BLEMAREN tabletkalari N80
BLEMAREN tabletkalari N80 haqida qo'llanma
Farmakokinetikasi
Biologik kira olishligi - taxminan 100 %. Buyraklar orqali chiqariladi.
Nojo'ya samaralari
Bo'lishi mumkin: allergik reaksiyalar, shishlar (natriy tutilishi), metabolik alkaloz, dispepsiya.
Maxsus ko‘rsatmalari
O'rtacha sutkalik doza (4 ta shishillovchi tabletka) taxminan 1,5 mg kaliy va 0,9 g natriy saqlaydi, buni osh tuzi iste'molini cheklash bilan parhezga rioya qilayotgan bemorlarga preparatni tayinlashda hisobga olish kerak.
Preparatni kaliy ionlari tutilishi bilan kechmaydigan surunkali buyrak yetishmovchiligida qo'llash mumkin.
Preparatni qandli diabeti bo'lgan bemorlarga tayinlash mumkin.
Siydik kislotasi toshlarini eritishda sutkalik dozani oshirmaslik kerak, chunki rN 7,0 dan yuqori ko'tarilganda siydik kislotasi kristallariga fosfatlar cho'kishi sodir bo'ladi, bu ularning keyingi erishiga to'sqinlik qiladi.
Davolash vaqtida oqsillar va purin asoslariga boy mahsulotlarni qabul qilishni cheklash, shuningdek yetarli suyuqlik iste'molini (kamida 1,5-2 l) ta'minlash kerak.
Qo'llanilishi mumkin bo'lmagan holatlar
— o'tkir va surunkali buyrak yetishmovchiligi;
— metabolik alkaloz;
— siydikchilni parchalovchi mikroorganizmlar keltirib chiqargan siydik chiqarish yo'llari infeksiyalari;
— siydik pH 7 dan yuqori bo'lganda;
— qat'iy tuzsiz dietaga rioya qilish zarurati (masalan, arterial gipertenziyaning og'ir shakllarida);
— preparat komponentlariga yuqori sezuvchanlik.
Dori vositalarining o'zaro ta'siri
Blemaren va sitratlar va alyuminiy saqlovchi preparatlar bir vaqtda qo'llanilganda alyuminiy absorbsiyasi oshishi mumkin, shuning uchun bunday preparatlarni Blemaren qabul qilingandan kamida 2 soat oldin yoki keyin qabul qilish kerak.
Preparat tarkibiga kaliy kiradi, shuning uchun Blemaren va yurak glikozidlari bir vaqtda qo'llanilganda oxirgilarining farmakologik ta'siri susayishi mumkin.
Ba'zi antigipertenziv dori vositalari (masalan aldosteron antagonistlari, kaliy tejovchi diuretiklar, AOF ingibitorlari), NYAQV va analgetiklar kaliyning organizmdan chiqarilishini kamaytirishi mumkin. Blemaren va yuqorida ko'rsatilgan dori vositalarini bir vaqtda qo'llash imkoniyati masalasini shifokor individual tartibda hal qiladi.
Dozirovkasi
Sutkalik doza kun davomida teng taqsimlanadi va ovqatdan keyin qabul qilinadi.
Agar sutka davomida siydik pH i siydik kislotasi toshlarini eritish uchun 6.2-7 oralig'ida; sistin toshlarini eritish uchun 7.5-8.5; porfiriyani davolash uchun 7.2-7.5; sitostatiklar bilan davolashda kamida 7.0 oralig'ida bo'lsa, doza to'g'ri tanlangan hisoblanadi.
Agar siydik pH qiymati ko'rsatilganidan past bo'lsa, dozani oshirish kerak, agar yuqori bo'lsa - kamaytirish kerak. Davolash davomiyligi 4-6 oyni tashkil qiladi.
Samaradorlikni nazorat qilish (siydik pH ini aniqlash) kuniga 3 marta, har bir martalik dozani qabul qilishdan oldin indikator qog'oz yordamida o'tkaziladi. Qog'ozda olingan rang 2 daqiqa ichida shkala bilan taqqoslanadi va olingan qiymat nazorat taqvimiga kiritiladi.
Sistin toshlari mavjud bo'lganda va porfiriyani davolashda samaradorlikni nazorat qilish uchun pH qiymati 7.2 dan 9.7 gacha bo'lgan maxsus indikator qog'ozdan foydalanish kerak.
BLEMAREN tabletkalari N80 o'xshash dorilari
