Nalgezin dori vositasi O'zbekiston dori vositalari reestrida ro'yxatdan o'tganmi?

Ha, preparat O'zbekiston dori vositalari reestrida ro'yxatdan o'tgan.

Nalgezin dori vositasi ishlab chiqaruvchisi kim va u qaysi davlatda ishlab chiqarilgan?

Nalgezin dori vositasi Krka d.d. tomonidan Sloveniya mamlakatida ishlab chiqarilgan.

Bosh sahifa / Dori vositalari / Nalgezin

Nalgezin

Name: Nalgezin
Rating: 5 (1 reviews)

Chiqarish shakllari Qo'llanma Narxlar Analoglar Barcha rasmlar Savollar Fikr-mulohazalar

Nalgezin chiqarilish shakllari

NALGEZIN FORTE tabletkalari 550 mg N10

Sloveniya

Ishlab chiqaruvchi:

KRKA, d.d., Novo mesto

•118 ta dorixonada bor

Narxi

25 900 so'm dan

- Nalgezin qabul qilish bo'yicha ma'lumot

- Nalgezinning tarkibi

- Nalgezin ko'rsatmalar va qarshi ko'rsatmalar

- Nalgezin narxi Toshkent dorixonalarida

Nalgezin haqida qo'llanma

Qo‘llash ko‘rsatmalari

•Tayanch-harakat apparati kasalliklari (revmatoid artrit, psoriatik, yuvenil surunkali artrit, ankilozlovchi spondiloartrit (Bexterev kasalligi); podagrik artrit, yumshoq to'qimalarning revmatik shikastlanishi, periferik bo'g'imlar va umurtqa pog'onasi osteoartrozi, shu jumladan radikulyar sindrom bilan, tendovaginit, bursit). •Kuchsiz yoki o'rtacha ifodalangan og'riq sindromi: nevralgiya, ossalgiya, mialgiya, lyumboishialgiya, yallig'lanish bilan kechuvchi posttravmatik og'riq sindromi (cho'zilishlar va lat yeyishlar), operatsiyadan keyingi og'riq (travmatologiya, ortopediya, ginekologiya, jag'-yuz jarrohligida), bosh og'rig'i, migren, algodismenoreya, adneksit, tish og'rig'i. •Yaqqol og'riq sindromi bilan kechuvchi quloq, tomoq, burunning infektsion-yallig'lanish kasalliklarini (faringit, tonzillit, otit) kompleks davolash tarkibida. •«Shamollash» va infektsion kasalliklarda isitma sindromi. Nalgezin forte simptomatik terapiya (og'riqni, yallig'lanishni kamaytirish va yuqori tana haroratini tushirish) uchun qo'llaniladi.

Qo'llanilishi mumkin bo'lmagan holatlar

— aortokoronar shuntlash o‘tkazilgandan keyingi davr; — oshqozon yoki o‘n ikki barmoqli ichakning eroziv-yarali shikastlanishlari, faol oshqozon-ichakdan qon ketishi; — zo‘rayish fazasidagi ichakning yallig‘lanish kasalliklari (NYaK, Kron kasalligi); — serebrovaskulyar qon ketish yoki boshqa qon ketishlar va gemostaz buzilishlari; — yaqqol jigar yetishmovchiligi yoki faol jigar kasalligi; — yaqqol buyrak yetishmovchiligi (KK 20 ml/daq dan kam), shu jumladan tasdiqlangan giperkaliemiya, rivojlanib boruvchi buyrak kasalligi; — suyak iligi qon yaratishining susayishi; — homiladorlik; — ko‘krak suti bilan boqish davri; — atsetilsalitsil kislotasi yoki boshqa NYQP qabul qilgandan keyin bronxospazm, rinit, eshakemi xuruji haqida anamnestik ma’lumotlar (atsetilsalitsil kislotasini o‘zlashtira olmaslikning to‘liq yoki to‘liq bo‘lmagan sindromi - rinosinusit, eshakemi, burun shilliq qavati poliplari, astma); — naproksenga yoki naproksen natriyga yuqori sezuvchanlik.

Tarkibi

naproksen natriy 275 mg Yordamchi moddalar: povidon, mikrokristall tsellyuloza, talk, magniy stearati, tozalangan suv. Qobiq tarkibi: titan dioksidi (E171), makrogol, bo‘yoqchi indigokarmin (E132), gipromelloza. naproksen natriy 550 mg Yordamchi moddalar: povidon, mikrokristall tsellyuloza, talk, magniy stearati, tozalangan suv. Qobiq tarkibi: opadray YS-1-4216 bo‘yoqchisi (titan dioksidi (E171), makrogol, bo‘yoqchi indigokarmin (E132), gipromelloza

So‘rilishi: Preparat ichga qabul qilingandan so‘ng naproksen natriy MIYdan tez va to‘liq absorbtsiya qilinadi, qon plazmasida og‘riqsizlantiruvchi konsentratsiyaga naproksenga qaraganda tezroq erishadi. Qon plazmasida Cmax naproksen natriy bir marta qabul qilingandan so‘ng 1-2 soatdan keyin va naproksen qabul qilingandan so‘ng 2-4 soatdan keyin (ovqat qabul qilishga qarab) erishiladi. Bir vaqtda ovqat qabul qilish absorbtsiya tezligiga ta'sir qiladi, ammo uning davomiyligiga ta'sir qilmaydi. Naproksenning qon plazmasidagi konsentratsiyasi doza oshirilishiga mutanosib ravishda ortadi. Bir martalik doza 500 mg dan oshganda mutanosiblik buziladi. Taqsimlanishi: Css preparatni tayinlashning tanlangan sxemasiga qarab 4-5 doza qabul qilingandan so‘ng (ya'ni preparat qabul qilishning 2-3-kunida) erishiladi. Preparat o‘rtacha dozalarda qabul qilingandan so‘ng plazmadagi naproksen konsentratsiyasi 23 mkg/ml dan 49 mkg/ml gacha o‘zgarib turadi. 50 mkg/ml gacha konsentratsiyada naproksen sezilarli darajada plazma albuminlari bilan bog‘lanadi (99,5% gacha). Yuqoriroq konsentratsiyalarda bog‘lanmagan fraktsiya miqdori ortadi (473 mkg/ml konsentratsiyada bog‘lanmagan fraktsiya 2,4% ni tashkil qiladi). Preparatni yuqori dozalarda qo‘llash naproksen natriyning plazma oqsillari bilan bog‘lanmagan fraktsiyasi klirensini oshiradi. Vd tana vaznining 10% ini tashkil qiladi. Metabolizmi va chiqarilishi: Taxminan 30% 6-dimetilnaproksengacha biotransformatsiyaga uchraydi, u deyarli faol bo‘lmagan metabolit, biologik faolligi naproksenga nisbatan 1% dan oshmaydi. Taxminan 10% o‘zgarmagan holda, 60% - glyukuron kislotasi bilan bog‘langan naproksen va boshqa kon'yugatlar ko‘rinishida chiqariladi. Dozaning 95% siydik bilan, 5% - axlat bilan chiqariladi. T1/2 plazmadagi konsentratsiyaga va dozaga bog‘liq emas va 12-15 soatni tashkil qiladi. Naproksenning buyrak klirensi uning plazmadagi konsentratsiyasiga bog‘liq emas.

Farmakologik ta'siri

Nalgezin forte, naproksen preparati bo'lib, og'riq qoldiruvchi, isitma tushiruvchi va yallig'lanishga qarshi ta'sirga ega. Ta'sir mexanizmi siklooksigenaza 1 va 2 (SOG-1, SOG-2) faolligini tanlamasdan ingibitsiya qilish bilan bog'liq. Plyonka qobiq bilan qoplangan Nalgezin forte tabletkalari yaxshi eriydi, oshqozon-ichak traktidan tez so'riladi va og'riq qoldiruvchi samaraning tez boshlanishini ta'minlaydi.

Nojo'ya ta'sirlar

Nojo'ya ta'sirlar Nalgezin forte yuqori dozalarda qo'llanilganda eng tez-tez uchraydi: - ovqat hazm qilish tizimi tomonidan: qabziyat, qorinda og'riq, dispepsiya, ko'ngil aynishi, diareya, yarali stomatitlar, oshqozon-ichak traktining eroziv-yarali shikastlanishlari va qon ketishlari, «jigar» fermentlari faolligining oshishi, jigar funktsiyasining buzilishi, sariqlik, qonli qusish, melena; -markaziy asab tizimi tomonidan: eshitishning pasayishi, bosh aylanishi, bosh og'rig'i, uyquchanlik, depressiya, uyqu buzilishi, diqqatni jamlay olmaslik, uyqusizlik, holsizlik, mialgiya va mushak kuchsizligi, reaktsiya tezligining sekinlashishi, aseptik meningit, kognitiv disfunktsiya; -teri qoplamalari tomonidan: qichishish, ekximozlar, ko'p terlash, purpura, alopetsiya, fotodermatozlar; -sezgi a'zolari tomonidan: quloqlarda shovqin, ko'rishning buzilishi, eshitishning buzilishi; -yurak-qon tomir tizimi tomonidan: shishlar, hansirash, yurak urishi, dimlangan yurak yetishmovchiligi, vaskulit, -siydik-tanosil tizimi tomonidan: glomerulonefrit, gematuriya, interstitsial nefrit, nefrotik sindrom, buyrak yetishmovchiligi, buyrak papillyar nekrozi, hayz tsiklining buzilishi; -qon yaratish organlari tomonidan: eozinofiliya, granulotsitopeniya, leykopeniya, trombotsitopeniya, aplastik anemiya; -nafas olish tizimi tomonidan: eozinofil pnevmoniyalar; -allergik reaktsiyalar: teri toshmalari, eshakemi, angionevrotik shish, epidermal nekroz, ko'p shaklli eritema, Stiven-Djonson sindromi; -boshqalar: chanqoqlik, gipertermiya, giperglikemiya, gipoglikemiya, qon ketish vaqtini oshiradi, gemolitik anemiya. Agar Siz shunday hodisalarni sezsangiz, preparat qabul qilishni to'xtating va, imkon qadar, shifokorga murojaat qiling.

Dozirovkasi

275 mg 550 mg

Dozani oshirib yuborilishi

Preparatning sezilarli darajada dozasi oshib ketishi uyquchanlik, dispeptik buzilishlar (jig‘ildon qaynashi, ko‘ngil aynishi va qusish, qorinda og‘riq), holsizlik, quloqlarda shovqin, ta’sirchanlik, og‘ir hollarda - qonli qusish, melena, ongning buzilishi, tirishishlar va buyrak yetishmovchiligi bilan xarakterlanishi mumkin. Tasodifan yoki qasddan ko‘p miqdorda Nalgezin forte preparatini qabul qilgan bemorga me’dani yuvish va simptomatik terapiya o‘tkazish kerak: faollashtirilgan ko‘mir, antatsidlar, H2 reseptorlari blokatorlari, proton pompasi ingibitorlari. Gemodializ samarasiz.

Dori shaklining ta'rifi

oval ikki tomonlama qavariq, bir tomonida chiziqchasi bo'lgan, moviy rangli parda qobiq bilan qoplangan tabletkalar. Parda qobiq bilan qoplangan tabletkalar Moviy rangli, oval, ikki tomonlama qavariq, bir tomonida chiziqchasi bo'lgan parda qobiq bilan qoplangan tabletkalar.

Maxsus ko‘rsatmalari

Yo'riqnomada ko'rsatilgan dozalarni oshirmang. Oshqozon-ichak trakti (OIT) tomonidan noxush ko'rinishlar rivojlanishi xavfini kamaytirish uchun minimal samarali dozani minimal mumkin bo'lgan qisqa kurs bilan qo'llash kerak. Agar og'riq va isitma saqlanib qolsa yoki kuchaysa, shifokorga murojaat qilish kerak. Bronxial astmasi, qon ivishi buzilishlari bo'lgan bemorlar, shuningdek boshqa analgetiklarga yuqori sezuvchanligi bo'lgan bemorlar Nalgezin forte qabul qilishdan oldin shifokor bilan maslahatlashishlari kerak.

Jigar kasalliklari va buyrak yetishmovchiligi bo'lgan bemorlarga ehtiyotkorlik bilan tayinlash kerak. Buyrak yetishmovchiligi bo'lgan bemorlarda kreatinin klirensi darajasini nazorat qilish zarur. Kreatinin klirensi darajasi 20 ml/daq dan past bo'lganda: naproksenni tayinlash tavsiya etilmaydi. Surunkali alkogolli va boshqa shakldagi tsirrozda bog'lanmagan naproksen kontsentratsiyasi oshadi, shuning uchun bunday bemorlarga pastroq dozalar tavsiya etiladi.

Nalgezin forte boshqa yallig'lanishga qarshi va og'riq qoldiruvchi preparatlar bilan birga qabul qilinmasligi kerak, shifokor tayinlovlari bundan mustasno.

Keksa yoshdagi bemorlarga ham pastroq dozalar tavsiya etiladi.

Jarrohlik aralashuvidan 48 soat oldin naproksen qabul qilishdan saqlanish kerak. 17-kortikosteroidlarni aniqlash zarurati bo'lganda preparatni tekshiruvdan 48 soat oldin bekor qilish kerak. Xuddi shunday, naproksen siydikda 5-gidroksiindolsirka kislotasini aniqlashga ta'sir qilishi mumkin.

Naproksenni qo'llash, prostaglandinlar sintezini bloklovchi boshqa preparatlar kabi, fertillikka ta'sir qilishi mumkin, shuning uchun homilador bo'lishni xohlaydigan ayollarga tavsiya etilmaydi.

Nalgezin forte 550 mg preparatining har bir tabletkasi taxminan 50 mg natriy saqlaydi. Tuz iste'moli cheklanganda buni hisobga olish kerak.

Avtomobil va boshqa mexanizmlarni boshqarish qobiliyatiga ta'siri

Naproksen bemorlarda reaktsiya tezligini sekinlashtiradi. Buni avtomobil haydashda va yuqori diqqatni talab qiluvchi vazifalarni bajarishda hisobga olish kerak.

Dori vositalarining o'zaro ta'siri

Antikoagulyantlar bilan davolashda naproksen qon ketish vaqtini oshirishi mumkinligini yodda tutish kerak. Preparatni boshqa NYQV bilan bir vaqtda qo‘llash kerak emas (nojo‘ya samaralar rivojlanish xavfi ortishi). Gidantoinlar, antikoagulyantlar yoki plazma oqsillari bilan sezilarli darajada bog‘lanadigan boshqa dori preparatlarini bir vaqtda olayotgan bemorlar ushbu preparatlar ta’sirining potensiyalanishi yoki dozasini oshirib yuborish belgilarini kuzatishlari kerak. Nalgezin forte preparati propranolol va boshqa beta-adrenoblokatorlarning antigipertenziv ta’sirini pasaytirishi mumkin, shuningdek AAF ingibitorlarini qo‘llash bilan bog‘liq buyrak yetishmovchiligi xavfini oshirishi mumkin. Naproksen ta’siri ostida furosemidning natriyuretik ta’siri ingibitsiya qilinadi. Litiyning buyrak klirensi ingibitsiya qilinishi plazmada litiy konsentratsiyalari oshishiga olib keladi. Probenetsid qabul qilish plazmada naproksen darajasini oshiradi. Siklosporin buyrak yetishmovchiligi rivojlanish xavfini oshiradi. Naproksen metotreksat, fenitoin, sulfanilamidlarning ekskretsiyasini sekinlashtirib, ularning toksik ta’siri rivojlanish xavfini oshiradi. Magniy va alyuminiy saqlovchi antatsid preparatlar naproksen absorbsiyasini kamaytiradi. Agar siz boshqa kasalliklardan yoki allergiyadan aziyat cheksangiz, yoki boshqa har qanday dori vositalarini (shu jumladan shifokor retseptisiz beriladigan) qabul qilayotgan bo‘lsangiz davolovchi shifokoringizga xabar berish zarur.

Qo‘llash usuli va dozirovkasi

DozalashIchga. Shifokor ko'rsatmalariga qat'iy rioya qiling. Shifokor bilan oldindan maslahatlashmasdan davolashni to'xtatmasligingiz yoki dozani o'zgartirmasligingiz kerak.

Shifokordan preparatdan foydalanish davomiyligini bilib oling.

Tavsiya etilgan terapiya sxemasi:

Og'riqni yengillashtirish uchun ishlatiladigan odatdagi sutkalik doza 1 - 2 tabletkani (550 -1100 mg) tashkil qiladi.

Juda kuchli og'riqlarda va anamnezda oshqozon-ichak kasalliklari bo'lmaganda shifokor sutkalik dozani 3 tabletkagacha (1650 mg) oshirishi mumkin, lekin 2 haftadan ko'p emas. Preparatni isitma tushiruvchi vosita sifatida qo'llashda boshlang'ich doza 1 tabletkani (550 mg) tashkil qiladi, keyin 1/2 tabletkadan (275 mg) har 6-8 soatda qabul qilinadi.

Migren xurujlarining oldini olish uchun 1 tabletkadan (550 mg) kuniga ikki marta tavsiya etiladi. Biroq, agar migren xurujlarining chastotasi, intensivligi va davomiyligi 4-6 hafta ichida kamaymasa, davolashni to'xtatish kerak. Migren xurujining birinchi belgilarida Siz 11/2 tabletka (825 mg), zarurat bo'lganda esa yana 1/2 -1 tabletka (275 - 550 mg) 30 daqiqadan so'ng qabul qilishingiz kerak.

Hayz ko'rishdagi og'riqlar va spazmlarni, BIV (bachadon ichi spirallari) kiritilgandan keyingi og'riqlarni va boshqa ginekologik og'riqlarni (adneksit, tug'ruq analgeziyalovchi va tokolitik vosita sifatida) yengillashtirish uchun preparatni 1 tabletkani (550 mg) tashkil qiluvchi boshlang'ich dozada, keyin 1/2 tabletkadan (275 mg) har 6-8 soatda tayinlash tavsiya etiladi.

Podagraning o'tkir xurujida boshlang'ich doza 1 1/2 tabletkani (825 mg) tashkil qiladi, keyin 8 soatdan keyin 1 tabletka (550 mg), so'ngra xuruj to'xtaguncha har 8 soatda 1/2 tabletka (275 mg).

Revmatoid kasalliklarda (revmatoid artrit, osteoartrit va ankilozlanuvchi spondilit) preparatning odatdagi boshlang'ich dozasi 1 -2 tabletkadan (550-1100 mg), kuniga ikki marta ertalab va kechqurun tashkil qiladi. 1 1/2 (825 mg) -3 tabletkani (1650 mg) tashkil qiluvchi boshlang'ich sutkalik doza yaqqol tungi og'riq va/yoki yaqqol ertalabki qotib qolish bo'lgan bemorlarga, boshqa nosteroid yallig'lanishga qarshi preparatlarning yuqori dozalaridan naproksen natriy bilan davolashga o'tkazilayotgan bemorlarga va og'riq yetakchi simptom bo'lgan bemorlarga tavsiya etiladi. Odatda sutkalik doza 1 tabletka (550 mg) - 2 tabletkani (1100 mg) tashkil qiladi, ikki qabulda tayinlanadi. Ertalabki va kechki dozalar bir xil bo'lmasligi mumkin. Davolovchi shifokor roziligi bilan Siz ularni simptomlarning ustunligiga, ya'ni tungi og'riq va/yoki ertalabki qotib qolishga qarab o'zgartirishingiz mumkin.

Agar Sizda preparatning ta'siri juda kuchli yoki kuchsiz degan taassurot paydo bo'lsa, davolovchi shifokor yoki farmatsevtga xabar bering.Dozani oshirib yuborishPreparatning dozasini sezilarli darajada oshirib yuborish uyquchanlik, dispeptik buzilishlar (jig'ildon qaynashi, ko'ngil aynishi va qusish, qorinda og'riq), holsizlik, quloqlarda shovqin, asabiylashish, og'ir holatlarda - qon aralash qusish, melena, ongning buzilishi, tirishishlar va buyrak yetishmovchiligi bilan tavsiflanishi mumkin.

Nalgezin forte preparatining katta miqdorini tasodifan yoki qasddan qabul qilgan bemorga oshqozonni yuvish va simptomatik terapiyani o'tkazish kerak: faollashtirilgan ko'mir, antatsidlar, H2 retseptorlari blokatorlari, proton pompasi ingibitorlari. Gemodializ samarasiz.

Nojo'ya samaralari

Nojo‘ya ta’sirlar Nalgezin forte yuqori dozalarda qo‘llanilganda eng ko‘p uchraydi:

- ovqat hazm qilish tizimi tomonidan: qabziyat, qorinda og‘riq, dispepsiya, ko‘ngil aynishi, diareya, yarali stomatitlar, me’da-ichak yo‘llarining eroziv-yarali shikastlanishlari va qon ketishlari, «jigar» fermentlari faolligining oshishi, jigar funksiyasining buzilishi, sariqlik, qon qusish, melena;

- markaziy asab tizimi tomonidan: eshitishning pasayishi, bosh aylanishi, bosh og‘rig‘i, uyquchanlik, depressiya, uyqu buzilishlari, diqqatni jamlay olmaslik, uyqusizlik, holsizlik, mialgiya va mushak holsizligi, reaksiya tezligining sekinlashishi, aseptik meningit, kognitiv disfunksiya;

- teri qoplamalari tomonidan: qichishish, ekximozlar, ko‘p terlash, purpura, alopesiya, fotodermatozlar;

- sezgi a’zolari tomonidan: quloqlarda shovqin, ko‘rishning buzilishi, eshitishning buzilishi;

- yurak-qon tomir tizimi tomonidan: shish, hansirash, yurak urishi, dimlangan yurak yetishmovchiligi, vaskulit,

- siydik-tanosil tizimi tomonidan: glomerulonefrit, gematuriya, interstitsial nefrit, nefrotik sindrom, buyrak yetishmovchiligi, buyrak papillyar nekrozi, hayz siklining buzilishi;

- qon yaratish a’zolari tomonidan: eozinofiliya, granulotsitopeniya, leykopeniya, trombotsitopeniya, aplastik anemiya;

- nafas olish tizimi tomonidan: eozinofil pnevmoniyalar;

- allergik reaksiyalar: teri toshmalari, eshakemi, angionevrotik shish, epidermal nekroz, ko‘p shaklli eritema, Stiven-Djonson sindromi;

- boshqalar: chanqoq, gipertermiya, giperglikemiya, gipoglikemiya, qon ketish vaqtini uzaytiradi, gemolitik anemiya.

Agar siz shunga o‘xshash hodisalarni sezsangiz, preparat qabul qilishni to‘xtating va imkoni boricha shifokorga murojaat qiling.

Diqqat: ushbu sahifadagi preparat tavsifi rasmiy yo‘riqnomaning soddalashtirilgan va to‘ldirilgan versiyasidir. Ma’lumot faqat tanishish maqsadida taqdim etilgan va o‘z-o‘zini davolash uchun qo‘llanma sifatida foydalanilmasligi kerak. Nalgezin preparatini qabul qilishdan oldin albatta shifokor bilan maslahatlashing

Manbalar ro‘yxati: