Proteflazid

Preparat komponentlariga individual yuqori sezuvchanlik.

Mahalliy qo'llanilganda faol modda tizimli qon oqimiga amalda tushmaydi va tizimli ta'sir ko'rsatmaydi. Tajribalarda vaginal qo'llanilganda preparatning mahalliy terapevtik kontsentratsiyasi erishilishi aniqlangan.

Suppozitoriylar vaginal qo'llaniladi. Suppozitoriylarni gigiyenik muolajalardan keyin qo'llash kerak. Ishlatishdan oldin suppozitoriydan himoya plastik o'ramini olib tashlash kerak. Suppozitoriy qinga chuqur kiritiladi. Suppozitoriy kiritilgandan so'ng kamida 3 soat davomida yotgan holatda bo'lish va kamida 8 soat davomida jinsiy aloqaga kirmaslik maqsadga muvofiqdir. Davolashni hayzdan keyin darhol boshlash tavsiya etiladi. Hayz ko'rish vaqtida davolashda tanaffus qilish kerak. I va II turdagi gerpes viruslari chaqirgan genital kasalliklarni davolash uchun 1 suppozitoriydan sutkasiga 1 marta 7-10 kun davomida va kasallik simptomlari yo'qolguncha ko'proq qo'llaniladi. Qaytalauvchi gerpetik infeksiyani, shu jumladan sitomegalovirus infeksiyasi va Epshteyn-Barr infeksiyasi mavjud bo'lganda davolash uchun 1 suppozitoriydan sutkasiga 1 marta 10 kun davomida qo'llaniladi. Davolash kursi 3 oy davomida (har oyda 10 kun) o'tkaziladi. Papillomavirus infeksiyasi va/yoki gerpetik infeksiyalar bakterial, zamburug'li infeksiyalar bilan birgalikda mavjud bo'lganda 1 suppozitoriydan sutkasiga 2 marta 14 kun davomida qo'llaniladi. Davolash kursi 3 oy davomida (har oyda 14 kun) o'tkaziladi.

Suppozitoriylar peroral qo‘llanilmasin. Preparat maxsus xavfsizlik choralarini talab qilmaydi. Suppozitoriylar bilan davolash davrida jinsiy aloqalardan saqlanish maqsadga muvofiq. «Qo‘llanilishi» bo‘limida ko‘rsatilgan kasalliklarning etiopatogenetik terapiyasini, PROTEFLAZID® (suppozitoriylar) preparati bilan mahalliy terapiyadan tashqari, tegishli yo‘riqnomada ko‘rsatilgan sxema va dozalarda PROTEFLAZID® (tomchilar) preparatini peroral qo‘llash bilan to‘ldirish zarur. Virusli, bakterial, zamburug‘li infeksiyalar qo‘zg‘atuvchilari va ularning assotsiatsiyalari (xlamidiyalar, mikoplazmalar, ureaplazmalar) chaqirgan genital kasalliklarni davolashda istalgan terapevtik samaraga erishish uchun jinsiy sheriklarni bir vaqtda davolash zarur. Bunday holda sherikni davolash uchun PROTEFLAZID® (tomchilar) preparatini tegishli yo‘riqnomada ko‘rsatilgan sxema va dozalarda ishlatish kerak.

PROTEFLAZID® (suppozitoriylar) kichik tos a'zolarining virusli-bakterial va virusli-zamburug'li kasalliklarini davolash uchun boshqa virusga qarshi preparatlar va antibiotiklar bilan kombinatsiyalanishi mumkin. Boshqa dori vositalari bilan o'zaro ta'sir natijasida salbiy ko'rinishlar aniqlanmagan. Preparatlarni kombinatsiyalangan holda qo'llashda har qanday reaksiyalar yuzaga kelgan taqdirda shifokor bilan maslahatlashish kerak.

Allergik reaksiyalar: sezuvchanligi yuqori bo‘lgan shaxslarda o‘ta yuqori sezuvchanlik reaksiyalari bo‘lishi mumkin. Kam hollarda allergik reaksiyalar, shu jumladan eritematoz toshmalar, qichishish yuzaga kelishi mumkin.
Ovqat hazm qilish tizimi tomonidan: me'da-ichak buzilishlarining yakka holatlari – epigastral sohada og‘riq, ko‘ngil aynishi, qusish, diareya kuzatiladi. Surunkali gastroduodeniti bo‘lgan bemorlarda gastroduodenitning kuchayishi, gastroezofageal reflyuks (reflyuks-ezofagit) yuzaga kelishi mumkin.
Umumiy buzilishlar: yakka hollarda bosh og‘rig‘i, umumiy holsizlik, preparat bilan terapiyaning 3-10-kunida tana haroratining 38 °S gacha tranzitor ko‘tarilishi bo‘lishi mumkin.
Mahalliy reaksiyalar: mahalliy qo‘llanilganda achishish, qichishish, quruqlik hissi paydo bo‘lishi mumkin.
Har qanday noxush reaksiyalar yuzaga kelganda shifokor maslahati uchun murojaat qilish kerak.