KLAZIN

Preparat antibakterial, trixomonatsid, zamburug'larga qarshi va qon to'xtatuvchi samara, to'qima epitelizatsiyasini tezlashtiruvchi ta'sirga ega. KLAZIN shamchalari qinda kislotali muhit hosil qiladi, bu nekrotizatsiyalangan to'qimalar, shikastlangan yoki patologik ta'sirlangan hujayralarning quyuqlashishi va keyinchalik ko'chishiga yordam beradi. Nosog'lom hujayralar ko'chganda, shilliq qavatning sog'lom epitelial qatlami shikastlanmaydi, bu epitelizatsiyani kuchaytiradi. Shuningdek pH omil burishtiruvchi va tomir toraytiruvchi ta'sir beradi, ikkinchisi qon to'xtatuvchi samaraga olib keladi.
KLAZIN shamchalari: grammusbat va grammanfiy bakteriyalar, zamburug'lar, anaerob bakteriyalar, trixomonadalar va moniliazlar (kandidoz) va ba'zi viruslarga faol ta'sir qiladi.
Preparat sut kislotali bakteriyalarga ta'sir qilmaydi.
Preparat mahalliy qo'llanilganda toksik, teratogen, mutagen ta'sir ko'rsatmaydi.
Hozirgi vaqtgacha preparatga rezistentlik kuzatilmagan.

KLAZIN vaginal suppozitoriylari har ikki kunda bir marta qo‘llaniladi.Kauterizatsiyadan keyin suppozitoriylarni har ikki kunda bir marta intervall bilan qo‘llash kerak. Suppozitoriylarni yotgan holda, bevosita uyqudan oldin qo‘llash maqsadga muvofiq. Ichki kiyimni himoya qilish uchun gigiyenik prokladkalardan foydalaning.Qo‘llashdan oldin shamchalar suv bilan namlanishi mumkin. O‘ramga qo‘llashda qulaylik va sanitariya gigiyenasi qoidalariga rioya qilish uchun kerakli miqdorda barmoq qoplari solingan.

Mahalliy noxush reaksiyalar: ta'sirlanish, achishish va og'riqlar, preparat bekor qilingandan so'ng yo'qoladi.