Cena-Mig

Surgi ta'sirini ko'rsatadi, bu axlat massalarining yumshashi yoki suyulishi ko'rinishida namoyon bo'ladi. Surgi samarasi preparat qabul qilingandan 6-10 soat o'tgach boshlanadi va asosan yo'g'on ichakdan suyuqlik so'rilishini tormozlash va uning peristaltikasiga ta'sir qilish bilan bog'liq. Preparat chambar ichakka tanlab ta'sir qiladi, ichakning normal faoliyatini tiklaydi. Sena-MIG o'rganib qolishni keltirib chiqarmaydi, ichakni ta'sirlamaydi.

Diareya, degidratatsiya va yo'g'on ichak atoniyasi rivojlanishining oldini olish uchun preparatni uzoq vaqt (bir haftadan ortiq), shifokor ko'rsatmasisiz qabul qilish tavsiya etilmaydi. Sena-MIG homiladorlikda, emizishda, bolalik yoshida (6 yoshgacha), jigar, buyrak yetishmovchiligida, abdominal operatsiyalardan keyingi holatlarda ehtiyotkorlik bilan tayinlanishi kerak. Avtomobilni va murakkab mexanizmlarni boshqarish qobiliyatiga ta'siri Sena-MIG transport vositalarini boshqarish qobiliyatiga ta'sir qilmaydi. Preparat yaroqlilik muddati o'tgach qo'llanilmasligi va bolalar ololmaydigan joyda saqlanishi kerak.

Yuqori sezuvchanlik, ichak tutilishi, appenditsit va qorin bo'shlig'i a'zolarining boshqa yallig'lanish kasalliklari, peritonit, spastik kolit, qisilgan churra, me'da-ichak traktidan qon ketishlar, bachadondan qon ketishi, sistit, neyrogen va endokrin kelib chiqishga ega qabziyatlar, suv-elektrolit almashinuvining buzilishi. 1 yoshgacha bo'lgan bolalar.

Agar Siz har qanday boshqa dori vositalarini qabul qilayotgan bo'lsangiz, preparatni qo'llash imkoniyati bo'yicha albatta shifokor bilan maslahatlashing! Sena-MIG tabletkalarini boshqa dori vositalarini qabul qilishdan ikki soat oldin yoki keyin qabul qilish tavsiya etilmaydi, chunki bu oxirgilarining so'rilishi va samaradorligini kamaytirishi mumkin. Sekin so'riladigan va dori vositalarining retard shakllari samaradorligini kamaytiradi. Tetratsiklinlar absorbsiyasini buzadi.

Kattalarga uyqudan oldin yoki ertalab och qoringa 1 tabletkadan tayinlanadi. Zarurat bo'lganda dozani bir qabulga 2-3 tabletkagacha oshirish mumkin. 1 yoshdan 3 yoshgacha bo'lgan bolalarga 1/2 tabletkadan (zarurat bo'lganda - 1 tabletkagacha), 4 dan 12 yoshgacha bo'lgan bolalarga – 1 tabletkadan (zarurat bo'lganda - 11/2 –2 tabletkagacha) tayinlanadi. Qo'llash davomiyligi 7 kundan oshmasligi kerak.