Saluvir

Virusga qarshi preparat. In vitro sharoitida A va V gripp virusini (Influenza virus A, V), , shuningdek A(H1N1) pdm09 va A(H5N1) yuqori patogen turkumlarini, hamda boshqa viruslarni – O'RVI qo'zg'atuvchilari (og'ir o'tkir respirator sindrom bilan bog'langan koronavirus (Coronavirus), rinovirus ( Rhinovirus), adenovirus (Adenovirus), respiator-sintsitial virus (Pneumovirus) va paragripp virusi (Paramyxovirus)) spetsifik bostiradi. Virusga qarshi ta'sir mexanizmiga ko'ra, birikish ingibitorlariga (fuziyalarga) tegishli bo'lib, virusning gemagglyutinini bilan o'zaro ta'sirlanadi va virusning lipid qobig'iga va hujayra membranalarga birlashishiga to'sqinlik qiladi. O'rtacha immunomodulyator ta'sir ko'rsatadi, organizmni virusli infektsiyalarga chidamliligini oshiradi. Interferon-indutsiya qiluvchi faollikka ega - sichqonlarda o'tkazilgan tadqiqotda interferonlar induktsiyasi 16 soatdan keyin qayd qilingan va interferonlarning yuqori titri yuborilgandan so'ng qonda 48 soatgacha saqlanib qolgan. Immunitetning hujayra va gumoral reaktsiyalarini rag'batlantiradi: qondagi limfotsitlar sonini oshiradi, ayniqsa, T-hujayralarni (CD3), T-supressorlar (CD8)  darajasiga ta'sir qilmagan holda, T-xelperlar (CD4) sonini oshiradi, immunoregulyator indeksni normallashtiradi, makrofaglarning fagotsitar funktsiyasini rag'batlantiradi va tabiiy killerlar sonini oshiradi (NK-hujayralar).

Virusli infektsiyalarda davolash samaradorlik kasallikning davomiyligi va og'irligini va uning asosiy belgilarini, shuningdek, virusli infektsiya va surunkali bakterial kasalliklarning kuchayishi bilan bog'liq asoratlar tez-tezligini kamaytiradi.

Kam zaharli preparatlar (LD50>4 g/kg) ga kiradi. Tavsiya etilgan dozalarda og'iz orqali ishlatilganda inson organizmiga hech qanday salbiy ta'sir ko'rsatmaydi.

So'rilishi va taqsimlanishi

Me'da-ichak yo'llarida tez so'riladi. Qon plazmasida Smax 1.5 soatdan keyin erishiladi.

Umifenovir organizm to'qimalariga va a'zolar bo'ylab tez taqsimlanadi.

Metabolizmi va chiqarilishi

Jigarda metabolizmga uchraydi. T1/2  17-21 soatni tashkil qiladi.

Taxminan 40% o'zgarmagan holda, asosan safro (38.9%) va oz miqdorda - buyraklar (0,12%) bilan chiqariladi. Birinchi sutkalar davomida qabul qilingan dozaning 90% chiqariladi.

Preparat ovqatdan oldin ichga qabul qilinadi.

Bir martalik doza: 6 yoshdan 12 yoshgacha bo'lgan bolalarga - 100 mg (1 kapsula), 12 yoshdan katta bolalar va kattalar uchun-200 mg (2 kapsula 100 mg dan)

Bolalar va kattalarda gripp va boshqa O'RVI ni nospetsifik oldini olish va davolash uchun

Nospetsifik oldini olish

Gripp va boshqa O'RVI epidemiyasi paytida: 6 dan 12 yoshgacha bo'lgan bolalarga -100 mg, 12 yoshdan katta bolalar va kattalarga -200 mg haftasiga 2 marta 3 hafta davomida.

Gripp va boshqa O'RVI bo'lgan bemorlar bilan bevosita aloqada - 6 dan 12 yoshgacha bo'lgan bolalar -100 mg, 12 yoshdan katta bolalar va kattalar-200 mg 1 marta/kun  10-14 kun davomida.

Gripp va boshqa O'RVI ni davolash

6 dan 12 yoshgacha bo'lgan bolalar -100 mg, 12 yoshdan katta bolalar va kattalar -200 mg 4 marta/kun (har 6 soatda) 5 kun davomida.

6 yoshdan katta bolalarda rotavirus etiologiyali o'tkir ichak infektsiyalarini kompleks davolash

6 yoshdan 12 yoshgacha bo'lgan bolalar - 100 mg, 12 yoshdan katta bolalar -200 mg 4 marta/kun (har 6 soatda) 5 kun davomida.

Surunkali bronxit, pnevmoniya va qaytalangan gerpetik infektsiyani kompleks davolashda

6 dan 12 yoshgacha bo'lgan bolalar - 100 mg, 12 yoshdan katta bolalar va kattalar - 200 mg 4 marta/kun (har 6 soatda) 5-7 kun davomida, keyin bir martalik dozani haftasiga 2 marta 4 hafta davomida.

Operatsiyadan keyingi asoratlarni oldini olish

6 yoshdan 12 yoshgacha bo'lgan bolalar - 100 mg, 12 yoshdan katta bolalar va kattalar -200 mg operatsiyadan 2 kun oldin, keyin operatsiyadan keyingi 2 va 5-kunlarda.

Preparatning dozani oshirib yuborish holatlari qayd etilmagan.

Preparatni qo'llash davomiyligiga va tavsiya etilgan rejimga rioya qilish kerak. Preparatning  bitta dozasi o'tkazib yuborilganda, o'tkazib yuborilgan dozani iloji boricha ertaroq ichish va preparatni boshlangan sxemasiga muvofiq davom ettirish kerak.

Homiladorlik va laktatsiya davrida qo'llanishi

Hayvonlarni o'rganishda homiladorlik, embrion va homilaning rivojlanishi, tug'ruq faoliyati va tug'ruqdan keyingi rivojlanishga zararli ta'sirlari aniqlanmadi.

Saluvir preparatini homiladorlikning I uch oylikda qo'llash mumkin emas.

Homiladorlikning II va III uch oyliklarida Saluvir, agar onaga mo'ljallangan foyda homila uchun potentsial xavfdan yuqori bo'lgandagina grippni davolash va oldini olish uchun ishlatilishi mumkin. Foyda/xavf nisbati shifokor tomonidan belgilanadi.

Emizish davridagi ayollarda Saluvirning ko'krak suti bilan ajralishi noma'lum. Saluvir preparatini qo'llash zarur bo'lganda, emizishni to'xtatish kerak.

Bolalarda foydalanish

Preparatni 6 yoshgacha bo'lgan bolalarda qo'llash mumkin emas.

Transport vositalarni va mexanizmlarni boshqarish qobiliyatiga ta'siri 

Markaziy neyrotrop faollikni namoyon etmaydi va psixomotor reaktsiyalar tezligini va yuqori diqqat e'tiborni talab qiluvchi turli kasblardagi odamlarda tibbiyot amaliyotida qo'llash mumkin (shu jumladan, transport haydovchilari, operatorlar).

Boshqa dorilar bilan birga buyurilganda hech qanday nojo'ya ta'sirlar aniqlanmagan.

faol modda: umifenovir gidroxloridi, suvsiz moddaga qayta hisoblaganda - 100.0 mg;

yordamchi moddalar: kartoshka kraxmali, magniy stearati.

Сhiqarilish shakli

Kontur uyali o'ramda 10 kapsuladan. 1 yoki 2 kontur uyali o'ramlar qo'llanilishiga doir yo'riqnomasi bilan birga karton qutida.

Viruslarga qarshi vosita

Kapsulalar

Kam hollarda: allergik reaktsiyalar.

Agar ko'rsatilgan nojo'ya samaralar og'irlashsa, yoki har qanday boshqa nojo'ya samaralar paydo bo'lsa, bemor bu haqida shifokorga xabar berishi kerak.

• kattalar va bolalarda oldini olish va davolash: A va V grippi, boshqa O'RVI;

Oqdan yashil-sarg'ishgacha yoki och sariq tusli oq rangacha kukun bilan to'ldirilgan oq rangli qattiq jelatin kapsulalar.

36