No-shpa

• — biliar trakt kasalliklari bilan bog'liq silliq mushaklar spazmlari: o't tosh kasalligi, xoletsistit, perixoletsistit, xolangit, papillit; — siydik chiqarish tizimi silliq mushaklari spazmlari: siydik tosh kasalligi, pielit, tsistit, qovuq tenezmlari; — fiziologik tug'ruqlarda - bachadon bo'yni ochilish fazasini qisqartirish va shu bilan tug'ruqning umumiy davomiyligini qisqartirish (v/i va m/i yuborish uchun eritma uchun). Yordamchi terapiya sifatida: — MTY silliq mushaklari spazmlarida: oshqozon va o'n ikki barmoqli ichak yarasi kasalligi, gastrit, kardiya va pilorus spazmlari, enterit, qabziyat va meteorizm bilan kechuvchi kolit; — zo'riqish bosh og'riqlari (ichish uchun); — ginekologik kasalliklarda (dismenoreya); — kuchli tug'ruq dardlari (v/i va m/i yuborish uchun eritma uchun). Yordamchi vosita sifatida qo'llanilganda preparat tabletkalarni qo'llash imkoni bo'lmaganda parenteral yuboriladi.

• — og‘ir darajadagi buyrak yetishmovchiligi; — og‘ir jigar yetishmovchiligi; — og‘ir yurak yetishmovchiligi (yurakning past otilib chiqish sindromi); — 6 yoshgacha bo‘lgan bolalar (tabletkalar uchun); — bolalar yoshi (parenteral yuborish uchun, chunki bolalarda klinik tadqiqotlar o‘tkazilmagan); — ko‘krak suti bilan boqish davri (klinik ma’lumotlar yo‘q); — kam uchraydigan irsiy galaktozani o‘zlashtira olmaslik, laktaza tanqisligi, glyukoza-galaktoza malabsorbtsiyasi sindromi (tabletkalar uchun, ularning tarkibida laktoza mavjudligi sababli); — preparat komponentlariga yuqori sezuvchanlik; — natriy disulfitiga yuqori sezuvchanlik (v/i va m/i yuborish uchun eritma uchun). Arterial gipotenziyada (kollaps xavfi tufayli), homiladorlikda; bolalarda (tabletkalar uchun) preparat ehtiyotkorlik bilan qo‘llaniladi.

• drotaverin gidroxloridi 40 mg Yordamchi moddalar: magniy stearati - 3 mg, talk - 4 mg, povidon - 6 mg, makkajo‘xori kraxmali - 35 mg, laktoza monogidrati - 52 mg. drotaverin gidroxloridi 20 mg Yordamchi moddalar: natriy metabisulfit, etanol 96%, in'ektsiya uchun suv. Drotaverin gidroxloridi 40 mg Yordamchi moddalar: magniy stearati, talk, polividon, makkajo‘xori kraxmali, laktoza monogidrati. drotaverin gidroxloridi 80 mg Yordamchi moddalar: magniy stearati, talk, povidon, makkajo‘xori kraxmali, laktoza monogidrati. drotaverin gidroxloridi 20mg/40mg - ampula/ Yordamchi moddalar: natriy metabisulfit 2,0 mg, etanol 96% 132,0 mg, in'ektsiya uchun suv 2,0 ml gacha. paratsetamol 500 mg drotaverin gidroxloridi 40 mg kodein fosfati (gemigidrat shaklida) 8 mg Yordamchi moddalar: polividon, temir oksidi sariq (E172), magniy stearati, askorbin kislotasi, krospovidon, talk, makkajo‘xori kraxmali, mikrokristall tsellyuloza, oldindan jelatinlangan kraxmal

• MNT tomonidan: bosh og'rig'i, bosh aylanishi, uyquchanlik. Yurak-qon tomir tizimi tomonidan: arterial gipotenziya, taxikardiya, qizib ketishlar. Ovqat hazm qilish tizimi tomonidan: ko'ngil aynishi, qabziyat; kamdan-kam hollarda (yuqori dozalarda qabul qilinganda va uzoq muddat qo'llanilganda) - jigarning toksik shikastlanishi. Qon yaratish tizimi tomonidan: agranulotsitoz, trombotsitopeniya. Allergik reaktsiyalar: teri toshmasi; juda kamdan-kam hollarda - bronxospazm, burun bo'shlig'i shilliq qavati shishi. Preparat juda yuqori dozalarda qabul qilinganda o'lim holati bo'lishi mumkin (to'qimalarning qaytmas nekrozi). Preparat ko'rsatmalar bo'yicha tavsiya etilgan dozalarda qo'llanilganda nojo'ya ta'sirlar kamdan-kam uchraydi.

• 20 mg/ml 40 mg 80 mg

• Vena ichiga va mushak ichiga yuborish uchun eritma tiniq, yashil-sariq rangli. vena ichiga va mushak ichiga yuborish uchun eritma vena ichiga va mushak ichiga yuborish uchun eritma Tabletkalar Qavariq, cho'zinchoq, yashil yoki zarg'aldoq tusli sariq rangli tabletkalar, bir tomonida "NOSPA" markirovkasi, ikkinchi tomonida - chiziqcha bor Dumaloq, ikki tomonlama qavariq, yashil yoki zarg'aldoq tusli sariq rangli, bir tomonida "spa" markirovkasi bo'lgan tabletkalar. Och-sariq rangli, ochroq va to'qroq dog'lari bo'lgan, uzaytirilgan shaklli, har ikki tomonida bo'lish chiziqchasi bo'lgan tabletkalar. Tabletkalar Tabletkalar

QO‘LLASH BO‘YICHA YO‘RIQNOMA

NO-SHPA^®

NO-SPA^®

Preparatning savdo nomi: NO-SHPA^®/NO-SPA^®

Ta‘sir etuvchi modda (XPN): drotaverin/drotaverine

Dori shakli: tabletkalar

Tarkibi:

1 tabletkada quyidagilar saqlanadi:

Faol modda: 40 mg drotaverin gidroxloridi.

Yordamchi moddalar: magniy stearati (Ye470), talk (Ye533), povidon (Ye1201), makkajo‘xori kraxmali, laktoza monogidrati.

Ta‘rifi: dumaloq, ikki tomonlama qavariq, yashil yoki zarg‘aldoq tusli sariq rangli, bir tomonida “spa” gravirovkasi bo‘lgan tabletkalar

Farmakoterapevtik guruhi: spazmolitik vosita

ATX kodi: A03AD02.

Farmakologik ta‘siri

Farmakodinamikasi

Drotaverin izoxinolin hosilasi bo‘lib, fosfodiesteraza IV (FDE IV) fermentini bostirish yo‘li bilan silliq mushaklarga spazmolitik ta‘sir ko‘rsatadi. Fosfodiesteraza IV fermentining ingibirlanishi sAMF konsentrasiyasini oshishiga olib keladi, bu miozinning kinazasini yengil zanjirini faolsizlantiradi va silliq mushaklarni bo‘shashishiga olib keladi.

Drotaverin FDE IV fermentini in vitro FDE III va FDE V izoenzimlarini ingibirlamasdan ingibirlaydi. FDE IV silliq mushaklarning qisqaruvchanlik qobiliyatini pasaytirilishi uchun funksional juda muhimdir va selektiv ingibitorlar giperkinetik kasalliklarni va me‘da-ichak yo‘llarining spastik holatlar bilan bog‘liq turli kasalliklarni davolashda foydali bo‘lishi mumkin.

Drotaverin yurak-tomir tizimiga nojo‘ya ta‘sir etish qobiliyatiga ega emas, chunki miokard va tomirlarning silliq mushaklari xujayralarda asosan FDE III izoenzimi saqlanadi.

Preparat ham nerv etiologiyali, ham mushak etiologiyali o‘z-o‘zini boshqarish va nerv boshqarilishini buzilishi tomonidan chaqirilgan silliq mushaklarning spazmlarida samarali. Vegetativ innervasiya turidan qat‘iy nazar drotaverin me‘da-ichak, o‘t-safro, urogenital va tomir tizimlaridagi silliq mushaklarga ta‘sir qiladi.

O‘zining tomirlarni kengaytiruvchi ta‘siri tufayli u to‘qimalarda qon aylanishini yaxshilaydi.

Drotaverinning ta‘siri papaverinning ta‘siridan kuchliroq, so‘rilishi esa – tezroq va to‘liqroq, u plazma oqsillari bilan kamroq bog‘lanadi. Drotaverinning afzalligi, uni papaverin parenteral yuborilganidan keyin kuzatiladigan nafas tizimiga rag‘batlantiruvchi ta‘sirga ega emasligidir.

Farmakokinetikasi

Drotaverin peroral qabul qilingandan keyin ham, mushak ichiga yuborilgandan keyin ham tez va to‘liq so‘riladi. U plazma oqsillari bilan, ayniqsa albumin, alfa va beta-globulinlar bilan yuqori darajada bog‘lanadi.

Drotaverin jigarda metabolizmga uchraydi, uning yarimchiqarilish davri 8-10 soatni tashkil qiladi. Plazmada maksimal konsentrasiyasiga ichga qabul qilingandan so‘ng 45-60 minutdan keyin erishiladi.

Jigar orqali birinchi o‘tishdan keyin dozaning 65% qon aylanishida o‘zgarmagan holda bo‘ladi. 72 soat ichida drotaverin organizmdan to‘liq chiqariladi, 50% dan ortig‘i siydik bilan va taxminan 30% – ahlat bilan chiqariladi. Drotaverin asosan metabolitlar ko‘rinishida chiqariladi, siydikda dastlabki birikma aniqlanmaydi.

Qo‘llanilishi

• safro chiqarish yo‘llarining kasalliklari: xolesistolitiaz, xolangolitiaz, xolesistit, perixolesistit, xolangit, papillit bilan bog‘liq bo‘lgan silliq mushaklarning spazmlari.
• siydik yo‘llarining silliq mushaklarining spazmlari: nefrolitiaz, uretrolitiaz, pielit, sistit, qovuqning tenezmlari.
• kelib chiqishi me‘da-ichak yo‘llaridan bo‘lgan silliq mushaklarning spazmlari: me‘da va o‘nikki barmoq ichak yara kasalligi, gastrit, me‘daning kardial va privratnik qismini spazmi, enterit, kolit, qabziyat bilan bo‘lgan spastik kolit va ichak shilliq qavati kolitining meteoristik shakllari.
• tenzion turdagi bosh og‘rig‘i (mushak zo‘riqishi oqibatidagi bosh og‘riqlari, psixogen, stressli, surunkali kundalik bosh og‘rig‘i, transformasiyalangan migren);
• ginekologiyada: og‘riqli hayz ko‘rishlarda.

Qo‘llash usuli va dozalari

Kattalar: odatdagi o‘rtacha doza 120-240 mg ni, ya‘ni kuniga 3-6 tabletkani tashkil qiladi, ularni 2-3 martada qabul qilish kerak. Kattalar uchun bir martalik doza 40-80 mg (1-2 tabletka).

Drotaverinni bolalarda qo‘llanishi klinik sinovlarda baholanmagan.

Drotaverinni bolalarda qabul qilishning zarurati tug‘ilgan hollarda:

6-12 yoshli bolalar: 6 yoshdan katta bolalar uchun tavsiya qilingan sutkalik doza 80 mg, kuniga 2 tabletkani tashkil qiladi, ularni 2 martada qabul qilish kerak. 6-12 yoshli bolalar uchun bir martalik doza – 40 mg (1 tabletka).

12 yoshdan oshgan bolalar: 12 yoshdan katta bolalar uchun tavsiya qilingan sutkalik doza
160 mg, kuniga 4 tabletkani tashkil qiladi, ularni 2-4 martada qabul qilish kerak. 12 yoshdan oshgan bolalar uchun bir martalik doza 40-80 mg ni, ya‘ni 1-2 tabletkani tashkil qiladi.

Nojo‘ya ta‘sirlari

Klinik sinovlarda tadqiqotchilar tomonidan drotaverin bilan bog‘liq quyidagi nojo‘ya samaralar qayd etilgan va quyidagi ko‘rinishlar tez-tezligi keltirilgan: juda ko‘p tarqalgan (>1/10); tarqalgan (>1/100, <1/10); ko‘p tarqalmagan (>1/1000, <1/100); kam (>1/10000, <1/1000); juda kam (<1/10000) va quyidagi tizimlar bo‘yicha tasniflangan:

Me‘da-ichak yo‘llari tomonidan: kam: ko‘ngil aynishi, qabziyat

Nerv tizimini tomonidan: kam: bosh og‘rig‘i, bosh aylanishi, uyqusizlik

Yurak-qon tomir tizimi tomonidan: kam: yurak tez urishi, arterial bosimni pasayishi

Immun tizimi tomonidan buzilishlari: kam: allergik reaksiyalar (angionevrotik shish, eshakemi, toshma, qichishish) (“Qo‘llash mumkin bo‘lmagan holatlar” bo‘limiga qarang).

Nojo‘ya ta‘sirlari paydo bo‘lganida preparatni qabul qilishni to‘xtatish kerak.

Yo‘riqnomada eslatib o‘tilmagan nojo‘ya ta‘sirlari paydo bo‘lganida, bu haqida davolovchi shifokorni xabardor qilish kerak.

Qo‘llash mumkin bo‘lmagan holatlar

• ta‘sir qiluvchi moddaga yoki preparatning har qanday yordamchi moddalariga yuqori sezuvchanlik;
• og‘ir jigar yoki buyrak yetishmovchiligi;
• og‘ir yurak yetishmovchiligi;
• 6 yoshgacha bo‘lgan bolalar.

Dorilarning o‘zaro ta‘siri

No-shpa levodopa bilan birga qo‘llanganida ehtiyotkorlikka rioya qilish kerak, chunki oxirgisini parkinsonizmga qarshi samarasi pasayadi va tremor va rigidlikni kuchayishi kuzatiladi.

Maxsus ko‘rsatmalar

Arterial bosim pasayganida preparatni qo‘llash yuqori ehtiyotkorlikni talab qiladi.

Preparat 52 mg laktoza saqlaydi. Tavsiya qilingan dozalashga muvofiq qabul qilinganida har bir doza 156 mg gacha laktoza saqlaydi. Bu laktozani o‘zlashtiraolmaydigan shaxslarda me‘da-ichak shikoyatlarini chaqirishi mumkin.

Ushbu shakli laktoza tanqisligi, galaktozemiya yoki glyukoza/galaktozaning so‘rilishini buzilish sindromi bo‘lgan bemorlar uchun to‘g‘ri kelmaydi.

Bolalarda qat‘iy ko‘rsatmalar bo‘yicha qo‘llash kerak, chunki drotaverinni bu guruh bemorlarda qo‘llash yetarlicha o‘rganilmagan («Qo‘llanishi» va «Qo‘llash usuli va dozalari» ga qarang).

Homiladorlik va emizish

Hayvonlardagi klinika oldi tekshirishlarning va klinik ma‘lumotlarning retrospektiv tekshirishlarining natijalari, drotaverinni homiladorlik davrida peroral qo‘llash homilaga va uning rivojlanishiga ta‘sir ko‘rsatmasligini ko‘rsatdi. Biroq, preparatni homiladorlik vaqtida buyurishda ehtiyotkorlik kerak.

Zarur klinik ma‘lumotlarning yo‘qligi sababli, laktasiya davrida buyurish tavsiya qilinmaydi.

Avtotransport vositalarini va boshqa mexanizmlarni boshqarish qobiliyatiga ta‘siri

Bosh aylanishi paydo bo‘lganida transportni haydash va stanoklarda ishlash kabi potensial xavfli harakatlarda saqlanish kerak.

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Drotaverinni dozasini oshirib yuborilishi o‘limga olib keluvchi yurak ritmi va o‘tkazuvchanligini buzilishlari, shu jumladan Gis tutami oyoqchalarining to‘liq blokadasi va yurakni to‘xtab qolishini chaqirishi mumkin. Doza oshirib yuborilgan hollarda bemor kuzatuv ostida bo‘lishi hamda simptomatik va samarani bir maromda ushlab turuvchi davolashni olishi lozim. Qusishni qo‘zg‘atish va/yoki me‘dani yuvish tavsiya qilinadi.

Chiqarilish shakli

10 tabletkadan alyuminiy blisterda. 2 blisterdan qo‘llash yo‘riqnomasi bilan birga karton qutida.

24 tabletkadan PVX/alyuminiy blisterda. 1 blisterdan qo‘llash yo‘riqnomasi bilan birga karton qutida.

60 tabletkadan donali dozator bilan jihozlangan polietilen tiqinli polipropilen flakonda.

100 tabletkadan polietilen tiqinli polipropilen flakonda.

1 flakondan qo‘llash bo‘yicha yo‘riqnomasi bilan karton qutida

Saqlash sharoiti

Alyuminiy blister o‘ramdagi tabletkalar: 30^oS dan past haroratda original o‘ramida saqlansin.

PVX/alyuminiy o‘ramdagi tabletkalar: Original o‘ramida, 25^oS dan yuqori bo‘lmagan haroratda, yorug‘likdan himoyalangan joyda saqlansin.

Flakondagi tabletkalar: 25^oS dan yuqori bo‘lmagan haroratda, yorug‘likdan himoyalangan joyda saqlansin.

Yaroqlilik muddati

NO-SHPA^® (drotaverin, 40 mg li tabletkalar o‘ramda №24x1, 40 mg li tabletkalar flakonlarda №60, 100): 3 yil.

NO-SHPA^® (drotaverin, 40 mg li tabletkalar o‘ramda №10x2): 5 yil.

Dorixonalardan berish tartibi

Reseptsiz beriladi.