SERMIN ko'rsatmalar
| Farmakoterapevtik guruh: | - Препарат для парентерального питания, аминокислоты |
| Ishlab chiqaruvchi: | - Serene Healthcare Pvt. Ltd., Индия произведено: Sichuan Kelun Pharmaceutical Co., Ltd |
| Ishlab chiqarilish joyi: | - Xitoy |
QO‘LLASH BO‘YICHA YO‘RIQNOMA
SERMIN
SERMIN
Preparatning savdo nomi: Sermin
Ta‘sir etuvchi modda (XPN): aminokislotalar
Dori shakli: vena ichiga yuborish uchun eritma.
Tarkibi:
Har 1000 ml eritma quyidagilarni saqlaydi:
faol moddalar:
L-prolin 1,00 mg;
L-serin 1,00 mg;
L-alanin 2,00 mg;
L-izoleysin 3,52 mg;
L-leysin 4,90 mg;
L-asparagin kislotasi 2,50 mg;
L-tirozin 0,25 mg;
L-glutamin kislotasi 0,75 mg;
L-fenilalanin 5,33 mg;
L-arginin gidroxloridi 5,00 mg;
L-lizin gidroxloridi 4,30 mg;
L-valin 3,60 mg;
L-treonin 2,50 mg;
L-gistidin gidroxloridi 2,50 mg;
L-triptofan 0,90 mg;
L-metionin 2,25 mg;
L-sistin 0,10 mg;
L-glisin 7,60 mg;
Sorbitol 50,00 mg;
yordamchi moddalar: natriy bisulfiti – 0,50 mg; in‘eksiya uchun suv – q.s.
Ta‘rifi: tiniq, rangsiz yoki och-sariq rangli eritma.
Farmakoterapevtik guruhi: parenteral oziqlantirish uchun vosita.
ATX kodi: V05VA01.
Farmakologik xususiyatlari
Sermin – parenteral oziqlantirish uchun qo‘llanadigan preparat (aminokislotalar eritmasi).
Sermin preparatining tarkibiga kiruvchi aminokislotalar tabiiy fiziologik komponentlar hisoblanadi. Parenteral yuborilgandan so‘ng ular organizmning erkin aminokislotalar zaxirasiga o‘tadi va barcha metabolik jarayonlarda ishtirok etadi, xususan oqsillar gormonlar va antitelalar sintezi uchun ishlatiladi. To‘qimalarni bitishini tezlashtirish va normal fiziologik faoliyatlarni tiklanishi uchun qo‘llanadi.
Farmakokinetikasi
Vena ichiga yuboriladigan aminokislotalarning farmakokinetik xarakteristikalari organizmga ovqat bilan tushuvchi aminokislotalar kabi bir xildir. Ammo ovqatdagi oqsillarning aminokislotalari avval jigarning portal venasiga, so‘ngra tizimli qon oqimiga tushadi, vena ichiga yuboriladigan aminokislotalar esa bevosita qon oqimiga tushadi.
Aminokislotalar qon tomirlardan hujayralararo suyuqlikka taqsimlanadi va turli to‘qimalarning hujayralari ichiga o‘tadi.
Qon plazmasi va to‘qimalardagi erkin aminokislotalarning konsentrasiyasi bemorning yoshi, oziqlanishi va klinik holatiga qarab, tor doiradagi endogen mexanizmlar tomonidan boshqariladi.
Sermin sekin yuborilganida aminokislotalarning fiziologik zahirasini ahamiyatli darajada o‘zgartirmaydi.
Infuziya yo‘li bilan yuborilgan aminokislotalarning faqat ko‘p bo‘lmagan qismi buyraklar orqali chiqariladi.
Qo‘llanilishi
- To‘liq yoki qisman parenteral oziqlantirish;
- peroral yoki enteral oziqlantirishni imkoni bo‘lmaganida, yetarli darajada bo‘lmaganida yoki qo‘llash mumkin bo‘lmaganida, organizmda oqsil yo‘qotilishini oldini olish va davolash;
- xushsiz holatda yoki koma holatida ovqat qabul qilish imkoni bo‘lmaganida;
- operasiyadan oldingi va keyingi davrda: operasiya vaqtidagi turli asoratlar (ko‘p qon yo‘qotish, klinik o‘lim va boshqalar) va operasiyadan keyingi turli asoratlar (yiringli-septik asoratlar, yaxshi qo‘yilmagan choklar, tromboemboliya); o‘rtacha va og‘ir darajadagi jarohatlar: kuchli plazmoreya va yiringlash bilan kechuvchi barcha darajadagi kuyishlar; qizilo‘ngach yoki me‘dani o‘yuvchi moddalar bilan jaroxatlanishi; me‘da-ichak yo‘llari stenozi; diffuz peritonit; osteomielit; oqsil-energetik yetishmovchiligi (tana vaznini tanqisligi, trofik buzilishlar, ko‘p suyaklarni sinishi) bo‘lgan bemorlarda operasiyadan keyin O‘SV (IVL) apparatida uzoq bo‘lish;
- odatdagi oziqlantirishni istisno qiluvchi nevrologik va ruhiy kasalliklar;
- yaqqol ifodalangan intoksikasiya, yuqori harorat, davomli diareya sindromi, nospesifik yarali kolit, malabsorbsiya sindromi holatlari bilan kechuvchi og‘ir darajadagi infeksion kasalliklar.
- nefropatiya, amiloidoz;
- OITS-infeksiya;
- transplantasiya;
- og‘ir darajadagi oqsil-energetik yetishmovchilikni barcha etiologik va klinik shakllari (alimentar, endokrin, psixogen, rakli kaxeksiya va boshqalar).
- bosh miya jarohatlari;
- jigar sirrozida qo‘llanadi.
Qo‘llash usuli va dozalar
Dozasi shifokorning buyurtmasi bo‘yicha tanlanadi, vena ichiga sekin 250 ml yoki 500 ml dan yuboriladi.
Umumiy sutkalik dozasi klinik xulosalarga (azot va suv muvozanatini monitoringi) muvofiq oqsilni kundalik talabiga bog‘liq.
Keksa pasientlar uchun, shuningdek jigar va buyrak faoliyatini buzilishlari bo‘lgan pasientlarga dozani individual ravishda tanlash talab etiladi.
Nojo‘ya ta‘sirlari
Parenteral yuborilganida shishlar, mochevinani oshishi va ahamiyatsiz darajadagi asidoz kuzatiladi.
Noto‘g‘ri yuborilganida isitma paydo bo‘lishi, yuborilgan joyda yallig‘lanish, flebit va trombozlar, transsudasiya va gipervolemiya paydo bo‘lishi mumkin.
Yuborilganda issiqlik hissi va eritema kabi maxalliy reaksiyalar kam paydo bo‘ladi.
Allergik reaksiyalar, trombozlar va flebitlar aynan bir joyga boshqa dori preparati yuborilganida paydo bo‘lishi mumkin.
Juda kam hollarda ko‘ngil aynishi, qusish, ko‘krak sohasida yoqimsiz hislar, taxikardiya, et uvishishi, qizib ketish yoki bosh og‘rishi paydo bo‘lishi mumkin.
Og‘ir darajadagi nojo‘ya reaksiyalar paydo bo‘lganida yuborishni to‘xtatish va shoshilinch yordam muolajalarini o‘tkazish kerak.
Qo‘llash mumkin bo‘lmagan holatlar
Aminokislotalar metabolizmini buzilishi, anuriya, jigar komasi, og‘ir darajadagi jigar va buyrak yetishmovchiligi, uremiyada qo‘llash mumkin emas.
Preparatning komponentlariga o‘ta yuqori sezuvchanlikda qo‘llash mumkin emas.
Metabolik asidozda va yurak yetishmovchiligida ehtiyotkorlik bilan qo‘llash kerak.
Dorilarning o‘zaro ta‘siri
Parenteral oziqlantirish uchun qo‘llanadigan preparatni antibiotiklar, gormonal preparatlar, gipertenziv vositalar bilan aralashtirish mumkin emas, ularni alohida turli venalarga yoki Y-shaklli konnektor yordamida yuborish kerak.
Preparatni va qon preparatlarini qon quyish uchun mo‘ljallangan bir tizim orqali infuziya qilish mumkin emas, chunki soxta agglyusinasiya rivojlanish ehtimoli bor.
Insulinni aminokislotalar eritmasi bilan aralashtirish insulinning faolligini pasaytirmaydi, 20-50 TB insulinni 1000 ml preparat eritmasi bilan aralashmasi 24 soat davomida barqaror bo‘lib qoladi. Bu vaqt o‘tishi bilan eritma yuzasida insulin kristallari paydo bo‘ladi. Insulinning kichik dozalarini qo‘llash eritmaning barqarorligiga ta‘sir qilmaydi.
Maxsus ko‘rsatmalar
Glyukoza va elektrolitlarning darajasi, osmotik bosim, qondagi ammiakni miqdori, rN ahamiyati, gematokrit va leykositlarning darajasi, azot, kislota-ishqor va suv muvozanati kabi ko‘rsatkichlarni monitoringini o‘tkazish tavsiya etiladi. Jigar va buyrakning holatini tekshirish kerak.
Gipergidratasiyada yurak faoliyatini buzilishi, shuningdek buyrak va nafas yetishmovchiligi bo‘lgan pasientlarda ehtiyotkorlik bilan qo‘llash kerak.
Jigar yetishmovchiligi bo‘lgan pasientlarga preparatni yuborish aminokislotalar metabolizmini buzilishiga, giperammoniemiyaga va komaga olib kelishi mumkin.
Giperammoniemiya ko‘pincha bolalarda kuzatiladi. Ammiakning darajasini nazorat qilish talab etiladi. Giperammoniemiyaning belgilari paydo bo‘lganida preparatni yuborishni to‘xtatish va shoshilinch yordam choralarini o‘tkazish kerak.
Buyrak faoliyatini buzilishi bo‘lgan pasientlarga preparat yuborish organizmda elektrolitlarni ushlanib qolishini chaqiradi.
Elektrolitlar muvozanati ahamiyatli darajada siljiganida elektrolitlarni yuborish talab qilinadi.
Preparatning katta hajmi yoki elektrolitlar eritmasi bilan birga yuborilganida, elektrolitlar va kislota-ishqor muvozanatini monitoringini o‘tkazish kerak.
Kerakli kaloriyani tutib turish uchun glyukozani yuborish tavsiya etiladi. Glyukozaning konsentrasiyalangan eritmalari yuborilganda giperglikemiya, glyukozuriya va giperosmolyar sindrom kuzatilishi mumkin. Qonda va siydikda glyukozaning miqdorini nazorat qilish kerak. Glyukozaning konsentrasiyalangan eritmalarini yuborish to‘satdan to‘xtatilganida insulinli samara paydo bo‘lishi mumkin.
Yuborish tezligini nazorat qilish kerak.
Preparat sovutilganida kristallanadi. Bunday hollarda preparatni yuborishdan oldin eritmani 60°S haroratdacha ilitish va kristallarni butunlay erigunigacha chayqatish kerak.
O‘rami butun bo‘lmaganda, rangini o‘zgarishi, mog‘or bosishi, cho‘kma tushishi aniqlanganida ishlatilmasin.
Flakon ochilgandan so‘ng darhol ishlatilsin. Faqat bir marta qo‘llash uchun mo‘ljallangan. Yaroqlilik muddati tugagan preparat ishlatilmasin. Faqat tiniq, tarkibida zarrachalar saqlamagan, shikastlanmagan konteynerdagi eritmani ishlating. Flakonda qolgan, ishlatilmagan eritmaning qoldig‘i va infuziyadan so‘ng qolgan barcha aralashmani tashlab yuborish kerak.
Homiladorlik davrida qo‘llanilishi
Hayvonlarda va odamlarda homiladorlik davrida preparatni qo‘llash xavfsizligi bo‘yicha maxsus tadqiqotlar o‘tkazilmagan. Sermin preparatini homilador ayollarga yuborishdan oldin “xavf-foyda” nisbatini baholash kerak.
Emizish davrida qo‘llanishi
Laktasiya davrida preparatni qo‘llash xavfsizligi bo‘yicha maxsus tadqiqotlar o‘tkazilmagan. Sermin preparatini emizikli ayollarga yuborishdan oldin “xavf-foyda” nisbatini baholash kerak.
Pediatriyada qo‘llanishi
Sermin preparatini bolalarda qo‘llash yuzasidan klinik tadqiqotlar o‘tkazilmagan.
Keksalar: Buyrak faoliyatini uzluksiz monitoringi, suv va elektrolitlar muvozanatini nazorat qilish talab etiladi. Har bir keksa yoshli pasient uchun preparatning dozasini klinik holatiga qarab individual ravishda tanlash kerak.
Avtotransportni boshqarish yoki boshqa mexanizmlar bilan ishlashda reaksiya tezligiga ta‘sir qilish xususiyati
Ta‘sir qilmaydi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.
Dozani oshirib yuborilishi
Simptomlari: nojo‘ya reaksiyalarni kuchayishi.
Davolash: davolash kursini to‘xtatish va simptomatik davolashni boshlash kerak.
Chiqarilish shakli
Birlamchi o‘rami: 100, 250 ml va 500 ml dan shisha flakonlarda.
Ikkilamchi o‘ram: Shisha flakon va qo‘llash bo‘yicha yo‘riqnomasi bilan birga karton qutida.
Saqlash sharoiti
Germetik yopiq, salqin va yorug‘likdan himoyalangan joyda, 25°S dan yuqori bo‘lmagan haroratda saqlansin.
Yaroqlilik muddati
2 yil.
Dorixonalardan berish tartibi
Resept bo‘yicha.
