ANDIPAL AVEKSIMA tabletkalari N10

Metamizol natriy: me'da-ichak traktida yaxshi va tez so'riladi. Ichak devorida faol metabolit hosil qilib gidrolizlanadi, o'zgarmagan metamizol natriy qonda yo'q (faqat vena ichiga yuborilgandan so'ng uning ozgina kontsentratsiyasi plazmada aniqlanadi). Faol metabolitning oqsillar bilan bog'lanishi - 50-60%. Jigarda metabolizmga uchraydi, buyraklar orqali chiqariladi. Terapevtik dozalarda ona sutiga o'tadi.

Fenobarbital: ichga qabul qilinganda fenobarbital to'liq, ammo nisbatan sekin so'riladi. Qondagi maksimal kontsentratsiya qabul qilinganidan 1-2 soat o'tgach kuzatiladi. Taxminan 50% plazma oqsillari bilan bog'lanadi. Preparat turli a'zolar va to'qimalarda bir xil taqsimlanadi; uning kichik kontsentratsiyalari miya to'qimalarida aniqlanadi. Kattalarda yarim chiqarilish davri 2-4 sutkani tashkil qiladi. Organizmdan sekin ajralib chiqadi, bu kumulyatsiya uchun sharoit yaratadi. Jigar mikrosomal fermentlari tomonidan metabolizmga uchraydi. Buyraklar orqali faol bo'lmagan metabolitlar shaklida, 25-50% - o'zgarmagan holda chiqariladi.

Bendazol: biologik kira olishligi taxminan 80%, bendazolning qondagi biotransformatsiya mahsulotlari bendazol imidazol halqasining iminoguruhini metillanishi va karboetoksillanishi natijasida hosil bo'lgan ikkita konyugatdir: 1-metil-2-benzilbenzimidazol va 1-karboetoksi-2-benzilbenzimidazol. Bendazol metabolitlari siydik bilan chiqariladi.

Papaverin gidroxloridi: biologik kira olishligi o'rtacha - 54%. Plazma oqsillari bilan bog'lanishi - 90%. Yaxshi taqsimlanadi, gistogematik to'siqlar orqali o'tadi. Jigarda metabolizmga uchraydi. Yarim chiqarilish davri - 0,5-2 soat (24 soatgacha uzayishi mumkin). Buyraklar orqali metabolitlar ko'rinishida chiqariladi. Gemodializda qondan to'liq chiqariladi.

Keltirilgan nojo'ya ta'sirlarning tezligi JSST tasnifiga muvofiq ko'rsatilgan: juda tez-tez - 10% dan ortiq; tez-tez - 1% dan ortiq va 10% dan kam; tez-tez emas - 0,1% dan ortiq va 1% dan kam; kam hollarda - 0,01% dan ortiq va 0,1% dan kam; juda kam hollarda - 0,01% dan kam, shu jumladan alohida holatlar; uchrash tezligi noma'lum - mavjud ma'lumotlar bo'yicha paydo bo'lish tezligini aniqlash imkoni bo'lmagan.

Andipal uchun:

Hozirgi vaqtga qadar ushbu kombinatsiyani qabul qilganda nojo'ya ta'sirlar haqida xabar berilmagan. Quyida sanab o'tilgan mumkin bo'lgan nojo'ya ta'sirlarning paydo bo'lish tezligi noma'lum.

Markaziy asab tizimi tomonidan: uyquchanlik, psixomotor reaksiyalar tezligining pasayishi. Ovqat hazm qilish tizimi tomonidan: ko'ngil aynishi, qabziyat.

Yurak-qon tomir tizimi tomonidan: arterial gipotenziya.

Allergik reaksiyalar.

Uzoq vaqt qo'llanilganda: leykopeniya, agranulotsitoz, jigar va buyrak funktsiyasining buzilishi.

Metamizol natriy uchun: .

Teri qoplamalari tomonidan: tez-tez emas - turg'un dorili toshma; kam hollarda - toshma (masalan, makulyoz-papulyoz); juda kam hollarda: Stivens-Djonson sindromi, toksik epidermal nekroliz.

Siydik chiqarish tizimi tomonidan: juda kam hollarda - buyrak funktsiyasining o'tkir buzilishi, bu juda kam hollarda proteinuriya, oligo- yoki anuriya va o'tkir buyrak yetishmovchiligi, o'tkir interstitsial nefritga olib kelishi mumkin.

Qon yaratish a'zolari tomonidan: kam hollarda - leykopeniya; juda kam hollarda - agranulotsitoz, shu jumladan o'lim bilan yakunlangan holatlar, trombotsitopeniya; uchrash tezligi noma'lum - aplastik anemiya, pantsitopeniya, shu jumladan o'lim bilan yakunlangan holatlar.*

*Bu reaksiyalar metamizol natriy oldin asoratlar keltirib chiqarmagan bo'lsa ham paydo bo'lishi mumkin. Agar metamizol natriy bir haftadan ortiq qo'llanilganda agranulotsitoz xavfining oshishi belgilari mavjud. Bu reaksiya dozaga bog'liq bo'lmagan xarakterga ega va davolashning har qanday vaqtida paydo bo'lishi mumkin. U yuqori isitma, qaltirash, tomoqda og'riq, yutishda og'riq, og'iz bo'shlig'i, burun, tomoq, genital va anal soha shilliq qavatlarining yallig'lanishi bilan namoyon bo'ladi. Biroq antibiotiklar qo'llanilganda bu hodisalar kuchsiz ifodalangan bo'lishi mumkin. Limfa tugunlari va taloqning biroz kattalashishi qayd etiladi yoki u umuman yo'q. Eritrotsitlar cho'kish tezligi sezilarli darajada oshadi, granulotsitlar miqdori keskin kamaygan yoki ular aniqlanmaydi. Qoida tariqasida, lekin har doim ham emas, gemoglobin, eritrotsitlar va trombotsitlarning normal ko'rsatkichlari saqlanib qoladi. Davolash taktikasi preparatni darhol bekor qilishni nazarda tutadi, ya'ni agar umumiy holatning kutilmagan yomonlashuvi qayd etilsa, isitma pasaymasa yoki shilliq qavatlarda, ayniqsa og'izda, burunda yoki tomoqda yangi yoki og'riqli yaralar paydo bo'lsa, laboratoriya tekshiruvlari natijalarini kutmasdan preparatni darhol bekor qilish kerak. Pantsitopeniya paydo bo'lganda preparatni darhol bekor qilish va qon umumiy tahlili ko'rsatkichlari normaga qaytguniga qadar nazorat qilish kerak.

Yurak-qon tomir tizimi tomonidan: tez-tez emas - qon bosimining izolyatsiyalangan pasayishi (ehtimol farmakologik shartlangan va anafilaktik/anafilaktoid reaksiyalarning boshqa ko'rinishlari bilan birga kelmaydigan). Qon bosimining pasayishi keskin ifodalangan bo'lishi mumkin. Isitmada ham o'ta yuqori sezuvchanlik reaksiyasining boshqa belgilarisiz dozaga bog'liq qon bosimining keskin pasayishi mumkin.

Allergik reaksiyalar: kam hollarda - anafilaktoid yoki anafilaktik reaksiyalar;** juda kam hollarda - analgetik bronxial astma. Analgetik bronxial astmasi bo'lgan bemorlarda o'zlashtira olmaslik, qoida tariqasida, bronxial astma xurujlari bilan namoyon bo'ladi; uchrash tezligi noma'lum: anafilaktik shok.**

**Bu reaksiyalar ayniqsa metamizol natriy parenteral yuborilganda xos bo'lib, og'ir bo'lishi va hayotga xavf solishi, ba'zi hollarda o'limga olib kelishi mumkin. Bu reaksiyalar metamizol natriy oldin asoratlar keltirib chiqarmagan bo'lsa ham paydo bo'lishi mumkin. Bu reaksiyalar yuborish paytida yoki yutishdan keyin darhol paydo bo'lishi yoki bir necha soatdan keyin rivojlanishi mumkin. Biroq asosan ular qo'llashdan keyingi birinchi soat ichida paydo bo'ladi. Yengilroq hollarda ular teri va shilliq qavatlarda toshmalar (masalan, qichishish, achishish, qizarish, pufakchalar va shish), hansirash va kamdan-kam hollarda oshqozon-ichak buzilishlari bilan namoyon bo'ladi. Og'ir hollarda bu yengil reaksiyalar tarqalgan eshakemi, og'ir angionevrotik shish (shu jumladan halqum), og'ir bronxospazm, yurak ritmi buzilishi, arterial gipotenziya (ba'zi hollarda undan oldin qon bosimi oshishi mumkin), shokka o'tishi mumkin. Shu munosabat bilan teri reaksiyalarining birinchi belgilari paydo bo'lganda preparatni bekor qilish kerak.

Boshqalar: uchrash tezligi noma'lum: siydikning qizil rangga bo'yalishi haqida xabar berilgan, bu past konsentratsiyadagi rubazon kislotasi (metamizol natriy metaboliti) mavjudligi bilan bog'liq bo'lishi mumkin.

Fenobarbital uchun:

Markaziy asab tizimi tomonidan: uchrash tezligi noma'lum - asteniya, bosh aylanishi, umumiy holsizlik, ataksiya, nistagm, paradoksal reaksiya (ayniqsa keksa va holsizlangan bemorlarda - qo'zg'alish), gallyutsinatsiyalar, depressiya, «dahshatli» tushlar, sinkope.

Ovqat hazm qilish tizimi tomonidan: uchrash tezligi noma'lum - qusish, uzoq vaqt qo'llanilganda jigar funktsiyasining buzilishi.

Qon yaratish a'zolari tomonidan: uchrash tezligi noma'lum - agranulotsitoz, megaloblast anemiya, trombotsitopeniya.

Allergik reaksiyalar: uchrash tezligi noma'lum - teri toshmasi, eshakemi, qovoq, yuz va lab shishi, nafas olishning qiyinlashishi, kam hollarda - eksfoliativ dermatit, xavfli ekssudativ eritema (Stivens-Djonson sindromi).

Boshqalar: uchrash tezligi noma'lum - uzoq vaqt qo'llanilganda dori qaramligi.

Bendazol uchun:

Sanab o'tilgan ta'sirlar katta dozalarda qo'llanilganda namoyon bo'ladi. Doza kamaytirilganda yoki preparat bekor qilinganda aytilgan nojo'ya hodisalar tez o'tadi.

Markaziy asab tizimi tomonidan: uchrash tezligi noma'lum - bosh aylanishi, bosh og'rig'i.

Teri qoplamalari tomonidan: uchrash tezligi noma'lum - terlashning kuchayishi.

Ovqat hazm qilish tizimi tomonidan: uchrash tezligi noma'lum - ko'ngil aynishi.

Papaverin gidroxloridi uchun:

Markaziy asab tizimi tomonidan: tez-tez - uyquchanlik.

Teri qoplamalari tomonidan: tez-tez - teri toshmasi (odatda eritematoz, eshakemi), tez-tez emas - teri qichishishi, kam hollarda - kuchli terlash.

Ovqat hazm qilish tizimi tomonidan: tez-tez - ko'ngil aynishi, qabziyat, tez-tez emas - «jigar» transaminazalari faolligining oshishi.

Yurak-qon tomir tizimi tomonidan: tez-tez - qon bosimining pasayishi, tez-tez emas - qorinchalar ekstrasistoliyasi.

Qon yaratish a'zolari tomonidan: juda kam hollarda - eozinofiliya.

Shifokor maslahatisiz 3 kundan ortiq qo'llanilmasin.

3 kun ichida samara bo'lmaganda preparat qabul qilishni to'xtatish va shifokorga murojaat qilish kerak. 18 yoshgacha bo'lgan bolalar va o'smirlarga preparatni faqat shifokor tayinlovi bo'yicha qo'llash kerak.

Keksa va zaiflashgan bemorlar: keksa bemorlarga dozani kamaytirish kerak, chunki ularda metamizol natriy metabolitlarining chiqarilishi pasaygan bo'lishi mumkin. Surunkali buyrak kasalligi (SBK) va kreatinin klirensi (KK) buzilishi: SBK va KK buzilishi bo'lgan bemorlarga dozani kamaytirish kerak, chunki ularda metamizol natriy metabolitlarining chiqarilishi pasaygan bo'lishi mumkin.

Jigar yetishmovchiligi: jigar funksiyasi buzilgan bemorlarda preparat chiqarilishi tezligi pasayishi sababli, yuqori dozalarni ko'p marta qabul qilishdan saqlanish kerak. Qisqa muddat qo'llanilganda dozani kamaytirish talab etilmaydi. Uzoq muddat qo'llash tajribasi yo'q.

Anafilaktik/anafilaktoid reaksiyalar: metamizol natriyga yuqori sezuvchanlik reaksiyalari rivojlanishi xavfini quyidagi holatlar oshiradi - analgetik bronxial astma yoki analgetiklarni ko'tara olmaslik (eshakemi-angionevrotik shish turi bo'yicha); bronxial astma, ayniqsa rinosinusit va burun polipozi bilan kechuvchi; surunkali eshakemi; bo'yoqlar (masalan, tartrazin) yoki konservantlarni (masalan, benzoatlar) ko'tara olmaslik; alkogolni ko'tara olmaslik, buning fonida hatto oz miqdordagi alkogolli ichimliklarni qabul qilganda ham bemorlarda aksirish, ko'z yoshlanishi va yuzning yaqqol qizarishi yuzaga keladi. Alkogolni ko'tara olmaslik avval aniqlanmagan analgetik bronxial astmadan dalolat berishi mumkin. Ta'sirchan bemorlarda anafilaktik shok yuzaga kelishi mumkin, shuning uchun bronxial astma yoki atopiyasi bo'lgan bemorlarda alohida ehtiyotkorlikka rioya qilish kerak.

Og'ir teri reaksiyalari: metamizol natriy qo'llash fonida hayot uchun xavfli teri reaksiyalari - Stivens-Djonson sindromi (SDS) va toksik epidermal nekroliz (TEN) ta'riflangan. SDS yoki TEN belgilari (masalan, kuchayib boruvchi teri toshmasi, ko'pincha pufakchalar yoki shilliq qavat yaralanishi bilan kechuvchi) paydo bo'lganda davolashni darhol to'xtatish va uni hech qachon qayta boshlamaslik kerak.

Izolyatsiyalangan gipotenziv reaksiyalar:

Metamizol natriy gipotenziv reaksiyalarni chaqirishi mumkin («Nojo'ya ta'siri» bo'limiga qarang). Bu reaksiyalar dozaga bog'liq xarakterga ega bo'lishi mumkin. Ular peroral qabul qilishdan ko'ra parenteral yuborish uchun xosroqdir. Bunday reaksiyalar xavfi quyidagi hollarda ham oshadi: oldingi arterial gipotenziya, aylanib yuruvchi qon hajmining kamayishi yoki degidratatsiya, nostabil gemodinamika yoki qon aylanishining o'tkir buzilishi (masalan, miokard infarkti yoki travmasi bo'lgan bemorlarda), yuqori isitmasi bo'lgan bemorlarda. Shu munosabat bilan bunday bemorlarda batafsil diagnostika o'tkazish va ular ustidan sinchkovlik bilan kuzatuv o'rnatish kerak. Gipotenziv reaksiyalar xavfini kamaytirish maqsadida preventiv choralar (masalan, yurak-qon tomir reanimatsiyasi) talab qilinishi mumkin. Qon bosimining pasayishiga har qanday yo'l bilan yo'l qo'ymaslik kerak bo'lgan bemorlarda (masalan, og'ir yurak ishemik kasalligi yoki miya arteriyalarining ahamiyatli stenozi bo'lgan), metamizol natriyni faqat gemodinamik parametrlarni sinchkovlik bilan kuzatgan holda qo'llashga ruxsat beriladi.

Qorinda og'riq: qorindagi o'tkir og'riqlarni qoldirish uchun preparatni qo'llash mumkin emas (ularning sababi aniqlangungacha).

Transport vositalarini boshqarish va mexanizmlar bilan ishlash qobiliyatiga ta'siri

Davolash vaqtida transport vositalarini boshqarish, mexanizmlar bilan ishlash va yuqori diqqatni jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug'ullanishdan voz kechish kerak.

Yuqori sezuvchanlik (shu jumladan pirazolon hosilalariga); suyak iligi qon yaratishining susayishi; yaqqol jigar va/yoki buyrak yetishmovchiligi; glyukoza-6-fosfatdegidrogenaza tanqisligi; 8 yoshdan kichik bolalar, homiladorlik, laktatsiya davri, taxiaritmiyalar, III-IV funktsional sinf zo'riqish stabil stenokardiyasi, nostabil stenokardiya, spontan stenokardiya, kollaps, dekompensatsiyalangan surunkali yurak yetishmovchiligi; yopiq burchakli glaukoma; prostata bezi giperplaziyasi; ichak tutilishi, megakolon, obstruktiv sindrom bilan kechuvchi respirator kasalliklar; atsetilsalitsil kislotasi, salitsilatlar va boshqa nosteroid yallig'lanishga qarshi preparatlarni qabul qilish bilan qo'zg'atilgan bronxial astma; atrioventrikulyar o'tkazuvchanlikning buzilishi; komatoz holat; nafas olishning susayishi; keksa yosh; mushak tonusining oshishi bilan kechuvchi kasalliklar, tirishish sindromi, porfiriya (shu jumladan anamnezda), miasteniya, alkogol yoki giyohvandlikka qaramlik.

Ehtiyotkorlik bilan

Arterial gipotenziya, periferik qon kasalliklari, jigar yetishmovchiligi.

Homiladorlik va emizish davrida qo'llanilishi

Preparat homiladorlikda va emizish davrida qo'llash mumkin emas.

Homiladorlik

Metamizol natriyni homiladorlik vaqtida qo'llash bo'yicha ma'lumotlar cheklangan. Metamizol natriy platsenta orqali o'tadi. Klinik oldi tadqiqotlari natijalariga ko'ra metamizol natriyning teratogen ta'siri aniqlanmagan. Metamizol natriy prostaglandinlar sintezini kuchsiz ingibirlashiga qaramay, arterial yo'lning muddatidan oldin (bachadon ichki) yopilishini, shuningdek ona yoki yangi tug'ilgan chaqaloqda trombotsitlar agregatsiyasining buzilishi bilan bog'liq perinatal asoratlarni istisno qilib bo'lmaydi.

Emizish davri

Metamizol natriy metabolitlari ko'krak sutiga o'tadi, shuning uchun preparat qo'llanilganda, shuningdek oxirgi doza qabul qilingandan/yuborilgandan keyin 48 soat davomida emizishdan voz kechish kerak

Andipal uchun: nitratlar (nitroglitserin, nitrosorbid, sustak va b.), kaltsiy kanallari blokatorlari (nifedipin, korinfar va b.), beta-adrenoblokatorlar (anaprilin, metoprolol, talinolol va b.), ganglioblokatorlar (pentamin va b.), diuretiklar (furosemid, gipotiazid va b.), miotrop spazmolitiklar (dipiridamol, eufillin va b.) bilan kombinatsiya ko'rsatilgan preparatlarning gipotenziv ta'sirini kuchaytiradi. Boshqa nonarkotik analgetiklar bilan bir vaqtda qo'llash toksik samaralarning o'zaro kuchayishiga olib kelishi mumkin. Adsorbentlar, biriktiruvchi va o'rab oluvchi vositalar bilan birga qo'llash preparatning me'da-ichak traktida so'rilishini kamaytiradi.

Metamizol natriy uchun: siklosporinning plazma konsentratsiyasini pasayishiga olib kelishi mumkin, shuning uchun ular bir vaqtda qo'llanilganda siklosporin konsentratsiyasini nazorat qilish kerak. Metamizol natriy va xlorpromazin bir vaqtda qo'llanilganda og'ir gipotermiya rivojlanishi mumkin. Metamizol natriy va metotreksat yoki boshqa mielotoksik vositalarni bir vaqtda qo'llash oxirgisining gematotoksikligini kuchaytirishi mumkin, ayniqsa keksa yoshdagi bemorlarda. Shuning uchun bunday kombinatsiyadan qochish kerak. Metamizol natriyni boshqa nonarkotik og'riqsizlantiruvchi vositalar bilan bir vaqtda qo'llash toksik samaralarning o'zaro kuchayishiga olib kelishi mumkin. Tritsiklik antidepressantlar, peroral kontratseptivlar, allopurinol jigarda metamizol natriy metabolizmini buzadi va uning toksikligini oshiradi. Barbituratlar, fenilbutazon va jigar mikrosomal fermentlarining boshqa induktorlari metamizol natriy ta'sirini susaytiradi. Sedativ vositalar va trankvilizatorlar metamizol natriyning og'riqsizlantiruvchi ta'sirini kuchaytiradi. Metamizol natriy peroral gipoglikemik vositalar, bilvosita antikoagulyantlar, glukokortikosteroidlar va indometatsinni plazma oqsillari bilan bog'lanishdan siqib chiqarib, ularning faolligini oshiradi.

Timazol leykopeniya rivojlanish xavfini oshiradi. Kodein, H2-gistamin retseptorlari blokatorlari va propranolol metamizol natriy samaralarini kuchaytiradi. Bir vaqtda qo'llanilganda metamizol natriy asetilsalitsil kislotasining trombotsitlar agregatsiyasiga ta'sirini kamaytirishi mumkin. Shuning uchun ushbu kombinatsiyani asetilsalitsil kislotasini antiagregant vosita sifatida qabul qilayotgan bemorlarni davolashda ehtiyotkorlik bilan qo'llash kerak. Metamizol natriy qonda bupropion konsentratsiyasini kamaytirishi mumkin, buni bir vaqtda qo'llashda hisobga olish kerak. Ma'lumki, pirazolon hosilalari bilvosita antikoagulyantlar, kaptopril, litiy va triamteren bilan o'zaro ta'sirlashishi, shuningdek gipotenziv vositalar va diuretiklar samaradorligiga ta'sir qilishi mumkin. Metamizol natriyning ushbu dori preparatlari bilan dori vositalari o'zaro ta'siri hozircha o'rganilmagan.

Anafilaktik/anafilaktoid reaksiyalar rivojlanishining yuqori xavfi tufayli metamizol natriy bilan davolash vaqtida rentgenokontrast moddalar, kolloid qon o'rnini bosuvchilar va penitsillinni qo'llamaslik kerak.

Fenobarbital uchun: fenitoin va valproatlar qon zardobida fenobarbital miqdorini oshiradi. Fenobarbitalning tirishishga qarshi ta'siri rezerpin bilan bir vaqtda qabul qilinganda pasayadi, amitriptilin, nialamid, diazepam, xlordiazepoksid bilan birikmada oshadi. Peroral kontratseptivlar va salitsilatlar samaradorligini kamaytiradi. Qonda bilvosita antikoagulyantlar, glukokortikosteroidlar, grizeofulvin, doksitsiklin, estrogenlar va jigarda oksidlanish yo'li bilan metabolizmga uchraydigan boshqa dori vositalarining miqdorini kamaytiradi (ularning parchalanishini tezlashtiradi). Alkogol, neyroleptiklar, narkotik analgetiklar, miorelaksantlar, sedativ va uxlatuvchi vositalar ta'sirini kuchaytiradi. Asetazolamid siydikni ishqoriylashtirib, buyraklarda fenobarbital reabsorbtsiyasini kamaytiradi va uning samarasini susaytiradi. Fenobarbitalning uxlatuvchi ta'siri atropin, belladonna ekstrakti, dekstroza, tiamin, nikotin kislotasi, analeptiklar va psixostimulyator preparatlar bilan bir vaqtda qabul qilinganda pasayadi. Antibiotiklar va sulfanilamidlarning antibakterial faolligini, grizeofulvinning zamburug'ga qarshi ta'sirini kamaytiradi.

Bendazol uchun: bendazol beta-adrenoblokatorlar tufayli yuzaga kelgan umumiy periferik tomir qarshiligining oshishini oldini oladi. Bendazol va fentolamin bir vaqtda qo'llanilganda bendazolning gipotenziv ta'siri kuchayadi. Bendazol gipotenziv va diuretik vositalarning gipotenziv ta'sirini kuchaytiradi.

Papaverin gidroxloridi uchun: papaverin levodopaning parkinsonizmga qarshi samarasini kamaytiradi. Barbituratlar bilan kombinatsiyada papaverinning spazmolitik ta'siri kuchayadi. Tritsiklik antidepressantlar, novokainamid, rezerpin, xinidin bilan birga qo'llanilganda gipotenziv samara kuchayishi mumkin. Antixolinergik vositalar bilan bir vaqtda qo'llanilganda antixolinergik samaralar kuchayishi mumkin. Intrakavernoz yuborish uchun alprostadil bilan bir vaqtda qo'llanilganda priapizm rivojlanish xavfi mavjud. Metildopaning gipotenziv samarasini kamaytiradi.