QO‘LLASH BO‘YICHA YO‘RIQNOMA
LOFOKS
LOFOX
Preparatning savdo nomi: Lofoks
Ta‘sir etuvchi modda (XPN): lomefloksasin
Dori shakli: ko‘z tomchilari
1 ml tarkibi:
faol modda: lomefloksaksin gidroxloridi (lomefloksasinga qayta hisoblanganda) – 3,0 mg.
yordamchi moddalar: gliserol (distillangan gliserin) – 25,0 mg, dinatriy edetati (etilendiamintetrasirka kislotasining dinatriyli tuzi) – 0,1 mg, benzalkoniy xloridi – 0,1 mg, natriy gidroksidining 1M eritmasi – rN 4,8-5,0 gacha, in‘eksiya uchun suv – 1 ml gacha.
Ta‘rifi: tiniq yoki biroz tovlanuvchi, rangsizdan och-sariq ranggacha bo‘lgan suyuqlik.
Farmakoterapevtik guruhi: mikroblarga qarshi vosita – ftorxinolon.
ATX kodi: S01AX17.
Farmakologik xususiyatlari
Farmakodinamikasi
Ftorxinolonlar guruhiga mansub keng ta‘sir doirasiga ega mikroblarga qarshi bakterisid vositadir. O‘ta spiralizasiyani ta‘minlovchi bakteriyaning DNK-giraza fermentiga ta‘sir qiladi, uning tetrameri (A2V2 giraza subbirligi) bilan kompleks hosil qiladi va DNK transkripsiyasi va replikasiyasini buzadi, mikrob xujayrasining o‘limiga olib keladi.
Qo‘zg‘atuvchi ishlab chiqargan beta-laktamaza lomefloksasinning faolligiga ta‘sir qilmaydi.
Quyidagi grammanfiy aerob mikroorganizmlarga nisbatan yuqori faol: Neisseria gonorrhoeae, Neisseria meningitidis, Escherichia coli, Citrobacter diversus, Klebsiella pneumoniae, Enterobacter cloacae, Proteus vulgaris, Salmonella spp., Shigella spp., Moraxella catarrhalis, Morganella morganii, Haemophilus influenzae i Haemophilus parainfluenzae, Legionella pneumophila.
Staphylococcus aureus, Staphylococcus epidermidis, Serratia liquifaciens i Serratia marcescens, Pseudomonas aeruginosa, Mycobacterium tuberculosis, Chlamydia trachomatis, Hafnia alvei, Citrobacter freundii, Aeromonas hydrophila, Proteus mirabilis i Proteus stuartii, Providencia rettgeri i Providencia alcalifaciens, Klebsiella oxytoca, Klebsiella ozaenae, Enterobacter aerogenes, Enterobacter agglomerans preparatga o‘rtacha sezgir.
Streptococcus spp., Pseudomonas cepacia, Ureaplasma urealyticum, Treponema pallidum, Mycoplasma hominis va anaerob bakteriyalar preparatga chidamli.
Farmakokinetikasi
2 kun davomida kuniga 5 marta 1 tomchidan va 3 kuni 5 tomchi instillyasiyasidan keyin maksimal konsentrasiyaga erishish vaqti (TSmax) – 90 minutni, maksimal konsentrasiyasi ko‘rsatkichi (Smax) – 2,5 soatdan keyin 1 mkg/ml ni tashkil etadi. Shox parda, sklera, qovoq, kon‘yunktiva va ko‘z ichki suyuqligidagi terapevtik konsentrasiyasi 5 minut interval bilan 1 tomchidan 5 instillyasiyadan keyin erishiladi. 1-2 instillyasiyadan keyin ko‘z yoshi suyuqligidagi miqdori – 2 soatdan keyin 40-200 mkg/ml, 6 soat va undan keyin 7-27 mkg/ml, 24 soatdan keyin – 3 mkg/ml ni tashkil etadi.
Qo‘llanilishi
Ko‘z oldingi sohalarining bakterial infeksiyalari (kon‘yunktivit, blefarit, blefarokon‘yunktivit, shu jumladan xlamidiya etiologiyali) da qo‘llanadi.
Qo‘llash usuli va dozalari
Kattalarga pastki kon‘yunktival qopchaga 1 tomchidan sutkada 2-3 marta 7-9 kun davomida buyuriladi. Davolashni boshida tez-tez yuborish zarur: 20 minut davomida 5 tomchi (1 tomchidan 5 minut interval bilan) yoki bir soatda 1 tomchidan 6-10 soat davomida buyuriladi.
Xlamidiyali kon‘yunktivitlarni davolash uchun 1 tomchi preparat shikastlangan ko‘zning kon‘yunktival qopchasiga 2-4 marta 1-2 oy davomida tomiziladi.
Nojo‘ya ta‘sirlari
Achishish hissi, uzoq muddat qo‘llanilganida – ikkilamchi zamburug‘li infeksiyani rivojlanishi.
Agar yo‘riqnomada ko‘rsatilgan nojo‘ya samaralardan birontasi og‘irlashsa yoki Siz yo‘riqnomada ko‘rsatilmagan biron-bir nojo‘ya samaralarni sezsangiz, bu haqida shifokorga xabar bering.
Qo‘llash mumkin bo‘lmagan holatlar
Dori vositasining komponentlariga o‘ta yuqori sezuvchanlik. Homiladorlik. Laktasiya (emizish) davri, bolalar va o‘smirlarda (18 yoshgacha) qo‘llash mumkin emas.
Dorilarning o‘zaro ta‘siri
Ma‘lumotlar yo‘q.
Maxsus ko‘rsatmalar
Davolash davrida kontakt linzalarni taqishdan saqlanish kerak.
Davolash davrida transport vositalarini boshqarish va diqqatni yuqori jamlash va psixomotor reaksiyalarning tezligini talab etuvchi potensial xavfli faoliyat turlari bilan shug‘ullanishda ehtiyotkorlikka rioya qilish lozim.
Homiladorlik va emizish davrida qo‘llanishi
Homiladorlikda qo‘llash tavsiya etilmaydi. Laktasiya davrida buyurilganida emizishni to‘xtatish lozim.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Ma‘lumotlar yo‘q.
Chiqarilish shakli
Ko‘z tomchilari 0,3%.
5 ml dan rezina tiqin bilan berkitilgan va qalpoqcha bilan qisilgan, yorug‘likdan himoyalovchi shisha flakonda.
1 shisha flakon qo‘llash bo‘yicha yo‘riqnomasi bilan karton qutiga joylanadi.
1 shisha flakon qo‘llash bo‘yicha yo‘riqnomasi va qopqoqcha-tomchilagich bilan karton qutiga joylanadi.
5 ml dan dozator-uchlik va plastik buraladigan qopqoq bilan ko‘z tomchilari uchun flakonda yoki tomchilagich tiqin va buraladigan qopqoq bilan polimer flakon-tomchilagichda.
1 flakon qo‘llash bo‘yicha yo‘riqnomasi bilan karton qutiga joylanadi.
50 flakondan teng miqdordagi qo‘llash bo‘yicha yo‘riqnomalari bilan karton qutiga joylanadi (stasionarlar uchun).
Saqlash sharoiti
Yorug‘likdan himoyalangan joyda, 15 dan 25oS gacha bo‘lgan haroratda. Muzlatilmasin.
Yaroqlilik muddati
2 yil. Flakon ochilganidan keyin eritma 1 oy davomida qo‘llanilsin.
Dorixonalardan berish tartibi
Resept bo‘yicha.
