BADYAGA gel

Badyaga — bu chuchuk suvlarda yashovchi gubkalar. Ularning skeleti spongin bilan o'zaro bog'langan mikroskopik kremnezyom ignalarining (shox modda, skleroproteinlar guruhidan oqsil) to'rsimon tarmog'ini tashkil qiladi.

Gubkalar skeleti tarkibiga shuningdek karbonatlar, fosfatlar va bir qator organik moddalar kiradi.

Asosi gubkalar kukuni bo'lgan dori vositalari sirtqi qo'llanilganda tomirlar kengayishiga, infiltratlar so'rilishiga, shuningdek og'riq intensivligini kamayishiga yordam beradi.

Preparatning ta'siri shunga asoslanganki, maydalangan kremnezyom ignalari terini ta'sirlab, shu bilan tomirlar kengayishini chaqiradi, qon ta'minoti faollashuviga; gistamin, autakoidlar-kininlar, Pg va boshqa biologik faol moddalarning lokal ajralib chiqishiga yordam beradi; so'ruvchi ta'sirni ta'minlaydi.

Badyaga ta'siri bakteritsid ta'sir, kuchsiz isituvchi samara, shuningdek teri qoplamining vaqtincha qizarishi bilan birga kechadi.

Badyaga kukuni va kremi qo'llanilishi fonida o'ta yuqori sezuvchanlik reaksiyalari va vosita surtilgan joylarda teri qoplamining giperemiyasi bo'lishi mumkin.

Ishqalash uchun kukunni uzoq muddat ishlatish terining ko'karishi va elastikligining pasayishiga olib kelishi mumkin. Bundan tashqari, teri kasalliklari paydo bo'lishi xavfi ortadi.

Ishlatishdan oldin sezuvchanlikka test o'tkazish kerak. Badyagani shilliq qavatlarga va yaralarga surtish taqiqlanadi.

Vosita unga nisbatan yuqori sezuvchanlikda, shuningdek gel tarkibidagi yordamchi komponentlarga yuqori sezuvchanlikda qo'llanilmasligi kerak.

Shuningdek, gel va Badyaga kukunini shikastlangan teriga surtish mumkin emas.

Modda boshqa dori vositalari bilan o'zaro ta'sir qilmaydi.

Kosmetik maqsadlarda Badyaga geli (mazi) yuz terisiga yupqa qatlam qilib surtiladi. Ta'sir qilish vaqti — 10 dan 20 daqiqagacha, bu vaqt o'tgach qoldiqlar iliq suv bilan yuvib tashlanadi.

Muolaja o'tkazilgandan so'ng 2-3 soat davomida ko'chaga chiqish tavsiya etilmaydi.

Terini po'stlash va oqartirish uchun gelni haftada bir martadan ko'p bo'lmagan holda ishlatish mumkin. Zarurat bo'lganda kosmetik muolajani haftada uch martagacha takrorlash mumkin.

Badyaga geli ishlatilgandan so'ng yuzga yumshatuvchi oziqlantiruvchi krem surtiladi.

Tana sohalariga krem yengil aylanma harakatlar bilan surtiladi va 20-30 daqiqaga qoldiriladi. Bu vaqt o'tgach nam salfetka bilan tozalanadi yoki suv bilan yuvib tashlanadi.

Ko'karishlarga qarshi gel qo'llanilganda vosita jarohat olingandan so'ng darhol lat yegan joyga surtiladi va keyin ko'karish yo'qolguncha kuniga 3-4 marta qo'llaniladi.