли миқдордаги, масалан бир стакан сув билан ичга қабул қилинади.
Катталар ва 12 ёшдан ошган ўсмирларга 1 таблеткадан кунига 3 марта буюрилади.
Қабул қилишнинг тавсия этилган давомийлиги 7-14 кунни ташкил қилади. Агар симптомлар сақланса ёки вақти-вақти билан такрорланса, шифокор билан маслаҳатлашиш керак.

Синупрет® Экстракт билан интоксикация ҳолатлари ҳақида ҳозирги вақтгача хабар берилмаган. Доза ошириб юборилганда нохуш реакциялар (масалан кўнгил айниши, меъдада оғриқ, диарея) яққолроқ бўлиши мумкин. Бундай ҳолларда препаратни қабул қилишни тўхтатиш ва шифокор билан маслаҳатлашиш керак.
Доза ошириб юборилганда симптоматик даволаш талаб этилади.

Хавфсизлик нуқтаи назаридан Синупрет® Экстрактни ҳомиладорлик вақтида қўллашдан сақланиш керак.
Синупрет® Экстрактнинг таъсир этувчи моддасини одам кўкрак сутига сингиши ҳақида маълумотлар йўқ. Янги туғилган чақалоқлар учун хавфни инкор этиб бўлмайди. Синупрет® Экстрактни эмизиш даврида қўллаш мумкин эмас.