QO‘LLASH BO‘YICHA YO‘RIQNOMA
RINITIZ-P
RHINITEASE-P
Preparatning savdo nomi: RINITIZ-P
Ta‘sir etuvchi modda (XPN): flutikazon propionati
Dori shakli: dozalangan nazal sprey
Tarkibi:
1 ml sprey quyidagilarni saqlaydi:
faol modda: 0,55 mg flutikazon propionati;
yordamchi moddalar: 11,00 mg mikrokristall sellyuloza va natriy karboksimetilsellyuloza, 4,60mg suvsiz dinatriy gidrogen fosfati, 0,80 mg limon kislotasi monogidorati, 45,00 mg suvsiz dekstroza, 1,00 mg polisorbat-80, 2,50 mg feniletil spirti, 0,10 mg benzalkoniy xloridi, in‘eksiya uchun suv yetarli miqdorda.
Ta‘rifi: oq rangli suspenziya.
Farmakoterapevtik guruhi: mahalliy ta‘sir etuvchi glyukokortikosteroidlar.
ATS kodi: R01AD08.
Farmakologik xususiyatlari
Flutikazon mahalliy qo‘llash uchun uchftorlangan glyukokortikosteroid, intranazal, ingalyasion, mahalliy qo‘llanganda yaqqol yallig‘lanishga qarshi, allergiyaga qarshi, qichishishga qarshi ta‘sir ko‘rsatadi va hech qanday aniq tizimli ta‘sirga ega emas.
Qo‘llanilishi
RINITIZ-P intranazal spreyi mavsumiy allergik rinit (shu jumladan pichan isitmasi) va doimiy rinitni oldini olish va davolash uchun qo‘llanadi.
Qo‘llash usuli va dozalari
Kattalar va 12 yoshdan oshgan bolalarga nazal sprey xar bir burun yo‘liga ikki purkashdan kuniga bir marta, yaxshisi ertalab qo‘llanadi. Ayrim xollarda har bir burun yo‘liga ikki purkashdan kuniga ikki marta qo‘llash talab etilishi mumkin. Kasallik belgilari susayganidan keyin qo‘llash kuniga bir martaga o‘tkazilishi mumkin. Kasallik belgilarini samarali nazoratini ta‘minlovchi minimal doza ishlatilishi kerak. Bir kunlik maksimal doza har bir burun yo‘liga to‘rt purkashdan oshmasligi kerak.
4 yoshdan 12 yoshgacha bo‘lgan bolalarga nazal sprey har bir burun yo‘liga bir purkashdan kuniga bir marta, yaxshisi ertalab qo‘llanadi. Kasallik belgilarini samarali nazoratini ta‘minlovchi minimal doza ishlatilishi kerak. Bir kunlik maksimal doza har bir burun yo‘liga ikki purkashdan oshmasligi kerak. Yaxshi davolash samarasiga erishish uchun preparatni muntazam qo‘llash muhim hisoblanadi.
Nojo‘ya ta‘sirlari
RINITIZ-P nazal sprey preparati qo‘llanganda burundan qon ketishi, burun shilliq qavatini quruqligi va ta‘sirlanishi, tomoqni quruqligi va ta‘sirlanishi, bosh og‘rig‘i, noxush ta‘m, noxush xid; juda kam hollarda teri allergik reaksiyalari, Kvinke shishi, respirator simptomlar (bronxospazm), anafilaktik reaksiyalar, ko‘z ichki bosimini oshishi, yakka xollarda – ayniqsa anamnezdagi burun bo‘shlig‘idagi jarroxlik aralashuvlarda burun to‘sig‘ining perforasiyasi ko‘rinishidagi nojo‘ya ta‘sirlar kuzatilishi mumkin.
Qo‘llash mumkin bo‘lmagan holatlar
Flutikazonga yoki preparatning yordamchi moddalaridan har qandayiga yuqori sezuvchanlikda qo‘llash mumkin emas.
Dorilarning o‘zaro ta‘siri
Mahalliy qo‘llanganida flutikazon propionatini deyarli tizimli so‘rilmasligi, yuqori “birinchi o‘tish” metabolizmi tufayli, uni boshqa dorilar bilan klinik ahamiyatli o‘zaro ta‘sirini ehtimoli kam.
Sog‘lom ko‘ngilliklarda 100 mg ritonavir (sitoxrom R450 3A4 ning kuchli ingibitori) flutikazon propionatini burun ichiga yuborishdagi o‘zaro ta‘sirning tadqiqotlarida, zardobdagi kortizolning konsentrasiyasini sezilarli kamayishiga olib keluvchi flutikazon propionatining plazmadagi konsentrasiyasini bir nacha martaga oshirgan. Bunday majmuadan saqlanish tavsiya etiladi.
Ketokonazol, itrakonazol kabi CYP3A4 ning kuchli ingibitorlari bilan bir vaqtda qo‘llanganda, flutikazon propionatining tizimli ta‘siri va nojo‘ya samaralarining ravojlanishini xavfi oshadi. Flutikazon propionatini CYP3A4 ning kuchli ingibitorlari bilan bir vaqtda qo‘llash tavsiya etilmaydi.
Maxsus ko‘rsatmalar
Burun havo yo‘llarining infeksiyalarini muvofiq davolash kerak, lekin u RINITIZ-P nazal spreyi preparati bilan davolashga qarshi ko‘rsatma hisoblanmaydi. Bemorlarni tizimli glyukokortikoidlar bilan davolashdan RINITIZ-P nazal spreyiga o‘tkazishda ehtiyotkorlikka rioya qilish kerak.
Garchi RINITIZ-P nazal spreyi ko‘pchilik xollarda mavsumiy allergik rinitni nazorat qilish imkoniyatini bersa ham, ayrim og‘ir hollarda, muvofiq qo‘shimcha davolash talab qilinadi.
Burunga qo‘llanadigan kortikosteroidlarning tizimli samaralari uzoq muddat qo‘llanganida, ayniqsa katta dozalarda yuz berishi mumkin. Potensial tizimli samaralari Kushing sindromi, buyrak usti bezlari faoliyatini susayishi, bolalar va o‘smirlarda o‘sishni sekinlashishi, katarakta, glaukoma va qator psixomotor giperfaollik, uyquni buzilishi, bezovtalik, depressiya yoki tajavuzkorlik (ayniqsa bolalarda) kabi qator ruhiy yoki xatti-xarakat samaralarni o‘z ichiga olishi mumkin.
Ayrim burunga qo‘llanadigan kortikosteroidlarni tavsiya etilgan dozalarda qabul qilayotgan bolalarda o‘sishni sekinlashishi xaqida xabar berilgan. Burunga qo‘llanadigan kortikosteroidlar bilan davomli davolanayotgan bolalarning bo‘yini muntazam tekshirish tavsiya etiladi. Agar o‘sish sekinlashsa, kortikosteroidning dozasini kamaytirish maqsadida, agar iloji bo‘lsa belgilarni samarali nazoratini ta‘minlovchi eng kam dozada davolashni qayta ko‘rib chiqish kerak.
RINITIZ-P nazal spreyi konservant sifatida benzalkoniy xloridi saqlaydi, u bronxospazm chaqirishi mumkin.
RINITIZ-P nazal spreyini ko‘zga tushishidan saqlanish kerak. Tasodifan ko‘zga tushgan xolda, ko‘zlarni tez va yaxshilab oqava suvda yuvish kerak.
Homiladorlik va laktasiya davri. Homiladorlik va laktasiya davrida preparatni faqat ona, homila va bola uchun xavf va foyda nisbati sinchiklab baxolangandan keyingina qo‘llash mumkin, tavsiya etilgan dozalarni oshirishga yo‘l qo‘yilmaydi.
Avtotransportni xaydash va mexanizmlarni boshqarish qobiliyatiga ta‘siri. Ma‘lumotlar yo‘q.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Preparatning dozasini oshirib yuborilishi xaqida ma‘lumotlar yo‘q.
Chiqarilish shakli
Dozalangan nazal sprey 50 mkg doza (100 o‘lchangan dozalar) 15 ml dan dozalovchi moslamasi va ximoya qopqoqchasi bo‘lgan polipropilen flakonlarda.
1 flakon tibbiyotda qo‘llash bo‘yicha yo‘riqnomasi bilan birga karton qutiga joylanadi.
Saqlash sharoiti
Quruq, yorug‘likdan himoyalangan joyda, 30oS dan yuqori bo‘lmagan haroratda saqlansin.
Yaroqlilik muddati
2 yil. Flakon ochilganidan keyin preparatni 3 oy davomida ishlatish kerak.
Dorixonalardan berish tartibi
Reseptsiz beriladi.
