FEZAM kapsulalar N60

Preparat me'da-ichak yo'llarida tez va to'liq so'riladi. Plazmada piratsetamolning maksimal kontsentratsiyasi 2-6 soatdan keyin hosil bo'ladi. Likvordagi maksimal kontsentratsiya - 2-8 soatdan keyin. Biokiraolishligi 100% ni tashkil qiladi. Plazma oqsillari bilan bog'lanmaydi. Barcha a'zolar va to'qimalarga kirib boradi, yo'ldosh to'sig'idan o'tadi. Bosh miya po'stlog'ida, asosan, peshana, tepa va ensa bo'laklarida, miyacha va bazal gangliylarda tanlab to'planadi. Metabolizmga uchramaydi. 30 soatdan keyin 95% dan ortig'i buyraklar orqali chiqariladi.

Plazmada sinnarizinning maksimal kontsentratsiyasi 1-4 soatdan keyin hosil bo'ladi. Plazma oqsillari bilan 91% ga bog'lanadi. Faol va to'liq metabolizmga uchraydi. Yarim chiqarilish davri 4 soatni tashkil qiladi. Metabolitlarning 1/3 qismi siydik bilan, 2/3 qismi - axlat bilan chiqariladi.

Juda kam hollarda yuqori sezuvchanlik

reaksiyalari - teri toshmasi, dermatit, qichishish,

shish, fotosensibilizatsiya ko'rinishidagi allergik

reaksiyalar.

Oshqozon-ichak trakti tomonidan: alohida

hollarda kuchli

so'lak ajralishi, ko'ngil aynishi, qusish, diareya,

qorinda og'riqlar bo'lishi mumkin.

Markaziy va periferik

nerv tizimi tomonidan: giperkineziya, asabiylik,

uyquchanlik, depressiya; yakkaxon hollarda

- bosh aylanishi, bosh og'riqlari, ataksiya,

muvozanat buzilishi, uyqusizlik,

sarosimaga tushish, qo'zg'alish, havotir,

gallyucinatsiyalar.

Boshqalar: seksual faollikning oshishi.

Keksa pasientlarda uzoq muddatli terapiyada tremor paydo bo'lishi mumkin.

Preparatni jigar va/yoki buyrak kasalliklari bo‘lgan shaxslarga ehtiyotkorlik bilan tayinlash kerak. Yengil va o‘rtacha buyrak yetishmovchiligi hollarida (ayniqsa, agar kreatinin klirensi 60 ml/daq dan kam bo‘lsa) terapevtik dozani kamaytirish yoki qabul qilishlar o‘rtasidagi intervallarni uzaytirish kerak. Jigar funksiyasi buzilgan shaxslarda jigar fermentlari miqdorini nazorat qilish zarur.

Davolash vaqtida alkogol iste'mol qilishdan saqlanish kerak.

Preparatni Parkinson kasalligida ehtiyotkorlik bilan tayinlash kerak.

Preparat sportchilarda doping vositalarini nazorat qilishda musbat reaksiya paydo bo‘lishiga sabab bo‘lishi mumkin

• Piratsetamga,

sinnarizinga yoki preparat tarkibiga kiruvchi

har qanday yordamchi moddalarga

yuqori sezuvchanlik;

• Og‘ir buyrak (kreatinin klirensi
20 ml/min) va/yoki jigar

yetishmovchiligi;

• Preparat tayinlash paytidagi psixomotor qo‘zg‘alish;

• Gentington xoreyasi;

• 5 yoshgacha bo‘lgan bolalar;

• Homiladorlik va laktatsiya davri;

• Gemorragik insult;

• Kam uchraydigan irsiy kasalliklar: galaktozani o‘zlashtira olmaslik, laktaza yetishmovchiligi yoki glyukoza-galaktoza malabsorbtsiyasi bo‘lgan bemorlar (laktoza monogidratini saqlaydi).

EHTIYOTKORLIK BILAN

Parkinson kasalligi; ko‘z ichi bosimining oshishi

bilan bog‘liq holatlar;

jigar va/yoki buyrak funksiyasi buzilishi, gemostazning buzilishi, og‘ir qon ketish.

Bir vaqtda qabul qilinganda markaziy asab tizimi faoliyatini susaytiruvchi vositalar, shuningdek alkogol, nootrop va gipotenziv vositalarning sedativ ta'siri kuchayishi mumkin. Tomirlarni kengaytiruvchi vositalar preparat ta'sirini kuchaytiradi. Antipsixotik dori vositalari va tritsiklik antidepressantlarning o'zlashtirilishini yaxshilaydi.