ANDIPAL tabletkalari N10

Majmuaviy preparat, vazodilatatsiya qiluvchi, og‘riq qoldiruvchi, spazmolitik va sedativ ta’sir ko‘rsatadi.

Metamizol natriy og‘riqsizlantiruvchi, isitma tushiruvchi va kuchsiz yallig‘lanishga qarshi ta’sirga ega. Spazmolitiklar (bendazol va papaverin gidroxloridi)ning metamizol natriy bilan majmuasi bosh og‘rig‘ida, migrenda oxirgisining og‘riqsizlantiruvchi ta’sirini kuchaytiradi. Preparatda fenobarbital mavjudligi sedativ samara namoyon bo‘lishiga va boshqa komponentlar ta’siri kuchayishiga yordam beradi.

UTQQ (umumiy tomir periferik qarshiligi)ni kamaytirib, arteriolalarga ta’sir qilib, AQBni pasaytiradi, kollateral qon aylanishini yaxshilaydi, yurakka kislorod yetkazib berilishini oshiradi.

Bo'lishi mumkin: allergik reaksiyalar, uyquchanlik, psixomotor reaksiyalar tezligining pasayishi, ko'ngil aynishi, qabziyat, AB pasayishi, leykopeniya, agranulotsitoz, jigar/buyrak faoliyatining buzilishi.

Uzoq muddatli (7 kundan ortiq) qo'llashda periferik qon manzarasi va jigar funksional holatini nazorat qilish zarur.

Transport vositalarini va mexanizmlarni boshqarish qobiliyatiga ta'siri

Davolash davrida diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlari bilan shug'ullanishdan saqlanish zarur.

Og'ir darajadagi buyrak yetishmovchiligi; og'ir jigar yetishmovchiligi; glyukoza-6-fosfatdegidrogenaza tanqisligi; qon kasalliklari; taxiaritmiya; og'ir stenokardiya; arterial gipotenziya; dekompensatsiyalangan surunkali yurak yetishmovchiligi; glaukoma; prostata bezi giperplaziyasi; ichak tutilishi; megakolon; homiladorlik; laktatsiya davri; 8 yoshgacha bo'lgan bolalar; ushbu faol moddalarga yuqori sezuvchanlik.

Nitratlar, kaltsiy kanallari blokatorlari, beta-adrenoblokatorlar, ganglioblokatorlar, diuretiklar (shu jumladan furosemid, gipotiazid), miotrop spazmolitiklar - gipotenziv ta'sirning kuchayishi.

Opioid analgetiklar - nojo'ya ta'sirlar rivojlanish xavfining o'zaro kuchayishi.

Adsorbentlar, burishtiruvchi, o'rab oluvchi dori vositalari - kombinatsiya faol moddalarining MTY dan so'rilishini kamaytiradi.

Muayyan preparatni qo'llash usuli va dozalash rejimi uning chiqarilish shakli va boshqa omillarga bog'liq. Optimal dozalash rejimini shifokor belgilaydi. Qo'llanilayotgan preparatning dori shakli foydalanish ko'rsatmalariga va dozalash rejimiga qat'iy mos kelishiga rioya qilish kerak.