DROTAVERIN 0,02/ML eritma 2ml N10
DROTAVERIN 0,02/ML eritma 2ml N10 haqida qo'llanma
Farmakokinetikasi
To'qimalar bo'ylab bir tekis taqsimlanadi, silliq mushak hujayralariga kiradi. Qon plazmasi oqsillari bilan bog'lanishi - 95-98%. Yarim chiqarilish davri 2-4 soat. Asosan buyraklar orqali, kamroq darajada safro bilan chiqariladi. Gematoensefalik to'siq orqali o'tmaydi.
Nojo'ya samaralari
Bosh aylanishi, yurak urishi, qon bosimining pasayishi, issiqlik hissi, terlash, allergik teri reaksiyalari. Vena ichiga yuborilganda - kollaps, atrioventrikulyar blokada, aritmiyalar, nafas olish markazining susayishi. Tez vena ichiga yuborilganda ko‘ngil aynishi va qusish kuzatilishi mumkin.
Maxsus ko‘rsatmalari
Parenteral (ayniqsa vena ichiga) yuborilgandan so'ng 1 soat davomida avtomobilni boshqarish va yuqori diqqatni jamlash, psixomotor reaksiyalar tezligini talab qiluvchi boshqa faoliyat turlari bilan shug'ullanishdan saqlanish kerak.
Dozani oshirib yuborish
Katta dozalarda bo'lmacha-qorincha o'tkazuvchanligini buzadi, yurak mushagining qo'zg'aluvchanligini pasaytiradi, yurak to'xtashi va nafas markazi falajini chaqirishi mumkin. Davolash simptomatik,
Qo'llanilishi mumkin bo'lmagan holatlar
Individual toqat qilolmaslik, yaqqol jigar, buyrak, yurak yetishmovchiligi, II-III darajali atrioventikulyar blokada, kardiogen shok, arterial gipotenziya.
Ehtiyotkorlik bilan
Koronar arteriyalarning yaqqol aterosklerozi, prostata bezi giperplaziyasi, glaukoma, homiladorlik va laktatsiya davri.
Dori vositalarining o'zaro ta'siri
Bir vaqtda qo'llanilganda levodopaning antiparkinsonik samarasini susaytirishi mumkin.
Papaverin, bendazol va boshqa spazmolitiklar (shu jumladan M-xolinoblokatorlar) ta'sirini, tritsiklik antidepressantlar, xinidin va prokainamid chaqirgan arterial qon bosimining pasayishini kuchaytiradi.
Morfinning spazmogen faolligini kamaytiradi. Fenobarbital drotaverin gidroxloridining spazmolitik ta'siri namoyon bo'lishini oshiradi.
Dozirovkasi
Tezkor samara zarur bo'lgan hollarda, 2-4 ml (40-80 mg) preparat 10-20 ml 0,9% natriy xlorid eritmasida yoki 5% dekstroza eritmasida sekin vena ichiga yuboriladi. 6 yoshgacha bo'lgan bolalarga odatda 10-20 mg dozada kuniga 1-2 marta, 6 yoshdan katta bolalarga - 20 mg dozada kuniga 1-2 marta buyuriladi.
DROTAVERIN 0,02/ML eritma 2ml N10 o'xshash dorilari
Drotaverin boshqa chiqarish shakllari
DROTAVERIN 0,02/ML eritma 2ml N10 analoglari
