RADOFEN

QO‘LLASH BO‘YICHA YO‘RIQNOMA

RADOFEN^®

RADOFEN

Preparatning savdo nomi: Radofen^®

Ta‘sir qiluvchi modda (XPN): diklofenak kaliy, serratiopeptidaza

Dori shakli: tabletka

Tarkibi:

Ichakda eruvchan qobiq bilan qoplangan bir tabletka quyidagilarni saqlaydi:

faol moddalar: diklofenak kaliy – 50 mg, ichakda eruvchan granulalar ko‘rinishida serratiopeptidaza – 10 mg (200,000 serratiopeptidaza zarrachasi);

yordamchi moddalar: laktoza – 6,4 mg; makkajo‘xori kraxmali – 20,3 mg; mikrokristall sellyuloza – 7,4 mg; polivinilpirrolidon (K-30) – 1,5 mg; dinatriy edetati – 0,01 mg; metilparaben – 0,02 mg; kolloid kremniy dioksidi (aerosil) – 0,75 mg; tozalangan talk – 1,0 mg; magniy stearati – 0,65 mg

qobiq tarkibi: gidrosipropilmetilsellyuloza – 2,08 mg; dietilftalati – 0,46 mg; asetat ftalat sellyulozasi – 6,0 mg; titan dioksidi – 0,5 mg; tozalangan talk – 0,3 mg; bo‘yovchi (Ponceau 4R Lake) – 0,3 mg.

Ta‘rifi: pushti, dumaloq, ikki tomoni silliq, ichakda eruvchan qobiq bilan qoplangan tabletkalar.

Farmakoterapevtik guruhi: nosteroid yallig‘lanishga qarshi vosita.

ATX kodi:  M01VX

Farmakologik xususiyatlari

Diklofenak natriy (kaliy) – yaqqol revmatizmga qarshi, isitmani tushiruvchi, og‘riq qoldiruvchi va yallig‘lanishga qarshi xususiyatlarga ega. Trombositlarni bir-biriga yopishib qolishini tormozlaydi. Revmatik kasalliklarni davolashda bo‘g‘imlarning tinch va harakatlanayotgan vaqtidagi og‘riqni susaytiradi, ertalabki tanglikni va bo‘g‘imlarni shishini kamaytiradi, shikastlangan bo‘g‘imlarning harakatlanish hajmini oshirishga yordam beradi.

Serratiopeptidaza – patogen bo‘lmagan Serratia E15 ichak bakteriyasidan olingan proteolitik ferment. Fibrinolitik, yallig‘lanishga qarshi va shishga qarshi ta‘sirni namoyon qiladi. Yallig‘lanish jarayonini kamaytirishdan tashqari, serratiopeptidaza yallig‘langan to‘qimalardan og‘riqni keltirib chiqaruvchi aminlarni hosil bo‘lishini kamaytirish orqali og‘riqni kamaytiradi.

Serratiopeptidaza 1:1 nisbatda qondagi α2-makroglobulin bilan bog‘lanadi, u antigenlikni niqoblaydi, lekin uning fermentativ faolligini saqlab qoladi.

Serratiopeptidaza yallig‘lanish o‘chog‘idagi ekssudatga sekin o‘tadi va uning qondagi darajasi asta-sekin pasayadi. Bradikinin, gistamin va serotonin gidrolizi orqali serratiopeptidaza kapillyarlar dilatasiyasini bevosita kamaytiradi va ularning o‘tkazuvchanligini nazorat qiladi. Serratiopeptidaza plazmin ingibitorini bloklaydi, shu orqali fibrinolitik faollikka yordam beradi.

Farmakokinetikasi

Diklofenak kaliy ichga qabul qilingandan keyin tez so‘riladi, ovqat so‘rilish tezligini sekinlashtirishi mumkin, lekin to‘liq so‘rilishiga ta‘sir qilmaydi. Plazmadagi maksimal konsentrasiyasi 1-2 soatda erishiladi. Biokiraolishligi – 50%; jadal tizim oldi eliminasiyasiga uchraydi. Qon plazmasi oqsillari bilan bog‘lanishi – 99% teng. To‘qima va sinovial suyuqlikka yaxshi o‘tadi, u yerda uning konsentrasiyasi sekinroq oshadi, 4 soatdan so‘ng qon plazmasidagiga nisbatan yuqori bo‘ladi. Taxminan 35% metabolitlar ko‘rinishida ahlat bilan; taxminan 65% jigarda metabolizmga uchraydi va buyrak orqali faol bo‘lmagan hosilalari ko‘rinishida chiqariladi (1% dan kamroq qismi o‘zgarmagan ko‘rinishda chiqariladi). Yarim chiqarilish davri – 2 soat, sinovial suyuqlikdan – 3-6 soat; qabul qilishlar orasidagi tavsiya qilingan intervallarga rioya qilinganda to‘planmaydi.

Serratiopeptidaza me‘da devorlari orqali o‘zgarmagan holda kiradi va ichakda so‘riladi. Siydikda kam miqdorda aniqlanadi.

Qo‘llanilishi

• O‘tkir va/yoki surunkali osteoartrit va revmatoid artritni davolash
• Surunkali osteoartrit va revmatoid artritni oldini olish
• Spondilyozni davolash
• Birlamchi dismenoreyada og‘riq qoldiruvchi (anesteziya) samara ko‘rsatadi.

Travmatologiya: sport jarohatlarida, paylarni cho‘zilishida, suyaklarni majaqlanishi, sinishi, chiqishi va osteoartritda va boshqalarda.

Jarrohlik: in‘eksiya joyidagi operasiyadan keyingi mahalliy shishlarni kamaytirish, to‘qimalardagi ichki shishlarni va operasiyadan keyingi ishlov berish natijasida yallig‘lanishda.

Plastik jarrohlik: operasiyadan keyingi shishlarni kamaytirish, transplantat o‘rni mikrosirkulyasiyasini tiklash va og‘riqlarni kamaytirish bilan bir qatorda transplantat ko‘chish xavfni minimallashtirish.

Infeksiyalar: sinuslarda, tashqi eshituv yo‘llarida, yallig‘lanishga qarshi faolligi bilan mikozitlarni yengillashtirish. Yuqori nafas yo‘lari kasalliklarida yallig‘lanish jarayonini tezroq bartaraf bo‘lishida, infeksiyalangan to‘qimalarda mikroblarga qarshi yaxshi faollikka ega.

Dermatologiya: dermatozlarni o‘tkir yalig‘lanish kasalliklarida ayniqsa samarali.

Stomatologiya: tish infeksiyalari va yallig‘lanishida yaxshi yordam beradi.

Akusherlik va ginekologiya: yallig‘lanishga qarshi va shishga qarshi faolligi tug‘ruqdan keyingi gematomalarni, ko‘krak sutini dimlanishida va homiladorlik bilan bog‘liq tromboflebitni bartaraf etishda yordam beradi.

Qo‘llash usuli va dozalari

Preparatni ovqatdan 1-2 soatdan so‘ng peroral qabul qilinadi. Tabletkani butunligicha, chaynamasdan, yetarli miqdordagi suyuqlik bilan qabul qilinadi. Davolash kursi davomiyligi va preparat dozasi kasallikning xarakteri va dinamikasiga, shuningdek pasientning individual xususiyatlariga bog‘liq. Odatda kattalarga 1 tabletkadan kuniga 3 marta buyuriladi, biroq, zarurati bo‘lgan hollarda preparat dozasini davolovchi shifokor o‘zgartirishi mumkin.

Nojo‘ya ta‘sirlari

Diklofenakning keng tarqalgan nojo‘ya ta‘siri me‘dada og‘riq, ko‘ngil aynishi, qusish va diareya; kam hollarda me‘da va o‘n ikki barmoq ichak yara kasalligi va me‘da-ichakdan qon ketishi bilan namoyon bo‘ladi. Tez-tez emas, allergik reaksiyalar, lohaslik, ishtahani va tana vaznini o‘zgarishi, va ko‘zdagi buzilishlarga diklofenak sabab bo‘lishi mumkin. Nevrologik reaksiyalar bosh og‘rig‘i, uyquchanlik, ta‘sirchanlik, va kayfiyatni buzilishini o‘z ichiga oladi. Diklofenak kam hollarda gepatit, buyrak disfunksiyasi va qondagi buzilishlarni chaqirishi mumkin.

Serratiopeptidaza anoreksiya, qorin bo‘shlig‘ida diskomfort, ko‘ngil aynishi va qusish kabi me‘da-ichak yo‘llari tomonidan nojo‘ya samaralardan tashqari toshma yoki qizarish kabi allergik reaksiyalarni chaqirishi mumkin.

Qo‘llash mumkin bo‘lmagan holatlar

Dori vositasining tarkibiga kiruvchi faol yoki yordamchi komponentlarga shaxsiy o‘zlashtiraolmaslik hollarida preparatni qo‘llash mumkin emas.

Dorilarning o‘zaro ta‘siri

• Qonda litiy va digoksin darajasini oshiradi.
• Preparat metotreksatning toksikligi oshiradi.
• Preparat kaliy tejovchi siydik haydovchi vositalarni kuchaytiradi, ammo boshqa siydik haydovchi vositalarni susaytiradi.
• Peroral antikoagulyant qabul qiluvchi bemorlarda antitrombositar qon ketish xavfini kuchaytiradi.

Maxsus ko‘rsatmalar

Diklofenak me‘da shirasida kislotaligi yuqori bo‘lgan bemorlarda, buyrak va jigar faoliyatini buzilishi bo‘lgan, qon kasalliklarida, aspiringa yoki nosteroid yallig‘lanishga qarshi preparatlarga (NYAQP) allergiyasi bo‘lgan bemorlarda ehtiyotkorlik bilan qo‘llash lozim.

Homiladorlik va laktasiya

Homiladorlikda va laktasiya davrida Radofen^® faqat juda zarur hollarda qo‘llash mumkin. Bolalarda diklofenak/serratiopeptidazani qo‘llash xavfsizligi va samaradorligi o‘rganilmagan. Serratiopeptidaza antikoagulyantlarning ta‘sirini kuchaytirishi mumkinligi tufayli, Radofen^® ni ehtiyotkorlik bilan qo‘llash lozim.

Avtomobilni boshqarish va mexanizmlarga xizmat ko‘rsatish qobiliyatiga ta‘siri

Preparat avtotrasportini haydash va boshqa potensial xavfli faoliyat turlarini bajarish qobiliyatiga ta‘sir qilmaydi.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: uyquchanlik, ko‘ngil aynishi, qusish va epigastral sohada og‘riq, gastrointestinal qon ketishlar. Kam hollarda arterial gipertenziya, o‘tkir buyrak yetishmovchiligi, nafasni susayishi, anafilaktoid reaksiyalar va koma.

Davolash: doza oshirib yuborilgan hollarda davolash avvalo simptomatik, qusishni chaqirish buyuriladi. Me‘dani yuvish, faollashtirilgan ko‘mir yoki surgi vositalar qabul qilish tabletkalarni ko‘p miqdorda qabul qilingan hollarda samarali bo‘lishi mumkin.

Chiqarilish shakli

10 tabletka Al/PVX blisterda. 3 blister karton qutida (qo‘llash yo‘riqnomasi bilan birga).

Saqlash sharoiti

Quruq, salqin, yorug‘likdan himoyalangan joyda, 25^oS yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.