BALGIL V.I. infuziya uchun eritma 100ml 500mg/100ml

100 ml infuziya uchun eritma 500 mg metronidazol saqlaydi.

Metronidazol sintetik protivoprotozoylarga qarshi va mikroblarga qarshi vosita, 5-nitroimidazol xosilasi. Preparat Trichomonas vaginalis, Giardia intestinalis, Entamoeba histolytica, Lamblia intestinalis larga nisbatan, shuningdek obligat anaeroblarga (spora xosil qiluvchi va xosil qilmaydigan) - Bacteroides spp. (B.fragilis, B.ovatus, B.distasonis, B.thetaiotaomicron, B.vulgatus), Fusobacterium spp., Clostridum spp., Peptostreptococcus spp., Peptococcus spp., Eubacterium ning sezgir shtammlariga nisbatan faollik nomoyon qiladi. Metronidazolga aerob mikroorganizmlar va fakulьtativ anaeroblar sezgir, lekin aralash flora (aeroblar va anaeroblar) mavjudligida metronidazol aeroblarga qarshi odatdagi samarali antibiotiklar bilan sinergik ta'sir qiladi.
Metronidazolning ta'sir mexanizmi anaerob mikroorganizmlar va soddalarning xujayra ichki tashuvchi proteinlar tomonidan metronidazolning 5-nitroguruxini bioximik tiklanishidan iborat. Metronidazolning tiklangan 5-nitroguruxi mikroorganizmlar xujayralarining DNK si bilan o'zaro ta'sirlashib, ularning nuklein kislotalari sintezini ingibirlaydi, bu bakteriyalarning xalok bo'lishiga olib keladi.

Vena ichiga tomchilab yuborilganidan keyin 1 soat o'tgach qon zardobidagi preparatning kontsentratsiyasi 35,2 mkg/ml ni, 4 soat o'tgach - 33,9 mkg/ml ni, 8 soat o'tgach - 25,7 mkg/ml ni tashkil qiladi. Metronidazol organizmning ko'pchilik to'qimalari va suyuqliklarida bakteritsid kontsentratsiyalarga erishib yuqori kiruvchi qobilyatiga ega, shu jumladan o'pkalar, buyraklar, jigar, teri, orqa miya suyuqligi, miya, safro, so'lak, amniotik suyuqlik, abstsesslar bo'shlig'i, qin sekreti, urug' suyuqligi, ko'krak sutini xam qo'shib.
Qon plazmasi oqsillari bilan bog'lanishi kuchsiz va 10-20% dan oshmaydi. Normal safro xosil bo'lishida vena ichiga yuborilganidan keyin metronidazolning safrodagi kontsentratsiyasi, qon plazmasidagi metronidazolning kontsentratsiyasidan axamiyatli yuqori bo'lishi mumkin.
Metronidazolning chiqarilishi buyraklar orqali amalga oshiriladi - dozaning 63% (preparatning 20% o'zgarmagan xolda chiqariladi). Metronidazolning yarimchiqarilish davri 6-7 soatni tashkil qiladi. Plazma klirensi 10,2 ml/minutni tashkil qiladi.
Buyraklar faoliyatining buzilishi bo'lgan bemorlarda preparat takroriy yuborilganidan keyin qon zardobida metronidazolni yig'ilishi kuzatiladi. Shuning uchun og'ir buyrak yetishmovchiligi bo'lgan bemorlarda metonidazolni qabul qilish tez-tezligini kamaytirish kerak.

Ovqat hazm qilish tizimi tomonidan: ko'ngil aynishi, qusish, diareya, ishtaxani yo'qligi, og'izni qurishi, og'izda noxush metall ta'mi, epigastral og'riqlar, glossit, stomatit, pankreatit.
Markaziy nerv tizimi tomonidan: bosh og'rig'i, bosh aylanishi, yuqori qo'zg'aluvchanlik, depressiya, uyquni buzilishi, kuchsizlik, alohida xollarda - ongni chalkashishi, gallyutsinatsiyalar, tirishishlar, periferik neyropatiya.
Siydik chiqarish yo'llari tomonidan: siydik chiqarish kanalida achishish xissi, dizuriya, sistit, poliuriya, siydikni tutaolmaslik, qinda zamburug'li florani oshiqcha rivojlanishi (kandidoz), siydikni qizil-jigarrang rangga bo'yalishi.
Tayanch-xarakat apparati tomonidan: artralgiyalar.
Qon yaratish tizimi tomonidan: leykopeniya, neytropeniya.
Allergik reaktsiyalar: teri toshmalari, eshakemi, qichishish, terini qizarishi, burunni bitishi, isitma.
Maxalliy reaktsiyalar: tromboflebit, preparatni yuborish joyida og'riq, qizarish va shish.

Metronidazol jigar va buyrak kasalliklarida extiyotkorlik bilan buyuriladi.
Bolalar va 18 yoshgacha bo'lgan o'smirlarda metronidazolni amoksitsillin bilan majmuada qo'llash tavsiya etilmaydi.
Metronidazolni qo'llash vaqtida alkogol iste'mol qilishdan saqlanish kerak, chunki alkogolning oksidlanishini buzilishi natijasida disulьfiram uchun xarakterli bo'lgan reaktsiyalar (qorinda spastik og'riqlar, ko'ngil aynishi, bosh og'rig'i, to'satdan qonni yuzga oqib kelishi) kuzatilishi mumkin.
Preparatni uzoq muddat qabul qilishni periferik qon ko'rsatgichlarini nazorati ostida o'tkazish maqsadga muvofiqdir.
Metronidazolning vena ichiga quyishlar uchun eritmasini boshqa dori preparatlari bilan aralashtirish mumkin emas.
Tashish va saqlash vaqtidagi butilkani xatto ko'zga ko'rinmaydigan shikastlanishlari ham preparatni ifloslanishiga olib kelishi mumkin. Agarda butilka bosilganda suyuqlikni oqishi aniqlansa, yoki ichidagisi tiniq bo'lmasa, preparatni ishlatish mumkin emas.

Metronidazol infuziya uchun eritma preparatga sezgir mikroorganizmlar chaqirgan infektsiyalarni davolash uchun qo'llanadi:
asosan qorin bo'shlig'i a'zolari va siydik chiqarish yo'llaridagi xirurgik aralashuvlarda anaerob infektsiyalarni oldini olish va davolash;
og'ir aralash aerob-anaerob infektsiyalarni majmuaviy davolash;
ichak va jigar amebiazining og'ir shakli;
sepsis;
peritonit
osteomiyelit;
ginekologik kasalliklar;
kichik chanoq va bosh miya abstsesslari;
abstsesslanuvchi pnevmoniya;
gazli gangrena;
teri qoplamalari va yumshoq to'qimalar, suyaklar va bo'g'imlarning infektsiyalari.

metronidazolga yoki boshqa nitroimidazol xosilalariga yuqori sezuvchanlik;
leykopeniya (shu jumladan anamnezdagi);
MNT organik shikastlanishlari (shu jumladan tutqanoq);
buyrak yetishmovchiligi;
homiladorlikning I uch oyligi;
xomiladorlikning I va III uch oyligi - faqat xayotiy ko'rsatmalar bo'yicha;
emizuvchi onalarga - ko'rsatmalar bo'yicha, bir vaqtda emizishni to'xtatish bilan.

Metronidazolning infuziya uchun eritmasi qo'llanganda boshqa dori vositalari bilan o'zaro ta'siri axamiyatsiz, lekin boshqa dori vositalari bilan bir vaqtda buyurilganda extiyotkorlikka rioya qilish kerak.
Metronidazol bevosita antikoagulyantlarning ta'sirini kuchaytiradi, bu protrombin xosil bo'lishi vaqtini oshiradi.
Metronidazol va disulьfiramni bir vaqtda qo'llash turli nevrologik simptomlarni rivojlanishiga olib kelishi mumkin, shuning uchun keyingi ikki xafta davomida disulьfiram qabul qilgan bemorlarga metronidazolni buyurish mumkin emas.
Simetidin metronidazolning metabolizmini ingibirlaydi, bu qon zardobida uning kontsentratsiyasini oshishiga va nojo'ya ko'rinishlar rivojlanish xavfini oshishiga olib kelishi mumkin.
Jigarning mikrosomal oksidlanish fermentlarini rag'batlantiruvchi preparatlarni (fenobarbital, fenitoin) bir vaqtda buyurish, metronidazolning chiqarilishini tezlashtirishi mumkin, buning natijasida qonda uning kontsentratsiyasi pasayadi.
Yuqori dozalarda litiy preparatlari bilan uzoq vaqt davolash olayotgan patsiyentlar, metronidazol qabul qilganlarida qon plazmasida litiyning kontsentratsiyasini oshishi va intoksikatsiya simptomlari rivojlanishi mumkin.
Metronidazolning mikroblarga qarshi ta'siri sulьfanilamidlar va antibiotiklar bilan majmuada kuchayadi.

Balgil V.I. infuziya uchun eritma vena ichiga tomchilab kattalar va 12 yoshdan oshgan bolalarga 100 ml (500 mg) dan 20 minut davomida minutiga 5 ml tezlikda xar 8 soatda yuboriladi.
12 yoshgacha bo'lgan bolalar uchun davolashning davomiyligi klinik tekshirish natijalariga qarab shifokor tomonidan belgilanishi mumkin. Bolaning tana vazniga qarab, quyilayotgan suyuqlikning miqdori 7,5 mg/kg norma bo'yicha aniqlanadi. Quyushlarning tartibi va tez-tezligi kattalar uchun bo'lganidek qoladi: 20 minut davomida 5 ml/minutdan xar 8 soatda.
Birinchi imkoniyati bo'lganidayoq vena ichiga quyishlardan preparatni og'iz orqali qabul qilishga o'tish kerak (200-400 mg kuniga uch marta).

Metronidazolning dozani oshirib yuborilishini simptomlari ko'ngil aynishi, qusish, diareya, qichishish, og'izda metall ta'mi, ataksiya, bosh aylanishi, parasteziyalar, tirishishlar, leykopeniya, siydikni to'q rangga bo'yalishi xisoblanadi. Spetsifik antidoti yo'q. Simptomatik va tutib turuvchi davolash o'tkaziladi. Metronidazol va uning metabolitlari gemodializda yaxshi chiqariladi.