DOSTINEKS tabletkalari 0,5mg N2

So'rilishi va taqsimlanishi

Ichga qabul qilingandan so'ng kabergolin me'da-ichak yo'lidan tez so'riladi. Plazmadagi C_max ga 0.5-4 soatdan keyin erishiladi. Qon plazmasi oqsillari bilan bog'lanishi 41-42% ni tashkil qiladi. Davomli T _{tufayli Css ga davolashning 4-haftasida erishiladi.}

Ovqat qabul qilish kabergolinning so'rilishi va taqsimlanishiga ta'sir qilmaydi.

Metabolizmi

Siydikda aniqlangan kabergolin metabolizmining asosiy mahsuloti 6-allil-8β-karboksi-ergolin bo'lib, u qabul qilingan dozaning 4-6% gacha bo'lgan konsentratsiyasini tashkil qiladi. Siydikdagi 3 ta qo'shimcha metabolitning miqdori qabul qilingan dozaning 3% dan oshmaydi. Metabolizm mahsulotlari kabergolinga nisbatan prolaktin sekretsiyasini bostirish bo'yicha ancha kamroq samaraga ega.

Chiqarilishi

Buyraklar orqali chiqarilish tezligi bo'yicha baholanadigan T _{sog'lom ko'ngillilarda 63-68 soatni va giperprolaktinemiyasi bo'lgan bemorlarda 79-115 soatni tashkil qiladi.}

Preparat qabul qilinganidan 10 kun o'tgach, siydik va axlatda mos ravishda qabul qilingan dozaning 18% va 72% aniqlanadi, bunda siydikdagi o'zgarmagan kabergolinning ulushi 2-3% ni tashkil qiladi.

Dopamin retseptorlari agonisti. Kabergolin - ergolinning dopaminergik hosilasi, yaqqol va uzoq muddatli prolaktin pasaytiruvchi ta'sir bilan tavsiflanadi. Ta'sir mexanizmi gipofiz laktotrop hujayralarining dopamin D_{-retseptorlarini to'g'ridan-to'g'ri stimulyatsiya qilish bilan bog'liq. Qon plazmasida prolaktin darajasini pasaytirish uchun mo'ljallangan dozalardan oshib ketadigan dozalarda dopamin D-retseptorlarini stimulyatsiya qilish bilan bog'liq bo'lgan markaziy dopaminergik ta'sir ko'rsatadi.}

Qon plazmasida prolaktin kontsentratsiyasining pasayishi preparat qabul qilingandan 3 soat o'tgach qayd etiladi va sog'lom ko'ngillilarda va giperprolaktinemiyasi bo'lgan bemorlarda 7-28 kun davomida, tug'ruqdan keyingi davrda ayollarda 14-21 kungacha saqlanib qoladi. Prolaktin pasaytiruvchi ta'sir ham yaqqolligi, ham ta'sir davomiyligi bo'yicha dozaga bog'liq.

Kabergolin qat'iy tanlab ta'sir ko'rsatadi, gipofizning boshqa gormonlari va kortizolning bazal sekretsiyasiga ta'sir qilmaydi.

Kabergolinning terapevtik samara bilan bog'liq bo'lmagan farmakologik ta'sirlariga faqat AB pasayishi kiradi. Preparat bir marta qo'llanilganda maksimal gipotenziv samara dastlabki 6 soat ichida qayd etiladi va dozaga bog'liq.

Dostineks^® preparatini fiziologik laktatsiyani oldini olish uchun (1 mg bir marta) va laktatsiyani bostirish uchun (har 12 soatda 0,25 mg dan 2 kun davomida) qo‘llash bilan o‘tkazilgan klinik tadqiqotlar davomida nojo‘ya reaksiyalar taxminan 14% ayollarda qayd etilgan. Dostineks^® preparati 6 oy davomida giperprolaktinemiya bilan bog‘liq buzilishlarni davolash uchun haftasiga 1-2 mg dozada, 2 qabulga bo‘lingan holda qo‘llanilganda, nojo‘ya reaksiyalar tez-tezligi 68% ni tashkil etgan. Nojo‘ya reaksiyalar asosan terapiyaning birinchi 2 haftasida yuzaga kelgan va ko‘pchilik hollarda terapiya davom ettirilganda yoki Dostineks^® preparati bekor qilingandan keyin bir necha kun ichida yo‘qolgan. Nojo‘ya reaksiyalar odatda o‘tkinchi bo‘lib, og‘irlik darajasi bo‘yicha kuchsiz yoki o‘rtacha ifodalangan va dozaga bog‘liq xarakterga ega bo‘lgan. Terapiya davomida kamida bir marta og‘ir nojo‘ya hodisalar 14% bemorlarda qayd etilgan; nojo‘ya reaksiyalar tufayli davolash taxminan 3% bemorlarda to‘xtatilgan.

Eng tez-tez uchraydigan nojo‘ya reaksiyalar quyida keltirilgan.

Yurak-qon tomir tizimi tomonidan: yurak urishi; kam hollarda - ortostatik gipotenziya (uzoq vaqt qo‘llanilganda preparat gipotenziv ta'sir ko‘rsatadi); tug‘ruqdan keyingi dastlabki 3-4 kun ichida qon bosimining belgisiz pasayishi (sistolik - 20 mm sim.ust. dan ko‘proqqa, diastolik - 10 mm sim.ust. dan ko‘proqqa).

Nerv tizimi tomonidan: bosh aylanishi/vertigo, bosh og‘rig‘i, yuqori toliqish, uyquchanlik, depressiya, asteniya, paresteziyalar, hushdan ketish, asabiylik, xavotir, uyqusizlik, diqqatni jamlashning buzilishi.

Ovqat hazm qilish tizimi tomonidan: ko‘ngil aynishi, qusish, epigastral sohada og‘riqlar, qorinda og‘riq, qabziyat, gastrit, dispepsiya, og‘iz bo‘shlig‘i shilliq qavatining qurishi, diareya, meteorizm, tish og‘rig‘i, halqum shilliq qavatining ta'sirlanish hissi.

Boshqalar: mastodiniya, burun qonashi, yuz terisiga qon quyilishi, tranzitor gemianopsiya, barmoq tomirlarining spazmlari, oyoq mushaklarining tirishishi (boshqa shoxkuya hosilalari kabi, Dostineks^® tomir toraytiruvchi ta'sir ko‘rsatishi mumkin), ko‘rishning buzilishi, grippsimon simptomlar, lanjlik, periorbital va periferik shishlar, anoreksiya, akne, teri qichishishi, bo‘g‘imlarda og‘riq.

Dostineks^® preparati bilan uzoq muddatli terapiyada standart laboratoriya ko‘rsatkichlarining normadan chetga chiqishi kamdan-kam hollarda kuzatilgan; amenoreyasi bo‘lgan ayollarda hayz ko‘rish tiklanganidan keyingi dastlabki bir necha oy davomida gemoglobin darajasining pasayishi kuzatilgan.

Postmarketing tadqiqotda kabergolin qo‘llanilishi bilan bog‘liq quyidagi nojo‘ya reaksiyalar qayd etilgan: alopesiya, qonda KFK faolligining oshishi, maniyalar, dispnoe, shishlar, fibroz, jigar funktsiyasining buzilishi, jigar funktsiyasi ko‘rsatkichlarining og‘ishi, yuqori sezuvchanlik reaksiyalari, toshma, respirator buzilishlar, nafas yetishmovchiligi, valvulopatiya, qimor o‘yinlariga patologik qiziqish, giperseksuallik, libidoning oshishi, agressivlik, psixotik buzilishlar, perikardit, to‘satdan uxlab qolish xurujlari, tana vaznining kamayishi yoki oshishi, burun bitishi.

Giperprolaktinemiya bilan bog'liq buzilishlarni davolash maqsadida Dostineks® preparatini tayinlashdan oldin gipofiz funksiyasini to'liq tekshirish kerak.

Bundan tashqari, simptomsiz kechuvchi klapan apparati funksiyasi buzilishlarini aniqlash maqsadida yurak-qon tomir tizimi holatini baholashni, shu jumladan ExoKG ni o'tkazish kerak.

Boshqa shoxkuya hosilalarini qo'llashda bo'lgani kabi, kabergolin uzoq muddat qabul qilingandan so'ng bemorlarda plevral ekssudat/plevral fibroz va valvulopatiya kuzatilgan. Ba'zi hollarda bemorlar dofaminning ergotoninli agonistlari bilan oldingi terapiyani olishgan. Shuning uchun Dostineks® fibroz o'zgarishlar bilan bog'liq yurak yoki nafas olish funksiyasi buzilishi belgilari va/yoki klinik simptomlari mavjud bo'lgan yoki anamnezida shunday holatlar bo'lgan bemorlarda qo'llanilmasligi kerak. Qon regurgitatsiyasi, klapanlar teshigining torayishi yoki klapanlar tabaqalari qalinlashishi paydo bo'lishi yoki yomonlashishi belgilari aniqlangan taqdirda preparat qabul qilishni bekor qilish kerak.

Plevral ekssudat yoki fibroz rivojlanganda EChT oshishi aniqlangan. EChT tushunarsiz oshishi aniqlangan taqdirda ko'krak qafasini rentgenografik tekshiruvini o'tkazish tavsiya etiladi. Tashxis qo'yishda shuningdek qon plazmasida kreatinin konsentratsiyasini tekshirish, buyrak funksiyasini baholash yordam berishi mumkin. Dostineks® preparati qabul qilish to'xtatilgandan so'ng plevral ekssudat/plevral fibroz yoki valvulopatiya mavjud bo'lgan bemorlarda simptomlarning yaxshilanishi qayd etilgan.

Kabergolin qon regurgitatsiyasi belgilari bo'lgan bemorlar ahvolini yomonlashtirishi mumkinligi noma'lum. Yurak klapan apparatining fibroz shikastlanishlari aniqlanganda kabergolinni qo'llash mumkin emas.

Fibrotik buzilishlar simptomsiz rivojlanishi mumkin. Shu munosabat bilan kabergolin bilan uzoq muddatli terapiya olayotgan bemorlar holatini muntazam nazorat qilish va quyidagi simptomlarga alohida e'tibor berish kerak:

- plevro-o'pka buzilishlari: hansirash, nafas olish qiyinlashishi, o'tib ketmaydigan yo'tal yoki ko'krak qafasida og'riq kabi;

- buyrak yetishmovchiligi yoki siydik naylari tomirlari yoki qorin bo'shlig'i a'zolari obstruksiyasi, bu yonboshda yoki bel sohasida og'riq va oyoqlar shishi bilan kechishi mumkin, qorin sohasida har qanday shishlar yoki paypaslaganda og'riqlilik, bu retroperitoneal fibroz rivojlanishidan dalolat berishi mumkin;

- perikardial fibroz va yurak klapanlari tabaqalari fibrozi ko'pincha yurak yetishmovchiligi bilan namoyon bo'ladi. Shu munosabat bilan yurak yetishmovchiligi simptomlari paydo bo'lganda yurak klapanlari tabaqalari fibrozini (va konstriktiv perikarditni) istisno qilish kerak.

Fibrotik buzilishlar rivojlanishi yuzasidan bemor holati monitoringini muntazam o'tkazish kerak. Birinchi marta ExoKG terapiya boshlangandan 3-6 oy o'tgach o'tkazilishi kerak. So'ngra ushbu tekshiruvni bemor holatini klinik baholashga bog'liq holda, yuqorida ta'riflangan simptomlarga alohida e'tibor berib, terapiyaning kamida har 6-12 oyida o'tkazish zarur.

Boshqa monitoring usullari (masalan, fizikal tekshiruv, shu jumladan yurak auskultatsiyasi, rentgenografiya, kompyuter tomografiyasi) zarurati har bir bemor uchun individual baholanadi.

Doza oshirilganda bemorlar terapevtik samarani ta'minlovchi minimal samarali dozani aniqlash maqsadida shifokor nazorati ostida bo'lishlari kerak.

Samarali dozalash tartibi tanlangandan so'ng zardobda prolaktin konsentratsiyasini muntazam (oyiga 1 marta) aniqlash tavsiya etiladi. Prolaktin konsentratsiyasining me'yorlashishi odatda davolashning 2-4 haftalari davomida kuzatiladi.

Dostineks® preparati bekor qilingandan so'ng odatda giperprolaktinemiya retsidivi kuzatiladi, biroq ba'zi bemor ayollarda bir necha oy davomida prolaktin konsentratsiyasining turg'un bostirilishi qayd etiladi. Ko'pchilik ayollarda Dostineks® preparati bekor qilingandan so'ng kamida 6 oy davomida ovulyator sikllar saqlanib qoladi.

Dostineks® giperprolaktinemik gipogonadizm bo'lgan ayollarda ovulyatsiya va fertillikni tiklaydi. Homiladorlik hayz ko'rish tiklanishidan oldin yuzaga kelishi mumkinligi sababli, amenoreya davri davomida har 4 haftada kamida 1 marta, hayz ko'rish tiklangandan keyin esa - har safar hayz ko'rish 3 kundan ortiq kechikkanda homiladorlik testlarini o'tkazish tavsiya etiladi. Homiladorlikdan saqlanmoqchi bo'lgan ayollar Dostineks® preparati bilan davolash vaqtida, shuningdek preparat bekor qilingandan so'ng anovulyatsiya takrorlanguniga qadar kontrasepsiyaning to'siqli usullaridan foydalanishlari kerak. Homiladorlik yuzaga kelgan ayollar gipofiz kattalashishi simptomlarini o'z vaqtida aniqlash uchun shifokor nazorati ostida bo'lishlari kerak, chunki homiladorlik vaqtida gipofizning oldindan mavjud bo'lgan o'smalari o'lchamlari kattalashishi mumkin.

Dostineks® og'ir jigar yetishmovchiligi (Chayld-Pyu tasnifi bo'yicha C sinfi) bo'lgan, preparat bilan uzoq muddatli terapiya ko'rsatilgan bemorlarga pastroq dozalarda tayinlanishi kerak. Bunday bemorlarda preparat 1 mg dozada bir marta qo'llanilganda sog'lom ko'ngillilar va jigar yetishmovchiligi kamroq ifodalangan bemorlarga nisbatan AUC oshishi qayd etilgan.

Kabergolinni qo'llash uyquchanlikni chaqiradi. Parkinson kasalligi bo'lgan bemorlarda dofamin reseptorlari agonistlarini qo'llash to'satdan uxlab qolishni chaqirishi mumkin. Bunday hollarda Dostineks® preparati dozasini kamaytirish yoki terapiyani to'xtatish tavsiya etiladi.

Giperprolaktinemiya bilan bog'liq buzilishlari bo'lgan keksa yoshdagi bemorlarda preparatni qo'llash bo'yicha tadqiqotlar o'tkazilmagan.

Pediatriyada ishlatilishi

Preparatning 16 yoshdan kichik bolalar va o'smirlarda xavfsizligi va samaradorligi aniqlanmagan.

Avtotransportni va mexanizmlarni boshqarish qobiliyatiga ta'siri

Dostineks® preparatini qabul qilayotgan bemorlar transport vositalarini va mexanizmlarni boshqarishdan hamda diqqatni jamlash va psixomotor reaksiyalar tezligini talab qiluvchi boshqa potensial xavfli faoliyatdan saqlanishlari kerak.

• kabergolinga yoki preparatning boshqa komponentlariga, shuningdek har qanday shoxkuya alkaloidlariga yuqori sezuvchanlik;
• fibroz o'zgarishlar oqibatida yurak va nafas olish funksiyasining buzilishi yoki anamnezda shunday holatlar mavjudligi;
• uzoq muddatli terapiyada: terapiya boshlanishidan oldin o'tkazilgan ekokardiografik tekshiruv (ExoKG) bilan tasdiqlangan yurak klapan apparati patologiyasining anatomik belgilari (masalan, klapan tavaqalarining qalinlashishi, klapan teshigining torayishi, aralash patologiya - klapanning torayishi va stenozi);
• laktozaga toqat qilolmaslik, laktaza yetishmovchiligi, glyukoza-galaktoza malabsorbsiyasi;
• 16 yoshgacha bo'lgan bolalar va o'smirlar (qo'llash xavfsizligi va samaradorligi aniqlanmagan).

Dostineks^® quyidagi holatlar va/yoki kasalliklarda ehtiyotkorlik bilan tayinlanishi kerak:

• homiladorlik fonida rivojlangan arterial gipertenziya, masalan, preeklampsiya yoki tug'ruqdan keyingi arterial gipertenziya (Dostineks^® faqat preparatni qo'llashdan kutilayotgan potensial foyda mumkin bo'lgan xavfdan sezilarli darajada yuqori bo'lgan hollardagina tayinlanadi);
• og'ir yurak-qon tomir kasalliklari, Reyno sindromi;
• peptik yara, me'da-ichakdan qon ketishlar;
• og'ir jigar yetishmovchiligi (pastroq dozalarni qo'llash tavsiya etiladi);
• og'ir psixotik yoki kognitiv buzilishlar (shu jumladan anamnezda);
• gipotenziv ta'sir ko'rsatuvchi preparatlar bilan bir vaqtda qo'llash (ortostatik gipotenziya rivojlanish xavfi tufayli).

Kabergolin va shoxkuya alkaloidlarining o'zaro ta'siri to'g'risida ma'lumotlar yo'q, shuning uchun Dostineks^® preparati bilan uzoq muddatli terapiya vaqtida ushbu dori vositalarini bir vaqtda qo'llash tavsiya etilmaydi.

Kabergolin dopamin retseptorlarini to'g'ridan-to'g'ri rag'batlantirish yo'li bilan terapevtik ta'sir ko'rsatganligi sababli, preparatni dopamin antagonistlari sifatida ta'sir qiluvchi preparatlar (shu jumladan fenotiazinlar, butirofenonlar, tioksantenlar, metoklopramid) bilan bir vaqtda tayinlash mumkin emas, chunki ular kabergolinning prolaktin kontsentratsiyasini pasaytirishga qaratilgan ta'sirini susaytirishi mumkin.

Boshqa shoxkuya hosilalari kabi, kabergolinni makrolidlar guruhidagi antibiotiklar (masalan, eritromitsin bilan) bilan bir vaqtda qo'llash mumkin emas, chunki bu kabergolinning tizimli biokiraolishini oshishiga olib kelishi mumkin.

Ichishga, ovqat vaqtida qabul qilinadi.

Laktatsiyaning oldini olish: >1 mg (2 tab.) bir marta tug'ruqdan keyingi birinchi kunda.

O'rnatilgan laktatsiyani bostirish:>0.25 mg (1/2 tab.) kuniga 2 marta har 12 soatda 2 kun davomida (umumiy doza 1 mg ga teng). Emizikli onalarda ortostatik gipotenziya rivojlanish xavfini kamaytirish maqsadida Dostineksning bir martalik dozasi 0.25 mg dan oshmasligi kerak.

Giperprolaktinemiya bilan bog'liq buzilishlarni davolash: tavsiya etilgan boshlang'ich doza haftada 0.5 mg ni tashkil qiladi 1 (1 tab.) yoki 2 qabulda (1/2 tab. dan, masalan, dushanba va payshanba kunlari). Optimal terapevtik samaraga erishilgunga qadar haftalik dozani oshirish asta-sekin - 1 oylik interval bilan 0.5 mg ga o'tkazilishi kerak. Terapevtik doza, qoida tariqasida, haftada 1 mg ni tashkil qiladi, lekin haftada 0.25 mg dan 2 mg gacha bo'lgan diapazonda o'zgarishi mumkin. Giperprolaktinemiya bo'lgan bemorlar uchun maksimal doza haftada 4.5 mg ni tashkil qiladi.

O'zlashtirishga qarab haftalik dozani bir marta qabul qilish yoki haftada 2 va undan ortiq qabulga bo'lish mumkin. Haftalik dozani bir necha qabulga bo'lish preparat haftada 1 mg dan ortiq dozada buyurilganda tavsiya etiladi.

Dopaminergik preparatlarga yuqori sezuvchanligi bo'lgan bemorlarda nojo'ya hodisalar rivojlanish ehtimolini Dostineks^® bilan terapiyani pastroq dozada (haftada 1 marta 0.25 mg dan) boshlab, keyinchalik terapevtik dozaga erishilgunga qadar uni asta-sekin oshirish orqali kamaytirish mumkin. Preparatni o'zlashtirishni yaxshilash uchun yaqqol nojo'ya hodisalar yuzaga kelganda dozani vaqtincha kamaytirish va keyinchalik uni asta-sekin oshirish mumkin, masalan, har 2 haftada haftasiga 0.25 mg ga.