DYUSPATALIN kapsulalar 200mg N30

So'rilishi
Mebeverin ichga qabul qilingandan so'ng tez va to'liq so'riladi.

Taqsimlanishi
Preparatning takroriy dozalari qabul qilinganda sezilarli to'planish sodir bo'lmaydi.

Metabolizmi
Mebeverin gidroxloridi asosan esterazalar tomonidan metabollanadi, ular birinchi bosqichda efirni verat kislotasi va mebeverin spirtigacha parchalaydi. Plazmada aylanib yuruvchi asosiy metabolit demetillangan karbon kislotasidir. Muvozanatli holatda demetillangan karbon kislotasining yarim chiqarilish davri taxminan 2,45 soatni tashkil qiladi. Takroriy dozalar qabul qilinganda qonda demetillangan karbon kislotasining maksimal kontsentratsiyasi (Cmax) 1670 ng/ml ni, qonda demetillangan karbon kislotasining maksimal kontsentratsiyasiga erishish vaqti (Tmax) — 1 soatni tashkil qiladi.

Chiqarilishi
Mebeverin o'zi organizmdan chiqarilmaydi, balki to'liq metabolizmga uchraydi; uning metabolitlari organizmdan deyarli to'liq chiqariladi. Verat kislotasi buyraklar orqali chiqariladi. Mebeverin spirti ham buyraklar orqali, qisman karbon kislotasi va qisman demetillangan karbon kislotasi ko'rinishida chiqariladi.

Miotrop ta'sirga ega spazmolitik, ichakning normal peristaltikasiga ta'sir qilmasdan oshqozon-ichak trakti silliq mushaklariga to'g'ridan-to'g'ri ta'sir ko'rsatadi. Aniq ta'sir mexanizmi noma'lum, ammo ion kanallari o'tkazuvchanligini pasaytirish, noradrenalinning qayta qamrab olinishini bloklash, mahalliy anesteziya qiluvchi ta'sir, shuningdek suv so'rilishini o'zgartirish kabi ko'plab mexanizmlar mebeverinning oshqozon-ichak traktiga mahalliy ta'sirini keltirib chiqarishi mumkin. Ushbu mexanizmlar orqali mebeverin spazmolitik ta'sirga ega bo'lib, ichak peristaltikasini me'yorlashtiradi va oshqozon-ichak trakti silliq mushak hujayralarining doimiy relaksatsiyasini («gipotoniya») keltirib chiqarmaydi. Tizimli nojo'ya ta'sirlar, shu jumladan antixolinergik ta'sirlar mavjud emas.

Quyidagi nojo'ya hodisalar haqidagi xabarlar postmarketing qo'llanilishi davrida olingan va spontan xarakterga ega bo'lgan; holatlar chastotasini aniq baholash uchun mavjud ma'lumotlar yetarli emas. Allergik reaksiyalar asosan teri qoplamalari tomonidan kuzatilgan, ammo allergiyaning boshqa ko'rinishlari ham qayd etilgan. Teri va teri osti to'qimalari tomonidan buzilishlar: eshakemi, angionevrotik shish, yuz shishi, ekzantema. Immun tizimi tomonidan buzilishlar: o'ta yuqori sezuvchanlik reaksiyalari (anafilaktik reaksiyalar).

Mavjud emas. Homiladorlik. Homilador ayollar tomonidan mebeverin qo'llanilishi bo'yicha ma'lumotlar yetarli emas. Homiladorlik vaqtida Dyuspatalin® ni qo'llash tavsiya etilmaydi. Laktatsiya davri. Mebeverin yoki uning metabolitlari ko'krak sutiga ajralishi noma'lum. Laktatsiya vaqtida Dyuspatalin® ni qabul qilmaslik kerak. Fertillik. Preparatning erkaklar yoki ayollar fertilligiga ta'siri bo'yicha klinik ma'lumotlar yo'q, ammo, hayvonlarda o'tkazilgan tadqiqotlar Dyuspatalin® preparatining noxush ta'sirini ko'rsatmagan. Bolalar. Dyuspatalin® ni ushbu yosh guruhi uchun klinik ma'lumotlar yo'qligi sababli 3 yoshgacha bo'lgan bolalarga qo'llash mumkin emas. 200 mg mebeverin gidroxloridi saqlovchi uzoq ta'sir qiluvchi kapsulalar faol komponentning yuqori miqdori tufayli 3 yoshdan 10 yoshgacha bo'lgan bolalarda qo'llanilmasligi kerak. Avtotransportni boshqarish yoki boshqa mexanizmlar bilan ishlash qobiliyatiga ta'siri. Tadqiqotlar o'tkazilmagan. Preparatning farmakologik xususiyatlari, shuningdek uni qo'llash tajribasi mebeverinning avtomobil va boshqa mexanizmlarni boshqarish qobiliyatiga biror-bir noxush ta'siri haqida guvohlik bermaydi.

Faol moddaga yoki preparatning har qanday nofaol komponentiga o‘ta yuqori sezuvchanlik. Homiladorlik va laktatsiya davri. 10 yoshgacha bo‘lgan bolalar (ushbu shakl uchun).

Faqat ushbu preparatning alkogol bilan o'zaro ta'sirini o'rganish bo'yicha tadqiqotlar o'tkazilgan. Hayvonlarda o'tkazilgan in vitro va in vivo tadqiqotlar Duspatalin^В® preparati va etil spirti o'rtasida har qanday o'zaro ta'sir yo'qligini namoyish etdi.

Kapsulalarni yetarli miqdorda suv (kamida 100 ml) bilan yutish kerak. Kapsulalarni chaynamaslik kerak, chunki ularning qobig‘i preparatning uzoq muddatli ajralib chiqishini ta’minlaydi. Kattalar va 10 yoshdan oshgan bolalar. Sutkasiga 2 marta bitta kapsuladan, bittasi – ertalab va bittasi – kechqurun. Preparatni qabul qilish davomiyligi davolash samarasini yaxshiroq baholash uchun kamida 6-8 haftani tashkil qilishi kerak, garchi simptomlarning yengillashishi 2-4 haftadan keyin sodir bo‘lsa-da. Preparatni qabul qilish davomiyligi cheklanmagan. Bemorlarning maxsus guruhlari: keksa yoshdagi bemorlar, buyrak va/yoki jigar funksiyasi buzilgan bemorlar uchun dozalarni to‘g‘rilash zarur emas.