Sefekon

SEFEKON^® D

preparatini tibbiyotda qo‘llash bo‘yicha

YO‘RIQNOMA

Preparatning savdo nomi: Sefekon^® D

Xalqaro patentlanmagan nomi: parasetamol

Dori shakli: bolalar uchun rektal suppozitoriylar.

Tarkibi

Bir suppozitoriy quyidagilarni saqlaydi: faol modda  – parasetamol – 50 mg, 100 mg yoki 250 mg; suppozitoriylar uchun asos: qattiq yog‘ (vitepsol, supposir) – 1,25 g gacha vaznli suppozitoriylarni olish uchun yetarli miqdorda.

Ta‘rifi

Oq yoki och-sariq yoki sarg‘ish tusli oq rangli, torpedasimon shaklli suppozitoriy.

Farmakoterapevtik guruhi

Analgetik nonarkotik vosita

ATX kodi: N02BE01

Farmakologik xususiyatlari

Farmakodinamikasi

Parasetamol og‘riqni qoldiruvchi va haroratni tushiruvchi ta‘sirga ega. Preparat og‘riq va termoregulyasiya markazlariga ta‘sir qilib, markaziy nerv tizimida siklooksigenazani bloklaydi. Yallig‘langan to‘qimalarda xujayra peroksidazalari parasetamolning siklooksigenazaga ta‘sirini neytrallaydi, bu ahamiyatli yallig‘lanishga qarshi samarasini yo‘qligini tushuntiradi.

Periferik to‘qimalarda prostaglandinlar sinteziga bloklovchi ta‘sirini yo‘qligi unda suv-tuz almashinuviga (natriy va suvni tutilishi) va me‘da-ichak yo‘llarining shilliq qavatiga salbiy ta‘sirini yo‘qligini belgilaydi.

Farmakokinetikasi

So‘rilishi yuqori, me‘da-ichak yo‘llaridan tez so‘riladi. Maksimal konsentrasiyaga erishish davri – 30-60 minut. Gematoensefalik to‘siq orqali o‘tadi. Bolalarda va yangi tug‘ilgan chaqaloqlarda biokiraolishligining ko‘rsatkichi kattalardagiga o‘xshash. Jigarda metabolizmga uchraydi.

Yarim chiqarilish davri 2-3 soat. 24 soat davomida parasetamolning 85-95% buyraklar orqali glyukuronidlar va sulfatlar ko‘rinishida, 3% – o‘zgarmagan holda chiqariladi. Parasetamolning eliminasiyasini tezligida va siydik bilan chiqariladigan preparatning umumiy miqdorida, yoshga bog‘liq bo‘lgan ahamiyatli farq yo‘q.

Qo‘llanilishi

3 oylikdan 12 yoshgacha bo‘lgan bolalarda quyidagilarda qo‘llanadi:

– haroratni tushiruvchi vosita sifatida o‘tkir respirator kasalliklarda, grippda, bolalar infeksiyalarida, postvaksinal reaksiyalarda va tana haroratini ko‘tarilishi bilan birga kechuvchi boshqa holatlarda;

– og‘riqni qoldiruvchi vosita sifatida kuchsiz va o‘rtacha jadallikka ega og‘riq sindromida, shu jumladan bosh va tish og‘rig‘ida, mushaklar og‘rig‘i, nevralgiyalarda, jarohatlar va kuyishlardagi og‘riqlarda qo‘llanadi.

1 oylikdan 3 oylikkacha bo‘lgan bolalarda vaksinasiyadan keyingi haroratni tushirish uchun preparatni bir marta qabul qilish mumkin, preparatni barcha ko‘rsatmalar bo‘yicha faqat shifokorning ko‘rsatmasi bo‘yicha qo‘llash mumkin.

Qo‘llash mumkin bo‘lmagan holatlar

O‘ta yuqori sezuvchanlik, yangi tug‘ilgan chaqaloqlik davrida (1 oylikkacha) qo‘llash mumkin emas.

Ehtiyotkorlik bilan

Jigar va buyrak yetishmovchiligi, xavfsiz giperbilirubinemiya (shu jumladan Jilber sindromi), virusli gepatit, jigarning alkogolli shikastlanishi, alkogolizm, homiladorlik, laktasiya davri, glyukozo-6-fosfatdegidro-genazani genetik yo‘qligi, boshqa parasetamol saqlovchi preparatlarni bir vaqtda qabul qilish.

Qo‘llash usuli va dozalari

Rektal buyuriladi. Ichak o‘z holicha bo‘shalganidan keyin yoki tozalovchi klizmadan so‘ng, suppozitoriy kontur uyali o‘ramidan ajratiladi va to‘g‘ri ichakka kiritiladi. Preparatning dozasi jadvalga mos ravishda, yoshi va tana vazniga qarab hisoblanadi. Bir martalik doza bolaning tana vazniga 10-15 mg/kg ni tashkil qiladi, sutkada 2-3 marta, har 4-6 soatda qo‘llanadi. Parasetamolning maksimal sutkalik dozasi bolaning tana vazniga 60 mg/kg dan oshmasligi kerak.

Davolash kursining muddati: haroratni tushiruvchi vosita sifatida 3 kun va og‘riqni qoldiruvchi vosita sifatida 5 kungacha. Zarurati bo‘lganida shifokor bilan maslahatlashgandan so‘ng kursni uzaytirish mumkin.

Nojo‘ya ta‘siri

Allergik reaksiyalar (shu jumladan teri toshmasi).

Boshqa dori vositalari bilan o‘zaro ta‘siri

Jigarda mikrosomal oksidlanish rag‘batlantiruvchilari (fenitoin, etanol, barbituratlar, flumesinol, rifampisin, fenilbutazon, trisiklik antidepressantlar), etanol va gepatotoksik dori vositalar gidroksidlangan faol metabolitlarini hosil bo‘lishini oshiradi, bu hattoki doza biroz oshirib yuborilganida ham og‘ir intoksikasiya rivojlanishiga olib kelishi mumkin. Mikrosomal oksidlanish ingibitorlari (shu jumladan simetidin) gepatotoksik ta‘sir xavfini pasaytiradi. Salisilatlar bilan birga qabul qilinganida parasetamolning nefrotoksik ta‘siri oshadi. Xloramfenikol bilan birga qo‘llash, xloramfenikolning toksik xususiyatlarini oshishiga olib keladi. Bilvosita antikoagulyantlarning ta‘sirini kuchaytiradi, urikozurik preparatlarning samarasini pasaytiradi.

Maxsus ko‘rsatmalar

Isitma 3 kundan ortiq va og‘riq sindromi 5 kundan ortiq davom etsa, davolovchi shifokorga murojaat qilish kerak.

Parasetamolni boshqa parasetamol saqlovchi preparatlar bilan bir vaqtda qo‘llashdan saqlanish kerak, chunki bu parasetamolning dozasini oshirib yuborilishiga olib kelishi mumkin. Preparat 5-7 kundan ortiq qo‘llanganida periferik qon ko‘rsatgichlarini va jigarning funksional holatini nazorat qilish kerak. Parasetamol plazmada glyukoza va siydik kislotasining miqdorini aniqlashdagi tekshiruvlarda laboratoriya ko‘rsatgichlarini soxtalashtiradi.

Dozani oshirib yuborilishi

Simptomlari: qabul qilgandan keyingi birinchi 24 soat davomida – teri qoplamalarini oqarishi, ko‘ngil aynishi, qusish, anoreksiya, abdominal og‘riq; glyukozaning metabolizmini buzilishi, metabolik asidoz. Jigar faoliyatini buzilishining simptomlari doza oshirib yuborilganidan keyin 12-48 soat o‘tgach paydo bo‘lishi mumkin. Og‘ir doza oshirib yuborilishida – zo‘rayib boruvchi ensefalopatiya bilan kechuvchi jigar yetishmovchiligi, koma, o‘lim; tubulyar nekroz bilan o‘tkir buyrak yetishmovchiligi (shu jumladan jigarning og‘ir shikastlanishi yo‘qligida); aritmiya, pankreatit. Kattalarda gepatotoksik samarasi 10 g va ko‘proq qabul qilinganida namoyon bo‘ladi.

Davolash: SH-guruhi donatorlari va glyutation sintezining o‘tmishdoshi – metioninni doza oshirib yuborilganidan keyin 8-9 soat o‘tgach va N-asetilsisteinni – 12 soat o‘tgach yuborish. Keyingi davolash choralarini o‘tkazish kerakligi (keyinchalik yana metioninni yuborish, N-asetilsisteinni vena ichiga yuborish) parasetamolning qondagi konsentrasiyasi, shuningdek uni qabul qilgandan keyingi o‘tgan vaqtga qarab belgilanadi.

Chiqarilish shakli

Sefekon® D bolalar uchun rektal suppozitoriylari 50 mg, 100 mg yoki 250 mg dan. 5 suppozitoriydan kontur uyali o‘ramda; ikki kontur uyali o‘ram preparatni tibbiyotda qo‘llash bo‘yicha yo‘riqnomasi bilan birga karton qutida.

Saqlash sharoiti

Bolalar olaolmaydigan joyda, 20⁰S dan yuqori bo‘lmagan haroratda.

Yaroqlilik muddati

3 yil. Yaroqlilik muddati o‘tganidan keyin ishlatilmasin.

Dorixonalardan berish tartibi

Reseptsiz.

• Preparat 3 oylikdan 12 yoshgacha bo'lgan bolalarda qo'llash uchun mo'ljallangan. 1 oylikdan 3 oylikgacha bo'lgan bolalarda emlashdan keyin haroratni tushirish uchun preparatni bir marta qo'llash mumkin (preparatni boshqa ko'rsatmalar bo'yicha qo'llash imkoniyati shifokor tomonidan individual hal qilinadi). Quyidagi hollarda qo'llaniladi: — O'RVI, gripp, bolalar infektsiyalari, emlashdan keyingi reaktsiyalar va tana harorati ko'tarilishi bilan kechuvchi boshqa holatlarda isitma tushiruvchi vosita sifatida; — kuchsiz va o'rtacha intensivlikdagi og'riq sindromida og'riqsizlantiruvchi vosita sifatida, sh.j.: bosh og'rig'i, tish og'rig'i, mushaklardagi og'riqlar, nevralgiyalar, travmalar va kuyishlardagi og'riqlar.

• — 1 oygacha bo‘lgan yosh; — paratsetamolga yuqori sezuvchanlik. Jigar va buyrak funksiyasi buzilishlarida, Jilber, Dubin-Jonson, Rotor sindromida, qon tizimi kasalliklarida (anemiya, trombotsitopeniya, leykopeniya), glyukoza-6-fosfatdegidrogenaza fermenti tanqisligida preparat ehtiyotkorlik bilan qo‘llaniladi.

• Ovqat hazm qilish tizimi tomonidan: ko'ngil aynishi, qusish, qorinda og'riq bo'lishi mumkin. Allergik reaktsiyalar: teri va shilliq qavatlarda toshma, qichishish, eshakemi, Kvinke shishi. Qon yaratish tizimi tomonidan: kamdan-kam hollarda – anemiya, trombotsitopeniya, leykopeniya, agranulotsitoz. Uzoq muddat yuqori dozalarda qo'llanilganda gepatotoksik va nefrotoksik (interstitsial nefrit va papillyar nekroz) ta'sir, gemolitik anemiya, aplastik anemiya, metgemoglobinemiya, pantsitopeniya rivojlanishi mumkin.

• 100 mg 250 mg 50 mg

• Bolalar uchun rektal suppozitoriylar Bolalar uchun rektal suppozitoriylar

Preparatni qo'llashni boshlashdan oldin yo'riqnomani diqqat bilan o'qing. Yo'riqnomani saqlab qo'ying, u yana kerak bo'lishi mumkin. Agar sizda savollar tug'ilsa, shifokorga murojaat qiling. Siz davolanayotgan dori vositasi shaxsan sizga mo'ljallangan va uni boshqa shaxslarga bermaslik kerak, chunki u hatto sizdagi kabi alomatlar bo'lganda ham ularga zarar yetkazishi mumkin.

Isitma 3 kundan ortiq va og'riq sindromi 5 kundan ortiq davom etsa, davolovchi shifokorga murojaat qilish kerak.

Paratsetamol jiddiy teri reaksiyalarini chaqirishi mumkin, masalan o'tkir generalizatsiyalangan ekzantematoz pustulyoz, Stivens-Djonson sindromi, toksik epidermal nekroliz, ular o'limga olib kelishi mumkin. Teri toshmasi yoki yuqori sezuvchanlik reaksiyalarining boshqa belgilari paydo bo'lganda preparatni qabul qilishni darhol to'xtating va shifokorga murojaat qiling!

Paratsetamolni boshqa paratsetamol saqlovchi preparatlar bilan bir vaqtda qo'llashdan saqlanish kerak, chunki bu paratsetamol dozasini oshirib yuborishni chaqirishi mumkin.

Jigar kasalliklari, surunkali alkogolizm, surunkali oziqlanish yetishmovchiligi (gepatotsitlarda glutation zaxiralari darajasi pastligi bilan bog'liq) bo'lgan bemorlarda va jigar mikrosomal fermentlari induktorlarini qabul qilayotgan bemorlarda doza oshirib yuborilishi xavfi mavjud.

Paratsetamolning sutkalik dozasi kattalarda 4 g dan oshmasligi kerak. Surunkali jigar kasalliklarida, shu jumladan kompensatsiyalangan, paratsetamolning sutkalik dozasi 3 g/sut dan oshmasligi kerak!

Preparat 5-7 kundan ortiq qo'llanilganda periferik qon ko'rsatkichlari va jigar funksional holatini nazorat qilish lozim. Paratsetamol plazmada glyukoza va siydik kislotasini miqdoriy aniqlashda laboratoriya tekshiruvlari ko'rsatkichlarini buzib ko'rsatadi.

Analgetik preparatlarni yuqori dozalarda, qo'llash bo'yicha yo'riqnomani buzgan holda uzoq muddat qo'llash (ayniqsa bir nechta analgetiklar bir vaqtda qo'llanilganda) ushbu preparatlarning yuqori dozalari bilan davolab bo'lmaydigan bosh og'rig'i rivojlanishiga olib kelishi mumkin.

Analgetik preparatlarni uzoq muddat qo'llash (ayniqsa bir nechta analgetiklarni majmuaviy qo'llash) buyrak yetishmovchiligi rivojlanish xavfi bilan buyraklarning qaytmas shikastlanishiga (analgetik nefropatiya) olib kelishi mumkin.

Analgetik preparatlarni yuqori dozalarda uzoq muddat qo'llagandan so'ng keskin bekor qilish bosh og'rig'i, shuningdek charchoq, mushaklarda og'riq, asabiylashish va vegetativ simptomlar rivojlanishiga olib kelishi mumkin. «Bekor qilish» simptomlari bir necha kun ichida kamayadi. Ushbu davr mobaynida analgetik preparatlarni qo'llashdan saqlanish va ularni qo'llashni shifokor maslahatisiz boshlamaslik kerak.

Transport vositalarini, mexanizmlarni boshqarish qobiliyatiga ta'siri

Transport vositalarini boshqarish va mexanizmlar bilan ishlash qobiliyatiga ta'siri haqida ma'lumotlar yo'q.

Rektal. Ichak o'z-o'zidan bo'shalgandan yoki tozalovchi klizmadan so'ng, suppozitoriy konturli uyali o'ramdan chiqariladi va to'g'ri ichakka kiritiladi. Preparat dozasi bolaning yoshi va vazniga qarab, jadvalga muvofiq hisoblanadi. Bir martalik doza bola vazniga 10-15 mg/kg ni tashkil qiladi; har bir doza orasidagi interval kamida 6 soatni tashkil qilishi kerak. Paratsetamolning maksimal sutkalik dozasi (shu jumladan tarkibida paratsetamol bo'lgan boshqa preparatlar bilan bir vaqtda qo'llanilganda) bola vazniga 60 mg/kg dan oshmasligi kerak.

Davolash kursi davomiyligi: isitmani tushiruvchi sifatida 3 kun va og'riq qoldiruvchi vosita sifatida 5 kungacha. Zarurat bo'lganda kursni uzaytirish shifokor maslahatidan so'ng.

Buyrak funktsiyasi buzilgan bemorlar

Buyrak funktsiyasi buzilganda preparatni qabul qilish oralig'i kreatinin klirensi 10 ml/daq dan kam bo'lganda kamida 8 soatni, kreatinin klirensi 10 ml/daq dan yuqori bo'lganda kamida 6 soatni tashkil qilishi kerak.

Jigar funktsiyasi buzilgan bemorlar

Surunkali jigar kasalliklari bo'lgan bemorlarda, shu jumladan kompensatsiyalangan, ayniqsa gepatotsellyulyar yetishmovchilik, surunkali alkogolizm, surunkali ovqatlanish yetishmovchiligi (jigarda glutation zaxirasi yetarli bo'lmagan) yoki suvsizlanish bo'lgan bemorlarda paratsetamolning sutkalik dozasi 3 g/sutkadan oshmasligi kerak.

Agar davolanishdan keyin yaxshilanish bo'lmasa yoki yangi alomatlar paydo bo'lsa, shifokor bilan maslahatlashish kerak.

Preparatni faqat yo'riqnomada ko'rsatilgan qo'llash usuli va dozalarda qo'llang. Zarurat bo'lganda, iltimos, dori vositasini qo'llashdan oldin shifokor bilan maslahatlashing.

Agar alomatlar yomonlashsa yoki 2-3 kunlik davolanishdan keyin yaxshilanmasa, shifokorga murojaat qilishingiz kerak.