Lefoksin

- левофлоксацинга ёки бошқа хинолонларга бўлган ўта юқори сезувчанлик;
- тутқаноқ;
- хинолонлар билан олдинги ўтказилган даволашдаги пайларнинг шикастланиши;
- болалик ва ўспиринлик ёши (18 ёшгача);
- хомиладорлик ва лактация даври.

Эҳтиёткорлик билан
Буйраклар фаолиятини йўлдош пасайиши борлигининг юқори эхтимоли туфайли, кекса ёшдаги шахсларда, глюкозо-6-фосфатдегидрогеназа танқислигида препаратни эхтиёткорлик билан қўллаш керак;
анамнезда бош мияси шикастланган беморларда (инсульт еки оғир жарохат);
тиришишга тайёрликнинг церебрал поғонасини пасайтириш қобилиятига эга моддалар билан бир вақтда қўлланганида;
QT интервалининг узайиши мумкин бўлган беморларида, электролитларнинг дисбалансида(масалан, гипокалиемияда, гипомагниемияда);
QT интервалининг туғма узайишида;
юрак етишмовчилигида, миокард инфарктида, брадикардияда;
QT интервалини узайтирувчи препаратлар билан бир вақтда қабул қилинганида (IА ва III синфидаги аритмияга қарши препаратлар; трициклик антидепрессантлар,макролидлар);
шолга ўхшаш мушакларнинг бўшашиши бор бўлган беморларда.

Лефокцин- фторхинолонлар гуруҳидан бўлган кенг таъсир доирасига эга, фаол модда сифатида офлоксацинни чапга айланувчи изомери – левофлоксацин сақловчи синтетик антибактериал препаратдир.
Левофлоксацин ДНК – гиразани (топоизомераза II) ва топоизомераза IV ни блоклайди, ДНК ни суперспирилизацияси ва узилишларининг тикилишини бузади, ДНК синтезини ингибирлайди, цитоплазма, хужайра девори ва мембраналарида чуқур морфологик ўзгаришлар чақиради.
Левофлоксацин in vitro ҳамда in vivo шароитларда микроорганизмларнинг кўпчилик штаммларига нисбатан фаол.
Сезувчан микроорганизмлар(МПК £ 2мг/мл)
Аэроб граммусбат микроорганизмлар: Corynebacterium diphtheriae, Enterococcus faecalis, Enterococcus spp., Listeria monocytogenes, Staphylococcus coagulase negative methi- S(I [метилциллин-сезгирлар (метициллинга ўртача сезгирлар)], Staphylococcus aureus methi-S, Staphylococcus epidermidis-S, Stapylococcus spp (CNS), Staphylococcus spp (CNS), Streptococcus agallactiae, Streptococcus pneumoniae peni I/S/R (пенициллинга сезгирлар – ўртача сезгирлар – резистентлар), Streptococcus pyogenes, Viridans streptococci peni – S/R.
Аэроб грамманфий микроорганизмлар: Acinetobacter baumannil, Acinetobacter spp., Actenobacillus actinomycetemcomitans, Citrobacter freundii, Eikenella corrodens, Enterobacter aerogenes, Enterobacter agglomerans, Enterobacter cloacae, Enterobacter spp., Escherichia coli, Gardnerella vaginalis, Haemophilus ducreyi, Haemophilus influenzae ampi-S/R (ампициллинга – сезгирлар - резистентлар), Haemophilus parainfluenzae, Helicobacter pylori, Klebsiella oxytaca, Klebsiella pneumoniae, Klebsiella spp., Moraxela catarrhalis +I-, Morganella morganii, Neisseria gonorrhoeae non PPNG/PPNG, Neisseria meningitides, Pasteurella conis, Pasreurella dagmatis, Pasteurella multocida, Pasteurella spp., Proteus mirabilis, Proteus vulgaris, Providencia rettgeri, Providencia stuartii, Providencia spp., Pseudomonas aeruginosa, Pseudomonas spp., Salmonella spp., Serratia marcescens, Serratie spp.
Анаэроб микроорганизмлар: Bacteroides fragilis, Bifidobacterium spp., Clostridium perfringens, Fusobacterium spp., Peptostreptococcus, Propionibacterum spp., Veilonella spp.
Бошқа микроорганизмлар: Bartonella spp., Chlamydia pneumaniae, Chlamydia psittaci, Chlamydia trachomatis, Legionella pneumophila, Legionella spp., Mycobacterium spp., Mycobacterium leprae, Micopbacterium tuberculosis, Mycoplasma hominis, Mycoplasma pneumoniae, Ricketsia spp., Ureaplasma urealyticum.
Левофлоксацин ўртача фаол(МПК ≥ 4мг/ил)
Аэроб граммусбат микроорганизмлар: Corynebacterium urealyticum, Corynebacterium xerosis, Enterococcus faecium. Staphylococcus epidermidis (метициллинга резистент штаммлар), Staphylococcus haemolyticus (метициллинга резистент штаммлар).
Аэроб грамманфий микроорганизмлар: Burkholderia cepacia, Campylobacter jejuni, Campylobacter coli.
Анаэроб микроорганизмлар: Bacteroides thetaiotaomicron, Bacteroides vulgatus, Bacteroides ovatus, Prevotella spp., Porphyromonas spp.;

Левофлоксацинга чидамли (МПК ≥ 8 мг/мл):

Аэроб граммусбат микроорганизмлар: Corynebacterium jeikeium, Staphylococcus aureus (метициллинга резистент штаммлар).
Бошқалар: Staphylococcus spp. (коагулазоманфий метициллинга резистент штаммлар).
Аэроб грамманфий микроорганизмлар: Alcaligenes xylosoxidans.
Бошқа микроорганизмлар: Mycobacterium avium.

Левофлоксацин оғиз орқали қабул қилинганидан кейин тез ва амалда тўлиқ сўрилади. Овқат қабул қилиш сўрилишини тезлиги ва тўлиқлигига кам таъсир қилади. Оғиз орқали қабул қилинганидан сўнг 500 мг левофлоксациннинг биокираолишлиги деярли 100% ни ташкил қилади. Левофлоксациннинг бир марталик 500 мг дозаси оғиз орқали қабул қилинганидан сўнг максимал концентрацияси 5,2-6,9 мкг/мл ни, максимал концентрацияга эришиш вақти – 1,3 соатни, яримчиқарилииш даври – 6-8 соатни ташкил этади.
Плазма оқсиллари билан боғланиши – 30-40%. Аъзолар ва тўқималарга: ўпкалар, бронхларнинг шиллиқ қаватларига, балғамга, сийдик-жинсий тизими аъзоларига, суяк тўқимасига, орқа мия суюқлигига, простата безига, полиморф ядроли лейкоцитларга, альфеоляр макрофагларга яхши ўтади. Жигарда катта бўлмаган қисми оксидланади ва/ёки дезацетилланади. Организмдан асосан буйраклар орқали калавалар фильтрацияси ва найчалар секрецияси йўли билан чиқарилади.
Оғиз орқали қабул қилинганидан сўнг қабул қилинган дозанинг тахминан 87% 48 соат давомида ўзгармаган холда сийдик билан, 4% дан камроғи 72 соат давомида ахлат билан чиқарилади.

Препаратни ичга кунига бир ёки икки марта қабул қилинади. Таблеткалар чайналмайди ва етарли миқдордаги (0,5 дан 1 стакангача) суюқлик билан ичилади, овқатдан олдин ёки овқат қабул қилиш орасида қабул қилиш мумкин. Доза инфекциянинг характери ва оғирлигига, хамда тахмин қилинаётган қўзғатувчининг сезгирлигига қараб белгиланади.

Буйракларнинг фаолияти нормал бўлган ёки ўртача пасайган (креатинин клиренси >50 мл/мин) беморларга препаратни қуйидаги дозалаш тартибини тавсия қилиш мумкин:

Синусит (буруннинг қўшимча бўшлиқларини яллиғланиши): 500 мг дан кунига 1 марта – 10-14 кун.

Сурункали бронхитнинг зўрайиши: 250 мг ёки 500 мг дан кунига 1 марта - 7-10 кун.

Касалхонадан ташқари пневмония: 500 мг дан кунига 1-2 марта – 7-14 кун.

Сийдик чиқариш йўлларининг асоратланмаган инфекциялари: 250 мг дан кунига 1 марта – 3 кун.

Сурункали бактериал простатит: 500 мг дан кунига 1 марта – 28 кун.

Сийдик чиқариш йўлларининг асоратланган инфекциялари, шу жумладан пиелонефрит: 250 мг дан кунига 1 марта – 7-10 кун.

Тери ва юмшоқ тўқималарнинг инфекциялари: 250 мг дан кунига 1 марта ёки 500 мг кунига 1-2 марта - 7-14 кун.

Септицемия/бактериемия: 250 мг ёки 500 мг дан кунига 1-2 марта – 10-14 кун.

Интра-абдоминал инфекция: 250 мг ёки 500 мг дан кунига 1-2 марта – 10-14 кун (вена ичига юборилгандан сўнг даовлашни давом эттириш учун, анаэроб флорага таъсир қилувчи антибактериал препаратлар билан комбинацияда).

Левофлоксацин асосан буйраклар орқали чиқарилади, шунинг учун

Буйраклар фаолияти бузилган беморларда дозалаш тартиби:

Гемодиализ ёки доимий амбулатор перитонеал диализ (ПАПД) дан кейин қўшимча дозаларни юбориш талаб қилинмайди.

Жигар фаолияти бузилганида дозаларни махсус танлаш талаб қилинмайди, чунки левофлоксацин жигарда жуда кам даражада метаболизга учрайди.

Кекса ёшдаги пациентлар учун креатинин клиренси паст холлардан ташқари дозалаш тартибини ўзгартириш талаб қилинмайди.

Бошқа антибиотикларни қўллашда бўлгани каби 250 мг ва 500 мг ли Лефокцин таблеткалари препатати билан даволашни тана харорати нормаллашганидан кейин ёки қўзғатувчи ишончли йўқотилганидан кейин, камида 48-78 соат давом эттириш тавсия этилади.

Агарда препаратни қабул қилиш ўтказиб юборилган бўлса, навбатдаги қабул қилиш вақти яқинлашмагунича, иложи борича тезроқ таблеткани қабул қилиш керак. Кейинчалик Лефокцинни схема бўйича қабул қилиш давом эттирилади.

Лефокцин препаратининг дозасини ошириб юборилишининг симптомлари марказий нерв тизими томонидан намоён бўлади (онгни чалкашиши, бош айланиши, онгни бузилиши ва тутқаноқ хуружлари туридаги тиришиш хуружлари). Бундан ташқари, меъда-ичак бузилишлари (масалан, кўнгил айнаши) ва шиллиқ қаватларнинг эрозив шикастланишлари бўлиши мумкин.
Левофлоксациннинг юқори терапевтик дозалари билан ўтказилган текширишларда QT интервалнинг узайиши кўрсатилган. Даволаш мавжуд бўлган симптомларга мўлжалланган бўлиши керак. Левофлоксацин диализ (гемодиализ, перитонеал диализ ва доимий перитонеал диализ) ёрдамида чиқарилмайди. Махсус антидоти (қарши таъсир қилувчи модда) мавжуд эмас.

Бўғим тоғайларининг шикастланишини эхтимоли туфайли, Лефокцинни болалар ва ўспиринларни даволаш учун қўллаш мумкин эмас.
Кекса ёшдаги беморларни даволашда, бу гурух беморларда кўпроқ буйраклар фаолиятини бузилишлари бўлишини кўзда тутиш керак (“Қўллаш усули ва дозалари” бўлимига қаранг).
Пневмококклар чақирган ўпкаларнинг жуда оғир яллиғланишида, Лефокцин оптимал терапевтик самара бермаслиги мумкин. Айрим қўзғатувчилар (p.aeruginosa) чақирган госпитал инфекцияларда, мажмуавий даволаш талаб қилниши мумкин. Лефокцин препарати билан даволаниш вақтида, бош миянинг олдинги шикастланиши билан боғлиқ бўлган, масалан, инсульт ёки оғир жарохат билан, беморларда тиришишлар хуружи ривожланиши мумкин. Тиришишга тайёрлик фенбуфен, унга ўхшаш ностероид яллиғланишга қарши воситалар ёки теофиллин билан бир вақтда қўлланганида ошиши мумкин (“Ўзаро таъсири»га қаранг).
Левофлоксацин қўлланганида жуда кам фотосенсибилизация аниқланишига қарамасдан, ундан сақланиш учун беморларга, жуда хам зарур бўлмаса, кучли қуёш ёки сунъий ультрабинафша нурланишга (масалан, баланд тоғли жойда қуёшда бўлиш ёки солярийга бориш) дучор бўлиш тавсия қилинмайди.
Псевдомембраноз колитга гумон қилинганида дархол Лефокцинни бекор қилиш ва мос келувчи даволашни бошлаш керак. Бундай холларда, ичак моторикасини сусайтирувчи дори воситаларини қўллаш мумкин эмас.
Периферик нейропатия асоратларининг ривожланишида, Лефокцин препаратини қабул килинишини тўхтатиш керак.
Гипогликемик дори воситаларини қабул қилувчи қандли диабет касаллиги беморларида, хинолонларни қабул қилишганида гипогликемиянинг авж олиши кескин кўпаяди. Қандли диабет касаллиги беморларининг қондаги глюкоза миқдорини синчиклаб мониторинг қилиш талаб қилинади.
Лефокцин препарати қўлланганида жуда кам кузатиладиган тендинит пайларнинг узилишига олиб келиши мумкин (авваламбор ахиллов пайининг яллиғланиши). Кекса ёшдаги беморлар тендинитга кўпроқ мойил бўладилар. Кортикостероидлар билан даволаш («кортизон препаратлари») эхтимол пайларнинг узилиши хавфини оширади. Тендинитга гумон қилинганида Лефокцин препарати билан даволашни дархол тўхтатиш ва дархол шикастланган пайни мос келувчи даволашни бошлаш керак, масалан, унга тинчлик холатини таъминлаш («Қўллаш мумкин бўлмаган холатлар» ва «Ножўя таъсири»га қаранг).
Глюкоза-6-фосфатдегидрогеназа етишмовчилиги бўлган беморлар (модда алмашинувининг наслий бузилиши) фторхинолонларга эритроцитларнинг парчаланиши (гемолиз) билан реакция беришлари мумкин. Шунинг муносабати билан бундай беморларни левофлоксацин билан даволашни катта эхтиёткорлик билан ўтказиш керак.
Лефокцин препаратининг бош айланиши ёки қотиб қолиш, уйқучанлик ва кўришни бузилиши («Ножўя таъсири» бўлимига хам қаранг) каби ножўя таъсирлари, реакция қилиш қобилияти ва диққатни жамлаш қобилиятини ёмонлаштириши мумкин. Бу айрим вазиятларда, бу қобилиятлар мухим ахамиятга эга эканлигида (масалан, автомобиль бошқаришда, машина ва механизмларга хизмат қилишда, турғун бўлмаган холатда ишларни бажаришда) маълум хавф туғдириши мумкин. Мухим даражада бу препаратни алкоголь билан ўзаро таъсири холларига ҳам тааллуқли.
Препарат болалар олаолмайдиган жойда сақлансин ва яроқлилик муддати ўтганидан сўнг ишлатилмасин.

Хинолонлар ва ўз навбатида тиришишга тайёрликнинг церебрал поғонасини пасайтириш қобилиятига эга моддаларни бир вақтда қўллаш, тиришиш поғонасини яққол пасайтириши хақида хабарлар бор. Бу тенг даражада хинолонлар ва теофиллинни, фенбуфенни ёки унга ўхшаш ностероид яллиғланишга қарши воситаларни бир вақтда қўллашга хам тааллуқлидир (ревматик касаллликларни даволаш учун воситалар).
Лефокцин препаратини таъсири сукральфат (меъда шиллиқ қаватини химоя қилиш учун восита) билан бир вақтда қўлланганида яққол сусаяди. Худи шу магний ёки алюминий сақловчи антацид воситалар (жиғилдон қайнаши ва гастралгияларни даволаш учун препаратлар), хамда темир тузлари (камқонликни даволаш учун воситалар) бир вақтда қўлланганида хам содир бўлади. Бу препаратларни қабул қилишдан 2 соат олдин ёки қабул қилгандан 2 соат кейин Лефокцинни қабул қилиш керак. Карбонат кальций билан ўзаро таъсири аниқланмаган.
К витаминининг антагонистларини бир вақтда ишлатишда қоннинг ивиш тизимини назорат қилиш керак.
Левофлоксациннинг чиқарилиши (буйрак клиренси) циметидин ва пробеницид таъсирида бироз секинлашади. Шуни таъкидлаш керакки, бу ўзаро таъсири амалда хеч қандай клиник ахамиятга эга эмас. Шунга қарамасдан, чиқарилишнинг маълум йўлларини (найчалар секрецияси) блокловчи пробеницид ва циметидин тур дори воситалари билан бир вақтда қўлланганида, левофлоксацин билан даволашни эхтиёткорлик билан ўтказиш керак.
Бу авваламбор буйраклар фаолияти чекланган беморларга тааллуқли. Левофлоксацин циклоспориннинг яримчиқарилиш даврини бироз оширади.
Глюкокортикостероидларни қабул қилиш пайларнинг узилиши хавфини оширади.

Хар бир таблетка сақлайди:
Фаол модда:
Левофлоксацин гемигидрати (левофлоксацинга қайта ҳисобланганда)-500 мг
Ёрдамчи моддалар:
Микрокристаллик целлюлоза169,29мг, Повидон (PVPC- 30) 18,750мг, натрий кроскармеллоза 27,00мг, сувсиз коллоид кремний диоксиди 3,750мг, тозаланган тальк 7,500мг, магний стеарати 11,250мг, Instacoat Universal I-CU-5781(пушти ранг).

У ёки бу ножўя самарасининг тез-тезлиги қуйидаги жадвал ёрдамида аниқланади:

Тери реакциялари ва ўта юқори сезувчанликнинг умумий реакциялари

Баъзида: қичишиш ва терини қизариши.

Кам: эшакеми, бронхларни торайиши ва эхтимол - оғир бўғилиш каби симптомлар билан кечувчи ўта юқори сезувчанликнинг умумий реакциялари (анафилактик ва анафилактоид реакцияар).

Жуда кам холларда: тери ва шиллиқ қаватларнинг шишлари (масалан, юз ва томоқ сохасида), артериал босимни бирдан тушиши ва шок; қуёш ва ультрабинафша нурланишга юқори сезувчанлик («Махсус кўрсатмалар»га қаранг); аллергик пневмонит; васкулит.

Алохида холларда: пуфаклар хосил бўлиши билан терида оғир тошмалар тошиши, масалан, Стивенс-Джонсон синдроми, токсик эпидермал некролиз (Лайелл синдроми) ва кўпшаклли экссудатив эритема. Ўта юқори сезувчанликнинг умумий реакцияларидан олдин баъзида енгилроқ тери реакциялари бўлиши мумкин. Юқорида номлари келтирилган реакциялар препаратни биринчи дозаси юборилганидан бир неча минут ёки соат ўтгандан кейиноқ ривожланиши мумкин.

Меъда-ичак йўллари ва модда алмашинувига таъсири

Тез-тез: кўнгил айнаши, диарея.

Баъзида: иштахани йўқотиш, қусиш, қорин оғриқлари, овқат хазм бўлишини бузилиши.

Кам: қонли ич кетиши, у жуда кам холларда ичакни яллиғланиши ва хатто псевдомембраноз колитнинг белгиси хам бўлиши мумкин («Махсус кўрсатмалар»га қаранг).

Жуда кам: қандли диабети бор беморлар учун мухим ахамиятга эга бўлган қондаги қанд миқдорини тушиб кетиши (гипогликемия); гипогликемияни мумкин бўлган белгилари: «бўри» иштахаси, асабийлик, терлаш, қалтираш.

Бошқа хинолонларни қўллаш тажрибаси, уларни порфирияни зўрайишини чақириши мумкинлигидан гувохлик беради (модда алмашинувини жуда кам учрайдиган касаллиги), шу касал билан касалланган беморларда. Бундай самарани Лефокцин препарати қўлланганида хам истисно қилиб бўлмайди.

Нерв тизимига таъсири

Баъзида: бош оғриғи, бош айланиши ва/ёки қотиб қолиш, уйқучанлик, уйқуни бузилиши.

Кам: депрессия, безовталик, психотик реакциялар (масалан, галлюцинациялар), нохуш туйғулар (масалан қўл панжаларида парастезиялар), қалтираш, психомотор қўзғалиш, онгни чалкашиши, тиришиш синдроми, хавотирлик.

Жуда кам: кўриш ва эшитишни бузилиши, таъм ва хид сезишни бузилиши, тактил сезувчанликни пасайиши.

Юрак-томир тизимига таъсири

Кам: кучли юрак уриши, артериал босимни пасайиши.

Жуда кам: (шоксимон) томирли коллапси.

Алохида холларда: QT интервалини узайиши.

Мушаклар, пайлар ва суякларга таъсири

Кам: пайларни шикастланиши (тендинитни хам қўшиб), бўғим ва мушак оғриқлари.

Жуда кам: пайларни узилиши (масалан ахиллов пайини); бу ножўя самараси даволаш бошланганидан кейин 48 соат давомида кузатилиши мумкин ва икки томонлама характерга эга бўлиши мумкин («Махсус кўрсатмалар»га қаранг); бульбар синдроми бўлган беморлар учун алохида ахамиятга эга бўлган мушак кучсизлиги.

Алохида холларда: мушакларни шикастланиши (рабдомиолиз).

Жигар ва буйракларга таъсири

Тез-тез: жигар ферментлари фаоллигини ошиши (масалан, аланинаминотрансфераза ва аспартатаминотрансфераза).

Кам: қон зардобида билирубин ва креатинин миқдорини ошиши (жигар ва буйраклар фаолиятини чекланиши белгилари).

Жуда кам: жигар реакциялари (масалан, жигарни яллиғланиши); хатто буйрак етишмовчилигигача бўлган буйраклар фаолиятини ёмонлашуви, масалан, аллергик реакциялар оқибатидаги (интерстициаль нефрит).

Қонга таъсири

Баъзида: эозинофиллар сонини ошиши, лейкоцитлар сонини камайиши.

Кам: нейтропения, тромбоцитопения, бу қоновчанликни кучайиши билан бирга кечиши мумкин.

Жуда кам: агранулоцитоз ва оғир инфекцияларни ривожланиши (тана хароратини турғун ёки қайталанувчи ошиши, томоқни яллиғланиши ва холатни турғун ёмонлашуви).

Алохида холларда: гемолитик анемия, панцитопения.

Бошқа ножўя таъсирлари

Баъзида: умумий холсизлик (астения).

Жуда кам: иситма, аллергик пневмонит.

Хар қандай антибиотик билан даволаш одамда нормал холатда бўладиган микрофлоранинг (бактериялар ва замбуруғлар) ўзгаришини чақириши мумкин Шу сабабли қўлланаётган антибиотикка нисбатан чидамли бактериялар ва замбуруғларнинг кучли кўпайиши (иккиламчи инфекция ва суперинфекция) юз бериши мумкин, у кам холларда қўшимча даволашни талаб қилиши мумкин.

Сезгир микроорганизмлар чақирган инфекцион-яллиғланиш касалликлари: ўткир синусит, сурункали бронхитнинг зўрайиши, касалхонадан ташқари пневмония, сийдик чиқариш йўлларини асоратланган инфекциялари (шу жумладан пиелонефрит), сийдик чиқариш йўлларини асоратланмаган инфекциялари, простатит, тери қопламалари ва юмшоқ тўқималарнинг инфекциялари, юқорида кўрсатилган кўрсатмалар билан боғлиқ бўлган септицемия/бактериемия, интра-абдоминал инфекциялар;

Пушти рангли, икки ёқлама қабариқ, капсуласимон шаклдаги бир томонида синдириш чизиғи бор пленка қобиқ билан қопланган таблеткалар.