QO‘LLASH BO‘YICHA YO‘RIQNOMA
PAVISIN
PAVISIN
Preparatning savdo nomi: Pavisin
Ta‘sir etuvchi moddalar (XPN): kurkuma moyi, borneol
Dori shakli: vaginal suppozitoriylar
Tarkibi
Bitta suppozitoriy quyidagilarni saqlaydi:
faol moddalar: kurkuma moyi – 82 mg; borneol – 75 mg;
yordamchi moddalar: etanol, makrogol 400, makrogol 4000, polioksil (40) stearati, laurokapram.
Ta‘rifi: oq-sut, sarg‘ish yoki jigarrang rangli, o‘qsimon shaklli suppozitoriylar.
Farmakoterapevtik guruhi: asosan akusherstva va ginekologiyada qo‘llanadigan vosita.
ATX kodi: G02CX
Farmakologik hususiyatlari
Suppozitoriyning tarkibiga kiruvchi kurkuma moyi va borneol uchuvchan moddalar hisoblanadi, shu sababli yallig‘lanish o‘chog‘iga chuqur kiradi. Keng antibakterial va yallig‘lanishga qarshi ta‘sir doirasiga ega bo‘lib, kurkuma moyi va borneol periferik qon-tomir havzasida oq qon tanachalarining miqdorini ko‘paytiradi, fagositlarning fagositar faolligini va immunitetni yaxshilaydi. Preparatning ta‘sir etuvchi komponentlari eroziya bo‘lgan sohada qon oqimini yaxshilaydi. Suppozitoriylar nekrozga uchragan to‘qimalarni bartaraf qilib, yallig‘lanish natijasida shikastlangan to‘qimalarning regenerasiyasini va yangilanishini tezlashtiradi. Odam papilloma virusini ingibisiya qiladi.
Farmakokinetikasi
Ma‘lumotlar yo‘q.
Qo‘llanilishi
- Servisit;
- Bachadon bo‘yni eroziyasi;
- Vaginit (shu jumladan, zamburug‘li);
- Vaginoz (shu jumladan, bakterial);
- Qarilik kolpiti;
- Papillomavirus infeksiyasida qo‘llanadi.
Qo‘llash usuli va dozalari
Vaginal qo‘llanadi.
Suppozitoriy bevosita uxlashdan oldin, qo‘llarni yuvib, yotgan holatda barmoqning uchiga qo‘yiladi va qinning ichiga (orqa gumbaziga) chuqur kiritiladi. Bir marta qo‘llash uchun bitta suppozitoriydan ishlatilsin. Davolash kursi 14 kunni tashkil etadi.
Papillomavirus infeksiyasini davolashda 1-2 davolash kursini o‘tkazish kerak, qator hollarda davolashning davomiyligi 2-3 davolash kursini tashkil etadi. Zarurat bo‘lganida davolash kursini takrorlash mumkin.
Yengil va o‘rtacha og‘irlik darajasidagi eroziyasi bo‘lgan pasientlarga preparatni 1-2 davolash kursini qo‘llash kerak. Og‘ir darajadagi eroziyasi bo‘lgan pasientlarga preparatni 2-3 davolash kursi davomida qo‘llash kerak. Suppozitoriylarni lazerli terapiya, elektrokoagulyasiya, kriodestruksiya va radioto‘lqinli jarrohlik kabi fizikaviy usullar bilan davolashga tayyorgarlik maqsadida qo‘llash mumkin. Preparat yuqoridagi holatlarda qo‘llanganida asoratlar kamayadi, to‘qimalarni regenerasiya vaqti qisqaradi.
Zamburug‘li kolpitni davolashda 1-2 davolash kursini o‘tkazish kerak. Zarurat bo‘lganida davolash kursini takrorlash mumkin.
Bakterial vaginozni 1-2 davolash kursi davomida davolash kerak, so‘ngra esa profilaktika maqsadida 1-2 suppozitoriydan har hafta qo‘llanadi. Zarurat bo‘lganida davolash kursini takrorlash kerak.
Klimaks davrida va menopauzadan so‘ng, shuningdek estrogenlarning miqdori past bo‘lgan yosh ayollarda namoyon bo‘ladigan qarilik kolpiti qinni qichishishi, achishishi, qin ajralmalarini ko‘payishi bilan namoyon bo‘ladi, ajralmalar badbo‘y hidli yiringli ko‘rinishga ega bo‘lishi mumkin, qinning shilliq qavati quruq va dag‘al bo‘lib qoladi. Davolashning davomiyligi – 2-4 davolash kursini tashkil etadi, so‘ngra profilaktika maqsadida 1-2 suppozitoriydan har hafta qo‘yiladi.
Nojo‘ya ta‘sirlari
Preparat qinga kiritilganidan so‘ng kam hollarda tana harorati vaqtinchalik oshadi, achishish hissi, og‘riq, qichishish, shish, toshma va allergiya paydo bo‘ladi, keksa yoshdagi ayollarda yoki estrogenlarning miqdori past bo‘lgan pasientlarda et uvishishi kuzatiladi, bunday holatda preparatning dozasi kamaytiriladi yoki qo‘llash bekor qilinadi. Preparatni qo‘llash to‘xtatilganidan so‘ng ushbu noxush reaksiyalar o‘z-o‘zidan o‘tib ketadi.
Qo‘llash mumkin bo‘lmagan holatlar
14 yoshgacha bo‘lgan qizlarga, homiladorlikni 12 haftasigacha qo‘llash mumkin emas.
Dorilarning o‘zaro ta‘siri
Ma‘lumotlar yo‘q.
Maxsus ko‘rsatmalar
Allergik reaksiyalarga moyilligi bo‘lgan pasientlar preparatni ehtiyotkorlik bilan ishlatishlari kerak.
Preparat qinga kiritilganida qinda sovush hissi seziladi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.
Dozani oshirib yuborilishi
Aniqlanmagan.
Chiqarilish shakli
7 suppozitoriydan alyumin kontur uyali o‘ramda. 2 kontur uyali o‘ram barmoqqa kiyiladigan qopchalar va qo‘llash bo‘yicha yo‘riqnomasi bilan birga karton qutiga joylanadi.
Saqlash sharoiti
Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin.
Yaroqlilik muddati
2 yil.
Dorixonalardan berish tartibi
Resept bo‘yicha.
