BIFOLAK MAGNIY kapsulalar 0,5g N30

BIFOLAK®MAGNIY tarkibiga kiruvchi B6 vitamini oshqozon-ichak yo’llarida (OIY) magniyning so'rilishini va uning hujayralarga singishini yaxshilaydi. Shuningdek, u qondagi qand miqdorini normal darajada ushlab turadigan insulin ishlab chiqarilishida hamda his-tuyg’u va kayfiyatni tartibga soluvchi serotonin va dofamin neyromediatorlarining sintezida ishtirok etadi. B1, B2, B6, B9 vitaminlari magniy bilan birgalikda mushaklarni bo'shashtiradi, spazmlarni kamaytiradi, jismoniy mashg'ulotdan keyin tiklanishni tezlashtiradi, yurak-qon tomir va asab tizimlarining, shuningdek, jigarning normal ishlashini ta'minlaydi. Ular energiya ishlab chiqarilishida, yog' va oqsil almashinuvida muhim rol o'ynaydi, uyquni yaxshilashga yordam beradi. B1 vitamini miya va yurakning to'g'ri rivojlanishi va ishlashi uchun zarurdir. B2 vitamini organizmga yog'ni o’zlashtirish va parchalashga yordam beradi, antioksidant ta’sirga ega. B9 vitamini (foliy kislotasi) homiladorlik paytida homilaning to'g'ri shakllanishi, balog'at yoshidagi bolalar va o'spirinlarning o'sishi va rivojlanishi hamda ayollarning salomatligini saqlash uchun zarurdir. BIFOLAK®MAGNIY tarkibiga kiruvchi probiotiklar magniy va B1, B2, B6, B9 vitaminlarining maksimal darajada so'rilishini ta'minlaydi. Milliardlab bifido- va laktobakteriyalar ichak mikroflorasining tez tiklanishiga yordam beradi, oshqozon-ichak yo’llari faoliyatini, moddalar almashinuvi jarayonlarini yaxshilaydi va immunitetni mustahkamlaydi. Probiotik bakteriyalar organizmni ichakdagi zararli moddalar va mikroorganizmlardan tozalashga yordam beradi, organizmning umumiy holatiga va surunkali kasalliklar kechishining yengillashishiga yaxshi ta'sir ko'rsatadi. Prebiotiklar probiotik bakteriyalarning o’sishini faollashtiradi va ularning ijobiy ta'sirini kuchaytiradi.

•    asab tizimini bo'shashtirish, uyquni yaxshilash uchun

•    mushaklarni bo'shashtirish, spazmlarni, tortishishlarni bartaraf etish uchun

•    yurak faoliyatini, arterial qon bosimini normallashtirish uchun

•    qon oqimini yaxshilash, infarkt va insultning oldini olish uchun

•    qandli diabet va semirishda yurak-qon tomir va asab tizimlarini qo'llab-quvvatlash uchun

•    ich qotishida ich kelishini normallashtirish uchun

•    bolalarda qo'zg'aluvchanlikni, giperfaollikni kamaytirish uchun

•    bachadon tonusini kamaytirish va homiladorlik asoratlarining oldini olish uchun

•    homilaning to'g'ri shakllanishi va rivojlanishi uchun

•    hayz paytida, menopauzada ayol o’zini yaxshi his qilishi uchun

•    oral kontratseptivlarni qabul qilishda magniy yetishmovchiligini to'ldirish uchun

Havoning nisbiy namligi 75 % dan yuqori bo'lmagan va +5 °С dan +25 °С gacha bo'lgan haroratda saqlansin.

Yaroqlilik muddati ishlab chiqarilgan sanadan boshlab 2 yil.

•    kattalarga – kuniga 2-3 kapsula.

Ovqatdan keyin iste’mol qilinsin. Qabul qilish davomiyligi: 20-30 kun. Samarasini mustahkamlash uchun 2 kurs qabul qilish tavsiya etiladi. Qabul qilish miqdori va davomiyligi mutaxassis tomonidan individual tavsiya etilishi mumkin. Yosh bolalar uchun qabul qilishdan oldin kapsulani ochib ichidagi ququnni 20-50 ml sovitilgan suyuqlikda (qaynagan suv, sut, bolalar ovqati) aralashtirilsin. 40 °C dan yuqori haroratda bakteriyalar halok bo'lishi mumkin. Hosil qilingan aralashmani yaxshilab aralashtirib, bir martada qabul qilinsin (bolaga ichirilsin). Preparat qo'shib tayyorlangan aralashmani keyingi safar foydalanish uchun qoldirish mumkin emas. Kukun suyuqlikda to'liq erimasligi mumkin, bu uning tarkibidagi tabiiy komponentlarning xususiyatlariga bog'liq bo'lgan tabiiy va normal holatdir.