Azitro-Santo tabletkalari N3 dori vositasi ishlab chiqaruvchisi kim va u qaysi davlatda ishlab chiqarilgan?

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Qadoqda soni

Tarkibi

Tarkibi va ishlab chiqarilish shakli

Maxsus saqlash sharoitlari

O‘ta yuqori sezuvchanlik

Eritromitsin va boshqa makrolidlarda bo‘lgani kabi, kamdan-kam uchraydigan jiddiy allergik reaktsiyalar, shu jumladan, Kvinke shishi va anafilaksiya (kamdan-kam hollarda o‘lim holatlari bilan), hamda eozinofiliya, og‘ir teri reaktsiyalari, shu jumladan, o‘tkir tarqalgan ekzantematoz pustulyoz (AGEP), eksfoliativ dermatit, Stivens-Djonson sindromi va toksik epidermal nekroliz (kamdan-kam hollarda o‘lim holatlari bilan) va tizimli belgilar (DRESS-sindrom) bilan kechadigan dorivor reaktsiyalar haqida ma'lumotlar keltirilgan. Azitromitsinga ushbu reaktsiyalarning ba'zilari qaytalanuvchi belgilarning paydo bo‘lishiga olib keladi va uzoq muddatli kuzatish va davolashni talab qiladi.

Gepatotoksiklik

Jigar azitromitsinning chiqarilishi uchun asosiy organidir, shuning uchun azitromitsin og‘ir jigar kasalligi bo‘lgan bemorlarda ehtiyotkorlik bilan qo‘llanilishi kerak. Hayot uchun xavfli bo‘lgan jigar yetishmovchiligiga potentsial olib kelishi mumkin bo‘lgan yashin tezlikdagi gepatit holatlari haqida xabar berilgan. Ba'zi bemorlarda, ehtimol, jigar kasalligi mavjud bo‘lgan yoki ular boshqa gepatotoksik preparatlarni qabul qilgan bo‘lishi mumkin.

Agar sariqlik, siydik rangining o‘zgarishi, qon ketishiga moyillik yoki jigar entsefalopatiyasi bilan kechadigan tez rivojlanayotgan asteniya kabi jigar disfunktsiyasining alomatlari va belgilari paydo bo‘lsa, darhol jigarning funktsional sinovlari, tahlillarini o‘tkazish darkor. Jigar disfunktsiyasining rivojlanishi bilan azitromitsin qabul qilishni to‘xtatish kerak.

Qorakuya alkaloidlarining hosilalari

Ergotamin hosilalarini qabul qilayotgan bemorlarda ergotizmning paydo bo‘lishi ba'zi bir makrolid antibiotiklarni bir vaqtning o‘zida qabul qilish bilan qo‘zg‘atiladi. Qorakuya va azitromitsinning o‘zaro ta'sir qilish ehtimoli to‘g‘risida hech qanday ma'lumotlar yo‘q. Shunga qaramasdan, ergotizm rivojlanishining nazariy ehtimoli sababli azitromitsin va qorakuya hosilalari alohida qabul qilinadi.

QT oralig‘inining uzayishi

Yurak aritmiyasi va ikki yoqlama taxikardiya rivojlanishi xavfiga olib keladigan uzoq muddatli yurak repolyarizatsiyasi va QT oralig‘ining uzayishi, boshqa makrolidlar, shu jumladan, azitromitsin bilan davolashda qayd etilgan. Quyidagi holatlar yurak to‘xtashiga olib kelishi mumkin bo‘lgan qorincha aritmiyalarining rivojlanish xavfini oshiradi (shu jumladan, ikki yoqlama taxikardiyani), va shuning uchun azitromitsinni proaritmik holati bo‘lgan bemorlarda (ayniqsa ayollar va keksa bemorlarda) ehtiyotkorlik bilan qo‘llash kerak, masalan:

 QT oralig‘ining tug‘ma yoki hujjatlashtirilgan uzayishi

 hozirgi paytda QT oralig‘ini uzaytirishi bilan ma'lum bo‘lgan boshqa faol moddalar bilan davolanayotgan bemorlar, masalan, IA sinfi (xinidin va prokainamid) va III sinfning (dofetilid, amiodaron va sotalol) antiaritmik vositalari, sizaprid va terfenadin; pimozid kabi antipsixotik vositalar; sitalopram kabi antidepressantlar; moksifloksatsin va levofloksatsin kabi ftorxinolonlar

 elektrolitlar muvozanatining buzilishlari bilan, ayniqsa gipokaliyemiya va gipomagniyemiya holatlarida

 klinik jihatdan ahamiyatli bradikardiya, yurak aritmiyasi yoki og‘ir yurak yetishmovchiligi bilan.

Superinfektsiyalar

Har qanday antibiotiklarni qabul qilgani kabi, chidamli mikroorganizmlar, shu jumladan, zamburug‘lar qo‘zg‘atadigan superinfektsiya belgilarini kuzatib borish tavsiya etiladi.

Clostridium difficile bilan bog‘liq diareya

Clostridium difficile bilan chaqirilgan diareya antibakterial vositalar, shu jumladan, azitromitsin qo‘llashning barcha holatlarida qayd etilgan va og‘irlik darajasiga qarab, yengil diareyadan o‘limga olib keladigan kolitgacha bo‘lishi mumkin. Antibakterial vositalar bilan davolash me'yoriy ichak florasini o‘zgartiradi, bu esa C. difficile ning haddan tashqari o‘sishiga olib keladi.

C. difficile, C. difficile bilan bog‘liq diareya (CDAD) rivojlanishiga hissa qo‘shadigan, A va V toksinlarini ishlab chiqaradi. Gipertoksin ishlab chiqaradigan C. difficile shtammi kasallanish va o‘lim darajasining ko‘payishiga olib keladi, chunki bu infektsiyalar mikroblarga qarshi davolashga rezistent bo‘lishi va kolektomiyani talab qilishi mumkin.

Antibiotikni qo‘llashdan keyin diareyaga shikoyat qiladigan barcha bemorlarda CDAD hisobga olinishi lozim. Anamnezni chuqur o‘rganish kerak, chunki CDAD antibakterial vositalarni qo‘llagandan keyin ikki oy o‘tgach rivojlanishi mumkin.

Streptokokk infektsiyalari

Penitsillin odatda Streptococcus pyogenes bilan chaqirilgan laringit/tonzillitni davolashda tanlov preparati hisoblanadi va o‘tkir revmatik isitmada oldini oluvchi vosita sifatida qo‘llaniladi.

Azitromitsin odatda streptokokkli faringitga qarshi samaralidir, ammo uning o‘tkir revmatik isitmani oldini olish samaradorligi to‘g‘risida ma'lumot yo‘q.

Buyrak yetishmovchiligi

Og‘ir buyrak yetishmovchiligi bo‘lgan bemorlarda (KFT <10 ml/daq) azitromitsin tizimli ta'sirining 33% ga oshishi kuzatildi.

Jigar yetishmovchiligi

Miasteniya gravis

Azitromitsin qabul qilayotgan bemorlarda miasteniya belgilarining kuchayishi va miasteniya sindromining yangi boshlanishi qayd etilgan.

Qo'llanilishi

Qo'llanilishi mumkin bo'lmagan holatlar

Dori vositalarining o'zaro ta'siri

Antatsidlar: antatsidlarni bir vaqtning o‘zida qo‘llanilishining azitromitsin farmakokinetikasiga ta'sirini o‘rganishda, qon zardobida azitromitsinning maksimal kontsentratsiyasi 25% ga kamaygan bo‘lsa ham, bioo‘zlashtirilishining o‘zgarishi qayd etilmagan. Bemorlarga azitromitsinni antatsidlar bilan bir vaqtda qabul qilish mumkin emas.

Setirizin: sog‘lom ko‘ngillilarda 5 kunlik azitromitsin kursini 20 mg setirizin bilan birga muvozanat holatda qabul qilish farmakokinetik o‘zaro ta'sirga va QT oralig‘ida sezilarli o‘zgarishlarga olib kelmadi.

Didanozin (didezoksiinozin): OIV-musbat bemorlarda 1200 mg/kun azitromitsin bilan 400 mg/kun didanozinni birgalikda qabul qilish, platsebo bilan taqqoslaganda didanozin farmakokinetikasining muvozanat holatiga ta'sir qilmaydi.

Digoksin va kolxitsin (R-glikoprotein substratlari): Makrolid antibiotiklarni, shu jumladan, azitromitsinni digoksin va kolxitsin kabi R-glikoprotein substratlari bilan birgalikda qo‘llash, qon zardobida R-glikoprotein substrati kontsentratsiyasining oshishiga olib keladi. Shunday qilib, azitromitsin va digoksinni bir vaqtning o‘zida qo‘llaganda qon zardobida digoksin kontsentratsiyasining oshishi ehtimolini hisobga olish lozim.

Zidovudin: bir marta 1000 mg va ko‘p marta 1200 mg yoki 600 mg azitromitsinni qo‘llaganda zidovudin yoki uning glyukuronid metabolitlarining qon zardobidagi farmakokinetikasiga yoki siydik bilan chiqarilishiga kam ta'siri aniqlandi. Lekin azitromitsinni qabul qilish periferik qonning mononukleyer hujayralarida fosforillangan zidovudinning (klinik faol metabolit) kontsentratsiyasini oshirdi. Ushbu ko‘rsatkichlarning klinik ahamiyati noaniqligicha qolmoqda, ammo ular bemorlar uchun foydali bo‘lishi mumkin.

Azitromitsin jigarning R450 sitoxrom tizimi bilan o‘zaro ta'sir qilmaydi. Eritromitsin va boshqa makrolidlar kabi u dorilar bilan farmakokinetik o‘zaro ta'sirda ishtirok etmaydi.

Azitromitsin sitoxrom-metabolit majmuasi yordamida R450 sitoxromni qo‘zg‘atmaydi yoki faollashtirmaydi.

Ergotamin hosilalari: ergotizm rivojlanishining nazariy ehtimoli tufayli azitromitsinni qorakuya hosilalari bilan bir vaqtda qo‘llash tavsiya etilmaydi.

Farmakokinetik tadqiqotlar azitromitsin va ma'lum R450 sitoxrom vositachiligida ro‘y beradigan metabolizmi bo‘lgan quyidagi dorilar bilan o‘tkazildi.

Atorvastatin: atorvastatin (har kuni 10 mg) va azitromitsinni (har kuni 500 mg) birgalikda yuborish atorvastatinning qon zardobidagi kontsentratsiyasini o‘zgartirmadi (HMG CoA-reduktaza tahliliga asosan). Shunday bo‘lsa ham, statinlar bilan azitromitsinni qabul qilayotgan bemorlarda rabdomiolizning postmarketing holatlari qayd etilgan.

Karbamazepin: sog‘lom ko‘ngillilarda azitromitsinning farmakokinetik ta'sirini tekshirishda preparat karbamazepin yoki uning faol metabolitlarining qon zardobidagi miqdoriga sezilarli ta'sir ko‘rsatmadi.

Simetidin: Azitromitsindan 2 soat oldin qabul qilgan bitta simetidin dozasining azitromitsin farmakokinetikasiga ta'sirini o‘rganadigan farmakokinetik tadqiqotda azitromitsin farmakokinetikasida hech qanday o‘zgarish kuzatilmadi.

Peroral kumarin antikoagulyantlari: O‘zaro ta'sirning farmakokinetik tadqiqotlarida azitromitsin sog‘lom ko‘ngillilarga yuborilgan bir martalik 15 mg varfarin dozasining antikoagulyant ta'sirini o‘zgartirmaydi. Postmarketing davrida azitromitsin va peroral kumarin antikoagulyantlarini birgalikda qo‘llagandan keyin antikoagulyatsiya ta'siri kuchayganligi haqida ma'lumotlar bor. Sababiy-oqibatli aloqa aniqlanmagan bo‘lsa-da, kumarin kabi peroral antikoagulyantlarni qabul qiladigan bemorlarga azitromitsinni buyurganda protrombin vaqtini kuzatish chastotasini hisobga olish kerak.

Siklosporin: 3 kun davomida 500 mg/kun azitromitsinni peroral, so‘ngra 10 mg/kg siklosporinning bir dozasini qabul qilgan sog‘lom ko‘ngillilarda o‘tkazilgan farmakokinetik tadqiqotda siklosporinning Cmax va AUC0-5 sezilarli darajada oshgan. Shuning uchun, ushbu preparatlarni bir vaqtda qabul qilishni ko‘rib chiqishdan oldin ehtiyotkor bo‘lish zarur. Agar ushbu preparatlarni birgalikda qabul qilish zarur bo‘lsa, siklosporin miqdorini nazorat qilish va dozasini tegishli ravishda korrektsiyalash lozim.

Efavirenz: 7 kun davomida kuniga bir martalik 600 mg azitromitsin va 400 mg efavirenz dozasini birgalikda qabul qilish klinik jihatdan muhim farmakokinetik o‘zaro ta'sirga olib kelmaydi.

Flukonazol: bir martalik 1200 mg azitromitsin dozasi bir martalik 800 mg dozali flukonazolning farmakokinetikasini o‘zgartirmaydi. Flukonazol bilan birgalikda qo‘llanilganda azitromitsinning umumiy ta'siri va yarim chiqarilish davri o‘zgarmagan, ammo azitromitsinning Cmax (18%) qiymati klinik jihatdan kam pasayishi kuzatilgan.

Indinavir: bir martalik 1200 mg dozada azitromitsinni birgalikda qabul qilish 5 kun davomida kuniga uch marta 800 mg dozada yuborilgan indinavirning farmakokinetikasiga statistik jihatdan sezilarli ta'sir ko‘rsatmadi.

Metilprednizolon: Sog‘lom ko‘ngillilarda o‘tkazilgan farmakokinetik o‘zaro ta'sir tadqiqotida azitromitsin metilprednizolonning farmakokinetikasiga sezilarli ta'sir ko‘rsatmadi.

Midazolam: sog‘lom ko‘ngillilarda 3 kun davomida kuniga 500 mg azitromitsin bilan birgalikda qabul qilish 15 mg midazolam bir martalik dozasining farmakokinetikasi va farmakodinamikasida klinik jihatdan sezilarli o‘zgarishlarga olib kelmaydi.

Nelfinavir: Azitromitsin (1200 mg) va nelfinavirni muvozanat holatida (kuniga uch marta 750 mg) birgalikda qabul qilish azitromitsin kontsentratsiyasining oshishiga olib keladi. Klinik jihatdan ahamiyatli nojo‘ya ta'sirlar kuzatilmadi va dozani korrektsiya qilish talab qilinmaydi.

Rifabutin: azitromitsin va rifabutinni bir vaqtning o‘zida qo‘llash ushbu dorilarning qon zardobidagi kontsentratsiyasiga ta'sir qilmaydi.

Bir vaqtning o‘zida azitromitsin va rifabutin qo‘llanilganida neytropeniya aniqlangan. Neytropeniya rifabutinni qo‘llash bilan bog‘liq bo‘lsa-da, azitromitsinni birgalikda qabul qilish bilan sababiy aloqa aniqlanmagan.

Sildenafil: Sog‘lom erkak ko‘ngillilarda azitromitsinning (3 kun davomida har kuni 500 mg) sildenafilning AUC va Cmax yoki uning asosiy aylanish metabolitiga ta'siri bo‘yicha hech qanday dalillar topilmadi.

Terfenadin: Farmakokinetik tadqiqotlarda azitromitsin va terfenadin o‘rtasida o‘zaro ta'sirlar qayd etilmagan. Ba'zi hollarda o‘zaro ta'sir ehtimolini butunlay istisno qilish mumkin emas. Biroq, bunday o‘zaro aloqaning sodir bo‘lganligi to‘g‘risida aniq dalillar yo‘q.

Teofillin: Sog‘lom ko‘ngillilarda bir vaqtning o‘zida qo‘llanilganda azitromitsin va teofillin o‘rtasida klinik ahamiyatga ega bo‘lgan farmakokinetik o‘zaro ta'sir bo‘yicha dalillar topilmadi.

Triazolam: 14 ta sog‘lom ko‘ngillilarda azitromitsinni 1-chi kuni 500 mg va 2-chi kuni 250 mg ni 0,125 mg triazolam bilan 2-chi kuni birgalikda qabul qilish, triazolam va platseboni birgalikda yuborish bilan taqqoslaganda, triazolam uchun farmakokinetik o‘zgaruvchan ko‘rsatkichlarning hech biriga sezilarli ta'sir ko‘rsatmadi.

Trimetoprim/sulьfametoksazol: Trimetoprim/sulfametoksazol DS ni (160 mg/800 mg) 7 kun davomida 1200 mg azitromitsin bilan birgalikda qabul qilish, 7 kuni trimetoprim yoki sulfametoksazolning maksimal kontsentratsiyasiga, umumiy ta'siriga yoki ularning chiqarilishiga sezilarli ta'sir ko‘rsatmadi. Qon zardobida azitromitsin kontsentratsiyasi, boshqa tadqiqotlarda kuzatilganidek, o‘xshash bo‘lgan.

Dozirovkasi